ޒޯން ތިނެއްގެ ރީޖަނަލް ވޭސްޓް މެނޭޖްމަންޓް ސެންޓަރުގެ ސްޓަޑީތައް ހެދުމަށް ބަޔަކާ ހަވާލުކޮށްފި

އެންވަޔަރްމަންޓް މިނިސްޓްރީގެ ޑެޕިއުޓީ މިނިސްޓަރު އަލީ އާމިރު (ކ) އަދި ވޯޓާ ސޮލިއުޝަންގެ ޑިރެކްޓަރު ޝާހު މިއަދު އެއްބަސްވުމުގައި ސޮއިކުރެއްވުމަށް ފަހު އެއްބަސްވުން ބަދަލުކުރަނީ.--- ފޮޓޯ: އެންވަޔަރްމަންޓް މިނިސްޓްރީ

އާސިމާ ނިޒާރު، މިހާރު

27 ޑިސެމްބަރ 2016 - 14:46

3 comments

ޒޯން ތިނެއްގައި ހިމެނޭ ރަށްތަކުގެ ރީޖަނަލް ވޭސްޓް މެނޭޖްމަންޓު ސެންޓަރު، ތިލަފުށީގައި ގާއިމްކުރުމުގެ ފީޒިބިިލިޓީ ސްޓަޑީ ހެދުމަށް 5.1 މިލިއަން ރުފިޔާ އަށް މިއަދު ބަޔަކާ ހަވާލުކޮށްފި އެވެ.

ޒޯން ތިނެއްގައި ހިމެނޭ އއ. އަތޮޅު، ކ. އަތޮޅު އަދި ވ. އަތޮޅުގެ ކުނި ނައްތާލާ ނިޒާމުގެ ފީޒިބިލިޓީ ސްޓަޑީގެ މަސައްކަތް އެންވަޔަރްމަންޓް މިނިސްޓްރީން ހަވާލުކުުރީ ވޯޓާ ސޮލިއުޝަން ކުންފުންޏާ އެވެ. މި މަސައްކަތް އެ ކުންފުނިން ނިންމަން ކަނޑައަޅާފައި ވަނީ އަށް މަސް ދުވަހުގެ ތެރޭގަ އެވެ.

ވޯޓާ ސޮލިއުޝަން އިން މަސައްކަތް ކުރާނީ، ޖަރުމަނުގެ ކުންފުންޏެއް ކަމަށްވާ ކޮކްސް ކޮންސަލްޓާ ގުޅިގެންނެވެ.

މިއަދު ބޭއްވި ރަސްމިއްޔާތެއްގައި މަސައްކަތުގެ އެއްބަސްވުމުގައި ތިމާވެއްޓާ ބެހޭ މިނިސްޓްރީގެ ފަރާތުން ސޮއިކުރެއްވީ ޑެޕިއުޓީ މިނިސްޓަރު އަލީ އާމިރެވެ. ވޯޓާ ސޮލިއުޝަން އިން ސޮއިކުރެއްވީ އެ ކުންފުނީގެ ޑިރެކްޓަރު ހަސަން ޝާހު އެވެ.

އެއްބަސްވުމުގައި ސޮއިކުރެއްވުމަށް ފަހު ވާހަކަ ދައްކަވަމުން އާމިރު ވިދާޅުވީ މި އެއްބަސްވުމުގެ ތެރެއިން ވަރަށް މުހިއްމު މަސައްކަތްތަކެއް ކުރެވިގެންދާނެ ކަމަށެވެ. އޭގެ ތެރޭގައި ހިމެނެނީ އޭނާ ވިދާޅުވި ގޮތުގައި، ކުނި މެނޭޖުކުރަން ތިލަފުށިން ހިއްކާ ބިމުގެ އީއައިއޭ ހެދުމެވެ. އީއައިއޭ އަށް ފަހު، ވޭސްޓް މެނޭޖްމަންޓް ސެންޓަރު ގާއިމްކުރާނެ މަރުކަޒު ހަދަން ބަޔަކާ ހަވާލު ކުރާނެ ކަމަށް އާމިރު ވިދާޅުވި އެވެ.

ޒޯން ތިނެއްގެ އިތުރުން މާލޭގެ ސަރަހައްދުގެ ކުނި ނައްތާލުމަށް ބޭނުންވާ އުޅަނދުުތަކުގެ އިންޖިނިއަރިން ސްޓަޑީއެއް ވެސް ހަދާނެ ކަމަށް އާމިރު ވިދާޅުވި އެވެ.

އޭނާ ވިދާޅުވީ ތިލަފުށީގައި ގާއިމްކުރާ ވޭސްޓް މެނޭޖްމަންޓު ސެންޓަރުން، ކުނި އުފައްދައިގެން ހަކަތަ އުފައްދެމުގެ މަސައްކަތް ވެސް ކުރާނެ ކަމަށެވެ.

"މި ސިސްޓަމް ނިމިގެން ދިޔައީމަ ހަރަދުކުރާ އެއްޗަކަށް ވުރެ ލިބިގެންދާ އެއްޗެއް ވަރަށް ގިނަވޭ. ރަނގަޅު ވިޔަފާރިއަކަށް ވެގެން ދާނެ،" އާމިރު ވިދާޅުވި އެވެ.

ތިމާވެށި އެންވަޔަރްމެންޓް މިނިސްޓްރީ ކުނި ވޭސްޓް މެނެޖްމެންޓް

3 ކޮމެންޓް, 1 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އިސްމާލް

29 December 2016

5.1 މިލިއަނުން މުޅި ރާއްޖޭގެ އިސްޓަޑީ ހެދޭނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެމޭޒިންގް

27 December 2016

ޒޯން ތިނެއްގެ ރީޖަނަލް ވޭސްޓް މެނޭޖްމަންޓް ސްޓަޑީ ހަދަން ރާއްޖޭގެ ބަޔަކާއި ހަވާލު ކުރެވުނު ކަން އިޓް ގިވްސް އަސް އަ ހެޕީ އެން ޖޯއިފުލް ގިވިންގް ދޯ. މަމެން މިއުޅެނީ އަންނަ އަހަރު ވަރަށް ލާރޖް ކޮށް މާލެ ސަރަހައްދުގައި ކުނި ތައް ނައްތާލުމުގެ މަސައްކަތް ކުރަން.. މިފެންވަރަށް އެމެންނަށް މިކަން ކުރަން ނޭގުނީ އެއީ އެމެން ކޮރަޕްޝަން ކުރިއަށް ނެރެގެން އިންޑިއާ ޓަޓްވާ މެދުވެރިކޮށް ކަޓް ކާން އުޅުނީމަ އޭ މަމެން ބުނަން ނެތީމު އިނގޭ. ކޮންމެ އަކަސް މަމެން މިކަން މިކުރަނީ އެއީ ސަރުކާރުގެ ކުންފުންނެއް ކަމުގައިވާ ވެމްކޯ މެދުވެރިކޮށް މިކަން ވަރަށް ބިއުޓިފުލް އެން އޯސަމް އެން ފްލޯލެސް އުސޫލުން ނެވެ. އިޒިންޓް އިޓް އެމޭޒިންގް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަރީ

27 December 2016

ކަލޭމެން އަދިވެސް ސުޓަޑީ ކޮއްކޮއް ތިބޭ...، ރައީސް ޔާމީނައް އަޅުގަނދު ދަންނަވާލަން ބޭނުމީ މިކަހަލަ ކަންކަން ނުކުރެވޭ ބޭކާރު އަނގަތަޅަތަޅާ ތިބޭ އެންމެން ސަރުކާރުގެ އޮފީސްތަކުން ބޭރުކޮއް..އަމަލީގޮތުން ކަންކަން ތަނފީޒުކުރެވޭ ބަޔަކު ލައިދެއްވަން މަނިކުފާނު މަސައްކަތްކުރައްވައިދެއްވާށެ..