ލަންކާގެ ބޮޑުވަޒީރު ރަނިލް. --ފޮޓޯ:އޭއެފްޕީ
28 މެއި 2022 - 13:17
1 comments
ކޮލަމްބޯ (މެއި 28) - އިގްތިސާދު ފުނޑިފައިވާ ސްރީ ލަންކާ އިން ޗައިނާގެ އެހީ ހޯދި ނަމަވެސް އިންޑިއާއާ އެކު އޮންނަ ގުޅުން ހީނަރުނުވާނެ ކަމަށް ބޮޑުވަޒީރު ރަނިލް ވިކްރަމަސިންހަ ވިދާޅުވެއްޖެ އެވެ.
ފައިނޭންޝަލް ޓައިމްސް އަށް ދެއްވި އިންޓަވިއުއެއްގައި ރަނިލް ވިދާޅުވީ ހާލުގައި އޮތް ލަންކާ އަށް ޗައިނާގެ އެހީ މުހިންމު ކަމަށާއި އެ އެހީގެ ސަބަބުން އަވަށްޓެރި ގައުމުތަކުގެ ގުޅުމަށް އަސަރު ނުކުރާނެ ކަމަށެވެ.
އިންޑިއާ އިން ވެސް ދަނީ ލަންކާ އަށް އެހީވަމުންނެވެ. ލަންކާ އިން އައިއެމްއެފް މެދުވެރިކޮށް އެހީގެ ޕެކޭޖް ހޯދުމަށް ވެސް އިންޑިއާ އިން ދަނީ އެހީތެރިވަމުންނެވެ. ކްރެޑިޓް ލައިނާއި ސްވެޕް އަދި އެހެން އެހީގެ ގޮތުގައި އިންޑިއާ އިން ލަންކާ އަށް ދިން އެހީ މިހާރު ތިން ބިލިއަން ޑޮލަރަށް އަރަ އެވެ.
އިންޑިއާގެ އެހީތެރިކަން ކިތަންމެ ބޮޑު ނަމަވެސް ރަނިލް ވިދާޅުވީ ޗައިނާ އާއި ޖަޕާނުގެ އެހީ ހޯދަން ވެސް ލަންކާ އަށް މަޖްބޫރު ކަމަށެވެ.
ލަންކާ އިން ޗައިނާ އަށް ދަރާފައިވާ ދަރަނި 3.5 ބިލިއަން ޑޮލަރަށް އަރަ އެވެ. ނަަމަވެސް ދަރަނި ރިސްޓްރަކްޗާ ކުރުމާ ގުޅޭ ގޮތުން މަޝްވަރާކުރުމަށް ޗައިނާ އިން އެއްބަސްވެފައެއް ނުވެ އެވެ. އޭގެ ބަދަލުގައި ޗައިނާ އިން ވަނީ ލަންކާ އަށް އިތުރު ލޯނު ދޭން އެއްބަސްވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދަތްނެތްކުއްޖާ
28 May 2022
ލޯނުވެސް އެވެރިންދޭނެ. އެވެރިންގެ ބޭނުމަކީ ލަންކާގައި އެވެރިންގެ ވެރިކަން ކުރުން އަދި ލަންކާގައި އެވެރިންގެ މިލިޓަރީ ބޭސް އެއް ހެދުން. މިކަން އެވެރިން ކުރާނެ ޤާނޫނު އަސާސީ އަށް ބަދަލު ގެނެސްގެން. ލަންކާ އަށް މިހިރަ މިހިރަ ކަންކަން ކުރަން މަޖުބޫރު ވާނެ. އެހެންވެގެން ޗައިނާ އިން ދޫކޮއްފައިވާ ލޯނުތަކަށް ލުއެއް ނުދީ އަދިވެސް މަތި މައްޗަށް ލޯނު ދެމުން އެގެންދަނީ.