ޕާޓީތަކުން ހުށަހަޅާ ސައްހަ ނޫން ކޮންމެ ފޯމަކަށް 10،000ރ.ގެ ޖޫރިމަނާއެއް!

ކޮމިޝަންގެ ރައީސް ފުއާދު ތައުފީގާއި ނައިބު ރައީސް އިސްމާއިލް ހަބީބް އީސީގެ ބައްދަލުވުމެއްގައި.

ފަޒީނާ އަހުމަދު، މިހާރު

01 ޖޫން 2022 - 11:59

ސިޔާސީ ޕާޓީތަކަށް މީހުން ވަގަށް ވައްދާ މައްސަލަ ހައްލުކުރުމަށް، ޕާޓީތައް ބޮޑު އަދަދުން ޖޫރިމަނާ ކުރާ ގޮތަށް އިލެކްޝަންސް ކޮމިޝަނުން މިއަދު ނިންމައިފި އެވެ.

އެ ކޮމިޝަނުން ބުނީ ޕާޓީތަކުން ހުށަހަޅާ ސައްހަ ނޫން ކޮންމެ ފޯމަކަށް އެ ޕާޓީއެއް 10،000ރ. އިން ޖޫރިމަނާ ކުރާނެ ކަމަށެވެ. އެއާއެކު ޕާޓީތަކުގެ ރަޖިސްޓްރާ ވެސް ޖޫރިމަނާކުރަން ނިންމާފައިވާ ކަމަށެވެ.

"އޭޕްރީލް އެކަކުން ފެށިގެން، ޕާޓީ އަކުން ހުށަހަޅާފައިވާ ސައްހަ ނޫން ކޮންމެ ފޯމަކަށް ޕާޓީ 10،000 ރުފިޔާ، ރަޖިސްޓްރާ ފުރަތަމަ ފަހަރު 5،000 ރުފިޔާ، ދެވަނަ ފަހަރުން ފެށިގެން 10،000 ރުފިޔާ ޖުރިމަނާ ކުރަން ފަށާގޮތަށް މިއަދު ކޮމިޝަނުން ނިންމައިފި،" އިލެކްޝަންސްގެ ނައިބު ރައީސް އިސްމާއިލް ހަބީބް ކުރެއްވި ޓުވީޓުގައި ވިދާޅުވި އެވެ.

Vaikaradhoo dhaairaa ge Member Ziyad MNP gai registry koffi

The most trusted news source in the Maldives

Mihaaru

ހަބީބު ވިދާޅުވި ގޮތުގައި މިގެނައި ބަދަލާ އެކު، ހަ މަސް ދުވަހުގެ ތެރޭގައި ބަދަލެއް ނުފެނިއްޖެ ނަމަ، އިތުރު ފިޔަވަޅެއް ވެސް ތަންފީކުރަން ފަށާނެ އެވެ. އެއީ ޕާޓީއަށް ވަންނަން އެދި ހުށަހަޅާ ފޯމުގައި ސޮއިކޮށްފައިވާ ހެކި ވެރިން ވެސް 5،000ރ. ޖޫރިމަނާކުރަން ފެށުމެވެ.

"އަނެއް ކަމަކަށް، އޮގަސްޓް އެކަކުން ފެށިގެން ޕާޓީތަކުގެ ދަފްތަރު އަޅުގަނޑުމެން އާއްމުކުރަން ފަށާނަން،" އޭނާ ވިދާޅުވި އެވެ.

އިލެކްޝަންސް ކޮމިޝަނުން މިގޮތަށް ނިންމީ ޕާޓީތަކަށް ވަގަށް މީހުން ވައްދާ މައްސަލަ ހައްލުކުރުމަށެވެ.

ޕާޓީތަކުގެ އިސް މަގާމްތައް ފުރުއްވާ މީހުން ވެސް އެކި ޕާޓީތަކުުގައި ރަޖިސްޓްރީކުރުވާފައި އެބަހުއްޓެވެ. އީސީން ބުނަނީ މިކަމުގައި އެ ކޮމިޝަނުގެ އިހުމާލެއް ނެތް ކަމަށެވެ. އެކަމަކު ޕާޓީތަކުން ދަނީ ކޮމިޝަނުގެ މައްސަލަތަކެއް ވެސް ދައްކަމުންނެވެ.

2021 އޮކްޓޯބަރ 1 އިން ފެށިގެން ޕާޓީތަކުން ހުށަހަޅާފައިވާ ފޯމުތަކުގެ ސައްޙަކަން ކަށަވަރުކޮށް، ވަގު ފޯމު ހުށަހަޅައިގެން ޕާޓީ ބަދަލުވެފައިވާ ފަރާތްތައް އިތުރު ފޯމެއް ފުރުމެއް ނެތި ކުރިން ތިބި ޕާޓީއަށް ބަދަލުކޮށްދޭން @ElectionsMv ޖެހޭނެ! @FuwadThowfeek @IsmailHabeeb @ProgressPartyMV pic.twitter.com/b4KcVqO1PP
— Mohamed Tholal (@Tholal) May 31, 2022

ސިޔާސީ ޕާޓީތަކުން ހުށަހަޅާ މެމްބަރުންގެ ފޯމުތައް ކަށަވަރު ކުރުމަށްޓަކައި ސޮއިކުރާ މީހާގެ ނަން އީސީން މިހާރު އަންނަނީ އާއްމުކުރަމުންނެވެ. ފޯމު ހުށަހަޅާ މީހުންގެ ފޯނަށް މެސެޖެއް ވެސް ފޮނުވަ އެވެ. މިއީ ވެސް ޕާޓީތަކަށް ވަންނަ މީހުންގެ ފޯމު އޮޅުވާލައި އެހެން ޕާޓީތަކަށް ބަދަލުކުރާ ކަމުގެ ތުހުމަތު ބޮޑުވުމުން އީސީން އެޅި ފިޔަވަޅެކެވެ.

އިލެކްޝަންސް ކޮމިޝަން އެމްޑީޕީ ޕީޕީއެމް މޯލްޑިވްސް ނޭޝަނަލް ޕާޓީ (އެމްއެންޕީ) ސިޔާސީ ޕާޓީ އަދާލަތު ޕާޓީ

42 ކޮމެންޓް, 10 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ފޯމުވެރިފައިކުރުން

02 June 2022

ފޯމުގައި ޖަހައިފަ އިންނަ ފިންގަ ޕްރިންޓް ވެރިފައި ނުކުރެވޭނަމަ އެފަރާތްތަކައް ގުޅައިގެން ވެރިފައިކުރަންވީނު. ވެރިފައިނުކުރެވޭ ފޯމުތައް ކެންސަލްކުރަންވީނު. އެއީކީ މިލިޔަން ރުފިޔާ ބޭނުންވާނެކަމެއް ނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މެކޭ

02 June 2022

ހުރިހާ ޕާޓީއަކުން ވެސް ހުށަހަޅަނީ ސައްހަ ފޯރމް. އެއީ އިލެކްޝަންސް އިން އެކަމަށް ކަނޑައަޅާފައި އިންނަ ފޯރމް. އެކަމަކު ފޯރމެއް ސައްހަކަމަށް ވާނީ އޭގައި ހުންނަ މައުލޫމާތު ދިމާވާނަމަ. އައި.ޑީ ކާރޑު ކޮޕީއެއް ވަގަށް ނަގައިގެން ސޮއި ފޯރޖްކޮށް އެހެން މީހެއްގެ ފިންގަރ ޕްރިންޓް ޖަހައިގެން ދޮގު ހެކިވެރިންގެ ސޮޔާއިއެކު ހުށަހަޅާ ފޯރމްގެ ސައްހަކަން ބެލުމަކީ އިލެކްޝަންސްގެ ޒިންމާއަކަށް ވާން އެބަޖެހޭ. މައްސަލައެއް ހުށަހެޅުމަކުން ނޫން ކޮންމެހެން އެ ބަލަން ޖެހޭނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގުއިރޯނު

02 June 2022

ހެކިންގެ ގޮތުގައި ވަގު ފޯރމް ތަކުގަ ސޮއި ކުރާ މީހުނަށް އެއްވެސް އަދަބެއް ނެތް. ދޮގު ހެކި ދިނުމަކީ ޤާނޫނީ ބޮޑު ކުށެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުމީހާ

02 June 2022

ނުވާ ވަރުގެ ވައުދު ނުވިއްޔާ ރަގަޅީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަރުދާސްފޯމު

01 June 2022

އިލެކްޝަންސް ގެ ކަންކަން ވެސް ހުންނަނީ ޕާޓީތަކަށް ވަގު މެމްބަރުން ވައްދަން ފަސޭހަގޮތަށް މަގުފަހިކޮށްދީފަ. ރައްޔިތު މީހާއަށް ނޭނގި ޕާޓީގެ ދަފްތަރަށް އަރާއިރު އެކަންކަން ރިޕޯޓު ކުރެވޭނެ ފަސޭހަ ވަސީލަތެއްވެސް އިލެކްޝަންސްގައި ނެތް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

01 June 2022

ފައިސާ އާ ހެދި އުޅޭ ބައެކެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަން ނިހާދު

01 June 2022

އިލެކްޝަން ވެސް ކޮއްރޮޕުޝަން ތެރެއަށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހައްޕު

01 June 2022

ސާބަހޭ ފޯޑު. ޔާން ޕާޓީ އެންމެ ގިނައިން ފޭކު ފޯމް ހުށައެޅީ. އެއްކަލަ ލާރިގަނޑު ތިގޮތުންނަމވެސް އެމަނިއްޕުޅު އަތުން ހޯދަން އެބަޖެހޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަޖަމިސްތާނުގެ ހަޖަމްނުވި މީހާ

01 June 2022

އާނ މިހާރު އެބަ ރަނގަޅުވޭ. ދައުލަތުގެ ބަޖެޓަށް މިހާ ބާރުބޮޑުވެފައޮތް ދުވަސްވަރެއްގަ ފައިސާފޮއްޗެއް ލިބެން އޮތިއްޔާ ކޮންމެހެންވެސް ހޯދަންވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީ އަސްފާގު

01 June 2022

ތިޔައީ ވަރަށް ރަގަޅު ނިންމުމެއް. އެކަމު ތިޔަ އަދަދު ތަންކޮޅެއް ބޮޑު ކަމަށްފެނޭ. އަދި ތިޔަ ފައިސާ އިން ކުރާނީ ކީއްތޯ އާއި ތިޔަ ފައިސާ ވަންނާނީ ކޮން އެކައުންޓަކަށްތޯ އަހާލެވިދާނެތޯ