ތިން މީހަކު ނުވަ އަހަރު ސަސްޕެންޝަންގައި، 1.9 މިލިއަން ދައުލަތުން ދޭން ޖެހިއްޖެ

ހާއްސައަށް ބޭނުންވާ މީހުންގެ މަރުކަޒު: އެތަނުގެ ތިން މުވައްޒަފަކު ނުވަ އަހަރު ވަންދެން ސަސްޕެންޑްކޮށްފައި ބޭތިއްބި މައްސަލާގައި 1.9 މިލިއަން ދައްކަން ވަނީ އަމުރު ކޮށްފައި -- ފޮޓޯ/މިހާރު

މުއިއްޒު އިބްރާހިމް، މިހާރު

02 ޖޫން 2022 - 21:10

32 comments

ނުވަ އަހަރު ވަންދެން ވަޒީފާ އިން ސަސްޕެންޑް ކޮށްފައި ތިބި ތިން މީހަކަށް 1.9 މިލިއަން ރުފިޔާ ދައްކަން ސިވިލް ސާވިސް ކޮމިޝަން (ސީއެސްސީ) ގެ މައްޗަށް ވަޒީފާއާ ބެހޭ ޓްރައިބިއުނަލުން އަމުރުކޮށްފި އެވެ.

ކ. ގުރައިދޫގައި ހުންނަ ޚާއްސަ އެހީއަށް ބޭނުންވާ މީހުންގެ މަރުކަޒުގައި މަސައްކަތްކުރި ތިން މުވައްޒަފުން 2013 ވަނަ އަހަރު ސަސްޕެންޑްކުރީ އެ ތަނުގައި ތިބި ކުދިންތަކަކަށް ޖިންސީ ގޯނާކުރި ކަމަށް ތުހުމަތުކޮށެވެ. އެ މީހުންނަށް ޖިންސީ ގޯނާގެ ދައުވާކުރި ނަމަވެސް ކުށް ސާބިތު ނުވާ ކަމަށް 2017 ވަނަ އަހަރު ކްރިމިނަލް ކޯޓުން ނިންމި އެވެ.

ސަސްޕެންޝަންގައި ނުވަ އަހަރު ބޭތިއްބުމަށް ފަހު، އެ މީހުން ވަޒީފާ އިން ވަކިކުރީ މިދިޔަ އަހަރުގެ މޭ މަހު އެވެ.

ވަޒީފާ އަނބުރާ ހޯދުމަށާއި ގެއްލުނު މުއްދަތުގެ މުސާރަ އާއި އިނާޔަތްތައް ހޯދަން އެ މީހުން ދައުވާ ކުރުމުން ޓްރައިބިއުނަލުން މިދިޔަ ހަފުތާގައި އަމުރުކުރީ އެ މީހުންނަށް އަނބުރާ ވަޒީފާ ދޭންޖެހޭ ސަބަބެއް ނެތަސް، ނުވަ އަހަރު ވަންދެން ސަސްޕެންޝަންގައި ތިބި މުއްދަތުގެ މުސާރަ ދޭންޖެހޭނެ ކަމަށެވެ.

އޭގެ ތެރެއިން އެކަކަށް ނުވަ އަހަރުގެ މުސާރައިގެ ގޮތުގައި އަށް ލައްކަ ވުރެ ގިނަ ރުފިޔާ އާއި އެ މުއްދަތުގެ ރޯދަމަހުގެ އިނާޔަތަށްވާ 25،000ރ. އާއި އަދުލުވެރި ބަދަލެއްގެ ގޮތުން އިތުރު 32،000ރ. ދޭން ޓްރައިބިއުނަލުން އެންގި އެވެ.

ދެވަނަ މީހާއަށް ފަސް ލައްކަ ރުފިޔާ އާއި ނުވަ އަހަރުގެ ރޯދަމަހުގެ އިނާޔަތަށްވާ 25،000ރ. ގެ އިތުރުން އަދުލުވެރި ބަދަލެއްގެ ގޮތުން 20،000ރ. ދޭން އެންގި އެވެ.

ތިން ވަނަ މީހާ އަށް 499،000ރ. އާއި ރޯދަމަހުގެ އިނާޔަތަށްވާ 25،000ރ. ގެ އިތުރުން އަދުލުވެރި ބަދަލެއްގެ ގޮތުން 20،000ރ. ދޭން ޖެހެ އެވެ.

ތިން މީހުންނަށް އަދުލުވެރި ބަދަލެއް ނަގައިދިނީ އެ މީހުން ވަކިކުރުމުގެ އިޖުރާއީ އަދުލުވެރިކަން ގާއިމު ކޮށްފައި ނުވާތީ އެވެ.

އެ މައްސަލާގައި ތުުހުމަތު ކުރެވުނު ހަތަރު ވަނަ މީހާ ސަސްޕެންޑް ކޮށްފައެއް ނުވެ އެވެ. އެކަމަކު އޭނާ ވެސް މިދިޔަ އަހަރު ވަޒީފާ އިން ވަކިކުރި އެވެ.

އޭނާގެ މައްސަލާގައި ޓްރައިބިއުނަލުން އެންގީ ވަކިކުރުމުގައި އިޖުރާއީ އަދުލުވެރިކަން ގާއިމު ނުކުރާތީ 17،000ރ. ގެ ބަދަލެއް ދިނުމަށެވެ.

ސިވިލް ސާވިސް ސިވިލް ސާވިސް ކޮމިޝަން ވަޒީފާ ވަޒީފާއާބެހޭ ޓްރައިބިއުނަލް ސޯޝަލް އެންޑް ފެމިލީ ޑިވެލޮޕްމަންޓް މިނިސްޓްރީ

32 ކޮމެންޓް, 30 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޒަންޖަބީލު

04 June 2022

ގާޒީން. އެމީހުން އެ 9 އަހަރު ވަޒިފާ އަދާ ކުރަން ޖެހޭތަނަށް އެއްވެސް ޚިދުމަތެއް ނުދިނަސް ބަދަލުގެ ގޮތުގައި ފުރިހަމަ މުސާރަ ދޭން ޖެހޭކަމަށް ނިންމީ ބުއްދީގެ ހަމައިން ދެފަރާތަށް ގެއްލުން ނުވާގޮތަށް ބާ؟ އަދި އެ 9 އަހަރު މަސައްކަތު ވަގުތުތަކުގައި އެމީހުން އެއްވެސް އާމްދަނީއެއް ނުހޯދާ ސަސްޕެންޑް ވެގެްނ ހަމަ ގޭގައި ތިބީ ތޯ ވެސް ބަލާނުލަން ތޯ؟ އަހަރަމެން ޓެކްސް ޕޭޔަރުން ދައުލަތާއި ހަވާލުކުރާ ލާރިއަށް މިވާ ގޮތެއް ދޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙަސަދަ

03 June 2022

މީހަކަށް ހެޔޮގޮތެއް ވެއްޖެއްޔާ ދިވެހިން އެކަމާއި ހަސަދަވެރިވާވަރު ކޮމެންޓްތަކުން ދޭހަވެއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މ‫ުޙުއްމާ

03 June 2022

ނުވަ އަހަރުންތަ ތިމައްސަލަ ޙައްލުވީ. ތިމައްސަލަ ބެލި މީހެއްގެއަތުން ތިލާރި ނަގާދޭން ފެނޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުމީހާ

03 June 2022

މިކަމުގައި ކުށްވެރިވާނެ އިސްވެރިއެއްވެސް ނެތީތަ. ހާދަހާ މޮޅު ވިޔަފާރިއެކޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފެއިލް ސަރުކާރު

03 June 2022

ބަދަލު ދޭ ބަދަލު ނަގައިދޭ ސަރުކާރު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލިބެ

03 June 2022

ސަސްޕެންޑުކުރަން އެންގުމީހާޔާ ވަޒީފާއިން ވަކިކުރިމީހުންގެ އަތުން ތިބައި ނަގަން ޖެހޭ. ތީ ބޮޑު އިހުމާލެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަހީދު

03 June 2022

މިގޮތަށް ކަންތައް ކުރި މުއައްޒަފުންނަށް އިދާރީ ގޮތުން ދޭން ޖެހޭ އަދަބު ވެސް ދޭން ޖެހޭނެ. ވަރަށް ގިނަ ފަހަރަށް ވެރިއަކަށް ހުންނަ މީހާ އަންގައިގެން ސަސްބެންޑް ކުރުމާއި ވަޒީފާއިން ވަކިކުރުން ކަހަކަލަ ކަންކަން ކުރޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ާއަބްުދުއްލާ ސައީދު

03 June 2022

ނޫނޭ. މުވައްޒަފުން ސަސްޕެންޑްކޮށް އަދި ސަސްޕެންޝަން އުވާލަނީ ސިވިލް ސާވިސް ކަމިޝަނުގެ މެންބަރުންގެ ޖަލްސާއަކުން. އިދާރީ މުވައްޒަފުންނަށް އެކަން ނުކުރެވޭނެ. ކުއްވެރިވާނީ ކަމިޝަނުގެ މެންބަރުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަރުމޯލުންގެ ޚަރާބު

03 June 2022

ވަޒީފާ ސަސްޕެންޑް ވިއަސް އުމުރުދުވަހަށް ނޫނީ 9 އަހަރު މަސައްކަތެއް ނުކޮށް ހުރީތީ ނޫނީ ހުންނާނެކަމަށް ބަލާ ބަދަލު ދޭކަށް ނުޖެހޭނެ. ބަދަލު ދިނުމުގައި ވެސް އުސޫލެއް އޮނަންވާނެ. ތިޔަ އިންސާފެކޭ ކިޔާގެން އެއްޗެއް ކުރިމީހުން އެމީހުންގެ އާއިލާ މީހުންގެ ފައިސާއިން ދޭންޖެހޭ ބަދަލެއް ނަމަ ޔަގީނުންވެސް ވިސްނުން ހުންނާނެ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަދަ.

03 June 2022

މީހަކަށް އެއްޗެއް ލިބޭތީ ދިވެހިން އަރާ ކެކޭވަރުދޯ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

Laamuonline.com

03 June 2022

ޓްރައިބިއުނަލު އަކީ ކިހިނެއްވާކޮންތަނެއްތޯ؟ ކޮންބައެއްތޯ؟ ނޭންގޭތީ ސުވާލުމިކުރީ.. އަޅުގަނޑަށްހީވަނީ ތިޔަކަންވާނީ ޝަރުޢީކޯޓެއްމެދުވެރިކޮށްހެން، ތިހެންއަދި ފައިސާދޭށޭ އަންގާލިޔަކަށް އެއްވެސްތަނަކުން ފައިސާއެއްނުދޭނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަހީދު

03 June 2022

ނޭނގުމަށް ވުރެ ނުބައި ކަމެއް ނޯންނާނޭ ބުނަނީ މިހެންވެ. ވަޒީފާގެ ކަންކަންމުގައި އުފެދޭ މައްސަލަތައް ހައްލު ކުރަނީ ވަޒީފާއި ބެހޭ ޓްރައިބިއުނަލް އިން. އެއީ ހަމަ ކޯޓެއް. މިސާލަކަށް ހަނގުރާމައިގައި ހިންގާ ޖަރީމާތައް ބެލުމަށް ހުންނަނީ އިންޓަރނޭޝަނަލް ވަރ ކްރައިމްސް ޓްރައިބިއުނަލް. އެވެސް ކޯޓެއް.