ޖުލައި ނިމޭއިރު ރިޒާވްގައި ކާޑާއި ތެލާއި ބޭހުގެ ފައިސާ ހުންނާނެ އަދަދުގެ ތަފުސީލަށް އީވާ އެދިވަޑައިގެންފި

މަޖިލީހުގައި އީވާ ވާހަކަ ދައްކަވަނީ: ޖުލައި މަސް ނިމޭއިރު ދައުލަތުގެ ރިޒާވް ހުންނާނެ ވަރުގެ ތަފްސީލަށް އޭނާ ވަނީ އެދިވަޑައިގެންފައި. -- ފޮޓޯ | މަޖިލިސް

ފަޒީނާ އަހުމަދު، މިހާރު

07 ޖޫން 2022 - 11:04

17 comments

ރާއްޖޭގެ މާލީ ހާލަތު މި ދުވަސްކޮޅު ހުރި ގޮތުން އަންނަ ޖުލައި މަސް ނިމޭއިރު، ސަރުކާރަށް ބޭނުންކުރެވޭ ދައުލަތުގެ ރިޒާވްގައި ކާޑާއި ތެޔޮ އަދި ބޭހުގެ ފައިސާ ހުންނާނެ ކަމަށް ލަފާކުރެވޭ އަދަދު ހޯދަން ރައްޔިތުންގެ މަޖިލީހުގެ ނައިބު ރައީސް، ގަލޮޅު އުތުރު ދާއިރާގެ މެމްބަރު އީވާ އަބްދުﷲ ހުށަހަޅުއްވައިފި އެވެ.

އޭނާ ހުށަހެޅުއްވީ، ފިނޭންސް މިނިސްޓަރު އިބްރާހިމް އަމީރު، ލިޔުމުން އެ މައުލޫމާތު ފޯރުކޮށްދެއްވުމަށެވެ.

ވަޒީރާ ސުވާލުކުރެއްވުމުގެ ނޯޓިސް ފޮނުއްވައި، އީވާ ވިދާޅުވީ މި މަސް ފެށުނުއިރު ރާއްޖޭގެ ބޭރު ފައިސާގެ ރިޒާވްގެ ތެރެއިން ސަރުކާރަށް ބޭނުންކުރެވޭ ފައިސާގެ ގޮތުގައި ހުރީ 317 މިލިއަން ޑޮލަރު ކަމަށެވެ. މި މަހާއި ކުރިއަށް އޮތް ޖުލައި މަހު 130 މިލިއަނަށް ވުރެ ގިނަ ޑޮލަރު، ދަރަނީގެ ގޮތުގައި އަނބުރާ ދައްކަން ހޭދަކުރަން ޖެހޭ ކަމަށް ވިދާޅުވި އެވެ.

"މި 130 މިލިއަން ޑޮލަރުގެ އިތުރުން މި ދެ މަހުގެ ބަޖެޓް ކޮށްފައިވާ ޑެފިސިޓަކީ 150 މިލިއަން ޑޮލަރަށް ވުރެ އިތުރު އަދަދެކެވެ. މާލީ ކަންކަން މި ދެންނެވި މަގުގައި ހުރި އިރު، ޖުލައި މަސް ނިމޭއިރު ސަރުކާރަށް ބޭނުންކުރެވޭ ދައުލަތުގެ ރިޒާވްގައި ކިތައް ދުވަހުގެ ކާޑުގެ، ތެލުގެ އަދި ބޭހުގެ ފައިސާ ހުންނާނެ ކަމަށް ލަފާކުރެވޭތޯ،" އީވާ ފޮނުއްވި ސުވާލުގައި އައްސަވާފައިވެ އެވެ.

މި އަހަރުގެ ފުރަތަމަ ތިން މަހު ނެގި ދަރަންޏާ އެކު ދައުލަތުގެ ދަރަނި 99 ބިލިއަން ރުފިޔާ އަށް ވަނީ އަރައިފި އެވެ. ފިނޭންސް މިނިސްޓްރީން އާއްމުކޮށްފައިވާ ތަފާސްހިސާބުތަކުން އެނގޭ ގޮތުގައި އަހަރުގެ ފުރަތަމަ ތިން މަހު ސަރުކާރުން ނަގާފައިވާ ލޯނާއި ސޮވެރިން ގެރެންޓީ ހިމަނައިގެން ދައުލަތުގެ ދަރަންޏަށް ވަނީ މިދިޔަ އަހަރު ނިމުނު އިރު ހުރި ވަރަށް ވުރެ 4.3 ބިލިއަން ރުފިޔާ އިތުރުވެފަ އެވެ.

މި ހިސާބުތަކާއެކު ރާއްޖޭގެ ރަސްމީ ރިޒާވް ހުސްވެ، ޑިފޯލްޓް ވެދާނެ ކަމަށް ދެކެވޭ ވާހަކަތައް މިނިސްޓަރު އަމީރު ވަނީ ދޮގުކުރައްވައިފަ އެވެ.

Aamdhanee ithuru viyas haradhu thakah vanee vaan vefai: Minister

The most trusted news source in the Maldives

Mihaaru

މިނިސްޓަރު ވިދާޅުވެފައިވާ ގޮތުގައި، އިތުރުވަމުން އަންނަ ޑޮލަރުގެ އާމްދަނީއާއެކު، ރާއްޖޭގެ ރިޒާވް މި އަހަރު ނިމޭއިރު، ކޮވިޑްގެ ކުރިން ހުރި ވަރުގައި ދެމެހެއްޓޭނެ އެވެ.

"ރާއްޖެ އަށް ދަރަނި އަނބުރާ ދެއްކުމުގައި ކުރު މުއްދަތުގެ ގޮންޖެހުންތަކެއް ނެތް. ދަރަނި ދެއްކުމުގެ ގާބިލުކަން އެބަހުރި. މި އަހަރު ރިޒާވް ހުންނާނީ ރަނގަޅު މިންވަރެއްގައި،" އަމީރު ވިދާޅުވެފައިވެ އެވެ.

ރައްޔިތުންގެ މަޖިލިސް މެމްބަރު އީވާ އަބްދުﷲ އިބްރާހިމް އަމީރު، ކުރީގެ ފިނޭންސް މިނިސްޓަރު ރާއްޖޭގެ އިގްތިސާދު އިގްތިސާދު

17 ކޮމެންޓް, 10 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ފީރުއީސާޅު

08 June 2022

އަވަށްޓެރި ލަންކާގެ މިހާރުގެ ކެބިނެޓްގެ ހުރިހާ ވަޒީރުން މިހާރު އެތިބީ ކުރިއަށްއޮތް 1 އަހަރުދުވަހުގެ މުސާރަ ނުނަގާން އެއްބަސްވެގެން. އެގޮތަށް ރައްޔިތުންގެ މަޖިލިސްގެ ހުރިހާ މެންބަރުންގެ 1 އަހަރުދުވަހުގެ މުސާރަ ދައުލަތުގެ ރިޒާވް އަށް ޖަމާކޮށްދިނަސް އެއީ މިވަގުތު ރައްޔިތުންނަށް ކޮށްދެވޭ ވަރަށްބޮޑު ހެޔޮކަމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނު

07 June 2022

ނަޝީދު ހާދަ މޭކަރައިގެންނޭ މިއުޅެނީ. ބަލަ މާދަންވެސް މި ވެރިކަން ވެއްޓޭއިރަށް ތިޔަ ސެކިއުރިޓީ ދިރިއުޅޭގެއާ ތަންތަނެއް ނުލިބި ޖަލަށް ދާންޖެހޭނެކަން ހަދާން ނެތީބާ. 2023 ދޫކޮށް 2028 އަމާޒު ހިފުމަށް އެމްޑީޕީ މެމްބަރުން ގުރުބާން ނުކުރާށެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙަސަން އަޙްމަދު

07 June 2022

ވަރިހަމައެއްނު ކަލޭމެންގެ ޖީބުގެ ރިޒާވް މިލިއަނުން އުޅޭނީ. ގައުމަށް އިސްލާހު ގެނައުމުގެ ނަމުގައި ރާއްޖެ ސުންނާފަތި ކުރީ މި ބައިގަނޑު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަންދުރޮޅި

07 June 2022

އަދި އިތުރުކޮށްލަންފެނޭ މަޖިލީހު މީހުންގެ މުސާރަޔާ އިނާޔަތްތަކާ ބޭރު ދަތުރުތަކަށް ބުރުޖަހާލަން ދާން "ދޭންޖެހޭ" ލާރި ހުރިތޯ ރިޒާވުގަ، އެހެން ހުރިހާ ކަމެއްގެ ކުރިން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަނބިލި

07 June 2022

އަންނި ގޭމް ޖައްސަނީ. ރައްޔިތުންގެ ހިތުގައި ބިރުވެރިކަން އުފައްދަން ކުޅޭ ޑުރާމާއެއް. މިމީހުން ނޫންތަ ރާއްޖެއަށް ފަތުރުވެރިން ނައުމަށް ގޮވާ ކެމްޕޭންކުރީ. ސުނާމީގައި ރައްޔިތުން ހާލުގައި ޖެހިފައިވަނިކޮށް އެހީނުވާން ގޮވާލީ. މާރައްޔިތުންނަށް ހެޔޮއެދިގެން ކަމަށް ހެދިގެން ތިޔަ އުޅެނީ ސަރުކާރާ ރައްޔިތުންނާ ފިތުނަވެރިކުރަން ރައްޔިތުންނަށް މާހެޔޮއެދިގެންކަމަށް ހެދިގެން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މިތުރުކަލޯ

07 June 2022

މީ ހުސްތަމްސީލުކުޅުމޭ، ތިޔައީ ވަރަށް ހިޑި އަގަލުކުޑަގޮތެކޭ، ކޮއިފުޅަށް ތިޔަ އިއްޒަތާ މަޖްލީހުގެ ނާއިބު ކަން ދިނީ ތިޔަ ޕާޓީންނޭ، ވެރިކަމުގައި އޮތީވެސަ ތިޔަ ޕާޓީ ވިއްޔާއޭ، ޕާޓީގެ ޕާލެމެންޓް ގުރޫޕުން އެދުނީމާ ތިޔަ ހަޑި ނުހޭވިޔަސް މިނިސްޓަރާއި ބައްދަލުވާނެއްޏާއޭ، އަދި ތިޔަ މައުލޫމާތުވެސް ދޭނެވިއްޔާއޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ށާޢާ

07 June 2022

ޤައުމެއް އޮޔާ ދާން ބޭނުންވަނީ ސިޔާސީ ގޮތުން ކުރެވޭ ބޮޑެތި އުއްމީދުތަކާ ހެދި. މިގައުމު އޮމާންކަމާއެކީ ދާ ދިއުން ކަމުނުދާތީ، ބޭކާރު ސިޔާސީ ގޭމުގެ ތެރެއިން އަމިއްލައަށް އިނދަޖެއްސުމަކީ މަޖުލިސް ރައީސް ފަޅިން ވެސް އަދި ޔާމީން ފަޅިންވެސް ކޮށްގެންވާނެ ކަމެއް ނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަންނިބެ

07 June 2022

މަހިތައްއަރާ އިދިކޮޅު ޕާޓީން ކީއްވެބާއޭ މިފަދަ ސަރުކާރު ޒިންމާދާރު ކުރުމިގެ މަސައްކަތްތައް ނުކުރަނީ. އަބަދުވެސް ފެންނަނީ އިންޑިޔާ އިސްލާޙް ނުކުރެވިގެން އުޅޭ މަންޒަރު. ސަރުކާރު ޖަވާބުދާރީ ކުރަންވެސް މިޖެހުނީ އެމްޑީޕީގެ އިދިކޮޅު ގޮތްޕަށް