އަކްޝޭ ކުމާރާއި މަނުޝީ ޗިއްލާ--
10 ޖޫން 2022 - 07:40
9 comments
ބޮލީވުޑްގެ ކާމިޔާބު ތަރި، އަކްޝޭ ކުމާރު ލީޑު ރޯލުން ފެންނަ ފިލްމު، "ސަމްރަތު ޕްރިތުވިރާޖު" ބޮޑު ފްލޮޕަކަށް ވެއްޖެ އެވެ.
އަކްޝޭ އާއި 2017 ވަނަ އަހަރު މިސް ވޯލްޑްގެ ލަގަބު ހޯދި މަނުޝީ ޗިއްލާ ފެންނަ އެ ފިލްމަކީ ޔަޝް ރާޖް ފިލްމްސް އިން ނެރުނު އިންޑިއާގެ ކުރީގެ ރަސްގެފާނު ޕްރިތުވިރާޖް ޗޯހާންއާ ގުޅޭ ފިލްމެކެވެ. އެކަމަކު ބޮކްސް އޮފީހުގައި އެ ފިލްމަށް މާބޮޑު ތަރުހީބެއް ނުލިބުނެވެ.
ޗަންދްރަޕްރަކާޝް ޑައިރެކްޓްކޮށް ނެރުނު ފިލްމަށް ހުކުރު ދުވަހު 10.70 ކްރޯޑް ރުޕީސް ލިބުނެވެ. އަދި ހޮނިހިރު ދުވަހު 12.60 ކްރޯޑް ރުޕޯސް ލިބުނުއިރު އާދިއްތަ ދުވަހު 16.10 ކްރޯޑް ރުޕީސް ލިބުނެވެ. އެކަމަކު ރަނގަޅު އާމްދަނީއެއް ލިބެމުންގޮސް ހޯމަ ދުވަހުން ފެށިގެން ކުއްލިއަކަށް ހަމަ އަގު ވެއްޓުނީ އެވެ. މީޑިއާ ރިޕޯޓްތައް ބުނާ ގޮތުގައި މުމްބާއީގައި އެ ފިލްމަށް އެއްގޮތަކަށް ވެސް ތަރުހީބެއް ނެތެވެ. އެއްވެސް ޓިކެޓެއް ނުވިކިގެން އިއްޔެ ހެނދުނު އޮތް ޝޯ ވެސް ވަނީ ކެންސަލްކޮށްފަ އެވެ.
މުމްބާއީގައި ފިލްމު ނުހިނގިޔަސް، ދިއްލީގައި ފިލްމަށް ތަންކޮޅެއް ތަރުހީބު ލިބެ އެވެ. ގާތްގަނޑަކަށް 200 ކްރޯޑް ރުޕީސްގެ ބަޖެޓަކާ އެކު އުފެއްދި އެ ފިލްމު ފްލޮޕްވާނެ ކަމަށް ލަފާކުރެވޭއިރު، މިދިޔަ މާޗު މަހު ރިލީޒްކުރި "ބައްޗަން ޕާންޑޭ" އަކީ ވެސް ފްލޮޕެކެވެ. އެއީ ވެސް އަކްޝޭ ލީޑުން ފެނުނު ފިލްމެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޝްރީދޭވީ
12 June 2022
ދެން މުސްކުޅިވެ ހަފުސް ވީމަ ޅަކުދިންނާ އެކީ ބަފާ ރޯލު ކުޅެންވީ..ދަރި އުމުރު މީހުންނާއެކީ ކުޅުނީމަ ލަދުވެތި
48343
10 June 2022
އަކްޝޭއަކަސް ހަފްސީއަކަސް ހަމަޖެހޭއެއްޗެއް ކުޅުނީމާ ބެލޭނީ.
ށަވިޔަނި
10 June 2022
ބޯދާ ޒަމާނުގެ ސްޓޯރީ އަށް ހަދާ ފިލްމުތައް ފުލުފުލުގައި ނެރުމުން މީހުން ފޫހިވަނީކަމަށްވެސް ވެދާނެ.
ރަދީފު ބިން ރަފައިދާ
10 June 2022
އިންޑިޔާމީހުން ކުރިން ފިލްމު ބަލަންދަނީ އޭގާ ދައްކަނީ ހަގީގަތްކަމަށް ހީކޮށް. މިހާރު އެމީހުނަށް އެނގޭ ފިލްމުތަކުގާ ދައްކަނީ ހުސް ފޭކުކަން. އިންޑިޔާގެ ފިލްމީދުނިޔެ ކުރިއަރައިގެންދިޔަ ސްޕީޑަށްވުރެ ކޮވިޑުތެރޭ އިންޑިޔާރައްޔިތުންގެ ވިސްނުން ކުރިއަރައިހިނގައްޖެ.
ސިނެމާ
10 June 2022
ހަގީގަތް ބަލަން ބެނުންވެއްޖެއްޔާ ޑޮކިއުމެންޓްރީ ބަލަންވީ. ފިލްމަކީ މުނިފޫހިފިލުވަން ބަލާ އެއްޗެއް. މާވެލް ސުޕަހީރޯ ފިލްމުތައް ދުނިޔޭގައި އެތައް މިލިއަން މީހުން ބަލަނީ ހަގީގަތް ކަން ނޭނގި ގަމާރު ކަމަކުންނެއް ނޫން.
މާޒިޔާ ދަގޭ
10 June 2022
ކުރޯޑަކީ ކޯޗެއްތަ؟ އެއްކަލަ ފުޓުބޯޅަ ކުޅެން އުޅޭ ސޮރުތަ؟
ިިakshey
10 June 2022
1 ކުރޯޑަކީ 10 މިލިއްން އިންޑިއަން ރުޕީސް
މުޙައްމަދު123
12 June 2022
އޭކަން، ދަސް، ސަތޭކަ، ހާސް، ދިހަހާސް، ލައްކަ، ދިހަލައްކަ، ކުރޯޑު، ދިހަކުރޯޑު، އަރަބު، ދިހަ އަރަބު، ކަރަބު، ދިހަކަރަބު، ނީލު، ދިހަނީލު، ޕަދަން، ދިހަޕަދަން، ސިންކު، ދިހަ ސިންކު.މަހާސިންކު، ދިހަ މަހާސިންކު.. މިއީ ދިވެހި ހިސާބުގައި ބޭނުންކުރާ އަދަދުތަކެއް. އެއީ މިލިޔަން، ބިލިޔަން ޓުރިލިޔަން، ޒިލިޔަންތަކުގެ ކުރިން. ބަސްފޮތް ޗެކުކޮއްލާ
ޙޙ2022
10 June 2022
ޢަކުސޭ ކިހެނެތް ތި ހަދަނޯ..ބޮއިހަލަކި