72 ކިލޯ ޑްރަގް: ދަށު ކޯޓުން ބޭރުކޮށްލި މީހެއްގެ މައްސަލަ އަލުން ބަލަން އަންގައިފި

72 ކިލޯ އަތުލައިގަތުމަށް ފުލުހުން ހިންގި އޮޕަރޭޝަން: އެ މައްސަލާގައި ދައުވާލިބުނު އެކަކުގެ މައްސަލަ އަލުން ބަލަން ހައި ކޯޓުން ވަނީ އަންގާފައި -- ފޮޓޯ/މިހާރު

މުއިއްޒު އިބްރާހިމް، މިހާރު

11 ޖޫން 2022 - 12:55

5 comments

ރާއްޖެއަށް ކަނޑުމަގުން އެތެރެކުރި 72 ކިލޯގެ މަސްތުވާތަކެތީގެ މައްސަލާގައި މީހަކަށް ކުރި ދެ ދައުވާއެއް ކްރިމިނަލް ކޯޓުން ބޭރުކޮށްލާފައި ވަނިކޮށް އެ މައްސަލަ އަލުން ބަލަން ހައި ކޯޓުން އަންގައިފި އެވެ.

ޑިސެމްބަރު، 2020 ގައި މަސް ދޯންޏެއްގައި އެތެރެކޮށް، ކާރެއްގައި ގެންދަނިކޮށް މާލޭގެ މަގުމަތިން އަތުލައިގަތް 72 ކިލޯގެ ޑްރަގް މައްސަލާގައި ދައުލަތުން 10 މީހެއްގެ މައްޗަށް ކުރާ ދައުވާގައި އޭގެ ތެރެއިން ދެ މީހަކަށް ކުރި ތިން ދައުވާއެއް ކްރިމިނަލް ކޯޓުން މިދިޔަ މަހު ބޭރުކޮށްލީ ތަހުގީގުގެ މުއްދަތު ގާނޫނާ ޚިލާފަށް އިތުރުކޮށްދިން ކަމަށް ބުނެ އެވެ.

އޭގެ ތެރެއިން ހ. ގާޑެންބިއުޓީ މުހައްމަދު އަކްރަމްގެ މައްޗަށް ކުރި ޑައިމޯފިން ޓްރެފިކް ކުރުމުގެ ދައުވާ އާއި ކެނަބިސް ބޭނުންކުރުމުގެ ދައުވާ ކްރިމިނަލް ކޯޓުން ބޭރުކޮށްލި މައްސަލަ ދައުލަތުން އިސްތިއުނާފް ކުރުމުން ހައި ކޯޓުން މިދިޔަ ބުދަ ދުވަހު އަމުރުކުރީ އެ މައްސަލަ ކްރިމިނަލް ކޯޓުން އަލުން ބެލުމަށެވެ.

ހައި ކޯޓުގެ ދެ ފަނޑިޔާރުންގެ އަޣުލަބިއްޔަތުން ކުރެއްވި ހުކުމުގައިވަނީ ތަހުގީގުގެ މުއްދަތު ހަމަވުމުގެ ކުރިން ގާނޫނުގައިވާ ގޮތަށް މުއްދަތު އިތުރުކޮށްދީފައިވާ ކަމަށެވެ. އަދި ދިމާވި ހަމައެކަނި މައްސަލައަކީ ތަހުގީގުގެ މުއްދަތު އިތުރުކޮށްދިން ލިޔުންތައް ދައުލަތުން ދަށު ކޯޓަށް ހުށަހެޅިއިރު އެ ލިޔުންތަކުގެ ތާރީޚްތަކުގައި އޮޅުންތަކެއް ހުރުން ކަމަށާއި އެކަމަކު އެކަންކަން އިސްލާހު ކުރެވިދާނެ ކަމަށް އެ ހުކުމުގައިވެ އެވެ.

ފަނޑިޔާރު ފާތިމަތު ފަރުހީޒާ އަދި ފަނޑިޔާރު ހުސައިން މަޒީދުގެ އަޣުލަބިއްޔަތުން އެގޮތަށް ހުކުމް ކުރެއްވިޔަސް، ފަނޑިޔާރު މުހައްމަދު ފައިސަލް ނިންމެވީ ދަށު ކޯޓުގެ ނިންމުން ރަނގަޅު ކަމަށެވެ. އޭގެ އެއް ސަބަބަކަށް އޭނާ ދެއްކެވީ ތަހުގީގުގެ މުއްދަތު އިތުރުކުރަން ފުލުހުން އެދުނު ބައެއް ލިޔުންތައް ނެތުމާއި ގާނޫނު އޮތްގޮތުން އަމިއްލަ އިސް ނެގުމުގައި އެކަން ނުކުރެވޭނެތީ އެވެ.

އަނެއް ސަބަބަކަށް ފަނޑިޔާރު ފައިސަލްގެ ރައުޔުގައިވަނީ ލިޔުންތަކުގައި އޮޅުންތަކަކީ އިސްލާހު ކުރުމުގެ ފުރުސަތު އޮތް ކަންތައްތަކަކަށް ވިޔަސް، އެކަން އިސްލާހު ކުރުމުގެ ބަދަލުގައި ދައުލަތުން މަސައްކަތްކުރީ އެ އޮޅުން ދިފާއުކޮށް، ފޮރުވަން ކަމަށެވެ. އަދި މިކަމުގައި ކަން ހިނގި ގޮތް އަދިވެސް ދައުލަތުން ރަނގަޅަށް ސާފުކޮށް ނުދޭ ކަމަށް އޭނާގެ ރައުޔުގައިވެ އެވެ.

މިފަދަ ބޮޑު މައްސަލައެއްގައި ދައުލަތުން އަމަލުކުރަނީ ސީރިއަސް ގޮތެއްގައި ނޫން ކަމަށް ވެސް އޭނާގެ ރައުޔުގައި ލިޔުއްވާފައިވެ އެވެ.

ކުށްކުރުން ކްރިމިނަލް ކޯޓް ހައި ކޯޓް މަސްތުވާތަކެތި ޑްރަގް ޓްރެފިކްކުރުން

5 ކޮމެންޓް, 2 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކޮރަލް

11 June 2022

ކޮންމެ ވެސް އެއް ކޯޓެއްގެ ގާޒީ ގޯސް ހަދައިފި އެވެ. އެމީހެއްގެ މައްސަލަ ބަލަން ޖެހެ އެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަތްދައްތަ

11 June 2022

ސީރިއަސް ބޮޑެތި މައްސަލަތަކުގަ ފުލުހުންނާއި ޕީޖީން ހަދަމުންދާ އިދާރީ ކުދިކުދި ކުށްތަކުގެ ސަބަބުން ކޯޓުން އެމައްސަލަތައް ބޭރު ކުރުމަކީ ބަލައިގަނެވޭނެ ކަމެއްނޫން. ކުދިކުދި އިދާރީ މައްސަލަތައް ފެންމަތިކޮށް މިލިޔަން ޑޮލަރުގެ ޑުރަގް މައްސަލަތައް ފޭލި ކުރަމުންދަނީ ގަސްދުގައިކަން އެނގޭއިރު ފަނޑިޔާރުން އެކަމުގައި ބައިވެރިވެ އެކަން ގަބޫލުކޮށްގެންނުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކައިފީ

11 June 2022

ކަތްދައްތާބުނާކަށް ކަންއޮތީ ތިހިނެވެ. އެކަމަކު މުޅިޤައުމުމިއޮތީ އެފައިސާ މިފައިސާއަށާއި ދޭށޭލާރި ދޭށޭލާރިއަށްވެ ނިމިފައެވެ. މަތިން ކުޅެމުންދަނީ ޑިގެވެ. ދަށުންކުޅެމުންދަނީ ދަށުންދަމާއެވެ.