ބާ ޖަމާލުއްދީން އިމާރާތް ތަޅާލުމުގެ މަސައްކަތް ކުރަނީ.-- ފޮޓޯ: އެޑިއުކޭޝަން މިނިސްޓްރީ
16 ޖޫން 2022 - 14:16
8 comments
އަރަބިއްޔާ ސްކޫލްގެ އާ އިމާރާތް އެޅުމަށް ބާ ޖަމާލުއްދީން އިމާރާތް ތަޅާލަން މިއަދު ފަށައިފި އެވެ.
އެޑިއުކޭޝަން މިނިސްޓަރު ޑރ. އައިޝަތު އަލީ ކުރެއްވި ޓްވީޓެއްގައި ވިދާޅުވީ އަރަބި މީޑިއަމަށް ކިޔަވައިދޭ ސްކޫލްގެ އާ އިމާރާތުގެ މަސައްކަތް މިއަދު ފެށުނީ ކަމަށެވެ.
މީގެ އަށް އަހަރު ކުރިން ބޭނުންކުރަން ފެށި އަރަބިއްޔާގެ އިމާރާތުގެ ތަނބުތަކުގައި ވަރަށް ބޮޑަށް ރެނދުލައި ގެއްލުން ވެފައި ހުރުމުން މިދިޔަ ޖެނުއަރީ މަހުން ފެށިގެން އެ ސްކޫލްގެ ދަރިވަރުންނަށް ވަގުތީ ގޮތުން ކިޔަވައިދެމުން އަންނަނީ ކުރިން ފޮރިން ފޮރިން މިނިސްޓްރީ ހިންގި އިމާރާތުގަ އެވެ.
އެހެންވެ، އެ ސްކޫލްގެ އާ އިމާރާތް ބާޖަމާލުއްދީން ސްކޫލް ހުރި ބިމުގައި އަޅަން ސަރުކާރުން ނިންމީ އެވެ.
މިނިސްޓަރު މީގެ ކުރިން "މިހާރު" އަށް ވިދާޅުވީ މި އަހަރުގެ ތެރޭގައި އަރަބިއްޔާގެ އާ އިމާރާތުގެ މަސައްކަތް ފަށާނެ ކަމަށެވެ. އަދި އަންނަ އަހަރުގެ ތެރޭގައި އެ މަސައްކަތް ނިމޭނެ ކަމަށް އޭނާ ވިދާޅުވި އެވެ.
ٱلْحَمْدُ لِلَّٰهِ
— Aishath Ali (@aisthly) June 16, 2022
The work of the new @Arabiyya_School begins. pic.twitter.com/AHUL9L1ZB0
ބާ ޖަމާލުއްދީންގައި ހުރި އިމާރާތްތައް ތަޅާލާނެ ބަޔަކު ހޯދަން މީގެ ކުރިން އިއުލާންކުރުމުން 22 ފަރާތަކުން ކުރިމަތިލި އެވެ. އެ މަސައްކަތް މިދިޔަ މަހުގެ 10 ގައި ވެލްޓްރޭޑިން ޕްރައިވެޓް ނަމަކަށް ކިޔާ ކުންފުންޏާ ހަވާލުކުރީ 2.4 މިލިއަން ރުފިޔާއަށެވެ.
އެ މަސައްކަތް ހަވާލުކުރީ 75 ދުވަސް (ދެ މަހާއި ބައިގެ) ތެރޭގައި ނިންމާށެވެ.
ބާޖަމާލުއްދީންގެ ނަމުން މަޝްހޫރުވި އިމާރާތުގައި އެންމެ ފުރަތަމަ ހިންގީ ޖަމާލުއްދީން ސްކޫލެވެ. އެ ތަން ވަރަށް ބޮޑަށް ބާވެ، ހަލާކުވުމުން އެ ސްކޫލްގެ ދަރިވަރުންނަށް އެ އިމާރާތާ ޖެހިގެން އާ ސްކޫލެއް ހަދައިދީ ދަރިވަރުން ބަދަލުކުރި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހެކހެހެހ
17 June 2022
ވަރަށް ބޮޑުކާމިޔާބެއް
އުސްމާނުބެ
17 June 2022
ކާމިޔާބީއަކައް ވަކި ވާންޖެހޭ ސަބަބެއް ނުވިސްނޭ..... މީވެސް ހަމަ ޖެހޭ ކަމެއް ނޫން ، އަރަބިއްޔާ ސުކޫލްއައް ހަގީގަތަކު އެހާދުވަސް އެއް ނުވާނެ ، އަދި އެސުކޫލް އައް އެހެން ދިމާވަންވީ ސަބަބު ބަލައި ފުރަތަމަ އެބަޔަކައް ފިޔަވަޅު އަޅަން ޖެހޭ. އަރަބިއްޔާ ކިޔަވާކުދިންނައް މިކަން ހައްލު ނުކޮއްދޭޝެކޭ ނޫން މިބުނަނީކީ އެވެސް ކުަރންޖެހޭ. އެކަމަކު މިހާރު މައްސަލައިގައި މަތި މިޖެހުނީ . ވީނުވީ އެއް ނޭގުން.
ހަސަންދީ
16 June 2022
2.4 މިލިއަނަކީ ވަރަށް ކުޑަ އަގެއް، ތަޅަންދާ ޚަތަދައްވުރެ ބޮޑު އަގެއް އުކާލަން ދާނެ، އެއްވެސް ޙާލެއްގައި ބޮޑު އަގެއްނޫން
ކޮރަލް
16 June 2022
ބާ ޖަމާލުއްދީން ގަ ހުރި ދަގނޑު ތައް މިލިއަނަކަށް ވުރެ ގިނަ ރުފިޔާ އަށް ވިއްކާ ލެވިދާނެ އެވެ. ބާޖަމާލުއްދީން އިން ވެސް އެތަނުން ތަންކޮޅެއް ލިބޭ ތޯ އެބަ މަސައްކަތް ކުރެ އެވެ.
ވިކިލީކްސް
16 June 2022
ވެލްޓްރޭޑިން ޕްރައިވެޓް އަކީ ކާނަލް ނާޒިމްގެ ކައިރީގައި މަސައްކަތްކުރާ މީހެއްގެ ހިއްސާ އޮންނަ ކުންފުންޏެއް.
48343
16 June 2022
މީ ރާއްޖޭގެ ތާރީޚުގާ އެންމެ އަގުބޮޑު ތަޅާލާތަޅާލުންކަމަށްވެދާނެ.
ކައުންސެލަރު
16 June 2022
2.4 މިލިއަން ދެނީ ފައިސާ ގިނަކަމުންތަ؟ ނޫނީ ބަދަލުދޭ އުސޫލުންތަ؟ މާލެތެރެއިން ތަޅާނެ ކުދިންކޮޅެއް ގޮވައިގެންގޮސް މަ ތިތަން ތަޅާދީފާނަން ހިލޭ.
ރަދީފްއޮފިޝަލް
16 June 2022
2.4 މިލިއަން އެއީ އިމާރާތްތައް ތަޅާލުމާއި ބިން ސާފް ކުރަންޖެހޭ އަގު ވެސް ހިމަނައިގެން.ކައުންސެލަރަށް އެނގޭތަ ޖަމާލުއްދީނުން ބޮޑު ލޮރީގަ ގެންގޮސް ވެމްކޯގެ ބާޖަށް އެޅުމަށް ވެމްކޯއަށް ދައްކަން ޖެހޭ އަގު.އެހުރިހާ ކަމަކަށް ބަލާނަމަ ތިޔަ އަގު (2.4 މިލިއަން) އެއީ ވަރަށް ކުޑަ އަގެއް.މާ ބޮޑު ޕްރޮފިޓެއް ނޯންނާނެ.