ނައިބް ރައީސް ފައިސަލް، ސްޓެލްކޯގެ 'އަވިކަތަ' ސްކީމް ލޯންޗު ކޮށްދެއްވަނީ ---ފޮޓޯ: ނިޝާން އަލީ | މިހާރު
20 ޖޫން 2022 - 12:28
27 comments
ސޯލާ ޕެނަލް ހަރުކުރަން ސްޓެލްކޯއަށް ގޭގެ ފުރާޅު ކުއްޔަށް ދީގެން އާމްދަނީ ހޯދޭނެ ސްކީމެއް "އަވިކަތަ" ނަމުގައި ލޯންޗުކޮށްފި އެވެ.
ސްޓެލްކޯގެ 25 ވަނަ އަހަރީ ދުވަސް ފާހަގަކުރަން ރޭ ބޭއްވި ޖަލްސާގައި މި ސްކީމް ރަސްމީކޮށް ލޯންޗުކޮށްދެއްވީ ނައިބް ރައީސް ފައިސަލް ނަސީމެވެ.
މިއީ އިޔާދަކުރަނިވި ހަކަތަ ބޭނުންކުރުން އިތުރުކުރުމާ އެކު ތެލަށް ބަރޯސާވުން ކުޑަކުރުމުގެ މަގްސަދުގައި ފެށި ސްކީމެކެވެ.
ސްކީމުގައި ބައިވެރިވެވޭނީ ގޭގެ ވެރިފަރާތުގެ ހުއްދަ އޮތުމާއި ފަސޭހައިން އަވި ލިބޭ، މަދުވެގެން 100 އަކަފޫޓު ހުންނަ ފުރާޅަކަށް ވުމާ އެކު ފުރާޅުގައި 150 ކިލޯ ބަރުދަން އުފުލާނެ ވަރު ހުންނަ ނަމަ އެވެ.
ސްޓެލްކޯގެ ސޯލާ ޕެނަލް ހަރުކޮށްފައި ހުރި ފުރާޅުތަކެއް ---ފޮޓޯ: ސްޓެލްކޯ
ސްޓެލްކޯއިން ބުނީ ސްކީމްގައި ބައިވެރިވާ ފަރާތްތަކަށް ބަރާބަރަށް ކުލި ލިބޭނެ ކަމަށާއި ސޯލާ ހަރުކުރުމާއި މަރާމާތުކުރުމަށް އެއްވެސް ހަރަދެއް އަދި މަސައްކަތެއް ވެސް އެ ފަރާތްތަުން ކުރަންނުޖޭހޭނެ ކަމަށެވެ.
ސްކީމުގައި ބައިވެރިވުމުގެ ފުރުސަތު އަންނަ މަހުން ފެށިގެން ހުޅުވާލާނެ އެވެ. ސްޓެލްކޯއިން ބުނީ ސްކީމްގައި ބައިވެރިވާން ބޭނުންވާ ފަރާތްތަކުން ހާއްސަކޮށްފައިވާ ފޯމު ފުރުމަށް ފަހު ސްޓެލްކޯގެ އޮފީހަށް ނުވަތަ [email protected] އަށް މެއިލް ކުރެވޭނެ ކަމަށެވެ.
ބައިވެރިވާ ފަރާތްތަކުގެ ޝަރުތު ހަމަވޭތޯ ސްޓެލްކޯއިން ބަލާނެ އެވެ. ޝަރުތު ހަމަވާ ނަމަ ދެ ފަރާތުން އެއްބަސްވުމެއްގައި ސޮއިކުރާނެ އެވެ. އަދި ކުއްޔަށް ނަގާ ފުރާޅުގެ ކުލި ކަނޑައެޅިފައިވާ ބޭންކް އެކައުންޓަކަށް ކޮންމެ މަހަކު ޖަމާކޮށްދޭނެ އެވެ.
ސްޓެލްކޯ އިން ބުނި ގޮތުގައި، 2020 ވަނަ އަހަރުން ފެށިގެން އިޔާދަކުރަނިވި ހަކަތަ ބޭނުންކުރާ ވަރު އިތުރުކުރުމުގެ މަސައްކަތުުގެ ތެރެއިން، އެ ކުންފުނިން އިންޖީނުގެ ހިންގާ 20 ރަށެއްގައި ވަނީ ސޯލާ ޕެނަލް ހަރުކޮށްފަ އެވެ. އަދި މިހާރު ހަރުކޮށްފައިވާ ސޯލާ ޕެނަލްތަކުން 4.6 މެގަ ވޮޓްގެ ހަކަތަ އެ ކުންފުނީގެ ގްރިޑަށް ވަދެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކަސަމަ
21 June 2022
ހުޅުމާލެ ފްލެޓް ތަކުގެ މަތީގަ ހަރުކޮށްފަ ހުރި ޕެނަލް ތަކުން އުފައްދާ ކަރަންޓުން ފައިދާވަނީ ކޮންބަޔަކަށް؟ ޢާއްމުން ނަކަށް ނުވޭ ހަމަ ގައިމުވެސް..
ރަންކޮކާ
20 June 2022
ހޭބަލި ތޯއްޗެއް. މިވީހާތަނަކަށް ތިޔަ ސޯލާ ކަތައެއްގެ ޚަރަދު ދެކޮޅު ނުޖެއްސުނު. އިތުރަށް އާ ޚަރަދުތަކަށް ނުގޮސް ދަރަނި މެނޭޖްކޮށްބަލަ. ބޭކާރު ޚަރަދު ހުއްޓާލަބަލަ.
ކޮރަލް
20 June 2022
4.6 މެގަ ވޮޓް ގެ ކަރަންޓް ން ފައިދާ ވާ ބައެއް ބުނެބަލާށެވެ. ބޭރުގެ އެހީގަ ވެސް ސޯލާ ތައް ހަރު ކުރެ އެވެ. އެކަމު ނިކަމެތި މީހާ އަށް ލިބޭ ލުޔެއް ބނެ ބަލާށެވެ.
ބަރާކް ހުސޭން އޮބާމާ
20 June 2022
150 ކިލޯ އުފުލާލެވޭނެ ބާރެއް މިގޭފުރާޅަކު ނުހުންނާނެ.
ސޯސޭޑް
20 June 2022
ފެނަކައިން މިކަހަލަ ކަމެއްކުރަން ނޫޅޭތަ
ބޮޑުމީހާ
20 June 2022
ތިހެން އިއުލާންކުރާ ޕްރޮޖެކްޓްތަކަކީ ވާނެކަމެއްގެ ގޮތުގައި ރައްޔިތުން ނުދެކޭ. ފްލޯޓިން ސިޓިއާއި 20000 ފްލެޓް ބްރިޖް އަދި ޕޯޓް މަސައްކަތްތަކަކީ މިސަރުކާރުގެ ހުސްވާހަަކަ. ޑިމޮކްރަސީއޭ ކިޔައިގެން މަގުމަތީ އަޗާތަޅަން އުޅުނު ބަޔަކަށް ވެރިކަން ލިބުނީމަ ވާނެ ގޮތް މިވަނީ
މުހައްމާ
21 June 2022
ފުލެޓު ބުރިޖު ޕޯޓު ގެ މަސައްކަތް ހިނގާކަން އެނގެން ބޭނުން ނުވާމީހަކަށް އެކަމެއް ނުވެސް ފެންނާނެ. ރައްޔިތުން ނުދެކޭ ވާހަކަ ރަނގަޅެއްނޫ.
ލ
20 June 2022
އިތުރު އާމްދަނީ އެއް ހަލާލުގޮތުގައި ލިބެންޏާ ވަރަށް ރަނގަޅު ކަމެއްތިއީ
ހުސެންް
20 June 2022
ކުއްޔް ނެގުމައް ވުރެ ތެޔޮގަތަސް މާރަގަޅުވާނެ...
ރަމީޒާ / ގއ.ވިލިގިލި
20 June 2022
އަހަރެން އަމިއްލައަށް އަހަރެންގެ ގޭގައި ސޯލާޕެނަލް ހަރުކުރަން އުޅުނީމަ ސްޓެލްކޯގެ ހުއްދަ ނުލިބުނު
މަހިބަދޫމީހާ
20 June 2022
ސްޓެލްކޯއަށް ސަބްސިޑީދެނީ ހަމައެކަނި މާލަެ މީހުންގެ ފައިސާއަކުންނޫން، ރާއްޖެއަށް ފައިސާ ވައްދަނީ ޓޫރިޒަމުންނާއި މަސްވެރިކަމުން. އެމަސައްކަތުގެ އެންމެ ބޮޑު ހިއްސާކުރަނީ ރާއްޖެތެރޭ މީހުން. ރިސޯޓުތައް ހުރީ ރާއްޖެތެރޭ، މަސްވެރިން ތިބީ ރާއްޖެތެރޭ ކަރަންޓާ ފެނުގެ އަގު ރާޖެތެރޭގަ ވަކިން ބޮޑުވުން ގަބޫލުނުކުރެވޭ