21 ޖޫން 2022 - 09:39
24 comments
ދުނިޔޭގެ އިގްތިސާދަށް އަންނަ ބަދަލާ އެކު ހަރަދުތައް ކުޑަކުރަން ފިނޭންސް މިނިސްޓްރީގެ ސާކިއުލާއަކުން އަންގާފައިވާތީ ދެ ދަތުރުފުޅެއް ކެންސަލް ކުރައްވަން ނިންމަވާފައިވާ ކަމަށް ރައްޔިތުންގެ މަޖިލީހުގެ ރައީސް މުހައްމަދު ނަޝީދު މިއަދު ވިދާޅުވެއްޖެ އެވެ.
މަޖިލީހުގެ މިއަދުގެ ޖަލްސާ ފައްޓަވަމުން ނަޝީދު ވިދާޅުވީ ހަރަދު ކުޑަކުރަން އަންގައި ފިނޭންސް މިނިސްޓްރީން މަޖިލީހަށް ވެސް ސާކިއުލާއެއް ފޮނުވާފައިވާ ކަމަށާއި އެއާ އެއްގޮތަށް މަޖިލީހުން އަމަލުކުރާނެ ކަމަށެވެ.
ކޮމަންވެލްތާއި އުޒްބަކިސްތާނަށް ވަޑައިގަތުމަށް ދައުވަތު ލިބިފައިވާ ކަމަށާއި ނަމަވެސް ހަރަދު ކުޑަކުރަން އެ ދެ ދަތުރު ކެންސަލް ކުރައްވަން ނިންމަވާފައިވާ ކަމަށް ނަޝީދު ވިދާޅުވި އެވެ.
"އަޅުގަނޑު ގަސްތުކުރަނީ މި ދެ ދަތުރު އަޅުގަނޑު ކެންސަލް ކޮށްލަން. އެއީ ސާކިއުލާގައި ވަނީ 5،000ރ. އަށް ވުރެ މަތީ ހަރަދެއް ނުކުރާން. އެހެންވެ ކޮޅުނބާ ހަމަޔަށް ދެވެން މި އޮތީ،" ނަޝީދު ވިދާޅުވި އެވެ.
މިނިސްޓަރު އިބްރާހިމް އަމީރު ސޮއިކުރައްވައި ހުރިހާ އިދާރާތަކަށް ފޮނުއްވި ސާކިއުލާގައި ވަނީ ރަޝިއާ-ޔޫކްރެއިންގެ ހަނގުރާމައާ ގުޅިގެން ތެލާއި އެހެނިހެން ތަކެތީގެ އަގު އުފުލި ދައުލަތުގެ ހަރަދުތައް ވެސް އިތުރުވަމުންދާ ކަމަށެވެ.
އެހެންވެ މި ދަނޑިވަޅުގައި ދައުލަތުގެ ބަޖެޓަށް ބުރަވާ ފަދަ އެއްވެސް ހަރަދެއް ނުކުރުމަށާއި ހަރަދު ކުޑަކޮށް އިގްތިސާދު ކުރުމަށް އެ ސާކިއުލާގައި ވަނީ އަންގަވައިފަ އެވެ.
ހަރަދު ކުޑަކުރަން އަޅާ ބައެއް ފިޔަވަޅުތައް:
- އޮފީސް ހިންގަން ކޮންމެހެން ބޭނުންވާ ހިދުމަތެއް ނޫނީ މިވަގުތު ނުހޯދުން.
- އާ ސްކޮލާޝިޕްތައް ނުފެށުމާއި ރާއްޖެއިން ބޭރުން ލިބޭ ހިލޭ ކުރު ކޯސްތައް ފިޔަވައި އެހެން ޓްރެއިނިން އެއް ކުރިޔަށް ނުގެންދިޔުން.
- އަމަލީ މަސައްކަތް ފަށައިގެން ކުރިޔަށް ދާ ނުވަތަ ހިދުމަތެއް މެދު ނުކެނޑި ދިނުމަށްޓަކައި ކޮންމެހެން ކުރަން ޖެހޭ މަރާމާތެއް ފިޔަވައި އެހެން މަރާމާތެއް ނުކުރުން.
- ޕީއެސްއައިޕީގައި ހިމެނޭ ކެޕިޓަލް ހަރަދެއް ފިޔަވައި ކޮންމެހެން ކުރަން ޖެހޭ ކެޕިޓަލް ހަރަދެއް ނޫނީ ނުކުރުން.
- އެ ހުރިހާ ކަމެއްގެ ތެރެއިން ކޮންމެހެން ކުރަން މަޖުބޫރުވާ ކަމެއް ކުރުމަށް 5000ރ. އަށް ވުރެ އިތުރަށް ހަރަދުވާނަމަ ފިނޭންސްގެ ހުއްދަ ހޯދުން.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އުވާލާ
21 June 2022
މަޖިލިސް އުވާލަދެއްވާ. އަދި ބޭކާރު ކައުންސިލަރުންނާއި ޑޑސ ވެސް އުވާލާ. ސިޔާސީ މަގާމުތަކުގައި ތިބި ބޭކާރު މީހުންވެސް... މިރާއްޖޭގައި ހިލޭ ކަރަންޓާއި ބޭސް ފަރުވާ އަދި ފުލެޓާއި އެހެން ކަންކަންވެސް އޭރުން އާންމު ރައްޔިތުންނަށް ކޮށްދެވޭނެ. މިއީ މުއްސަނދި ގައުމެއް. އެ މުއްސަނދިކަން ވަކި ބަޔަކު ފޭރިގަނެފަ މިވަނީ.
ބުންޏޭ ބުންޏޭ
21 June 2022
ތިނަގާ ނަގާ ޑަބަލް މުސާރައިން އެއްމުސާރަ ސަރުކާރަށް އަނބުރައި ހަދިޔާ ކޮށްބަލަ. މީނަ ފުރަތަމަ ބުނި ތިމަން ނަގާނީ އެއްމުސާރަކަމަށް. އެހެން ބުނިއިރުވެސް އެނގޭނެ ގާނޫނަކުން ދޭ އެއްޗެއް މީނަ އެދުނިއްޔޭ ކިޔާފައި ކަނޑާ ނުލާނެކަން. އެކަމަކު އެމުސާރަ އަނބުރައި ސަރުކާރަށް ދެވޭނެ ނުންތަ. މިހާރު މިހެދީ ސޯލިހު ދަތުރަކު ދާން އުޅޭތީ މީހުންލައްވައި އޭނަޔަށް އެއްޗެހި ކިޔުއްވަން ކުރިކަމެއް ތިއީ. އިޚުލާސްތެރި ކަމެއްނެތް ތިކަމުގައި.
ޟީސާ
21 June 2022
އެއީ މިހާރު އެހާ މަގުބޫލު މީހެއް ނުން
ދެދެރފ
21 June 2022
ހޮޓެލް ޖެން ގަ ދުވާލަކަށް 30000+ ތަޅާލި ހަނދާން ވޭތަ
ބޮޓުގްރޫޕް
21 June 2022
ކާކު؟ ކޮންކަމަކަށް؟ ހަބަރުގެ ފޯކަސް ގެއްލުވާލުންދޯ އަސްލު ބޭނުމަކީ؟ ހެހެ
xoxo
21 June 2022
ވަރަށް ލޯބިވޭ އިގޭ، ރައީސް ނަޝީދު!
ބައްލަވާ
21 June 2022
ކޮޅުނބާ ހަމައަށް ދެވުނަސް އެތަނުގެ އެތެރޭގެ ހުރިހާ އަގުތަށް އުޅޭނީ މިހާރު މާމަތީގަ ނޫންތޯ. އެތަނަށްވެސް ގޮސްގެން ބޮޑު ހަރަދު ހިނގާނެ މިހާރު.
ސައިޚް
21 June 2022
ނަޝީދު ކުރީމަ ދެއްކުންތެރިކަން، ޔާމީނު ކުރިނަމަ ޔާރައްބީ ގައުމާ، ރައްޔިތުންދެކެވާ ލޯބިން، މީ އިންސާނީ ހަމަހުރިގޮތް، ހަސަދައަކީ މީހާގެ ހަލާކު، ޔާމީނު ވައްކަންކުރިއަސް ރަނގަޅު، އެހެންމީހަކު ވައްކަން ކުރީމަވަރަށްގޯސް، މިވެސްހަމައުސޫލުދޯ.؟
ސައިހޫ
21 June 2022
ކަލޭގެ ފިތުނަވެރިކަން އަދި މާ ބޮޑު.
އެނދިމަރިޔަނބު
21 June 2022
އެހެން ވެރިންނަށް މިސާލު ދައްކަވާ ޚަރަދު ކުޑަކުރުމުގެ މަސައްކަތް ފެއްޓެވީތީ ޝުކުރިއްޔާ.
ހެން
21 June 2022
ނަމޫނާއެއް. ވަރަށް ފުރިހަމަ އިބާރާތްކޮޅެއް. ގަދީމީ ދިވެހި ބަސް ރީތި
ފޫޖި
21 June 2022
ބޭފުޅާ އަބަދު ދައުލަތުގެ ހަރަދުގައި ދުނިޔެ ވަށާ ބުރުޖެހުމުން ރައްޔިތަކަށް ވާނެ މޮޅެއް ބުނެދީބަލަ. ކޮޅުބައްވެސް ދާންޖެހޭނީ އަމިއްލަ ހަރަދުގައި. އަހަރެމެންގެ އޯޓީ ކަނޑާލާފައި ކަލޭމެންނަށްވެސް ހަރަދުކުރެވިގެންނުވާނެ.