ރައީސް އިބްރާހިމް މުހައްމަދު ސޯލިހު، ކެބިނެޓްގެ މިއަދުގެ ބައްދަލުވުން ކުރިއަށް ގެންދަނީ.
21 ޖޫން 2022 - 20:50
62 comments
ޔޯގާ ދުވަސް ފާހަގަކުރަން ގަލޮޅު ދަނޑުގައި މިއަދު ބޭއްވި ހަރަކާތައް ހުރަސް އަޅައި، އެ ތަނަށް ވަދެގަނެ ހަމަނުޖެހުން ހިންގި މީހުންގެ މައްސަލަ ވަޒީރުންގެ މަޖިލީހުގެ ސަބް ކޮމިޓީއެއް އެކުލަވާލައިފި އެވެ.
ރައީސް އޮފީހުން މިރޭ ބުނީ، މިއަދު ހެނދުނު 6:30 ގައި ގަލޮޅު ދަނޑުގައި ހިންގި ހަމަނުޖެހުންތަކުގެ މައްސަލަ ބަލައި ފިޔަވަޅު އަޅާ ކޮމިޓީގައި ހިމެނެނީ ހަތް ބޭފުޅެކެވެ. އެއީ:
1- ޑރ. އަހުމަދު ޒާހިރު، އިސްލާމިކް މިނިސްޓަރު
2- ޑރ. އާއިޝަތު އަލީ، އެޑިއުކޭޝަން މިނިސްޓަރު
3- އާއިޝަތު މުހައްމަދު ދީދީ، ޖެންޑާ މިނިސްޓަރު
4- އިބްރާހިމް ރިފްއަތު، ބަންޑާރަ ނާއިބު
5- ޔުމްނާ މައުމޫން، ހެރިޓޭޖް މިނިސްޓަރު
6- މުހައްމަދު އަސްލަމް، ހައުސިން މިނިސްޓަރު
7- އަހުމަދު މަހުލޫފް، ޔޫތު މިނިސްޓަރު
ރައީސް އޮފީހުން ބުނީ، ޔޯގާ ހަރަކާތަށް ހުރަސްއަޅައި އެ ހަރަކާތުގައި ބައިވެރިވި މީހުންނާ ދެކޮޅަށް، ބިރުވެރިކަން އުފެދޭގޮތަށް އެތަނަށް ބަޔަކު ވަދެގެން، ބައެއް މީހުންނަށް ހަމަލަދީ، ތަކެއްޗަށް ގެއްލުންދީ ހިންގި ކަންކަން ވަޒީރުންގެ މަޖިލީހުން ކުށްވެރި ކޮށްފައިވާ ކަމަށެވެ.
"މިކަން ކުށްވެރިކުރައްވާފައި ވަނީ މިއަދު ބޭއްވެވި ވަޒީރުންގެ މަޖިލީހުގެ ބައްދަލުވުމުގައެވެ. ވަޒީރުންގެ މަޖިލީހުގެ މެންބަރުން ވަނީ މި އަމަލު ހިންގުމުގައި ބައިވެރިވި މީހުންގެ މައްސަލަ ތަހުގީގުކޮށް، ފިޔަވަޅު އެޅުމަށް ވެސް ގޮވާލައްވާފަ އެވެ،" ރައީސް އޮފީހުގެ ވެބްސައިޓްގައި ވެ އެވެ.
ޔޯގާ ހަރަކާތް ކުރިއަށް ގެންދަނިކޮށް، އެ ތަނަށް ބަޔަކު އަރައިގަނެ، ބައެއް މީހުންނަށް ހަމަލަދީ، ތަކެއްޗަށް ގެއްލުން ދިން މައްސަލަ ހޫނުވުމާ ގުޅިގެން ރައީސް އިބްރާހިމް މުހައްމަދު ސޯލިހު މިއަދު ހެނދުނު ކުރެއްވި ޓުވީޓެއްގައި ވިދާޅުވީ، އެ މައްސަލަ ބަލައި، ސަރުކާރުން ފިޔަވަޅު އަޅާނެ ކަމަށެވެ.
"އެ މައްސަލަ ތަހުގީގު ކުރަމުން ދަނީ ވަރަށް ސީރިއަސް މައްސަލައެއްގެ ގޮތުގައި. އެ ކަމުގައި ޝާމިލުވާ މީހުން ގާނޫނުގެ ކުރިމައްޗަށް ގެންނާނަން،" ވަރަށް ޔަގީންކަމާއެކު ރައީސް ވިދާޅުވި އެވެ.
ފުލުހުން ބުނާގޮތުގައި ގަލޮޅު ދަނޑަށް ވަދެ ހަމަނުޖެހުން ހިންގި މީހުން ގެންގުޅުނީ އިދިކޮޅު ޕާޓީ ޕީޕީއެމްގެ އޮފީހުން ގެންދިޔަ އާލާތްތަކެއް ކަމަށް ވަނީ އެނގިފަ އެވެ. އެކަމަކު އެ ޕާޓީން އެ ކަން ދޮގުކުރެ އެވެ. ނަމަވެސް ދަނޑަށް ވަން މީހުން ގެންގުޅުނު، ޝަހާދަތުގެ ދެކަލިމަ ލިޔެފައިވާ ހުދު ކުލައިގެ ދިދަތައް ޕީޕީއެމްގެ އޮފީހުން ރޭ ފަތިހު ނެރޭ މަންޒަރު ފެންނަ ފޮޓޯތަކެއް ވަނީ އާންމުވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގުދުގުދާބެއްޔާ
23 June 2022
މިވަރުން ދާނަމަ މާދުރުން ދީނީ ނަސޭހަތް ދެމުންގޮސް ސާފު ބޯފެންވެސް ހަރާމް ކުރާ ހިސާބަށް ދާނެ!!
އެދުރުބެ2
22 June 2022
ދީނާ ޚިލާފު އަމަލު ހިންގިފަރާތްތަކަށްވެސް ފިޔަވަޅު އަޅުއްވާ.
ހިންނަވަރު ސޮރު
22 June 2022
ދީނާއިހިލާފް ކަންކަން ކުރާކަމަށްވާނަމަ ދެންވެސް ހަދަންވީ ހަމަ މިހެން. ތިޔަ، ކޮމިޓީއަކީ ވަގުންގެ ކޮމެޓީއެއް. ބަލައެއް ނުގަންނަން.
އިބްރ
22 June 2022
ހިންދުތުވާ އަޅުކަމެއް ޕްރޮމޯޓްކޮށް ހަރުކަށި ފިކުރަަށް ހިތްވަރުދީ ފިތުނަ އުފެއްދި މައްސަލައިގައި ރ ސާލިހުގެ ސަރުކާރުގެ ވަޒީރުކަމުން މަހްލޫފް ވަކިކުރުމަށް ރާއްޖޭގެ ހުރިހައި ޖަމްއިއްޔާތަކުން ބަޔާންނެރެންޖެހޭ.
ދިވެސް
22 June 2022
ރާއްޖޭގައި މީހުން މަރައި ކަތިލައި މަގުމަތީގައި އާންމުކޮށް ޑްރަގް ވިއްކައި ޑްރަގް ކެފޭ ހަދައިގެން އަދި ގޭންގު ހަދައިގެން އުޅޭއިރު އެކަންކަން ގާތުން ބަލައި ފިޔަވަޅު އަޅަން ކެބިނެޓްގެ ސަބް ކޮމިޓީއެއް ނުހެދުނު. އެކަމަކު ޔޯގާ ނުބޭއްވިގެން އެކަމަށް ހުރަސް އަޅައިގެން ކެބިނެޓްގު ސަބް ކޮމިޓީއެއް ވަގުތުން ވަގުތަށް ހަދައިގެން ފިޔައަޅު އަޅަން ފެށިއްޖެ.
ގުއިއްޒު
22 June 2022
ހައްދުފަހަނަ އެޅި މީހުންގެ އިންޒާރު މި 7 މެންބަރުންނަށް ނުލިބޭނެބާ؟ ލިބިއްޖެއްޔާ ވެސް ގާޒީން ހަދާގޮތަށް ބިރުން ތަނާޒުލު ނުވާތި. ދުރަށް ދާކަމަށްވާނަމަ އަހަރެމެންނަށް ސިފަވާނީ ސަރުކާރަށްވުރެ ހައްދުފަހަނައެޅި ގޭންގުގެ ބާރު މާގަދަޔޭ.
ދިއްދޫމީހާ
22 June 2022
ތިޔަ ކޮމެޓީން ފުރަތަމަ ބަލާބަލަ މަހްލޫފް ދިވެހި ރައްޔިޔުންގެ ފައިސާއަ ހިޔާނާތްތެރިވީ މައްސަލަ، އެމް.އެމް.ޕީ.އާރްސީއަ ނެގި ފައިސާ އަނބުރާ ދައްކަން އަންގާބަލަ، ދެން ހުރީ އަސްލަމް އޭނާއަކީ ދިވެހި ރައްޔިތުންގެ ފައިސާއިން އޭނާގެ މޯބައިލް ބިލް ދެއްކި މީހެއް، ޔުމްނާ ގާތު ބުނެބަލަ ރަން ތިރީސްއަހަރުގާ ކިތައް ދިވެހިންނަ ލާއިންސާނީ އަނިޔާ ލިބުނުތޯ؟ އަދި އެމީހުންނަ އިންސާފް ލިބިޖެއްތޯ؟؟ ދެން ރިއްފަތު ގާތުބުނެބަލަ ފާޑުފާޑު ނަންނަމުގާ ބަދަލް ދިނުން ހުއްޓާލަން
އަލީ އަސްފާގު
22 June 2022
ކޮމިޓީ ތައް ހެދުމުގެ ބޭނުމެއް ނެތް. ބޭނުންވަނީ ވީހާވެސް އަވަހަސް ފިޔަވަޅު އަޅަން. 1 ހަފަތާތެރޭ މައްސަލަ ތައް ބަލައިދެއްވާ. ނުރައްކާތެރި އަނިޔާވެރި ޔާމީނު ހައްޔަރުކުރޭ. ކުއްކުރި މީހުނަސް އަދަބު ދެއްވާ.
ޝަފީރު
22 June 2022
ދިވެހިޤައުމުގެ ދާޚިލީ ޘަޤާފަތް ވަޅުލާފައި ބޭރު ބައެއްގެ ދީނީ ޘަޤާފަތް ދިވެހިރާއްޖޭގައި ފެތުރުމަށް މަސައްކަތް ކުރުމަށް ދިވެހި ސަރުކާރުން މިވަރަށް މަސައްކަތް ކުރުމަކީ އިންޑިޔާގެ ހިންދީ ސަރުކާރުގެ ދަށުވެފައިވާވަރު. އަރައިނުގަނެވޭވަރުގެ އަޅުވެތިކަމެއްގެތެރޭގައި ދިވެހިން.
ސަދަގާތު ފަބްޑު
22 June 2022
ސަގާފަތޭ ބުނެ ތިޔަ ހާމަކުރި ހިޔާލު މުޅިން ގޯހެއްނޫން. އަދި ޔޯގާގަ ހުރޭ ކަސްރަތެއްގެ ގޮތުން ހަށިގަނޑު ދަމާލުމާ ހިންދީ ދީނުގެ ވިސްނުން ފެތުރުން. ކަސްރަތެއްގެ ގޮތުން މިހާރުވެސް ކުރަމުން އަންނަ ކަމެއް އެއީ، ދީނުން ބޭރު ނުވާ ހައްދުގެ ތެރޭ. އަދި އަގީދާ ބަލިކަށި މީހުން ލަވަމުން ލަވަމުން ހިންދީ ދީނަށް ވައްދާވެސް ކަމެއް އެއީ، ސަމާލުވާންވެސް ޖެހޭ. ނަމަވެސް ޖުމުލަކޮށް ބުނާނަމަ އެއީ އެގޮތަށް ހުއްޓުވަންޖެހޭ ކަމެއްނޫން. އެޔަށްވުރެ ނުރައްކާ މަސްތުވާތަކެތި.
ހަސަނު
22 June 2022
ގަލޮޅު ދަނޑުން ފެނުނީ ދައުލަތުގެ ބާރު ކެނޑިފައިވާ މިންވަރު. އަޑު ގަދަ މަދު ޕާޓޭން ތަކެއް ގައުމުގެ ސިޔާދަތު މުގުރާލިތަން ފެނުނީ.. ރައްޔިތުން މިތިބީ ކޮސްވެފަ.