އެބޯޝަނަކީ އެމެރިކާގައި އަސާސީ ހައްގެއްގެ ގޮތުގައި 1973 ވަނަ އަހަރުން ފެށިގެން އޮތް އޮތުން މިއަދު ސުޕްރީމް ކޯޓުން ވަނީ ނިމުމަކަށް ގެނެސްފައި
އެބޯޝަންގެ މައްސަލާގައި އެމެރިކާގައި މިއަދު މުޒާހަރާ ކުރަނީ: އެބޯޝަންގެ ހުއްދަދިން ނިންމުން ސުޕްރީމް ކޯޓުން ވަނީ އަނބުރާ ގެންގޮސްފައި -- ފޮޓޯ/އީޕީއޭ
24 ޖޫން 2022 - 22:09
6 comments
އެމެރިކާގައި އެބޯޝަން ހުއްދަކޮށްފައި އޮތްއޮތުން 50 އަހަރު ފަހުން އެ ގައުމުގެ ސުޕްރީމް ކޯޓުން މިއަދު ނިމުމަކަށް ގެނެސްފި އެވެ. މިއީ އެބޯޝަން ހުއްދަކުރުމާ ދެކޮޅަށް މަސައްކަތް ކުރަމުންދާ ރިޕަބްލިކަން ފިކުރުގެ މީހުންނަށް ލިބުނު ބޮޑު ކާމިޔާބީއަކަަށް ވިޔަސް މިއީ މިހާރު ވެރިކަމުގައި ތިބި ޑިމޮކްރަޓުން ދެކޮޅު ކަމެކެވެ.
މާބަނޑު އަންހެނުން އެބޯޝަން ހެދުމަކީ އަސާސީ ހައްގެއްގެ ގޮތުގައި އެމެރިކާގެ ސުޕްރީމް ކޯޓުން ނިންމީ 1973 ވަނަ އަހަރު އެވެ. އޭގެފަހުން ބައެއް ސްޓޭޓްތަކުގައި އެބޯޝަން ހުއްދަވިޔަސް، ބައެއް ސްޓޭޓްތަކުގައި އެކަން އޮންނަނީ ވަރަށް ހަރުކަށިކޮށެވެ. މި ނިންމުމާ އެކު، ހުރިހާ ސްޓޭޓްތަކެއްގައި އެބޯޝަން މަނާކުރަން ޖާގަ ލިބުނީ އެވެ.
މިސިސިޕީ ސްޓޭޓްގައި އެބޯޝަން މަނާކުރަން ހެދި ގާނޫނުގެ މައްސަލާގައި ސުޕްރީމް ކޯޓުގެ ނުވަ ފަނޑިޔާރުންގެ ތެރެއިން ފަސް ފަނޑިޔާރުންގެ އަޣުލަބިއްޔަތުން ނިންމީ އެބޯޝަނަކީ އަސާސީ ހައްގެއްގެ ގޮތުގައި އެމެރިކާގެ ގާނޫނު އަސާސީ ނުދަންނަ ކަމަށެވެ. އަދި ކުރީގެ ނިންމުމަކީ ގޯސް ނިންމުމެއް ކަމަށް ކަނޑައެޅި އެވެ.
ސުޕްރީމް ކޯޓުން އެގޮތަށް ނިންމީ އެ ކޯޓުގެ އަޣުލަބިއްޔަތު އޮންނަ ކޮންޒަވޭޓިވް ފިކުރުގެ ފަނޑިޔާރުންގެ އަޣުލަބިއްޔަތުންނެވެ. އެ ނިންމުމާ ދެކޮޅު ހައްދަވައި، އެބޯޝަންގެ ހައްގު ދަމަހައްޓަން ރައުޔު ނެރުނީ ލިބަރަލް ފިކުރުގެ ތިން ފަނޑިޔާރުންނެވެ.
ރައީސް ޖޯ ބައިޑަން: މިއީ އޭނާ އާއި ސަރުކާރަށް ކުރިމަތިވި ނާކާމިޔާބީއެއް
އުއްތަމަ ފަނޑިޔާރު ޖޯން ރޮބަޓްސްއަކީ ކޮންޒަވޭޓިވް ފިކުރުގެ ބޭފުޅަކަށް ވިޔަަސް، އޭނާގެ ރައުޔު ނެރުއްވީ އެހެން ފަނޑިޔާރުންނާ ތަފާތުކޮށް، ސުޕްރީމް ކޯޓުގެ ކުރީގެ ނިންމުން ބާތިލް ނުކުރުމަށެވެ. އެކަމަކު އެބޯޝަންގެ ފުރުސަތު ހަނިކުރަން މިސިސިޕީގައި ހެދި ގާނޫނު ދެމެހެއްޓުމަށް އޭނާ ރައުޔު ނެރުއްވި އެވެ.
ސުޕްރީމް ކޯޓުގެ މި ނިންމުމާ އެކު، އެބޯޝަނާ ދެކޮޅު ފަރާތްތައް އުފާފާޅުކުރަމުން ދާއިރު ވެރިކަން ހިންގާ ޑިމޮކްރަޓިކް ޕާޓީގެ އިސް ބޭފުޅުން އެ ނިންމުމަށް ދަނީ ފާޑު ވިދާޅުވަމުންނެވެ. މި ނިންމުމާ ގުޅިގެން ރައީސް ޖޯ ބައިޑަން ވެސް ކުއްލި ގޮތަކަށް މިއަދު ގައުމާ މުޚާތަބު ކުރައްވާނެ އެވެ.
ކުރީގެ ރައީސް ބަރަކް އޮބާމާ އާއި އެމަނިކުފާނުގެ އަނބިކަނބަލުން ވެސް ވަނީ ސުޕްރީމް ކޯޓުގެ ނިންމުމާ މެދު ހިތާމަ ކުރައްވާ ކަމަށް ވިދާޅުވެ، ބަޔާން ނެރުއްވައިފަ އެވެ. އޮބާމާއަކީ ވެސް އެބޯޝަންގެ ހައްގުގައި ވަކާލާތު ކުރެއްވި ބޭފުޅެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޖަލީލީ
25 June 2022
އަމިއްލަ އަތުން ފިތުރަތާ ދެކޮޅަށް ހަދާ ގާނޫނު ތަކުގެ ދެ އުޅިއެއް ނެތް ކަން މި ފެންނަނީ. މިހާރު އެގައުމު ތަކުގަ އެ އުޅެނީ އެއްޖިންސްއިން ގުޅުން ހިންގުންވެސް ލީގަލައިޒް ކޮށްގެން. ދުވަސް ކޮޅަކުން ގައުމުގެ އާބާދީ ޑްރޮޕްވެ، މީސްތަކުން އޭޖިންވެ، ނުބައި މަކުނުވިދުރިތަށް ފެތުރި އުނބަށްވެސް ޖަހާފާނެ.
ސަލީމު އިދުރީސް
24 June 2022
މިގައުމުގެ އިލުމުވެރިން ފަތުވާދެނީ! ރޭފުކޮއްގެން ލިބޭދަރި ވައްޓާ ލެވޭނެކަމައް! އެކަމު އަޅުގަނޑު ހިތައް އަރަނީ ރޭފު ކުރީމަވެސް ދަރިން ދެއްވަނީ އެކަލާންގެޔޭ އެކަލާން ގެއިރާދާގަނެއް ދަރިއަކު ލިބޭނެބާއޭ؟؟
އިދުރީސް ސަލީމް
25 June 2022
ރަންގަޅު އިރާދައިގައި ނެތް ދަރިއަކު ނުލިބޭނެ. އެބޯޝަން ހަދައިގެން ދަރިވައްޓާލެވެނީވެސް އިރާދައިގައި އެކަން އެގޮތަށް އޮތުމުން.
އޮރެންޖް
26 June 2022
އިރާދަައިގައި ވާންއޮތް ގޮތޭކިޔާފަ ކޮންމެ ކޮންމެ ކަމެއް ކުރުން ލައިޓްކޮށް ނެގުމުގެ ވިސްނުން އަދި ރަނގަޅެއް ނޫން. އިދުރީސް ސަލީމްގެ ކޮމެންޓަށް 16 މީހުން ލައިކް. 3 މީހުން ޑިސްލައިކް. 84 ޕަސެންޓް ދިވެހި ޒުވާނުންގެ ވިސްނުމުގަ ކޮށިކަމެއް އެބައުޅޭ. ދީނީ ގޮތުން އަދި ދުނިޔަވީ ގޮތުންވެސް ދިވެހިންގެ ހޭލުންތެރިކަން ކުޑަކަން މީގެން ދޭހަވަނީ.
މުޙައްމަދު20
26 June 2022
ދެމީހަކު ކުރާ ކަމެއްގެ ސަބަބުން އެ ލިބޭ ކުއްޖާ ދިރިއުޅުން މަޙްރޫމުކޮށެއް ނުލެވޭނެ. އެއީ އެ ކުއްޖާގެ ޙައްޤެއް. އެކަންކުރި ދެމީހުން އެމީހުންގެ އަބުރު ޚަރާބުވެދާނެތީ ބަނޑުގައިވި ކުއްޖާ މަރާލަނީ.
ޙަސަން އަޙްމަދު
27 June 2022
މި ގައުމުގެ އިލްމުވެެރިންނެއް ނޫން. އިސްލާމް ދީނުގެ ޢިލްމުވެރިން. އިސްލާމް ދީނަކީ އެހެން ދީންތަކާ ޚިލާފަށް ﷲ ބާވާލެއްވި ޝަރީޢަތެއް. ވީމާ އެމެރިކާ މިސާލަކަށް ނުބަލާނެ އިސްލާމް ދީނުގެ ޢިލްމުވެެރިންނެއް.