ޚަބަރު / އަބްދުﷲ ޝާހިދު (ކުރީގެ ފޮރިން މިނިސްޓަރު)

ކަނޑުތައް ހިމާޔަތްކުރުމަށް ޒުވާނުންގެ ވިސްނުން ވަރަށް މުހިންމު: ޝާހިދު

22 ވަނަ އޯޝަން ކޮންފަރެންސް ފެށުމަށް ބޭއްވި ރަސްމިއްޔާތުގައި އދ. އާންމު މަޖިލީހުގެ ރައީސް އަބްދުﷲ ޝާހިދު ވާހަކަދައްކަވަނީ.

އިފްރާޒް އަލީ، މިހާރު

28 ޖޫން 2022 - 14:59

5 comments

ދުނިޔޭގެ ކަނޑުތައް ހިމާޔަތްކުރުމުގައި ޒުވާނުންގެ ހިޔާލާއި ވިސްނުން ކުރިއަށް ވުރެ ބޮޑަށް މިހާރު ބޭނުންވެފައިވާ ކަމަށް ރާއްޖޭގެ ފޮރިން މިނިސްޓަރު އަދި އދ. ގެ އާންމު މަޖިލީހުގެ ރައީސް އަބްދުﷲ ޝާހިދު މިއަދު ވިދާޅުވެއްޖެ އެވެ.

ޕޯޗުގަލްގައި މިހާރު ކުރިއަށްދާ އދ. ގެ 22 ވަނަ އޯޝަން ކޮންފަރެންސް ފެށުމުގެ ރަސްމިއްޔާތުގައި ވާހަކަދައްކަވަމުން ޝާހިދު ވިދާޅުވީ ދުނިޔޭގެ ކަނޑުތައް ހިމާޔަތްކުރުމުގެ މަސައްކަތަށް ޒުވާނުން ޝައުގުވެރިކުރުވުމާއި އެ މަސައްކަތުގައި ޒުވާނުންގެ އެހީތެރިކަން މިހާރު ވަރަށް މުހިންމު ކަމަށެވެ.

"ޒުވާނުންގެ ހިޔާލުތަކާއި ޒުވާނުންގެ ކްރިއެޓިވިޓީ، ކުރިއަށް ވުރެ މާ ބޮޑަށް ބޭނުންވޭ،" އޭނާ ވިދާޅުވި އެވެ.

ޝާހިދު ވިދާޅުވި ގޮތުގައި، ދުނިޔޭގެ ކަނޑުތަކަށް މި ވަގުތު ދިމާވެފައިވާ އެންމެ ބޮޑެތި މައްސަލަތައް ދެނެގަނެ، އެ މައްސަލަތައް ހައްލުކުރުމަށް ސަރުކާރުތަކުން އަމަލުކުރަން ޖެހޭ އުސޫލުތައް އެ ކޮންފަރެންސްގައި މަޝްވަރާ ކުރެވޭނެ ކަމަށެވެ.

އެ މަސައްކަތުގައި މިހާރު ވެސް ދުނިޔޭގެ އަންހެން ސައިންސްވެރިންގެ ބައިވެރިވުން ވަރަށް ބޮޑު ކަމަށް ފާހަގަކުރައްވައި، ޝާހިދު ވަނީ ތައުރީފުކުރައްވައިފަ އެވެ.

Let us protect the ocean 🌊

Let us leverage its power; relish its beauty; cherish its diversity; and ensure its health and longevity.#SaveOurOcean

pic.twitter.com/2ERd0exl7G
— Abdulla Shahid (@abdulla_shahid) June 28, 2022

"އިއްޔެ އަޅުގަނޑާ ދިމާވި މި ދާއިރާގައި ވަރަށް ފުންނާބުއުސް އަންހެން ސައިންޓިސްޓުންގެ ގްރޫޕަކާ. އެ ބޭފުޅުންގެ މަސައްކަތް ފެނިފައި އަޅުގަނޑު ވަރަށް އުފާވި އަދި އިންސްޕަޔާވި،" އޭނާ ވިދާޅުވި އެވެ.

"ދުނިޔޭގެ އޯޝަން ސައިންސާ ގުޅޭ ރިސާޗުތައް ހަދާ މީހުންގެ 38 ޕަސެންޓަކީ އަންހެން ސައިންޓިސްޓުން. އެއީ ސައިންސްގެ އެހެން ދާއިރާތަކާ ބަލާފައި 10 ޕަސެންޓްގެ އިތުރުވުމެއް. އަދިވެސް މި ދާއިރާގައި އަންހެނުންގެ މަސައްކަތް އިތުރުވާން ޖެހޭ."

Great meeting White House Deputy Director for Climate & Environment Dr Jane Lubchenco during my conversation with female scientists at #UNOC2022.

Thank you for your participation & for the inspiring work that you continue to do in the field of marine biology. pic.twitter.com/QHfhnVpmnF
— Abdulla Shahid (@abdulla_shahid) June 27, 2022

ޝާހިދު ފާހަގަކުރެއްވި އިތުރު ބައެއް ކަންކަން

- ޕްލާސްޓިކް ޕޮލިއުޝަން ކުޑަކުރަން އދ. އިން މިފަހުން އެކުލާވަލި ލޭންޑްމާކް އެއްބަސްވުމާއި މަސްވެރިކަމަށް ސަބްސިޑީ ދިނުމަށް ވޯލްޑް ޓްރޭޑް އޯގަނައިޒޭޝަން އިން މި ފަހުން ހެދި އާ އެއްބަސްވުމުގެ ސަބަބުން ކަނޑުތައް ހިމާޔަތްކުރުމުގެ މަސައްކަތަށް އާ އުއްމީދެއް ވަނީ ލިބިފައި.

- ދުނިޔެ ހޫނުވުމާއި ކަނޑުގެ ލޮނުގަނޑު އުފުލުމާއި އަދި އާދަޔާ ހިލާފަށް ކަނޑުތަކުގައި މޫދުވިނަ ގިނަވުން ކަހަލަ ކަންކަމުގެ ސަބަބުން ކަނޑުގެ ދިރުންތަކަށް ނުރައްކާވުމާއި ޓޫރިޒަމް ކަހަލަ ކަންކަމަށް އޭގެ ނޭދެވޭ އަސަރުކުރުން.

- އަންނަ ހުކުރު ދުވަހު އެ ކޮންފަރެންސްގައި ދުނިޔޭގެ ކަނޑުތައް ހިމާޔަތްކުރުމަށް މުހިންމު ނިންމުމެއް ނިންމާނެ.

އ.ދ. ތިމާވެށި ޕޯޗުގަލް އަބްދުﷲ ޝާހިދު (ކުރީގެ ފޮރިން މިނިސްޓަރު) ކްލައިމެޓް ޗޭންޖް

5 ކޮމެންޓް, 2 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޢާދަނުބެ

29 June 2022

މި ދިވެހި ރާއްޖޭގަވެސް މިއޮތްބޮޑު ކަނޑުން ނިކަމެތްޗަކަށް އެތްޗެއް ލިބޭނެ ހުރިހާމަގެތް ބަންދުކޮށްފަ ހިމާޔަށް ކުރުމުގެ ނަމުގަ މިއޮތް ބޮޑުކަނޑުން ދުވެހިންނަށް އެތަކެތް މަންފާއެތް ލިބެން އެބައޮތް އެހެން ނަމަވެސް ތިމާވެށި ނަމުގަ ބޮޑު އޮޅުވާލުމެތް އޮޅުވާލާ ކަނޑުގެ މުށްސަނދިކަުން ވަނީ މަހުރޫމުކޮށްފަ މި ގައުމުގެ މުށްސަނދިން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މޮޔަބެ

28 June 2022

އަޖައިބެއް މީނާގެ ޚަބަރުތައް އަދިވެސް މިނޫހުން ލިޔޭތަ. މިއީ ދުނިޔެ ދަންނަމީހެއްނޫން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގެދާނޯމޮސް

28 June 2022

ނަސީބެއްނުން ކަނޑާ ބެހޭ އިލްމު ހޯދަން ދުނިޔެއިން ބޭރަށް ދާން ނުބުނުއްވިކަން : މިވެރިން ކަނޑުތަކުގަ ގަވާއިދާ ޚިލާފަށް މަސްވެރިކަމާއި އެހެނިހެން ކަންކަމަށް ދޫކޮށްފަ ހިމާޔަތް ކުރާށޯ ޒުވާނުން ...ހެ ހެހހހޭ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުމީހާ

28 June 2022

ޝާހިދުގެ ގައުމުގެ ޒުވާނުން ބިތްޖެހި ހަލާކުވަނީ، އެއްބަޔަކު ކުލި ދައްކަން ހޭބޯނާރާ މަސައްކަތްކުރަނީ، އަނެއް ބަޔަކު ލިބޭ ލާރި ގިނަކަމުން ކުރާނެކަމެއް ނޭގިގެން ފާޑުފާޑުގެ ކުޅިތައް ކުޅެނީ، އަނެއް ބަޔަކު ޕަބްޖީއަށް ގޮސް ހުސްވެފަ، މިގައުމުގެ ހުރި އިޖްތިމާއި އިގްތިސާދީ މައްސަލަތައް ހައްލުކުރަން މަނިކްފާނު ކަމެއް ނުކޮށް މޮޅެތި ހެޑްލައިން ހަދާނެކަމެއް ނެތް