07 ޖުލައި 2022 - 11:16
19 comments
އިގްތިސާދީ ގޮތުން ފުން ވަޅުގަނޑެއްގެ ތެރޭގައި އޮތް ސްރީ ލަންކާ އަށް ބޭނުންވާ އެންމެ ޒަރޫރީ މިންވަރަށް ތެލުގެ ބާވަތްތައް ހޯދުމުގައި އެހީތެރިވެދިނުމަށް އެދިވަޑައިގެން، ލަންކާގެ ރައީސް ގޯޓާބޭ ރާޖަޕަކްސަ، ރަޝިޔާގެ ރައީސް ލަޑިމިއާ ޕުޓިންއާ ފޯނުން ގުޅުއްވައި އިއްޔެ މަޝްވަރާ ކުރައްވައިފި އެވެ.
ލަންކާގެ ރައީސް ގޯޓާބޭ ވިދާޅުވީ، ރަޝިޔާގެ ރައީސް ޕުޓިންއާ އެކުގައި ބޭއްވެވީ ވަރަށް ބިނާކުރަނިވި މަޝްވަރާތަކެއް ކަމަށެވެ. ލަންކާ އަށް ބޭނުންވާ ތެލުގެ ބާވަތްތައް ހޯދުމާ ބެހޭ ގޮތުން ދެ ރައީސުން މި މަޝްވަރާ ކުރެއްވީ، ލަންކާގައި މިހާރު ހުރި ޕެޓްރޯލާއި ޑީސަލް އަދި ކަރާސީނުކޮޅު ވެސް ވަރަށް އަވަހަށް ހުސްވާނެ ކަމަށް، ލަންކާގެ ހަކަތައާ ބެހޭ ވަޒީރު، މިދިޔަ ހަފުތާ ބަންދުގައި އިންޒާރު ކުރައްވާފައި ވަނިކޮށެވެ.
ވަޒީރުގެ އެ އިންޒާރާ ގުޅިގެން، ވެރިރަށް ކޮލަމްބޯގެ މަގުތަކަށް އާންމުންގެ އެތައް ހާސް ބަޔަކު އިއްޔެ ނުކުމެ، ސަރުކާރާ ދެކޮޅަށް މުޒާހަރާ ކުރި އެވެ.
1/2
— Gotabaya Rajapaksa (@GotabayaR) July 6, 2022
Had a very productive telecon with the #Russia President, Vladimir Putin. While thanking him for all the support extended by his gvt to overcome the challenges of the past, I requested an offer of credit support to import fuel to #lka in defeating the current econ challenges.
ރައީސް ޕުޓިންއާ އެކުގައި ކުރެއްވި މަޝްވަރާތަކަށް ފަހު، ކުރެއްވި ޓުވީޓެއްގައި ރައީސް ގޯޓާބޭ ވިދާޅުވި ގޮތުގައި އޭނާ ރައީސް ޕުޓިންގެ އަރިހުން އެދިވަޑައިގަތީ ދަރަންޏަށް ތެޔޮ އެތެރެ ކުރުމުގައި އެހީތެރިވެދެއްވުމަށެވެ. އޭގެ އިތުރުން، ކޮލޮމަބޯ އާއި މޮސްކޯއާ ދެމެދު ރަޝިޔާގެ ގައުމީ އެއާލައިން، އެއެރޯފްލޮޓްގެ އުދުހުންތައް އަލުން ފެށުމަށް ވެސް އޭނާ ރައީސް ޕުޓިންގެ އަރިހުން އެދިވަޑައިގަތެވެ.
ގޯޓާބޭ ވިދާޅުވި ގޮތުގައި ޓޫރިޒަމްގެ ދާއިރާ އާއި ވިޔަފާރި އާއި ސަގާފީ ދާއިރާ އިން ދެ ގައުމުގެ ގުޅުން އިތުރަށް ބަދަހިކުރުމުގެ މުހިންމުކަމާ މެދު ދެ ބޭފުޅުންވެސް އެއްބަސްވެވަޑައިގެންނެވި އެވެ. އޭގެ އިތުރުން އެހެން ދާއިރާތަކުން ދެ ގައުމުގެ ގުޅުން ބަދަހިކުރުމަށް ދެ ބޭފުޅުން އެއްބަސްވެވަޑައިގެންނެވި އެވެ.
ލަންކާ އިން ތެލުގެ ބާވަތްތައް ހުސްވާން ފެށުމުން، މިދިޔަ މަސްތަކުގައި ވެސް ލަންކާ އިން ވަނީ ރަޝިޔާގެ ތެޔޮ ގަނެފަ އެވެ. އަދިވެސް ރަޝިޔާގެ ތެޔޮ ގަތުމަށް މަސައްކަތް ކުރަމުން އަންނަ ކަމަށް ލަންކާ ސަރުކާރުން ވަނީ ބުނެފަ އެވެ.
އިނގިރޭސީންގެ އަޅުވެތިކަމުން 1948 ވަނަ އަހަރު ލަންކާ އަށް މިނިވަންކަން ލިބުނު ފަހުން، ލަންކާގެ އިގްތިސާދު މިހާ ބޮޑަށް ދަށަށް ދިޔަ މިއީ ފުރަތަމަ ފަހަރެވެ. އެ ދަތިކަން ފޫބެއްދުމުގެ ގޮތުން އިންޑިއާ އާއި ޗައިނާގެ މާލީ އެހީތެރިކަން ހޯދުމަށް ސްރީ ލަންކާ ސަރުކާރުން މަސައްކަތްތަކެއް ކުރި ނަމަވެސް، އެކަން ކާމިޔާބުވާ ގޮތެއްނުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިބްރ
09 July 2022
ރ ނަޝީދު މެދުވެރިކޮށް ކުރެއްވި މަސައްކަތުން އެއްވެސްކަމެއް ކަންފޮޅާނުވީތޯ؟
ނިކަމެތިރައްޔިތުމީހާ
08 July 2022
މި ވަގުތު ލަންކާއަށް އެހީ އެއް ދެވިދާނެ ގައުމުތައް ކަމުގައިވާ ޗައިނާ ސައުދީ އަދި ރަޝިއާއާއި ދިމާލަށް ހެއްދެވި ނެހެެއްދެވި ގޮވި މީހާ (ޔައުނީ ނަޝީދު) ލަންކާ ސަރުކާރުން ކުރިޔަށް ނެރުނީމަ ހުރިހާ ދޮރެއް ބަންދުވީ!
އުދުހޭ
07 July 2022
ސްރީލަންކާއަށް އެހީ ހޯދުމަށް ކަނޑައަޅާފައިވަނީ 11.42ރ އިން 15.42ރ އަށް މިގައުމުގައި ޑޮލަރު ބޮޑުކުރީ މީހެއްކަން ލަންކާ ވެރިންނަށް އެނގޭތޯ؟
ފިޔަކޮށި
08 July 2022
ދެން އޭގެ ފަހުން އައި ރައީސުން ޑޮލަރު ބެހީ ހިލޭތަ؟
މެސީ1
07 July 2022
އަދިވެސް ހުޅަނގުން ބުނެގެން ރަޝިޔާގެ މަތިންދާބޯޓެއް ހުއްޓުވާފަ އެހީއައް އެދުނު ނަމަ އެހީލިބުން ފަސޭހަ ވާނެ
މަހުމޫދު ސަލީމް
07 July 2022
އެމެރިކާ ގެ އިގްތިސާދު އަވަހައް ރަގަޅުވުމަކީ އަހަރުމެންނައްވެސް ރަގަޅުވުން. އެމެރިކާ ގެ އިގްތިސާދު ސަކަރާތް ވާއިރު މުޅި ދުނިޔޭގެ ގިނަ ގައުމު ތަކައް ބޮޑެތި އަސަރު ކުރާނެ. މި ރާއްޖެ އައް އަންނަ ޓޫރިސްޓުންނާއި ޑޮލަރު ހޭދަކުރާ ވަރުވެސް ބޮޑެތި ލޮޅުން އަންނާނެ! އަވަސް ގޮތަކައް ރަަގަޅު ވާނެ ކަމައް ދުއާކުރަން!
ސަލީމު އިދުރީސް
07 July 2022
ދެންކީހާބޮޑު މިރަދީފު ޖަޒުބާތުގަހުރެ ކޮމެއްޓު ކުރާވަރުން! މަ ބޭނުން ވާގޮތްވާނެނަމަ ރަނގަޅީ ހުޅަގުންވެސް ޕުޓިންފައިގަ ދޫލާއި ގައިމޮޑެދީގެންވެސް މިހަނގުރާމަ ހުއްޓޭފަދަ އެއްބަސްމެއްވުން!ރުސީންގެ ހަކަތަޔައް ބާރޯސާވެގެން ތިބި ހުޅަގުގެ މިސްރާބުހުރީ ދޭތިން އެކެއްޗައް ދުރުމުސްތަކު ބޮލެއްގަ ތެލުގެ ހަކަތަޔައް ބާރޯސަނުވެ ހައިޑުރިޖަންފަދަ ހަކަތައިން ތެލުގެ ޑިމާންކުޑަކުރަން!އެމިހުންގެ އީޖާދުން ތެޔޮރަނައްވީވެސް ދެންވެސް އެހެންގޮތްތައް އެމިހުން ހޯދާނެ އެކަމަކު
ބީރުބޮލު ވަޒީރު.
07 July 2022
ސަލީމޫ ރުޅި މަޑުކޮށްބަލަ. ސަލީމަށް ނުފެނޭދޯ އެމެރިކާ އަދި ޔޫރަޕްގެ ބައިގަނޑު ދުނިޔޭގައި ހިންގާ ގަތުލުއާންމުތައް. ކިހާ މުސްލިމުންނެއް އެމީހުން މެރީ. ކިތައް އިސްލާމީީ ގައުމު އެމީހުން ސުންނާފަތިކޮށްލީ. އެހެންވެ އަހަރެމެން އެވެރިން ދެކެ ރުޅިއަރަނީ. ޗައިނާ އާއި ރަސިއާ އެމީހުންނަށްވުރެ މުސްލިމުންނަށް ރަނގަޅުވާނެ ކަމަށް އުންމީދުކުރަން.
ބީރުބޮލު ވަޒީރު.
07 July 2022
" އިންޑިއާ އާއި ޗައިނާގެ މާލީ އެހީތެރިކަން ހޯދުމަށް ސްރީ ލަންކާ ސަރުކާރުން މަސައްކަތްތަކެއް ކުރި ނަމަވެސް، އެކަން ކާމިޔާބުވާ ގޮތެއްނުވި އެވެ." ކާމިޔާބު ވަނީ ކިހިނެތްހޭ؟ ޗައިނާގެ ދަރަނިތައް އެއޮތީ ނުދައްކާ ޑިފޯލްޓް ވެފަ. ދެން ކިހިނެއް އެހީވާނީ. ދެންބަލާ އިންޑިޔާގެ ހާލު. މޯދީ އެހެރީ އެއްފައި ރަސިއާގަ އަނެއްފައި އެމެރިކާގެ ބަހައްޓައިގެން އަރާނެފަޅިއެއް ނޭނގިފައި. އެހެންހުއްޓާ ދެފައި އިރައިގެން ގޮސް ވެއްޓޭނީ . މިއީ ރިއަލިޓީ.
ބުލެކު
07 July 2022
ކޮބާ އިނގިރޭސި ޑިކްޓޭޓަރު އެލިޒަބަތު، އޭނައަށް ގުޅާބަލަ ނުލާހިކު ދީލަތި ބޭބޭފުޅުންނެއްނު އެއީ.
ބަރަބޯ
07 July 2022
ކަމެއްދަމެއް ދިމާވެއްޖިއްޔާ ޗައިނާ އިންޑިއާ ރަޝިއާ ފަހަތުން ދުވަނީ. އެކަމަކު ހުރިހާކަމެއް ކުރަންޖެހެނީ ހުދުމީހުން އަންގާގޮތަށް. އިނގިރޭސިން އެހީވަނީ އެއްޖިންސުން ގުޅުންހިންގާ ގުރޫޕަށް. ކޮމަންވެލްތުން ދެނީ ކުރުވާހަކަ މުބާރާތުގަ ބައިވެރިވުމުގެ ފުރުސަތު.
ޒަންޖަބީލު
07 July 2022
ޕުޓިންއަކީ ދިވެހިންނަށް ނުހަނުހެޔޮ މީހެއް. އެހެންކަމުން ލަންކާއަށް ހެޔޮނުވާންވީ ސަބަބެއްނެތް.