މަޖިލީހުގެ ރައީސް މުހައްމަދު ނަޝީދު ޕްރެސް ކޮންފަރެންސެއްގައި ވާހަކަ ދައްކަވަނީ. -- ފޮޓޯ: ފަޔާޒް މޫސާ / މިހާރު
14 ޖުލައި 2022 - 20:11
78 comments
ސްރީ ލަންކާގެ ރައީސްގެ މަގާމުން މީގެ އިރުކޮޅެއް ކުރިން އިސްތިއުފާ ދެއްވި ގޮޓާބަޔަ ރާޖަޕަކްސާ ގައުމު ދޫކޮށް ވަޑައިގަތުމުގައި ރާއްޖޭން އެހީވުމަކީ ދިވެހި ސަރުކާރުގެ ބުއްދިވެރި ނިންމުމެއް ކަމަށް ވިދާޅުވެ، މަޖިލީހުގެ ރައީސް މުހައްމަދު ނަޝީދު މިއަދު ތައުރީފްކުރައްވައިފި އެވެ.
ބޮޑެތި ތުހުމަތުތަކެއް ކުރެވިފައިވާ ބޭފުޅަކު ފިއްލެވުމަށް އެހީވި ކަމަށް ބުނެ ސަރުކާރަށް ފާޑުކިޔުންތައް އަމާޒުވެފައިވަނިކޮށް ނަޝީދު ކުރެއްވި ޓްވީޓުގައި ވިދާޅުވީ ލަންކާގައި ހުންނެވި ނަމަ ފުރާނައަށް ނުރައްކާވެދާނެ ކަމުގެ ބިރަށް ގޯޓާބަޔަ އަދިވެސް އިސްތިއުފާ ދެއްވާފާނެ ކަމަށް ގަބޫލުނުކުރެއްވޭ ކަމަށެވެ.
"ދިވެހި ސަރުކާރުގެ މި ބުއްދިވެރި ނިންމުމަށް ތައުރީފް ކުރަން،" ނަޝީދު ވިދާޅުވި އެވެ.
ނަމަވެސް ރައީސްގެ މަގާމުން ގޮޓާބަޔަ އިސްތިއުފާ ދެއްވުމާ އެކު ލަންކާގެ ހާލަތު ރަނގަޅުވެ، ކުރިއަށް ދެވޭނެ ކަމަށް އުއްމީދުކުރައްވާ ކަމަށް ނަޝީދު ވިދާޅުވި އެވެ.
ސިއްރިއްޔާތުގައި މިދިޔަ އަންގާރަ ދުވަހުގެ ރޭ ގޯޓާބަޔާ ރާއްޖެ ވަޑައިގަތުމުން ވީއައިޕީން މަރުހަބާ ދެންނެވުމަށް ނަޝީދު އެއާޕޯޓަށް ވަޑައިގެންނެވި ފޮޓޯތައް ވެސް ސޯޝަލް މީޑިއާގައި އާންމުވި އެވެ. ނަމަވެސް މިކަމާ ބެހޭ ގޮތުން ނަޝީދު މި ރެޔާ ހަމަޔަށް އެއްވެސް ވާހަކައެއް ނުދައްކަވަ އެވެ. ބޭރުގެ ބައެއް ނޫސްތަކުން ބުނެފައިވާ ގޮތުގައި ގޮޓާބަޔާ ރާއްޖެ ގެނައުމުގައި އެންމެ އިސް ދައުރެއް އަދާކުރެއްވި އެއް ބޭފުޅަކީ ނަޝީދެވެ.
ގޮޓާބަޔަ އަށް އެހީވުމާ ގުޅޭ ގޮތުން ބޮޑެތި ފާޑުކިޔުންތަކެއް އަމާޒު ވިޔަސް ދިވެހި ސަރުކާރުން އަދިވެސް މިކަމުގައި ވާހަކައެއް ނުދައްކަ އެވެ.
🇱🇰 President GR has resigned. I hope Sri Lanka can now move forward. I believe the President would not have resigned if he were still in Sri Lanka, and fearful of losing his life. I commend the thoughtful actions of the Govt of Maldives. My best wishes to the people of Sri Lanka.
— Mohamed Nasheed (@MohamedNasheed) July 14, 2022
ރާއްޖެއަށް ކުރެއްވި ދަތުރުފުޅަށް ފަހު ސައުދީ އެއާލައިނެއްގައި ގޯޓާބަޔަ ސިންގަޕޫރަށް ވަޑައިގެންނެވީ މިއަދު މެންދުރު ފަހުގެ ވަގުތެއްގަ އެވެ. މަގާމުން އިސްތިއުފާ ދެއްވީ އެ ގައުމުގައި ހުންނަވައިގެންނެވެ.
ސިންގަޕޫރުގެ ފޮރިން މިނިސްޓްރީން ބުނީ ގޮޓާބަޔަގެ ދަތުރަކީ އަމިއްލަ ދަތުރެއް ކަމަށާއި ސިޔާސީ ހިމާޔަތަށް ވެސް އޭނާ އެދިވަޑައިގެންފައި ނުވާ ކަމަށެވެ. އެ ގައުމަކީ އެގޮތަށް ސިޔާސީ ހިމާޔަތް ދޭ ގައުމެއް ނޫން ކަމަށް ވެސް ވަނީ ބުނެފަ އެވެ.
އިގްތިސާދީ މައްސަލަތަކާ ހެދި މިދިޔަ ހޮނިހިރު ދުވަހު ލަންކާގެ އާންމުން މަގުތަކަށް ނުކުމެ ރައީސާއި ބޮޑުވަޒީރުގެ ރަސްމީ ގެކޮޅާއި އޮފީސްތައް ހިސާރުކުރުމުން އިއްޔެ އިސްތިއުފާ ދެއްވާނެ ކަމަށް ގޯޓާބަޔަ މީގެ ކުރިން އިއުލާންކުރެއްވި އެވެ.
އެއް ބަޔަކު ތުހުމަތުކުރާ ގޮތުގައި ސިޔާސީ ބޮޑު މައްސަލަތަކެއް އުފެދިފައިވާ ލަންކާގެ ރައީސަށް ރާއްޖެއިން އެހީވީ، ނޮވެމްބަރު، 2003 ގައި އެމްޑީޕީ އުފެއްދުމުގެ މަސައްކަތުގައި އިސްކޮށް އުޅުއްވި ބޭފުޅުންނަށް އެ ގައުމުން ހިމާޔަތް ދިނުމުން އޭގެ ބަދަލެއްގެ ގޮތުންނެވެ. އޭރު ލަންކާގެ ބޮޑު ވަޒީރަކަށް ހުންނެވީ، ގޯޓާބަޔަ އިސްތިއުފާ ދެއްވުމުން މިހާރު ވަގުތީ ރައީސަކަށް ހުންނެވި ރަނިލް ވިކްރެމަސިންހާ އެވެ.
ލަންކާގެ ބޮޑުވަޒީރުގެ މަގާމަށް ވެސް މި ފަހުން ރަނިލް އައްޔަންކުރެއްވުމާ އެކު އޭނާ ވަނީ އެ ގައުމުގެ އިގްތިސާދީ ހާލަތު ރަނގަޅުކުރުމަށް ބޭރުގެ އެހީ ހޯދުމުގެ މަންދޫބެއްގެ ގޮތުން ނަޝީދު ހަމަޖައްސަވައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހަސަދު
17 July 2022
މަނިކުފާނު ދެންވެސް ފިލަން ދާން އޮތްތަން. އަމިއްލަ އެދުމަށް ބަލާއިރު ބުއްދިވެރި ނިންމުމެއް. ގައުމަށް ބަލާ އިރު ނިންމުމާ މެދު ސުވާލު އުފެދޭ.
އަސޭލާ
15 July 2022
އެހީވުމަކީ ރަނގަޅު ކަމެއް. ފުރާނަ ސަލާމަތްކޮށްދިނުމަކީ ހަނދާން ނައްތާނުލެވޭނެ ކަމެއް.
ކަސޭލަ
16 July 2022
ޕެޓްރޯލް ކިޔޫތަކުގަ ތިބެ މަރުވި މީހުންގެ ފުރާނަ ދާން މެދުވެރިވި ހާލަތުން ގައުމު ސަލާމަތް ކުރަން/ޒިންމާ ނަގަން ހުރި މީހާ އެކަމާ އަޅާނުލާ ފިލައިގެންދާން އެހީވުމަކީ ހާދަ ރަގަޅު ކަމެކޭދޯ. އަދި ނިކަމެތިންގެ ފުރާނަ އެއްޗަކަށް ނުހަދާ ތިމާގެ ފުރާނަ ސަލާމަތްކުރަން އުޅުމަކީ ހާދަ މޮޅުކަމެކޭދޯ.
އަކީ އަސްފާގު
15 July 2022
ރައީސް ހައްޖުގެ މަތިވެރި އަޅުކަމުގަ އުޅެނިކޮށް ތިޔަޢީ ނަސީދު ކުރިކަމެއް، ތިޔައީ ގާނޫނަކަށް ގަވައިދަކަށް ތަބާވާނެ މިހެއްނޫން. ދެން ތިޔަ އުޅެނީ ތިޔަކަންވެސް ސޯލިހުގެ ބޮލުގަ އަޅުވަންދޯ. ބަލަ މަނިކުފާނަކީ ވިސްނުމެއް ހުރި މީހެއް ނޫން. މަނިކުފާނު ކުރާ ކޮންމެ ކަމެއް ގޮވަނީ އަތަށް. މިހާރު ލަންކާއަކީ ދިވެހިންނަށް ބިރުވެރިތަނަކަށް ވެއްޖެ. އެއީ މަނިކުފާނާއި ހުރެ ދިވެހިންނަށް ޖެހޭ މުސީބާތް، މީ ކޮންފަދަ ބޮޑު ނޮހޮރުއްޕާނެއް.އަލީ އަސްފާގު
ފާގޫ
16 July 2022
ސޯލިހު ބޮލުގަ އެކަން ކިހިނެތް ނޭޅޭނީ. ސަރުކާރު އެކަމުގެ ތެރޭ ނުވެ އެއީ ކުރެވޭ ކަހަލަ ކަމެއް ނޫން. އެވަރުގެ ކަމެއް ސަރުކާރަށް ނޭނގިއެއް ނުކުރެވޭނެ. ސޯލިހަށް ނޭނގިއެއްވެސް ނުކުރާނެ. ހުރިހާ އެންމެން އެއްވެގެން ހުރިހާ ނުބައި ކަމެއް ކުރަނީ. އިބޫއެއް އަންނިއެއް ވަކިކޮށްގެން ވަކި މީހަކު މާތްކުރަން އުޅޭނެކަމެއް ނެތް. ހައްޖުގެ އަޅުކަން އޮތީ އޭރު ނިމިފައި. ސައުދީގަ ހުރުމަކީ މިތަނުގަ ވާނުވާ ނޭނގޭނެ ކަމެއް ނޫން.
އަބްޑޫޅް
15 July 2022
ގޯޓާބެއްޔާ އަށް އެހީގެ އަތެއް ދިނުން ރަނގަޅު. ރާއްޖޭގަ އަންހެނުންނަށް ޖިންސީ ގޯނާ ކުރި ކަމުގެ ތުހުމަތު އެޅޭ ކުރީގެ މިނިޝްޓަރަކު ވެސް، ވަރަށް ތަނަވަހުގަ، "ފިލައިގެން" ލަންޑަނުގަ އެބަހުރި ދޯ؟ އޭނަގެ ވާހަކަ ދައްކަމުތަ؟ އޭގެ ކުރިން އެތައް ސަތޭކަ މިލިޔަނެއް ކާލި ކަމުގެ ތުހުމަތު ކުރެވޭ ދިވެހީންގެ ދެ މީހަކު ވެސް، "ފިލައިގެން" ލަންޑަނުގަ އާއި މެލޭސިޔާގަ އެބަ އުޅޭ ދޯ؟ އެ ވާހަކަ ދައްކަމުތަ؟ ބައެއް ވާހަކައެކަނި ދައްކަންޏާ ކަލޭމެންނަކީ މުނާފިގުން. ޝަޓަޕް!
1206
15 July 2022
އެވެސް ބުއްދިވެރި ކަމަކަށް ހަމަ ވެދާނެ. އިނގިރޭސި މުހާވަރާއެއް އޮވޭ، އައި ސްކްރެޗް ޔޯރ ބެކް، ޔޫ ސްކްރެޗް މައިން. ދިވެހިންނަށް ނޭނގޭ ހަގީގަތަކީ، މި ހުރިހާ ކުޅިއަކީ މަދާމާ ޖަލަށް ދާންޖެހި ދާނެ ކަމަށް، ހޯދާ ޖެއިލް ފްރީ ކާޑެއްކަން. ބަލަން ތިބޭ، މިހެން ނޫންތޯ ވަނީ ބަލަން؟ މިސާލު އަދީބު.
ޔޫ ކޭން ނައު ޝަޓްއަޕް
15 July 2022
ލަންކާގެ ހާލަތު ދަށްވެގެން 13 ގަޑިއިރު ކަރަންޓާ ނުލާ އުޅުނު މީހުންނާ ކާބޯތަކެތި ހޯދަން ހާލުގަ އުޅުނު މީހުންނާ ޚާއްސަކޮށް ޕެޓްރޯލް ކިޔޫތަކުގަ ތިބެ މަރުވި މީހުންގެ އާއިލާތައް ކައިރީ އަހާލާނަމަ ގޯޓާއަށް އެހީގެ އަތެއް ދިނުން ރަގަޅު ކަމަށް އެމީހުން ބުނާނެބާ؟ ލަންކާގެ އާބާދީގެ ބޮޑުބައެއްގެ ނަޒަރުން ނުވިސްނާ އެމީހުންގެ އިހްސާސްތައް އެއްޗަކަށް ނުހަދާ މިގައުމުން ކުރި ފީކަޅާ ކަމެއް ފޫބައްދަން ތިޔަ ދައްކަނީ ދިވެހި ބަނބުކޭލާ ބަރަބޯތަކެއް ފާވި ވާހަކަ.
ށަލި
15 July 2022
ބުއްދި ފިލާ ގޮސްފައި ތިބޭ ގުރޫޕްއަށް ރަގަޅުވާނެ ހުރިހާ ކަމެއްވެސް. އަބަދު ހަމައަކު ހުންނާކަށް ނެޖޭހޭނޭ ބުނީމެެއްނު
ރަދުން
15 July 2022
ބުއްދިވެރިވީމަތޯ ބާޤީޕާރޓީގެ އެހީއަށް އެދިގެންގޮސް ބައްދަލްކުރީ. ހަގީގަތަކީ ބުއްދިފިލައިގެންގޮސްފައިހުރި މީހެއްކަން.ތި ކަލޭގެ އިސްތިއުފާގެ ސަބަބުން މި ޤައުމު ހަލާކުވެގެން މިދަނީ.
ރަދުން
15 July 2022
ނަޝީދަކީ ދިވެހިރާއްޖެ އަށް ކުރިމަތިވެފައިވާ މުސީބާތެއް. މީނާގެ ކިބައިން ރާއްޖެ ސަލާމަތްކުރަން ރައްޔިތުން ނިކުންނަންޖެހޭ ވަގުތު މީ.
101ސ
15 July 2022
ކިތައްފޮށި ލާރި ކަޓުވާލިން
މަންޑޭލާ
15 July 2022
ހާދަ މޮޅުކަމެކޭ ތިޔަ ކުރީ މަންޑޭލާ! އަދި ސަރުކާރު ބޮލަށްކަނޑާލީދޯ. މީ ހިތުން ގައުމުގެ ރައީސޯ
ޝްރޭ
15 July 2022
މީގެން އިނގެނީ ނަޝީދު އަކީ ރައްޔިތުންގެ އަޑުއެހުމުގެ ބަދަލުގައި އަމިއްލައެދުން އިސްކުރާ ކިބުރުވެރި ސުންޕާ މީހެއްކަން.
ކުކީ
15 July 2022
ނަޝީދަށް ދިވެހިންގެ ވާހަކަ ކިހިނެތް އެހޭނީ. ލަންކާ މީހުންގެ އަޑުނާހާ އޭނަ ހިތުހުރި ގޮތެއް އެހެދީ ލަންކާއަކީ 22 މިލިއަން މީހުންގެ ގައުމެއް. މިތަނުގަ އުޅޭ 5 ލައްކަ އޭނައަށް އެއްޗަކަށް ނުވާނެ.