ރާއްޖެއަށް ކުރަމުންދާ ވިއްސާރައިގާ ޖޯލި މޯލްޑިވްސްގެ ވޯޓަ ވިލާތަކަށް ދާން އޮންނަ ފާލަން ވެއްޓީފައި ---ފޮޓޯ: ޖޯލި
18 ޖުލައި 2022 - 20:03
4 comments
ރާއްޖެ އަށް މިހާރު ކުރަމުންދާ ވިއްސާރާގައި 'ޖޯލި މޯލްޑިވްސް' ގެ ވޯޓާ ވިލާގެ ފާލަން ވެއްޓި ލިބުނު ގެއްލުންތައް މަރާމާތުކުރުމަށްޓަކައި އެ ރިސޯޓު ވަގުތީ ގޮތުން މިއަދު ބަންދުކޮށްފި އެވެ.
ރ. މުރުވަންދޫގައި ހިންގާ ޖޯލި މޯލްޑިވްސް ރިސޯޓްގައި ރޭ ހިނގި އެ ހާދިސާގައި އެއްވެސް މީހަކަށް ގެއްލުމެއް ނުލިބެ އެވެ.
"ރަށުގައި އެ ވަގުތު ތިބި ހުރިހާ އެންމެންގރ ހާލު ރަނގަޅު" ޖޯލި މޯލްޑިވްސް އިން ނެރުނު ބަޔާނެެއްގައި ބުންޏެވެ.
ޖޯލި މޯލްޑިވްސްގައި ގެއްލުންވި ފާލަމުން ބައިތައް އެއްގަމު ކުރަނީ ---ފޮޓޯ: ޖޯލި
އެ ރިސޯޓުގައި ތިބި ހުރިހާ ގެސްޓުން ރ. ބޮޑުފުށީގައި ހިންގާ 'ޖޯލި ބީންގް' ރިސޯޓަށް ބަދަލުކޮށް، މަރާމާތުގެ މަސައްކަތް ފަށާފައިވާ ކަމަށް ވެސް ބުންޏެވެ.
ލިބިފައިވާ ގެއްލުންތައް އެއްކޮށް މަރާމާތުކުރުމަށް ފަހު އަލުން އެ ރިސޯޓު ހުޅުވަން ހަމަޖެހިފައިވަނީ އަންނަ ސެޕްޓެމްބަރު މަހު އެވެ.
މާލެ އިން ފުރައިގެން ސީޕްލޭންގައި 45 މިނެޓް ތެރޭގައި ދެވޭ ޖޯލި މޯލްޑިވްސްގައި 73 ވިލާ ހުރެ އެވެ. އެ ރިސޯޓު ހުޅުވާފައިވަނީ 2018 ވަނަ އަހަރު އެވެ
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވަހީދު
20 July 2022
2009 އެޅި އަރަބިއްޔާ ސްކޫލު ވެއްޓުމާއި، 2018 ގައި ހުޅުވި ޖޯލި މޯލްޑިވްސް ވެއްޓުން ފަދަ ކަންކަމާއި ވިސްނާ މީހުންގެ ސިކުނޑި ސުމަކަށްދާނެ.
ބޮޑުވަރު
19 July 2022
2018 ގަ ހުޅުވި ތަނެއްގެ ފާލަން ވެއްޓުމަކީ ލަދުވެތިކަމެއް ލަދުގަންނަން އެނގޭނަމަ.
ފިކުރު
19 July 2022
ފޯޓޯއިން ފެންނަގޮތުގައި ރިސޯޓުގެ މޫދުރޫމުތަކާއި ފާލަށް އަޅާފައިވަނީ އެކަށީގެންވާ ފެންވަރަށް ވުރެން ދަށްކޮށްކަމަށް ގަބޫލު ކުރެވެއެވެ.ރިސޯޓް އިންވެސްޓްމަންޓް 40 ނުވަތަ 60 މިލިއަށް ޑޮލަރު ޚަރަދު ކޮއްގެން މިފަދަތަންތަށް އިންވެސްޓް ކުރާކަމަށް ބައެއްކުންފުނިން ބުނިކަމުގައި ވިޔަސް ގަބޫލުކުރަށް ދަތިވެއެވެ. އިންވެސްޓްމަންޓް ކަވަރުކުރަށް 5 އަހަރު ވަރުނަގާއިރު ފަތުރުވެރީންނާއި މުވައްޒިފުންގެ ރައްކާތެރިކަމަށް ވިސްނުން މުހިއްމުކަމަށް ގަބޫލު ކުރަށްޖެހޭނެއެވެ.
ރޯޒްް
19 July 2022
ފޮޓޯއިން ހަމަ ތިވަރު އިންގޭތަ؟