ބަންގްލަދޭޝްގައި ޑޮކްޓަރުކަން ކިޔަވަމުން ދަނިކޮށް މަރުވި ރައުދާ.-
21 ޖުލައި 2022 - 09:38
14 comments
ބަންގްލަދޭޝްގައި ޑޮކްޓަރުކަން ކިޔަވަން ހުއްޓައި މީގެ ފަސް އަހަރު ކުރިން މަރުވި ދިވެހި މޮޑެލް، ރައުދާ އާތިފްގެ މަރުގެ މައްސަލަ ހަ ވަނަ ފަހަރަށް ތަހުގީގުކުރަން އެ ގައުމުގެ ކޯޓަކުން އިއްޔެ އަންގައިފި އެވެ.
ވިލު ނޫ ކުލައިގެ ކަޅީގެ ސަބަބުން މަޝްހޫރުވެގެން ދިޔަ ރައުދާ މާޗު 29، 2017 ގައި މަރުވެފައި ހުއްޓާ ފެނުނީ ރާޖްޝާހީގައި އޭނާ ކިޔަވަން އުޅުނު އިސްލާމީ ބޭންކް މެޑިކަލް ކޮލެޖުގެ ނިދާ ކޮޓަރީގެ ފަންކާގައި ފޮތިގަނޑެއް އައްސާފައި ހުއްޓަ އެވެ.
ކިޔެވުމުގެ ދެ ވަނަ އަހަރު، ރައުދާ، 20، މަރުވީ ދަންޖެހިގެން ކަމަށް މީގެ ކުރިން ހެދި އޮޓޮޕްސީތަކުން ވެސް އަދި އެ ގައުމުގެ ފުލުހުންގެ ތަހުގީގުތަކުން ވެސް ދެއްކި އެވެ.
ނަމަވެސް އެކަމުގައި ޝައްކު އުފެދޭ އެތައް ކަމެއް ހުރި ކަމަށް ބުނެ އެ މައްސަލަ އަލުން ބެލުމަށް އޭނާގެ ބައްޕަ މުހައްމަދު އާތިފް ކޯޓަށް މައްސަލަ ހުށަހެޅީ އެވެ.
އާތިފްގެ ވަކީލް، އެމްޑީ ނޫރުލް އިސްލާމް ސަރްކަރްއާ ހަވާލައިދީ ބަންގްލަދޭޝްގެ ނޫހަކުން ބުނީ އެސިސްޓެންޓް ސުޕްރިޓެންޑެންޓް ޕޮލިސް (އޭއެސްޕީ) ރޭންކުގެ ފުލުހަކާ ހަވާލުކޮށްގެން ރައުދާގެ މަރުގެ މައްސަލަ އަލުން ތަހުގީގުކުރަން ކޯޓުން އަންގާފައިވާ ކަމަށެވެ.
އެހެންވެ، އެ އެންގުމާ އެއްގޮތަށް އެ މައްސަލަ ހަ ވަނަ ފަހަރަށް ތަހުގީގުކުރާނެ ކަމަށް ބުންޏެވެ.
ރައުދާގެ މަރުގައި ބައެއްގެ ބައިވެރިވުން އޮތް ކަމަށް އޭނާގެ ބައްޕަ ތުހުމަތުކުރިއަސް، ބަންގްލަދޭޝްގެ ކަމާ ގުޅޭ އިދާރާތަކާއި އިތުރު މައުލޫމާތުތައް ހޯދައިގެން ރާއްޖޭގެ މަރު ކޮމިޝަނުން ވެސް އެ މައްސަލަ ނިންމާފައި ވަނީ ބަނގްލަދޭޝްގެ ޕޮލިހުންގެ ތަހުގީގާ އެއްގޮތަށެވެ. ރައުދާ މަރުވެފައިވަނީ އަމިއްލައަށް ކަމަށެވެ.
އެ ގައުމުގެ ފުލުހުން ނިންމީ ރައުދާ މަރުވީ އަމިއްލަ އަށް ކަމަށާއި އޭނާ އެ ކަންތައް ކުރީ ލޯބިވެރިޔާއާ ޖެހުނު މައްސަލަތަކަކާ ގުޅިގެން ކަމަށެވެ. ރައުދާގެ ލޯބިވެރިޔާ އަކީ އިނގިރޭސި ވިލާތުގައި ކިޔަވަން ހުންނަ މީހެއް ކަމަށް ވެސް ފުލުހުންގެ ރިޕޯޓްގައި ބުނެފައިވެ އެވެ. އަމިއްލަ މަރުވިކަން އޮޓޮޕްސީ ރިޕޯޓުން ދައްކާއިރު ރައުދާގެ ފޯނާއި ލެޕްޓޮޕުން އަދި އެހެން ގޮތްގޮތުން ލިބުނު މައުލޫމާތާ ހާދިސާ ހިނގައިދިޔަ ގޮތާ ދިމާވާ ކަމަށް ވެސް ފުލުހުން ވަނީ ބުނެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހަގީގަތް،
23 July 2022
ދެން މީގެ ފަހުން އެމަންޖެއަށް އުނދަގޫނުކުރޭ. ސުލްހަވެރިކަމާ އެކު ބާއްވާ!
ކޮރަލް
22 July 2022
ރައުދާގެ ބައްޕަ އަކީ ގަމާރެއް ނޫނެވެ. އެއީ ކިޔަވައިގެން ހުރި ޑޮކްޓަރެކެވެ. ވީމާ އޭނަ އަށް ވެސް ބަޔަކު އޮޅުވާލަން އުޅޭނަމަ ފާހަގަ ކުރެވޭނެ އެވެ.
އަލީރާޖާ
22 July 2022
މައިންބަފައިންނަށް މިކަހަލަ ކަންކަން ގަބޫލުކުރަން ވަރަށް ދަތިވާނެ. ނަމަވެސް 6 ފަހަރު ތަހުގީގުކޮށް އެއް ނަތީޖާއެއް ނުކުތީމާ ދެން ފުދިއްޖެ.
ދިއްދޫމީހާ
21 July 2022
ތިޔަ މައްސަލާގައި ދިވެހި ފުލުހުންވަނީ ރައުދާގެ އެޕަލް ލެޕްޓޮޕް އަދި އައިފޯން ހުޅުވާގެން މައުލޫމާތު ހޯދާފަ، ރައުދާގެ ފޯން އަދި ލެޕްޓޮޮޕްގެ ޕާސްޕޯޑް ބަންގާޅަށް ދިޔަ 2ފުލުހުން ހޯދިގޮތް މިހާރު އެމެރިކާގެ އެފްބީއައިންވެސް ބޭނުންކުރަނީ (އޭސީޕީ ރިޔާޒް ބުނަނީ ޕާސްވޯޑު އިންގުނީ ރައުދާގެ ފުރެންޑަކަށް ޕާސްޕޯޑް އިންގޭތީއޭ، އެއީ ރައުދާ އެއްދުވަހު ޕާސްޕޯޑް ޖަހާތަން އޭނާއަ ފެނިފައި ވާތީއޭ، މިހާރު އެފްބީއޭން ބޭނުން ކުރާ އުކަޅަށް ކިޔަނީ ފުރެންޑް ޝެއާ)
ކެނެޑީ
21 July 2022
ރައުދާގެ ބައްޕަގެ ނަފްސާނީ ހާލަތު އެނަލައިޒްކޮށް ތަހުގީގީ ދިރާސާއެއް ކުރަން ކޯޓުން އަމުރުކުރަން މާބުއްދިވެރިކަމަށް ފެންނަނީ
މި ބޭ
21 July 2022
އެ އީ އޭނާ އެދައ އްކާ ވާހަކަ ތެދެ އްވީމަތަ؟
ވަޓްއައިތިންކް
21 July 2022
ބަންގްލަދޭޝްއަށް މަ ނުދާނަން 1 މިލިޔަން ރުފިޔާ ދިނަސް ހެހެހެ. ބަންގާޅިން މީ ވަރަށް ފާޑެއްގެ ބައެއް.
އިންފޯ
21 July 2022
އަމިއްލައަށް ދަންޖެހިގެން މަރުވާންވެސް މަޖުބޫރުކުރުވޭނެދޯ ބަޔަކު އުޅެފިޔާ. ތަފްސީލަށް ދާކަށް ނެތިން.
އުރަހަ
21 July 2022
އޭނާގެ ބައްޕަ އެތަޅަނީ އުސްއަނގަހެނެއް މުޅިޔަކުން ހިޔެއްނުވޭ. ތިމާގެ ބާރު ހިނގާތަނެއްގައި ވީކަމެއް ނުވާ ކަމަކަށް ހެދުމަކީ އެހައި އުނދަގޫކަމަކަށް ނުވާނެ. މިދިވެހިރާއްޖެ ކުޑަޔަސް މިފަދަކަންކަން ހިނގާ ކަމީ ދެރަކަމެއް.
ލައިޓް
21 July 2022
މަރުހޫމާޔަށް ޢިހުތިރާމް ކުރުމުގެ ގޮތުން މީޑިއާއިން މިހަބަރު ފޮޓޯ ތަކާއިއެކު ކަވަރުނުކުރެއްވުމަށް އިލްތިމާސްކުރަން. މަރުހޫމާގެ ބައްޕަގެ ނިޔަތާއި މެދު...
ބުރުގާ
21 July 2022
ތިކަންތައްވެސް މިހާރު ސިލްސިލާ ވާހަކައަކައް ވެއްޖެ.