އޮލިމްޕަސް ސިނަމާ: އަންނަ ސެޕްޓެމްބަރު މަހު އެތަން ހުޅުވަން ދަނީ މަސައްކަތް ކުރަމުން --- ފޮޓޯ/މިހާރު
21 ޖުލައި 2022 - 19:38
20 comments
އޮލިމްޕަސް ސިނަމާ ބަންދުކުރިތާ ދެ އަހަރު ފަހުން، އަންނަ ސެޕްޓެމްބަރު މަހު ހުޅުވޭތޯ މަސައްކަތް ކުރަމުންދާ ކަމަށް ނޭޝަނަލް ސެންޓަ ފޯ ދި އާޓްސް (އެންސީއޭ) އިން ބުނެފި އެވެ.
ކޮވިޑް-19 އާ ގުޅިގެން 2020 ވަނަ އަހަރު ކުރީކޮޅު ބަންދުކުރި ގޮތަށް އެތަން އަދިވެސް ނުހުޅުވަ އެވެ. މިދިޔަ މާޗް މަހުން ފެށިގެން މިހާރު ކުރިއަށް ދަނީ އެތަން މަރާމާތު ކުރުމުގެ ދެވަނަ މަޝްރޫއު އެވެ. އެތަން ހުޅުވުން ލަސްވާތީ އެކަމުގެ ޝަކުވާ ގިނަ ބަޔަކު ދަނީ ކުރަމުންނެވެ.
އެންސީއޭއިން މިއަދު ނެރުނު ބަޔާނެއްގައިވަނީ އޮލިމްޕަހުގެ ގިނަ މަސައްކަތްތަކެއް އެކި ފަރާތްތަކާ ހަވާލުކޮށްގެން ކުރިއަށް ގެންދާ ކަމަަށެވެ. ބައެއް މަސައްކަތްތައް ނިމިފައިވާއިރު، އަނެއް ބައި މަސައްކަތްތައް ހުރީ ބިޑް އިވެލުއޭޝަން މަރުހަލާގައި ކަމަށާއި އަދި މަސައްކަތް ނިމުން ލަސްވަނީ ޔޫކްރެއިން އާއި ރަޝިއާ ދެމެދު ކުރަމުންދާ ހަނގުރާމައިގެ ސަބަބުން ދަތުރުފަތުރުގެ އަގު ބޮޑުވެ އަދި މުދާ އަގު ބޮޑުވުމުން ކަމަށް އެ ބަޔާނުގައިވެ އެވެ.
އެ ބަޔާނުގައިވާ ގޮތުން އެންސީއޭގެ އުއްމީދަކީ އަންނަ ސެޕްޓެމްބަރު މަހުގެ ފަހުކޮޅު އޮލިމްޕަސް ހުޅުވުމެވެ.
އޮލިމްޕަސް ހުޅުވުން ލަސްވާތީ އެ މައްސަލާގައި ހެރިޓޭޖް އެންޑް އާޓްސް މިނިސްޓަރު ޔުމްނާ މައުމޫނާ ސުވާލުކުރަން ރައްޔިތުންގެ މަޖިލީހަށް ވެސް އޮތީ ހުށަހަޅައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޔާޔާ
24 July 2022
އޮލިމްޕަސް ޢިމާރާތް ފެނުމުން މިހާރުވެސް ހާދަ ހިތަށް ފިނިކަންލިބެއޭ. އޮލިމްޕަސްގެ ރަންޒަމާނަކީ މާލޭގައި ހިތްހަމަޖެހިލައިގެން އުޅެވުނު އުފާވެރި ޒަމާނެކެވެ. ބޮޑުސްކްރީންގައި އެހެރަ އަޅުވާލާ ރީތި ފިލްމުތައް ބަލާލަން އޮލިމްޕަހަށް ވަދެލުމަކީ ހަމަ ކޮންމެމީހެއްގެވެސް ހިތްހަމަޖެހުމާއި ބޮޑުއުފަލެކެވެ.
ދެވޭތޯ ބަލަނީ
24 July 2022
ތޯ ބަލަނީ އޭ ތޯ؟ ކޮފީގަ ސަޅިބައިސާ ކެނޑުން ދޫކޮށްލާ މަސައްކަތުގަ ވަގުތު ހޭދަކޮށް ތޮ ކަނޑުވާލާ ޔަގީންކަމަށް ބަދަލްކުރަން ފެނޭ
އަހްމަދ
23 July 2022
ސަމަރުބުލޫ އިބްރާހިމް މަނިކުގެ ނުފޫޒުން ތިޔައޮލިމްޕަހުގައި މަގުމަތީގެ ގަވާއިދާޚިލާފަށް ޕޭމަންޓަށް ނެރެފައިފާ ފާރުގެބައި ނަގާދިނުމަށް ސިޓީކައުންސިލަށް އިލްތިމާސްކުރަން. އެފާރުގެ ސަބަބުން ހިނގާމީހުނަށް ވަރަށްބޮޑަށް ދަތިވޭ. މިތަން ސިޓީކައުންސިލްގެ މީހުނަށްވެސް ނުފެންނަނީބާ؟
ފެންނަ
22 July 2022
މިތަން ހުޅުމާލެއަށް ބަދަލުކޮށްލަން ފެނޭ
ކޮރަލް
22 July 2022
އޮލިމްޕަސް ހުޅުވާއިރު އޮލިމްޕަހުގަ މަޖީދީމަގަށް ވާ ގޮތަށް ހުރި ބީއެމް އެލް އޭޓީއެމް ވެސް ހުޅުވާ ދިނުން އެދެމެވެ. ކުރީގަ ހުރި އޭޓީއެމް ވަނީ ގެއްލިފަ އެވެ.
ޔޯގާ ގްރޫޕް
22 July 2022
ބަލަ ޔޯގާ ގްރޫޕް ގާތު އަހާލަ ބަލަ، ތިތާގަ ތި ދައްކާ ފިލްމް ތަކަކީ ހުއްދަ އެއްޗެއްތޯ!!!
ކުންނާރު
22 July 2022
އޮލިމްޕަސް ހުޅުވާއިރު އެތާހުރި މުޅިން އާ 3ޑީ ފިލްމް ދައްކާ ޕްރޮޖެކްޓަރ އެބަހުރިތޯ , ޑިޖިޓލް ޓިކެޓިންގް ސިސްޓަމް އެބަހުރިތޯ މީ ބަލާލަން ޖެހޭ ކަންކަން. ނެތްނަމަ ގެންދިއަ މީހެއް ބަލަން ޖެހޭ.
ނަބީލާ ފްރައިޑްމޭން
22 July 2022
ތި އިމާރަތް ޕާކިން ބިލޑިންގް އަކަށް ބަދަލުކޮށް ސިނަމާ އުވާލަންޖެހޭ. މަޖީދީމަގުގައި އެންމެ ކާރޫބަރޫބޮޑު ހިސާބުގައި ސިނަމާތަ މުހިއްމީ؟ މަސްމާރުކޭޓު މައްޗަށް ބަދަލުކުރޭ!
ކުންނާރު
22 July 2022
ދެން ފެންވަރާ ފުއްޖަހާފަ މަސްމާރުކޭޓު މައްޗައްތަ.
ޙޙ2022
22 July 2022
ތީ ހަރާމް ކަމެއް ނުހުޅުވާތި....ބޮއިހަލަކި
އަލީ231
22 July 2022
އަފްގާނިސްތާނަށް ކަލޭ ދާންވީނު
ޒަކީން
22 July 2022
އަހައްނަ އެއްމެފުރތަމަ އޮލިމްޕަސް ފެންނަން ފެށީ 1977 ގައި މާލެއަށް އައުމުން. އޭރުން ފެށިގެން މިއިމާރާތަކީ މާލޭން ފެއްނަ އެއްމެ ރީތީ އިމާރާތެއް. މިތަނުގައި ފިލްމް ދެއްކުމާއި ޑްރާމާ ޝޯ ބޭއްވުމާއި އެތެއްކަމެއް ހިގާ ވަރަށް ބިޒީތަނެއް. ފަހަކަށްއައިސް އެތަނުގެ ފުރިހަމަ ބޭނުން ނުކުރާ ތާ ވެދާނެ 20 އަހަރު.
ވާނުވާ.
22 July 2022
ތިހިރީ އެހެން ވިއްޔާ ވ ރަގަޅައް ފެނިފަ