އެމްއެންޔޫ އިން އަންނަ މަހު ފަށާ ކޯސްތަކަށް މި މަހުގެ ނިޔަލަށް ހުށަހެޅޭނެ

ދިވެހިރާއްޖޭގެ ގައުމީ ޔުނިވަސިޓީ (އެމްއެންޔޫ) އިން އަންނަ މަހު ފަށާ ކޯސްތަކަށް ހުށަހެޅުމުގެ މުއްދަތު އިތުރު ކޮށްފި އެވެ.

އެ ޔުނިވާސިޓީން ބުނީ ގިނަ ބަޔަކަށް ފުރުސަތު ދިނުމުގެ ގޮތުން މި މަހުގެ 30 އާ ހަމައަށް މުއްދަތު އިތުރު ކޮށްފައިވާ ކަމަށެވެ.

މި ފަހަރުގެ އިންޓޭކަށް ފުރުސަތު ހުޅުވާލާފައި ވަނީ 89 ކޯހަކަށެވެ. އޭގެ ތެރޭގައި ސެޓްފިކެޓް ލެވެލްގެ ކޯސްތަކާއި ޑިގްރީ އަދި މާސްޓާސް ޑިގްރީގެ ކޯސްތައް ހިމެނެ އެވެ. މި ފަހަރުގެ އިންޓޭކްގައި ޕީއެޗްޑީ ކޯސްތަކަށް ފުރުސަތެއް ނެތެވެ

އެމްއެންޔޫ އިން ބުނިގޮތުގައި މި އަހަރު އޯލެވެލް ހަދާ ކުދިންގެ ފަހުގެ ނަތީޖާ ނުލިބުނަސް ކޯހަށް ފޯމު ހުށަހެޅޭނެ އެވެ. އެ ކުދިންނަށް ޖާގަ ލިބޭނީ 'ކޮންޑިޝަނަލް އޮފާ' އަކާ އެކު ކަމަށް އެމްއެންޔޫއިން ބުނެ އެވެ. އެ ޔުނިވާސިޓީ އަށް އަށް ފޯމު ހުށަހަޅަން ޖެހެނީ އޮންލައިން ކޮށެވެ.