ފެނަކަ އިން ކުޑަގިރީގައި އިމާރާތްކުރި އިންޖީނުގޭގެ ކުރިމަތީގައި ނައިބު ރައީސް ފައިސަލް ނަސީމާއި އެ ކުންފުނީގެ އެމްޑީ ަަސައީދު އެހެން ބައެއް މީހުންނާއެކު ފޮޓޯއަކަށް ހުއްޓި ވަޑައިގެން.---ފޮޓޯ: ފެނަކަ
26 ޖުލައި 2022 - 00:47
2 comments
މާލެ ސަރަހައްދުގައި އުޅޭ މީހުން ޕިކްނިކް ދިއުމަށް ސަރުކާރުން ހަދާފައިވާ ކުޑަގިރީގައި އިމާރާތްކުރި އިންޖީނުގޭގެ މަސައްކަތް ނިންމައި، އެ ރަށަށް ކަރަންޓުގެ ހިދުމަތް ދޭން ފެނަކަ އިން އިއްޔެ ފަށައިފި އެވެ.
އެ ރަށުގައި ބޭއްވި ރަސްމިއްޔާތެއްގައި އިންޖީނުގޭގެ ހިދުމަތް ރަސްމީކޮށް ފައްޓަވައި ދެއްވީ ނައިބު ރައީސް ފައިސަލް ނަސީމެވެ.
ނައިބު ރައީސް ފައިސަލް، ކުޑަގިރީގެ އިންޖީނުގެ އިއްޔެ ހަވީރު ބައްލަވަނީ.---ފޮޓޯ: ފެނަކަ
އެ ކުންފުނިން ބުނީ އެއީ 350 ކިލޯ ވޮޓްގެ ކަރަންޓު އުފެއްދޭނެ ގާބިލުކަން ހުރި، ޒަމާނީ ވަސީލަތްތަކާއެކު އިމާރާތްކުރި އިންޖީނުގެެއެއް ކަމަށެވެ.
އެ އިންޖީނުގެއާއެކު 50,000 ލިޓަރުގެ ތެޔޮ ރައްކާކުރާ ވަސީލަތެއް ވެސް ގާއިމްކޮށްފައިވެ އެވެ.
ކުޑަގިރި އިންޖީނުގޭގެ ކުރެހުމެއް.
ފެނަކަ އިން ބުނިގޮތުގައި، ކުޑަގިރި އަށް ބޭނުންވާ ކަރަންޓުގެ 70 ޕަސެންޓް އަވިން އުފައްދާ ވަސީލަތް ގާއިމު ކުރުމުގެ މަސައްކަތް އެ ކުންފުނިން މިހާރު ވަނީ ފަށައިފަ އެވެ.
ކުޑަގިރި ޕިކްނިކް އައިލެންޑް ރަސްމީކޮށް ހުޅުވަން ތާވަލް ކޮށްފައި އޮތީ މިއަދު ފާހަގަކުރާ ރާއްޖޭގެ 58 ވަނަ މިނިވަން ދުވަހު އެވެ. ނަމަވެސް، ބައެއް މަސައްކަތް ނުނިމޭތީ އެ ރަށް ހުޅުވުން މިހާރު ވަނީ މުއްދަތެއް ނެތި ފަސްކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފިއްލަދޫ ހަސަމު.
26 July 2022
އަހަރެންނަކީ ފިއްލަދޫ އަދި މިރަށުގައި ދިރިއުލޭ މީހެއް. ދޭތެރެ ދޭތެރެއިން ކ.އަތޮޅު މާލެއަށް ވެސް ދޯނީގައި ދަން. އެހެން ދާ ދަތުރެއްގައި އަހަރެންނަށްވެސް ތިޔަ ރަށަށް ދަތުރު ދެވިދާނެތަ ؟ ،ިހެން މިބުނީ ތިއީ މާލޭ ސަރުކާރުން މާލޭގެ ރަށްވެހިން ދަތުރުދިއުމަށް ތަރައްޤީ ކުރި ރަށަކަށް ވެފައި އަހަރުމެން ބީރައްޓެހިން ތިރަށަށް އެރުން މަނާވެފައި އޮވެދާނެތީ.
ޝަ ރީފު ބޭ
26 July 2022
ދިމާވި ޓެކުނިކަލް ސަބަބަކާއި ހުރެ މިހާރު ކަރަންޓު ނުދެވި ހުރީ ހަމަ އެކަނި އަލަމް ގިރި އަށް