އަމީނީމަގުގައި ހަދާފައިވާ ފްލެޓްތައް: މިތަނުން ފްލެޓް ކަށަވަރުވި މީހުންނަށް އެތަންތަނުގައި ދިރިއުޅެން ފެށޭނެ ގޮތެއް އަދި ނުފެނޭ. --ފޮޓޯ: ނިޝާން އަލީ /މިހާރު
03 ޖެނުއަރީ 2017 - 11:25
40 comments
މާލޭ ގާކޮއްޓާއި އަރަބިއްޔާ ސްކޫލް ކުރިން ހުރި ބިމުގައި އިމާރާތްކުރި ފްލެޓްތަކަށް ދައްކަން ޖެހޭ ބޮޑު ޑައުންޕޭމަންޓަށް ލުއި ގޮތެއް ހަދައިދިނުމަށް އެދި ކަމާ ގުޅޭ އިދާރާތަކުގައި "އާދޭސް" ކުރުމުން ވެސް މިހާތަނަށް އެއްވެސް މުއައްސަސާއަކުން އިޖާބަދީފައި ނުވާ ކަމަށް ފްލެޓަށް ހޮވިފައިވާ ބައެއް މީހުން މިއަދު ބުނެފި އެވެ.
އޭގެ ތެރެއިން އެކަކު ބުނީ ޑައުންޕޭމަންޓްގެ ގޮތުގައި 400،000ރ. އާއި ދެ މިލިއަން ރުފިޔާގެ ލޯނު ނެގޭނެ ފެންވަރު، ފްލެޓް ލިބުނު 90 ޕަސެންޓް މީހުންގެ ކިބައިގައި ނެތް ކަމަށެވެ. އެ ކަންބޮޑުވުމާ އެކު ލުއި ގޮތެއް ހަދައިދޭން ކަމާ ބެހޭ އިދާރާތަކުގައި "އާދޭސް"ކޮށް ސިޓީ އާއި ޕެޓިޝަން ހުށަހެޅުމުން ވެސް ޖަވާބެއް ލިބިފައި ނުވާ ކަމަށް އޭނާ ބުންޏެވެ.
ފްލެޓް ލިބުނު މީހުންގެ ކަންބޮޑުވުން ރައީސް އޮފީހާއި ހައުސިން މިނިސްޓްރީ އާއި ހައުސިން ޑިވެލޮޕްމެންޓް ކޯޕަރޭޝަން (އެޗްޑީސީ)ގެ އިތުރުން ހިއުމަން ރައިޓްސް ކޮމިޝަނަށް ވެސް ވަނީ ހުށަހަޅައިފަ އެވެ.
"އަޅުގަނޑުމެންނަށް އުފުލަން ޖެހިފައި މިވާ ހިތްދަތިކަމަށް އެއްވެސް މުއައްސަސާއަކުން އަޅައެއް ނުލި. ހައްގުތަކާ ބެހޭ ހިއުމަން ރައިޓްސް ކޮމިޝަނުން ވެސް ޖަވާބެއް ނުލިބުނު،" އޭނާ ބުންޏެވެ.
އޭނާ ބުނި ގޮތުގައި ފްލެޓުގެ އިންތިޒާރުގައި ތިބޭތާ އެތައް އަހަރަކަށް ފަހު ފްލެޓް ލިބުމުން އިތުރު ނިކަމެތި ކަމެއް ވަނީ ކުރިމަތިވެފަ އެވެ.
ފްލެޓެއްގެ އަގު ކަމަށް ސަރުކާރުން މިހާރު ހަމަޖައްސާފައި ވަނީ ދެ މިލިއަން ރުފިޔާ އެވެ. މިއީ ފްލެޓް ލިބުނު މީހުންނަށް ކުރިން ކަނޑައެޅި ޝަރުތުތަކަށް ވުރެ މާ ބޮޑު، އިޖުތިމާއީ ބޯހިޔާވަހިކަމުގެ އުސޫލުތަކާ ވެސް ޚިލާފު އަގެއް ކަމަށް އެ މީހުން ދެކެ އެވެ.
ގެދޮރު ގަންނަން ބޭންކުތަކުން ލޯނު ދޭ އާންމު އުސޫލުން ލޯނު ލިބެން އެބަ އޮތެވެ. އެކަމަކު 20 ޕަސެންޓްގެ ޑައުންޕޭމަންޓް ކަމަށްވާ 400،000ރ ދެއްކޭނެ ގޮތެއް އަދި 2 މިލިއަން ރުފިޔާގެ ލޯނަކަށް ޝަރުތު ހަމަވާ އާމްދަނީއެއް، ފްލެޓް ލިބުނު ގިނަ މީހުންގެ ނެތެވެ.
ފްލެޓަށް ދޫކުރާ ދެ މިލިއަން ރުފިޔާގެ ލޯނު އަނބުރާ ދައްކާ އިރު އިންޓްރެސްޓާ އެކު ގާތްގަނޑަކަށް 3.4 މިލިއަން ރުފިޔާ ޖެހެ އެވެ.
ފްލެޓްތައް ގަންނަން ލޯނު ލިބުނުކަމުގެ ލިއުންތައް މި މަހުގެ 26 ގެ ކުރިން އެޗްޑީސީ އަށް ހުށަހަޅަން ޖެހެ އެވެ. އެއް ފަހަރާ ފައިސާ ދައްކަން ބޭނުން ނަމަވެސް އެ ފުރުސަތު އޮތީ ހުޅުވާލައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ލުގުމާން
23 July 2017
އާދޭހަކީ ފްލެޓް ލިބޭ ކަމެއްގެ ގޮތުގައި އޮވެއްޖެނަމަ އެއް މެނަށް ވެސް ފްލެޓް ލިބޭނެތާ.... ތީކީ ކޮންމެހެން ފްލެޓް ކިބެންޖެހޭ ކަމެއް ނޫން
ބޮކިފަތި 3 އަހަރު
04 January 2017
އެހެން ސަރުކާރުތަކާ އަޅާބަލާއިރު މީވާނެ ވާރސް ސަރުކާރަށް. ގައިމުވެސް އެއްކަމެއްމަށަށް ކަށަވަރުވޭ ޖަލްސާތަކަށް މިސަރުކާރުން އެކަނި ގަދަކަމުން ގެންދަނީ
ބޮއްޅަބޭ
03 January 2017
މި ސަރުކާރުން ރްއްޔިތުންގެ ޝަކުވާއެއް ނާހާނޭ ބުނާ އިރު ރައްޔިތުންގެ އަޑު އެހީ ކޮން ސަރުކާރަކުންބާވައޭ ހިތަށް އެވެ.
ބަނދަރު ކާޅު
03 January 2017
ރައްޔިތުން ކިތަންމެ ޝަކުވާއެއްކުރިޔަސް މިސަރުކާރުން އަޑެއްނާހާނެ..... މިސަރުކާރުގެ މިސްރާބު މިހާރު މިހިރީ ކޮމިޔުނިޒަމާ ދިމާލަށް. ޗައިނާއިން ގާނޫނުތައް ހަދާނެގޮތުގެ ލަފާ ހޯދައިގެން ދެން ހަދަންފަށާ ގާނޫނުތަކުން ރައްޔިތުން މިހާރަށްވުރެ ބާރަށް ބަނދެލާނެ.... ހަގީގަތުގަ މީ ސަރުކާރު އެކަނި ހިންގާ ކަންތައްތަކެކޭ ބުނެވޭކަށްނެތް. މިކަމުގައި ދައުލަތުގެ 3 ބާރުގެ އިތުރުން ހުރިހާ މިނިވަން މުއައްސަސާވެސް ބައިވެރިވާކަމަށް ގަބޫލްކުރެވޭ...... މިހެން ބުނަން މިޖެހުނީ، ސަރުކާރު ބޭނުންވާގޮތައް ހުރިހާ ގާނޫނެއް ފާސްކޮއްދެނީ މަޖިލީހުން..... އެ ހުރިހާ ގާނޫނުތަކެއް ގާނޫނު އަސާސީއާ ފުށުއެރިޔަސް އެކަމަށް ޗުއްޕުބުނަން ކެރޭނެ ކޯޓެއް ފެންނާކަށްނެތް...... މާލިއްޔަތު ގާނޫނު ބޭނުންވާގޮތައް ބަދަލްކޮއްލައިފި، އެސްއީޒެޑް ގާނޫނެއް ހަދައިފި، ބޭރުމީހުންނަށް ރާއްޖޭގެ ރައްތަކާ ފަޅުތަށް ވިއްކާ އެތަންތަން މިލްކު ކުރެވޭގޮތަށް ގާނޫނެއް ފާކޮއްދީފި. އެ ގާނޫނުތަކުގެ ނިވަލުގައި ސަރުކާރުން އެދަނީ އެއްވެސް ބިޑަކާނުލާ ރާއްޖޭގެ ރައްތަކާ، ފަޅުތަކާ، ފަރުތައް ވިއްކަމުން. .... 2018 އިގަ ރިޔާސީ އިންތިޚާބު ބާއްވާނެކަމަކަށް ލަފައެއްނުކުރެވޭ. އިންތިޚާބު ބޭއްވިޔަސް، 2013 އިގަ ސްޕްރީމްކޯޓް ކުޅުނު ރޯލް ނުކުޅޭނެޔެކޭ އަހަރެން ނުބުނާނަން.... އެދުވަހަކުންވެސް ރައްޔިތުން އަޑު އުފުލާނެ، ޝަކުވާކުރާނެ، މި ސަރުކާރުން އެ އަޑެއްނާހާނެ. ރައްޔިތުންނަށް ކުރެވޭނެ އެއްވެސް ކަމެއް ނޯންނާނެ...... ހަގީގަތުގަ މިސަރުކާރުން ގުޅިގެން ހިންގާފައިވާ ޖަރީމާތަކުން ސަލާމަތްވާން އެމީހުން ނުކުރާނެ އެއްވެސްކަމެއް ނޯންނާނެ.... އެހެންވީމަ އެމީހުންގެ އަތުގަ އޮތް ބާރު އެމީހުން ދޫކޮށްލާކަށް ބޭނުމެއްނުވާނެ.... މީ 2018 އިގެ ފަސް އަހަންނަށް ތަސައްވަރު ކުރެވޭގޮތް.
އ.ސ.
03 January 2017
ކޮމެންޓްތަކާ ލައިކިން އިން އެނގޭ ދިވެހިންނަކީ ހަގީގަތް ބަލަންވެސް ބޭނުންނުވާ ބައެއްކަން. ވަކި ސަރުކާރެއް މާ މޮޅުކޮށްފައި އެހެންބައެއްގެ ބޮލަށް ހުރިހާކަމެއް ޖަހައިގެން އުޅޭހާ ދުވަހަކު ރައްޔިތުންގެ ހާލަތެއް ރަނގަޅެއް ނުވާނެ. އެންމެފަހުން ގައުމުވެސް ރައްޔިތުންނަށް އަތުނުވާނެ. ހެޔޮލަފާ ގާނޫނީ ވެރިކަމެއް ގާއިމުކުރުމުގެ ގާބިލުކަން ހުންނަން ޖެހެނީ ރައްޔިތުންގައި. ފާސިދުކަމުން އެއްކިބާވެ، ހަރުދަނާ އުސޫލުތަކެއްގެ މަތީގައި ރުކުރުވާލައިގެން ތިބެ އަނިޔާވެރިން ފިނޑިވާވަރަށް، ވަހުޝީ ޖަނަވާރުތައް އަނބުރާ ހޮރުރޮރަށް ވަންނަވަރަށް، އަނިޔާއާ ފަސާދައިގެ ކުރިމަތީގައި ހައްގުބަސް ބުނެ ސާބިތުވެވެންވާނެ. ﷲ އިންސާނުން ބިންމަތީގައި ލެއްވީ މިނިވަންކަމާއެކު ހެޔޮލަފާކަމުގައި ސުލްހަވެރިވެ އުޅުމަށް. އަނިޔާ ގަބޫލުކުރުމާ އަޅުވެތިވުމަށް، ކިތަންމެ މާތް ފޭރާމެއްގައި މީހުންނަށް ނަސޭހަތް ދިނަސް އެކަންކުރާ މީހާ އެއީ ހަމަ ކަހީނުކަމާ ސިހުރުފަންޑިތައިގެ އަހުލުވެރިންހެން މީހުން މަގުފުރައްދާ މީހެއް.
އަޙްމަދު
03 January 2017
2018 ގަ ވޯޓުލުން އޮތީޔާތާ ނޫނެކޭ ބުނެވޭނީ. ކޯޓު ޙުކުމަކުން އިންތިޚާބު 5 އަހަރަށް ފަސްކޮށްލީމަ އެ ނިމުނީނު. ދިވެހި ރައްޔިތުން ތެޅިތެޅި ތިބުން ނޫން ގޮތެއް ހީއެއް ނުވޭ އޮތް ހެނެއް. ޢިންޝާ ﷲ މިކަމުން ސަލާމަތް ކުރައްވާނެ އަދި
ތަކުރު
03 January 2017
އޯކޭވާނެ އޯކޭދިވެހިން
ޖެހޭނެދޯ
03 January 2017
ފްލެޓްސް މައްސަލައިގައި އާދޭސް ކުރާ ކަމަށް ޕެޓިޝަން ހުށައެޅި ކުދިން ބުނި ކަމުގައި ވީ ނަމަވެސް އެކަން ގަބޫލުކުރަން ވަރަށް ދަތިއެވެ. ސަބަބަކީ ފްލެޓްސް ލިބުނު މީހުންގެ މައިގަނޑު މަގްސަދަކީ އެމެން މާލޭން ދޫކޮށްލަން އެއްބަސްވި ބިން ކޮޅު ސަރުކާރަށް ދޫކޮށް ނުލަން ވެގެން ދައްކާ ހުއްޖަތް ތަކެވެ. ހަމަ ހިލާ އެކަން އެހެން މިފަހަރު ވިޔަކަ ނުދޭނަމެވެ. ހަމަ ދޫ ދޭން ޖެހޭނީ ފްލެޓްސް ތަކަށް ޕެޓިޝަން ހުށައެޅި ކުދިން ވެސް. މީ ގައި ނޯންނާނެ އިތުރު އެއްވެސް ޗޮއިސް އެއް ވެސް އަދި އިތުރު އެއްވެސް އެކްސްކިއުޒެއް ވެސް. މިމަގުން މިކަން ހިނގަން ޖެހޭނެއެވެ.
އައްޔަ
03 January 2017
ހާދަހާވާ ބޮޑުކަމަކާ އޭ މިޖެހުނީ ކޮންމެވެސް ފަންޑެއްހުޅުވާފަ އެހީހޯދަންނިކުމޭ މަވެސް ކޮންމެވެސް ވަރަކަށްފައިސާ ދޭނަން އެކަމަކު ކޮންމެވެސް ޖަބާބެއްނުދެއްވުމަކީ ވަރަށްބޮޑު މައްސަލައެއް އެއީވެސް ހަމަ މިގައުމުގެ ރަތްޔިތުން .// ކަންކަމުގަ މީހުން ލާސިޓިތަކަށް ޖަވާނުދާރީ ވާންޖެހޭނެ ނުދެންނާ ކޯޓަށްދާންވީ ކޯޓުންއަމުރުކުރޭ ޖަވާބުދިނުމަށް ...
ފަރުވާކުޑަ
03 January 2017
މިނޫހުންވެސް ވަރަށް ޒާތިވެގެން އުޅެނީ. ފުލެޓު ލިބުނު ގިނަމީހުންނަކީ، މާލޭގެ ބިންކޮޅު ދޫކޮށްލާ މީހުން. އެމީހުން އެތަން އަގުކޮށް ސަރުކާރަށް ފައިސާ ދީފަ އެކަން ލުއިގޮތކަށް ހަމަޖައްސަަން އަވަސްކުރަންވީނު. މިނޫހުން ޚަބަރު ލިޔާއިރު ރައްޔިތުންނަށް އޮޅުންއަރާގޮތަށް ޚަބަރު ލިޔާކަން ފާހަގަކުރެވޭ. މިފުލެޓުތަކުގަ ތިރީ ދެފްުލޯ ޓާޓާއަށް ދޭކަށްވެސް ނުޖެހޭނެ. އެމީހުން އިމާރާތް ހެދީމާ ފައިސާދީފަ ފުލެޓުދީފަ ރިސޯޓެއް ދީފަ އޮތީމަ އަނެއްކާވެސް ސަރުކާރުން ވީތޯ އަދިވެސް ލުއިކޮށްދޭން. އެކަން ހިނގާފައޮތް ގޮތުން އުނދަގޫވެގެން ސަރުކާރުން އުޅެނީ.