ފަނޑިޔާރުމަގު: އެ މަގުގައި އެއްކޮށް ދުއްވޭ ގޮތަށް ވަނީ ބަދަލު ގެނެސްފައި -- މިހާރު ފޮޓޯ
09 އޯގަސްޓް 2022 - 14:01
3 comments
އެއްކޮޅަށް ދުއްވޭ ގޮތަށް ހަދައި، ފަނޑިޔާރު މަގު ހިމެނޭ ސަރަހައްދުގެ ޓްރެފިކަށް ބަދަލު ގެނެސްފި އެވެ.
މާލޭ ސިޓީ ކައުންސިލުން މިއަދު ކުރި އިއުލާނެއްގައި ބުނީ ފަނޑިޔާރުމަގުގައި މިހާރު އެއްގަމު އުޅަނދު ދުއްވުމަށް ހަމަޖެހިފައިވާ އުސޫލަށް ބަދަލު ގެނައުމަށް ނިންމާފައިވުމާ އެކު، އިއްޔެ އިން ފެށިގެން އެ މަގުގައި އުތުރުން ދެކުނަށް އެއްކޮޅަށް ދުއްވޭގޮތަށް ބަދަލު ގެނެސްފައިވާ ކަމަށެވެ.
"ވީމާ، އެއްގަމު އުޅަނދު ދުއްވާ އެންމެހާ ފަރާތްތަކުގެ ސަމާލުކަމަށްޓަކައި މިކަން އާންމުކޮށް އަންގާ އިއުލާން ކުރީމެވެ،" އެ އިއުލާނުގައި ބުންޏެވެ.
ފަނޑިޔާރުމަގުގެ ވަކި ހިސާބަކަށް ކުރިން އޮތީ ދެކޮޅަށް ދުއްވޭ ގޮތަށެވެ. މީގެ ކުރިން ވެސް އެކި ފަހަރު މަތިން އެ މަގުގައި އެއްކޮށް އަދި ދެކޮޅަށް ދުއްވޭ ގޮތަށް ޓްރެފިކަށް ބަދަލު ގެނެސްފައިވެ އެވެ.
މާލޭގައި މިނީ ބަހުގެ ހިދުމަތް ފެށުމަށް މާލޭގެ ޓްރެފިކަށާއި ޕާކިން އަށް ބައެއް ބަދަލުތައް ގެނައުމުގެ މަސައްކަތް މާލޭ ސިޓީ ކައުންސިލުން އަންނަނީ ކުރަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިމަނާ
10 August 2022
ފަނޑިރާރުން އަބަދުވެސް ދުއްވާނީ އެއްކޮޅަށް. ތިޔަ މަގު އެއްކޮޅަށް ދުއްވާގޮތް ހެދުން މާލަސްވެއްޖެ.
ޖުހާޖަނގިޔާ
10 August 2022
އެއްވެސް ކޮޅަކަށް ދުއްވާނެކަމެއް ނެތް
ބުރުގާ
09 August 2022
ކޮން އިރަކުންތޯ މާލޭ މަގުތަކުން ބުޅަލާއި ގުންޑާއި ހިފާ ހައްޔަރުކުރަނީ؟؟! އެ ބައިގަނޑާ ހެދީ މިހާރު މަގުމަތީ ހިނގާބިނގާ އުޅެވެނީކީ ނޫން. އެތަންމިތާ ބުޅާ ޗިސްވެ ކުނިވެފަ. ޕާޓޭންނާއި ގުންޑާއިން މަގުތަކުގެ ރަސްކަން ކުރަނީ ލަދެއް ބިރެއްނެތި.