ހާއްސައަށް ބޭނުންވާ މީހުންގެ މަރުކަޒު: އެތަނުގެ ތިން މުވައްޒަފަކު ނުވަ އަހަރު ސަސްޕެންޝަންގައި ބޭތިއްބުމުން 1.9 މިލިއަން ދޭން އެންގި އެންގުމަށް އަމަލުކުރުން ހައި ކޯޓުން ވަނީ މަޑުޖައްސާލަން އަންގާފައި --- ފޮޓޯ/މިހާރު
11 އޯގަސްޓް 2022 - 14:11
6 comments
ނުވަ އަހަރު ވަންދެން ވަޒީފާއިން ސަސްޕެންޑްކޮށްފައި ތިބި ތިން މީހަކަށް ބަދަލުގެ ގޮތުގައި 1.9 މިލިއަން ރުފިޔާ ދައްކަން ސިވިލް ސާވިސް ކޮމިޝަން (ސީއެސްސީ) ގެ މައްޗަށް ކޮށްފައިވާ ހުކުމަށް އަމަލުކުރުން މަޑުޖައްސާލަން ހައި ކޯޓުން އަންގައިފި އެވެ.
ކ. ގުރައިދޫގައި ހުންނަ ޚާއްސަ އެހީއަށް ބޭނުންވާ މީހުންގެ މަރުކަޒުގައި މަސައްކަތްކުރި އެރަށު ތިން މީހަކު 2013 ވަނަ އަހަރު ސަސްޕެންޑްކުރީ ޖިންސީ ގޯނާގެ ތުހުމަތުތަކެއްގަ އެވެ. އެ މީހުންގެ މައްޗަށް ކުށް ސާބިތުނުވާ ކަމަށް 2017 ވަނަ އަހަރު ކޯޓުން ނިންމިޔަސް، އެ މީހުންގެ ވަޒީފާއިން ވަކިކުރީ ސަސްޕެންޝަންގައި ތިބޭތާ ނުވަ އަހަރު ފަހުން މިދިޔަ އަހަރު އެވެ. މިއީ ފަހުގެ ތާރީޚެއްގައި ރާއްޖޭގައި މިހާ ގިނަ ދުވަސް ވަންދެން ބަޔަކު ސަސްޕެންޝަންގައި ބޭތިއްބި ފުރަތަމަ މައްސަލަ އެވެ.
އެ މައްސަލާގައި މިދިޔަ މެއި މަހު ވަޒީފާއާބެހޭ ޓްރައިބިއުނަލުން އެންގީ އެ މީހުން ސަސްޕެންޑްކޮށްފައި ތިބި މުއްދަތުގައި ލިބެންޖެހޭ މުސާރަ އާއި އިނާޔަތްތަކުގެ ގޮތުގައި 1.9 މިލިއަން ރުފިޔާ ދިނުމަށެވެ. އެއީ އެކަކަށް އަށް ލައްކައަށް ވުރެ ގިނަ ރުފިޔާ އާއި ބާކީ ތިބި ދެ މީހުންނަށް ފަސް ލައްކައަށް ވުރެ ގިނަ ރުފިޔާ އެވެ.
އެ މައްސަލަ ސީއެސްސީގެ ފަރާތުން ހައި ކޯޓުގައި އިސްތިއުނާފްކޮށް، ޓްރައިބިއުނަލްގެ ނިންމުން ތަންފީޒުކުރުން ފަސްކުރުން ފަސްކުރުމުގެ އަމުރަކަށް ހައި ކޯޓުގައި އެދުނެވެ.
އެހެންވެ، ހައި ކޯޓުން މި ހަފުތާގައި ވަކިވަކިން ނެރުނު އަމުރުތަކުގައި އެންގީ އެ ކޯޓުން މައްސަލަ ނިމެންދެން، ޓްރައިބިއުނަލްގެ އެންގުމަށް އަމަލުކުރުން ފަސްކުރުމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ށަލި
13 August 2022
ތިކަމާ ދެކޮޅެ އަބަދުވެސް. އެކަމަކު ގަދަ މީހާއަށް ދީދީ ހުއްޓާ ކަޑަމީހާ އަށް ދޭންވީމަ ނުދިނުން ރަގަޅު ނޫންދޯ.
ކުޗީ
12 August 2022
ސަރުކާރުތަށް އޮންނަނީ ވާނުވަގަ ... ޒިންމާ ކިޔާއެއްޗެއް ނުވެސް ދަންނަނީ. ބޮޑުންގެ ތެރޭގައިވެސް ގިނަވާނީ ސޮއެކޮއްލާފަ ސައިފޮދު ، ކޮފީ ހިއްޕަވަން ނުކުންނަ ގޮތަށް ބަހަބަރު ވާމީހުން.
ޢިބާދު
12 August 2022
ޚިދުމަތް ނުލިބި ވަޒީފާ ސަސްޕެންޑް ކޮށްފައިތިބި ބަޔަކަށް ފައިސާ ދުނުމަކީ ކުރިންވެސް އަހަރެން ނުރުހުން ފާޅުކުރިކަމެއް. އެކަމަކުވެސް ބޮޑެތި އަދަދު ތަކުން ފައިސާދީ ވަނީ ނިންމާފައި. މިއަދު މިޖެހިނީ އެންމަ ދަށު ދަރަޖައިގެ ވަޒީފާގައި ތިބިބަޔަކަށް މިގޮތަށް ފައިސާދޭން. މިއޮތީ އެބުނާ ސާފު ކަން ހާމަވެފައި. ރަކިސް ބޮނޑެއްވީމާ ބޮޑުކަންތައް ގަނޑަކަށްވެ ފައިސާ ނުދޭންވެގެން ހައިކޯޓެއް ހުރިކަން ސަރުކާރަށް އެނގުނީ. ޢަދިކިރިޔާ.
ބަތޭލި
11 August 2022
ތަންކޮޅެއް ނިކަމެތި ބަޔަކަށް އެއްޗެއް ދޭން ޖެހުނީމަ ހުއްޓުވީ. ބިގް ގްރޫޕަށް ނުވަތަ ބިޒިނަސް އިމޭޖް ފަދަ ނަމެއް ކިޔާނަމަ ނުހުއްޓުވާނެ.
އ
11 August 2022
ބަލަ ތިޔަކަމުގައި ތިކަމައް ޒިންމާވާ މުއްޒަފު ޒިންމާކޮށްބަލަ. ހާދަ ގަޅިއޭ ސަރުކާރު. ރައްޔަތުންގެ ފައިސާ ދިނީމައި އެނިމުނީތ?
ޙިނި
11 August 2022
ޒީރޯ ޓޮލަރެންސުގެ ދަށުން ގޭމީހުން ގެ ކުން ފުންޏައް (5.6 މިލިޔަގެ ބަދަލުގައި) 78ރ މިލިޔަން ޖުރިމަނާ ގޮތުގަ ދެއްކޭ. އާދައިގެ ނިކަމެތި ރައްޔިތަކައް 1.9 މިލިޔަންރުފިޔާ ކޮންޕަންސޭޝަން ގޮތުގަ ދިނުން ތަންކޮޅެއްބޮޑު އެ 19،000ރ ހަދާލާ