ހުޅުމާލެ ދެވަނަ ފިޔަވަހީ: ހުޅުމާލޭގައި ފުރަތަަމަ ފަހަރަށް އޯވާވޯޓާ ރެސްޓޯރަންޓެއް ހަދައި ހިންގާނެ ބަޔަކު ހޯދުމަށް އެޗްޑީސީން ހުޅުވާލި ފުރުސަތުގައި އެންމެ ބޮޑު އަގަކާ އެކު ޕްރޮޕޯސަލް ހުށަހެޅީ ވިޔަފާރިވެރިޔާ އާމިރު މަންސޫރު. -- ފޮޓޯ: ފަޔާޒް މޫސާ | މިހާރު
13 އޯގަސްޓް 2022 - 06:02
27 comments
ހުޅުމާލޭގައި "އޯވާވޯޓާ" ރެސްޓޯރަންޓެއް ހަދައި ހިންގުމަށް އެކުއިޒިޝަން ކޮސްޓްގެ ގޮތުގައި 2.3 މިލިއަން ރުފިޔާ ހުށަހަޅައިފި އެވެ. އެޗްޑީސީން އެތަން ހަދަން ބިޑަށް ލުމުން އެންމެ ބޮޑު އަގު ހުށަހަޅުއްވާފައި ވަނީ ރާއްޖޭގެ ވިޔަފާރިވެރިޔާ އާމިރު މަންސޫރެވެ.
ހުޅުމާލޭގެ ފުރަތަމަ ފިޔަވައްސާއި ދެވަނަ ފިޔަވަހި ގުޅޭ ކޯރު ކައިރިން އިރުމަތީގައި "އޯވާ ވޯޓާ" ރެސްޓޯރަންޓެއް ހަދާނެ ބަޔަކު ހޯދުމަށް އެޗްޑީސީން އިއުލާންކުރީ މިދިޔަ ޖޫން މަހުގެ 19 ގަ އެވެ.
އެޗްޑީސީން އާންމުކޮށްފައިވާ މައުލޫމާތުން ދައްކާ ގޮތުގައި އެކަމަށް އެދުމަށް ހުޅުވާލި ފުރުސަތުގައި ހަތަރު ފަރާތަކުން ކުރިމަތިލި އެވެ. އެކަމަކު ފުރިހަމަކުރަންޖެހޭ މައުލޫމާތުތައް ފުރިހަމަނުވުމުގެ ސަބަބުން އޭގެ ތެރެއިން އެކަކުގެ ޕްރޮޕޯސަލް ވަނީ ރިޖެކްޓްކޮށްލައިފަ އެވެ.
އޯވާވޯޓާ ރެސްޓޯރަންޓް ހެދުމަށް އެޑްވާންސްގެ ގޮތުގައި އެންމެ ބޮޑު އަދަދެއް ހުށަހެޅީ އާމިރު މަންސޫރު އިންވެސްޓްމަންޓުންނެވެ.
ދެން ޕްރޮޕޯސަލް ހުށަހަޅާފައިވާ ފަރާތްތަކުން އިކުއިޒިޝަން ކޯސްޓްގެ ގޮތުގައި ހުށަހެޅީ 500،000-655،000ރ. އާ ދެމެދުގެ އަގެކެވެ.
ހުޅުމާލޭގައި ފުރަތަމަ ފަހަރަށް އޯވާވޯޓާ ރެސްޓޯރަންޓެއް ހަދާނެ ބަޔަކު ހޯދުމަށް ހުޅުވާލިއިރު ވިޔަފާރި އުސޫލުން ކެފޭ ރެސްޓޯރަންޓް ހިންގުމާއި ސްވިމިންޕޫލާއި ކުޅިވަރު ފެސިލިޓީތަކުގެ ވިޔަފާރިކުރުމުގެ ތަޖުރިބާ ހުރި ކޮންމެ ފަރާތަކަށް ވެސް ބީލަން ހުށަހެޅުމުގެ ފުރުސަތު އެޗްޑީސީން ދިނެވެ.
ގާތްގަނޑަކަށް 22 މިލިއަން ރުފިޔާގެ އެ މަޝްރޫއު ހަވާލު ކުރާނީ، އެޗްޑީސީން ބުނެފައިވާ ގޮތުގައި އެންމެ ބޮޑު ކުއްޔާއި އިކުއިޒިޝަން ކޯސްޓް ހުށަހަޅާ ބަޔަކަށެވެ. އެ ބިޑުގައި ބައިވެރިވެވޭނީ ބިޑް ސެކިއުރިޓީގެ ގޮތުގައި ފަސް ލައްކަ ރުފިޔާ އަދި އެކިއުޒިޝަން ކޯސްޓްގެ ގޮތުގައި އެންމެ މަދުވެގެން 180،000ރ. ހުށަހަޅާ ބަޔަކަށެވެ.
އާމިރުގެ ޕްރޮޕޯސަލްގައި ހިމެނެނީ ފުރަތަމަ އަހަރު އަކަފޫޓަކަށް 26 ރުފިޔާ އަދި ދެވަނަ އަހަރު 27 ރުފިޔާ ދައްކާ ގޮތަށެވެ. ތިން ވަނަ އަހަރު 28 ރުފިޔާ އާއި ހަތަރު ވަނަ އަހަރު އަކަފޫޓަކަށް 28.50 ރުފިޔާ ދައްކާ ގޮތަށް އޮތްއިރު ފަސް ވަނަ އަހަރު އަކަފޫޓަކަށް ދައްކާނެ ކަމަށް ޕްރޮޕޯސަލްގައި އޮތީ 29.50 ރުފިޔާ އެވެ.
އެޗްޑީސީން އޯވާވޯޓާ ރެސްޓޯރަންޓް ހެދުމަށް 10،519 އަކަފޫޓުގެ ސަރަހައްދެއް ކުއްޔަށް ދޭން ވަނީ ނިންމައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހުސެއިންބެ
13 August 2022
އެގޮތަށް ޕްރޮޕޯސަލް ހުށަހަޅައިގެން އާމިރު މަންސޫރު ޓެނިސް ކޯޓެއްވެސް އަޅާފަ އެބައޮތް. އޭގެފައިދާ ކުރަނީ މުއްސަދިން ހިތްހަމަ ޖައްސަން. އާދައިގެ ކުއްޖަކު ކިތަންމެ ޓެނިސް ކުޅޭ ހިތްވިޔަސް ނުވޭ. ދެން މެރީ ބްރައުން ރެސްޓޯރަންޓުން އަނެއް ކޮޅުން ފައިދާ ނަގާލާ.
އެމްސް
14 August 2022
ގުޅިގެން ހިންގާ ޖަރީމާ!
ދޮންހުސޭނު
13 August 2022
އޯކޭ. ކިޔާތީ އަޑުއިވޭ ވޯޓަރ ފާކޭވެސް. މި ބުނީ ހުޅުމާލޭގަ. ދެން އިވޭ އެތައް އަހަރެއްކޮށްފަ ނުހެދިގެން ނަގަނީޔޭ ވެސް. ތިޔަތަން ކިތައް އަހަރުން ނިމޭނެބާ
ބައިބާ
13 August 2022
އެޗްޑީސީން (އާންމު ރައްޔިތުންގެ ފައިސާއިން) 22 މިލިއަން ޚަރަދުކޮށްގެން ހަދާފަ، އާމިރު މަންސޫރު، 5 އަހަރު ތެރޭގައި ގާތްގަނޑަކް 5 މިލިއަން ރުފިޔާ ވަރުވެސް ދައުލަތަށް ދައްކަން ނުޖެހޭ ގޮތަށް ދޫކޮށްލަނީ. މިއީ ޚިޔާނާތެއް ނޫންތަ ދައުލަތުގެ ފައިސާއަށް ވެވޭ؟ ރައްޔިތުން ނުކުމެ މިކަންކަން ކުރާ މީހުންނާ ދެކޮޅަށް ފިޔަވަޅު އަޅާކަށް ނުވޭތަ!
އެމްސް
13 August 2022
މެނޭޖްމެންޓް އޮޑިޓް ނަމެއްގަ އޮންނަ ޤައުމެއްގަ ކޮންކަމެއްތޯ ރަގަނޅަށް ދާނީ؟
ސޮދުރު
13 August 2022
މިކަހަލަ ކަންކަން އޮންނަ ގޮތް ނޭގި އޮޅުން އަރާ ގޮތަށް ވާހަކަ ދެއްކުން ގޯސް. ތަން ހަދަން ޖެހޭނީ ބިޑް ވިންވާ ފަރާތުން. 22މ އެއީ އެސްޓިމޭޓް އަގެއް ދާނެކަމަށް ބަލާ. ވިނާ ތަން ހަދާ މަންފާއެއް ހޯދަންވީ ވިޔަފާރިކޮށްގެން. އެޗްޑީސީއަށް މަހަކު 280،000 ލިބޭނީ. މީ އިންވެސްޓްމަންޓް އެއް. ރިސްކެއް ވެސްމެ. ގެއްލުން ވެސް ވެދާނެ.
ށަވިޔަނި
13 August 2022
ބައިބާ. އާންމު ރައްޔިތުންގެ ފައިސާއޭ. އެޗްޑީސީގެ ފައިސާއަކީ އާންމުރައްޔިތުންގެ ފައިސާކަމަށް ވާނަމަ ވިލާ އަދި ޔުނިވަރސެލް ފަދަ އެތައް ކުންފުނިތަކެއްގެ ފައިސާއަކީވެސް އާންމުރައްޔިތުންގެ ފައިސާ.
އެމްސް
14 August 2022
ޤައުމަށް އިންކަމެއް ވައްދާ ބަޔަކީ ރިސޯރޓް ވެރިިންނާއި އެކްސްޕޯރޓަރސް، ދެން އޭވިއޭޝަންގެ ދާއިރާތަކުން! އެޗްޑީސީ އަކީ އެމްޓީސީސީ ފަދަ ވާދަވެރި އެއްވެސް ވިޔަފާރިއެއް ކުރާ ތަނެއް ނޫން! ސަރުކާރުން ހިލޭ ބިންހޯދައިގެން، އެތަކެއް ސަބްސިޑީސް އެއްވެސް ނަގައިގެން ތިބޭ ބަޔެއް!
ކުޗީ
13 August 2022
" ފުރަތަމަ އަހަރު އަކަފޫޓަކަށް 26 ރުފިޔާ " ... މިއީ މަހު ކުލިތަ ނޫނީ އަހަރަކަށް ދައްކަން ޖެހޭ އަދަދުތަ. އަހަރަކަށް ވާނަމަ މިދެވެނީ ހިލޭ ކަހަލަ ގޮތަކަށް.
އެއީ
13 August 2022
އެއީ މަހު ކުލި
ސުތެލި
13 August 2022
ވާނުވާ ނޭގުނަސް އެއްޗެއްސަށް ކޮމެންޓް ކުރާތީ އަކަފޫޓަށް 26 ވީމަ އެއީ މަހަކު 260،000 ރުފިޔާ ވަރު
ކުޗީ
13 August 2022
ސުތެލި : އާޓިކަލް ގަ އޮތީ އަކަފޫޓަށް 26 ... މަހެކޭ އަހަރެކޭ ނެތް ޖަހާފަކާ.
ފުޅި
13 August 2022
ކޮބާ އެހެން ފަރާތްތަކުން އަކަފޫޓަކަށް ހުށަހެޅި އަގު. އޭރުންތާ އެނގޭނީ ކޮމްޕޮޒިޝަނެއް ހަދާލަން.
އެމްސް
13 August 2022
އެއީ ސިއްރެއް! ހޯދަން ބޭނުމިއްޔާ ކޯޓަށް!
ދުންދަނޑި
14 August 2022
ކޮމްޕޮސިޝަނެއް ނޫނޭ ދޫންޏާ އެއީ ކޮމްޕެރިސަން
އަލީބެ
13 August 2022
މާލޭ ސަރަހައްދުގައި ތަފާތު ތަފާތު ޖަޖުރިބާކުރެވޭ އެކިކަހަލަ ތަންތަން ހެދުމަކީ ޓޫރިޒަމް ތަރައްގީކުރުމުގައި ބޭނުންތެރި ކަމެއް.
އެމްސް
13 August 2022
ޔަރައްޤީ ކުރަންވީ ރަޢިއްޔަތު މީހާ! އެކަން ވާނީ ކަންކަމަށް/ވަޒީފާތަކަށް ދިވެހިންނަށް އިސްކަންދީގެން!
ހިލޭދީ
13 August 2022
ތީ މަހަކަށް 22800ރ. 10 ހާސް އަކަ ފޫޓު ގެ ބިންދޭން. މިރަށުގެ އަގަކީ ތިވަރު ތަނެއް 250000 މިހާރު މަހަކަށް
އެމްސް
13 August 2022
މިއީ މަހުޖަނުންގެ އެކަނި ޤައުމެއް! އެހެންކަމުން މުއްސަނދި މީހާއާއި ފަގީރު މީހާގެ ތަފާތު ބޮޑުވާން ވާނެ! ވޯޓްގަ ބޭނުން ގޮތެއް ހެދޭނީ އޭރުން!
މަޑުލިސް
13 August 2022
ފުރަތަމަ އަހަރު، އަކަފޫޓެއް 26ރ އަށް 10،000އަކަފޫޓަށް = 260،000ރ އަދިކޮންމެ އަހަރަކު ބޮޑުވަމުންދާގޮތަށް.. ބިޑާބެހޭމައުލޫމާތު އެޗްޑީސީ ސައިޓުގަ އެބަހުރި...
ޟުޒް
13 August 2022
ޙުޅުމާލޭ ސަންސެޓް ޖެޓީ (ސަފާރީ ބޯޓު) ބަނދަރު ކުރި މަތީގައި ހުރި އިމާރާތުގައި ވެސް ހުރީ މި ބިޔަ ވިޔަފާރި ވެރިޔާގެ އައުޓްލެޓް. ބޮޑު މީހާއަށް މޮޅުގޮތް މިވަނީ. ކުދި ވިޔަފާރިތަކަށް ޖާގަ ދޭންޖެހޭ.
އެމްސް
13 August 2022
ޢަޖައިބުނުވޭ، މިޤައުމުގަ އަބަދުވެސް އުޅޭނީ މަހުޖަނުންނާއި އެބައި މީހުންގެ އަޅުން! ކޮންމެ ސަރުކާރެއް އަޔަަސް މިޙަޤީގަތް ބަދަލެއް ނުވޭ!
އެމްސް
13 August 2022
ޢާމިރުމަންސޫރު މެންނީ އެންމެ ކުޑަމިނުން ދިވެހިންނަށް ވަޒީފާ ދީ އުޅޭ ބަޔެއްވެސް ނޫން! މާލޭގަހުރި އޭނާގެ އައުޓްލެޓްތަކަށް ބެއްޔަސް ކޭޝިއަރުންނަށްވެސް ތިބީ ބިދޭސީން! ދައުލަތުގެ ނުވަތަ ސަރުކާރު ކުންފުނިތަކުގެ ތިފަދަ ކަންކަން ބިޑްކުރެވޭ އިރު، 1 ޝަރުޠަކަށް، %75 ދިވެހިން ލައިގެން އެކަމެއް ކުރަން ހުށަހަޅާބަޔަކަށް އިސްކަންދިނުން މުހިއްމު! ސޭލްސްދާއިރާގަ އުޅެންވެސް، ދުވަހުގެ މަސައްކަތްފަށާ ގަޑިއާއި ނިމޭގަޑި އާއި ދޭތެރޭގަ 8 ގަޑި އިރަށްވުރެ އިތުރުވަންޏާ ގޯސް
މަޑުލިސް
13 August 2022
ވަރަށްބޭނުން ދިވެހިންވަޒީފާތަކުގައިއުޅޭތަންބަލަން.. އެކަމަކު ރިސޯޓުތަކާ ހިލާފަށް މިމާލޭގައި %75 ދިވެހިންލައިގެން ތިތަންތަންހިންގޭނެހެނެއް ހިއްނުވޭ! ގަޑިޖެހުން، ނައުން، އަބުއިކަމަކަށްދެކުން....
ރެޓޭ
13 August 2022
މީ ވ.ރަނގަޅު ވާހަކައެއް! ގައިމު ކުނިއުކަންވެސް ދިވެހިން ވަޒީފާ އެބައަދާކުރޭ! 8 ގަޑިއިރުގަ 8000 ރުފިޔާ ދޭނަމަވެސް އާމިރު މަންސޫރަށާ މިއުޅޭ ފަތަހަ ފިހާރަތަކަށް ދިވެހިންވާނެ!
ދިވެހިމީހުން
14 August 2022
ދިވެހިންނަށް ވަޒީފާ ދެވިދާނެ އެކަމަކު ވަޒީފާ އަށް ނެރެންޖެހެނީ ކޯޓުން. ޢެމީހުން ފަހަތުން ދުވެދުވެ ވަޒީފާ ދޭ މީހާ ހަލާކުވޭ
އެމްސް
14 August 2022
މީހުން ގެންގުޅުމީ އެންމެ އުނދަގޫ ކަންތައް، އެއަކީ ހަމަ އެކަނި ބޮލަކަށް/ބޮންދަކަށް ކުރެވޭނެ ކަމެއް ނޫން! ގައިމު ލައްކަ އެއްހާ ބޮންދުން ޤަވާޢިދާއި ޚިލާފަށް މިޤައުމުގަ އުޅޭނީ އެމީހުން ރަގަނޅު ވެގެނެއް ނޫން! މިޤައުމުގަ އުޅޭ ބައިމިކިޔަނެއްހާ ބިދޭސީން މައްޗަށް މަހަކު 200 މިލިޔަން ޑޮލަރ މިޤައުމުން ބޭރުވެގެން ދިއުމީ ޤައުމަށް ވާނެ ފައިދާއެއް ނޫން/ވިޔަފާރިތަކަށް ވާނެ ދައްޗެއް! މިއަކީ ޑުބާއީ ފަދަ އިންޑަސްޓރިއަލް ތަނެއް ނޫން! ބިދޭސީންނީ ޤައުމުން ބޭރުވާ ޑޮލަރ