ވެލާނާ އިންޓަނޭޝަނަލް އެއާޕޯޓްގައި ފްލައިޓެއް ޖައްސާފައި-- ފޮޓޯ: ފަޔާޒު މޫސާ/ މިހާރު
17 އޯގަސްޓް 2022 - 10:45
17 comments
ރާއްޖޭގެ ހަ ރަށެއްގައި އެއާޕޯޓު ހަދާނެ ބަޔަކު ހޯދަން ޕްލޭނިން މިނިސްޓްރީން ތިން ވަނަ ފަހަރަށް އިއުލާނުކޮށްފި އެވެ.
އެ މަސައްކަތް ކުރާނެ ބަޔަކު ހޯދަން ފުރަތަމަ ކުރި އިއުލާނަށް އެކަށީގެންވާ ތަރުހީބެއް ނުލިބުމުން ދެވަނަ ފަހަރަށް އިއުލާނުކުރީ ވެސް ބީލަމުގައި އަގު ކުރެވޭނެ އެންމެ ދަށް އަގެއްގެ ގޮތުގައި ކުރިން ކަނޑައަޅާފައިވާ އަދަދު ތިން މިލިއަން ޑޮލަރަށް ދަށްކުރުމަށް ފަހު އެވެ. އެންމެ ފުރަތަމަ އިއުލާނުގައި ވަނީ އެއާޕޯޓު ހަދަން ފައިނޭންސް ކުރުމަށް މަދުވެގެން ހުށަހެޅޭނެ އަދަދަކީ ފަސް މިލިއަން ޑޮލަރު ކަމަށެވެ.
ހަ ރަށެއްގައި ޑޮމެސްޓިކް އެއާޕޯޓު ހެދުމަށް ތިން ވަނަ ފަހަރަށް ހުޅުވައިލީ ޕްލޭނިން މިނިސްޓްރީން ބުނިގޮތުގައި އެ އިއުލާންކުރި ގަވާއިދު "ކްރޮސް ސަބްސިޑީގެ ގޮތުގައި ފަތުރުވެރިކަމުގެ ބޭނުމަށް ރަށް ބިން ނުވަތަ ފަޅު ކުއްޔަށް ދިނުމާ ބެހޭ ގަވާއިދު" އަށް އައި ބަދަލަކާ ގުޅިގެންނެވެ.
މިނިސްޓްރީން ބުނީ އެއާޕޯޓު ހެދުމަށް ކުރިން ހުޅުވައިލި ފުރުސަތުގައި އެކަމަށް އެދި ޕްރޮޕޯސަލް ހުށަހެޅި ފަރާތްތަކުގެ ޕްރޮޕޯސަލް ބާތިލު ނުވާނެ ކަމަށާއި އެ މީހުން އަލުން ޕްރޮޕޯސަލް ހުށަހަޅަން ނުޖެހޭނެ ކަމަށެވެ.
ހައުސިން މިނިސްޓަރު މުހައްމަދު އަސްލަމް ކުރިން ވިދާޅުވެފައިވާ ގޮތުގައި 12 ފަރާތަކުން އެއާޕޯޓް ހެދުމަށް ޝައުގުވެރިކަން ފާޅުކޮށްފައިވެ އެވެ.
އެއާޕޯޓް އަޅާ ރަށްތަކާއި ލަފާކުރާ ހަރަދު:
• ހދ. މަކުނުދޫ / 23.3 މިލިއަން ޑޮލަރު
• ށ. ބިލެއްފަހި / 23.6 މިލިއަން ޑޮލަރު
• ބ. ތުޅާދޫ / 21.9 މިލިއަން ޑޮލަރު
• ތ. ވިލުފުށި / 33.3 މިލިއަން ޑޮލަރު
• ފ. މަގޫދޫ / 8.2 މިލިއަން ޑޮލަރު
• ރ. އަތޮޅުގެ ދެކުނު ބިތުން ރަށެއްގައި / 23.6 މިލިއަން ޑޮލަރު
މި ފަހަރުގެ އިއުލާނުގައިވާ ގޮތުން ވެސް ރ. އަތޮޅުގައި އެއާޕޯޓު ހަދާނެ ވަކި ރަށެއް އަދިވެސް ފައިނަލެއް ނުވެ އެވެ. މިހާރު ވެސް ރ. އިފުރުގައި އެއާޕޯޓެއް ހިންގަމުން އަންނައިރު އެ އަތޮޅު އަލިފުށީގައި ވެސް އެއާޕޯޓެއް ހެދުމުގެ މަސައްކަތް ކުރިއަށް އެބަދެ އެވެ.
މިނިސްޓްރީން ބުނީ ކޮންމެ އެއާޕޯޓަކީ ވަކި މަޝްރޫއަކަށް ވާތީ، އެ ކަމަށް ޝައުގުވެރިކަން ފާޅުކުރުމުގައި، ހަދާނީ ނުވަތަ ފައިނޭންސް ކުރާނީ ކޮން އެއާޕޯޓެއް ކަން ބަޔާންކުރަން ޖެހޭނެ ކަމަށެވެ. ޝައުގުވެރިކަން ފާޅުކުރާއިރު ފައިނޭންސް ކުރުމަށް އެންމެ މަދުވެގެން ތިން މިލިއަން ޑޮލަރު ހުށަހަޅަން ޖެހެ އެވެ.
އެ މިނިސްޓްރީން ބުނިގޮތުގައި އެއާޕޯޓު ހެދުމަށް ނުވަތަ ފައިނޭންސް ކުރުމަށް ހުށަހަޅާ އިންވެސްޓްމަންޓްގެ އަދަދު، އެ މަޝްރޫއެއްގެ މުގާބިލުގައި ޓޫރިޒަމަށް ކުއްޔަށް ދޫކުރާނެ ރަށް ނުވަތަ ބިން ނުވަތަ ފަޅުގެ އެކްއިޒިޝަން ކޮސްޓް އަދި އެ ތަނެއްގެ ބިމުގެ ކުލީގެ ގޮތުގައި ކަނޑައެޅޭ ފައިސާގެ އަދަދަށް ބަލައި ކަނޑައިދެވޭނެ އެވެ.
އެއާޕޯޓު ހަދަން ހުށަހަޅަން ވަކި މުއްދަތެއް ނެތެވެ. އިއުލާނުގައި ބުނީ އެ އިއުލާނުގެ ދަށުން އެއާޕޯޓު ހެދުމަށް ކުރިމަތިލުމުގެ ފުރުސަތު އާންމުކޮށް އަންގާ އެންގުމަކުން ބަންދުކުރުމާ ހަމައަށް އޮންނާނެ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސަބަސް
18 August 2022
އެއާޕޯޓަކުން ފުރަން ތިބެނީ 3 މީހުން. މިމީހުން ބަލާ ދާން މިޖެހެނީ 76 ސީޓުގެ ބޯޓެއް ގޮސްފަ ހުސްކޮށް އަންނަން. ދެން ދައްކާނެ ގައުމީ އެއާލައިނަށް ގެއްލުން ވާވާހަކަ.
ހޯރަބޭ
17 August 2022
ހޯރަފުށީ އެއާރފޯޓް އެއީ ރައީސްސޯލިހު ރަށްއިތުންނަށް ދިން އަގުބޮނޑް ޖަވާހިރެއް ފަދަ ހަދިޔާއެއް. ސުކުރިއްޔާ ސޯލިހު.
ކޮމެންޓްކުރާމީހާ
17 August 2022
އިންތިޚާބުކާއިރިވަނީ.....
ނަނާ
18 August 2022
މާރަގަޅުވާނެ އަތޮޅަކައް ހަތަރު ސީޕްލޭ ދަތުރުކުރާނެބަޔަކުހޯ ދުމަން އިއުލާނުކުރީޔާ؟
މަޝްހޫރު ސްކޭޓަރު
17 August 2022
އެއާޕޯޓު ހެދުމުގެ ނަމުގައި ރާއްޖޭގެ ހުރިހާ ފަޅުރަށަކާ، ގިރިއަކާ، ފަރެއް ބަހާ ހުސްކުރަނީ. ތިވަރުގެ އެއާޕޯޓެއް އަޅާލާވަރުގެ ފައިސާ ދިވެހި ދައުލަތުގެ ބައިތުލްމާލުގައި ހަމަނެތީތަ. ބޭރުގެ އެމްބަސީތަކުގައި ސިޔާސީ ވަޒީފާ ދީފައި ތިބި މީހުންގެ އެއްމަހުގެ މުސާރައިން ވެސް ތީގެ އެއް އެއާޕޯޓު އެޅޭނެ. އަދިވެސް ގެބޯންއާއި ގުއާޓަމާލާ ފަދަ ގައުމުތަކުގައި ވެސް އެމްބަސީ ހުޅުވާ
ރަގަޅު
17 August 2022
ވަރަށްރަގަޅު ކޮނެންޓެއް. އެކަމު ފަހުޖުމްލައިގެ މާނައޮޅޭ. ތިސަރަހައްދުގެ ގައުމެއްގަ މަގޭއަންހެނުން މަސައްކަތްކުރާތީ ވަރަށް އުފާވޭ
ފުށިފަރު
17 August 2022
ބިންހިކާގެން އެއާރޕޯރޓްތައް އެޅުންހުޓާލަންވެއްޖެ. ސީޕްލޭންގެ ހިދުމައިފުޅާކުރަންވީ. މޫދުނެއިރަށެއްރާޖޭގަނެތް. ކުޑަހަރަދަކުން ޕްލާންމަދުކުރެވޭނެ ތަނެއްހެދިދާނެ. ކޮންމެރަށަކައް 2 މުވަޒިފުނާއި ކޮމްޕިއުޓަރއެއްއިނީމަ ހިދުމަތްދެވޭނެ. ރައްޔިތުންގެ ޓެކްސްފައިސާ ސިޔާސީ ބޭނުންތައްފުއްދަން ހޭދަކުރުންނިއްމާ ގައުމައްފައިދާހުރި ގޮތުގައި ހޭދަކުރުންބުއްދިވެރި.
އައްމަޓީ
17 August 2022
2023 ކައިރިވާތީ އަނެއްކާވެސް އެއާޕޯރޓްވާހަކަ އާކޮލީތާދޯ. ތިޔަ އެއާޕޯރޓްތަކެއް ނާޅާނެ، އަދިވެސް ވަގުތު ކައިރިވީމާ އެމްޓީސީސީ ލައްވައި ބިންކޮޅެއް ހިއްކާލަފާނެ.
މާހިރު
17 August 2022
އެއް އަތޮޅެއްގެ 2 ރަށެއްގައި އެއަރޕޯރޓް އެޅުމަކީ އިޝްރާފްނޫން ދެން ކޯންޗެއްތޯއެވެ. އެގޮތަށް އެއަރޕޯރޓް އަޅާނަމަ ހުރިހާ ރަށެއްގައި އެއަރޕޯރޓް އަޅަންޖެހެއެވެ. ކޮންމެ އަތޮޅެއްގައި އެއަރޕޯޓެއް އޮވެފައި ރަނގަޅު ފެރީގެ ނިޒާމެއް އޮތުމުން ފުދޭނެ ނޫންތޯއެވެ. އެހާ މުއްސަނދިއްޔާ ކޮންމެރަށަކު އެއަރޕޯރޓް ނޭޅިޔަސް އެއަރޕޯޓުން އެއަތޮޅެއްގެ ރަށްތަކަށް ދިއުމަށް ހެލިކޮޕްޓަރ ބާއްވަންވީނޫންތޯއެވެ.
ޙަބީބު
17 August 2022
ތިޔައީ އެއްގޮތަކައް ވެސް ރާއްޖެޔައް އިތުރައް ބޭނުން އެއާޕޯޓުތަކެއްނޫން ރާއްޖެޔައް ވާވަރައް އެއާޕޯޓު އެބަހުރި ގާއިމުކުރެ ވިފަ އެއްފަސް ކުރުމުގެ ޕްލޭނެއް ދެންހަދަން ވީ މިސާލަކައް ހަނިމާދޫ ކުޅުދުއްފުށި ނޮޅި ވަރަމް ނޮޅި ވަރަންފަރު މިދޭތެރޭ މި ވާ ނޮޅި ވަރަމްފަރަކީ ބޮޑުރަށެއް މަކުނުދޫ އެންމެހާ އާބާދީ 20 ބުރީގެ 3 އިމާރާތައް އަޅާލެ ވޭނެ މިގޮތްމާރަނގަޅުވާނެ މިހާރު ވެސް މުއުޅެނީ ތަޅާފޮޅައިގެން ޖާގަހޯދަން ވީމާ ސިޔާސީ ބޭނުމައް ރާއްޖެ ބޭނުންނުކުރައް ވާ
އަބްޑޫޅް
17 August 2022
"ބިލެތްފަހި" ގެ ރަނގަޅު އިޝްޕެލިންކު އަކީ "ބިލެތްފަހި".
އިންސާރފް
18 August 2022
"އިޝްޕެލިންކު" ގެ ރަނގަޅު ގޮތަކީ "ސްޕެލިންގ"
ބަލަ
17 August 2022
މުޅި ދުނިޔެއަށް، މުއްސަންދި އަދި ފަގީރުގައުމު ތަކަށް ބަލާލިޔަސް ރާއްޖައި މިހާރު އެންމެ ގިނަ އެއަރޕޯޓް ހުރީ . ރާއްޖެއަކީ ފަގީރު ގައުމަކަށްވެފައި މިރިސެޝަން ދުވަސްވަރަކު މިފަދަ ކަމެއް އެތަށްލޯނެއް ނަގައިގެން ހެދުމަކީ މާބުއްދިވެރި ކަމެއްކަމުގައި ނުގެކެމެވެ. މިގޮތަށް ބަލާނުލާ ލޯނުނަގައިގެން ތަން ހެދުމުން ލަންކާއަށް ވީގޮތް ވުމަކީ ވަރަށް ކައިރިކަމެކެވެ.