ހިރިޔާ ސްކޫލު: ސޯޝަލް ސްޓަޑީޒް ފޮތުގައި ތާރީހުގެ މައްސަލައެއް އުޅޭތީ ރަނގަޅުކުރުމަށް މިނިސްޓްރީން އެންގި. ފޮޓޯ: ނިޝާން އަލީ/މިހާރު
22 އޯގަސްޓް 2022 - 11:39
9 comments
ގްރޭޑް 7 ގެ ސޯޝަލް ސްޓަޑީޒް ފޮތުގައި ކީރިތި ރަސޫލާއާ ގުޅޭ ގޮތުން ލިޔެފައިވާ ގަނޑެއްގައި "ގޯސް ވާހަކަތަކެއް ހުރެގެން" ކަމަށް ބުނެ އެ ގަނޑު ވީދާލައި ޑަސްބިނަށް އެއްލައިލި ކަމަށް ދެއްކެވޭ ވާހަކަތައް އެޑިއުކޭޝަން މިނިސްޓްރީން މިއަދު ދޮގުކޮށްފި އެވެ.
ސޯޝަލް މީޑިއާގައި ރޭ މީހަކު އާންމުކުރި ޕޯސްޓެއްގައި ބުނީ، ރަސޫލާއާ ގުޅޭ ގޮތުން ލިިޔެފައިވާ ގަނޑެއް ވީދާލައި ޑަސްބިނަށް ލުމަށް ގްރޭޑް 7 ގެ ސޯޝަލް ސްޓަޑީޒް ޓީޗަރު ކުދިން ގާތުގައި އެދުނު ކަމަށެވެ.
"... އެ ފިލާވަޅުގެ ތިން ވަނަ ޕޭޖުގައި ޕްލޭން ޕޭޕަރެއް ޕޭސްޓް ކުރުވީ އެ ގަނޑުގެ އަނެއް ފުށުގައި ފިލާވަޅެއް އިނީމާ،" ސޯޝަލް މީޑިއާގައި އެވާހަކަ ހިއްސާކުރި މީހާ ބުންޏެެވެ.
އެ މައްސަލަ ފެންމަތިވެ، އެޑިއުކޭޝަން މިނިސްޓަރު ޑރ. އައިޝަތު އަލީ އާއި ހިރިޔާ ސްކޫލު ޓެގްކޮށް، ގިނަ ބަޔަކު ވަނީ ނުރުހުން ފާޅުކޮށްފަ އެވެ.
Social Teacher of Grade 7 of @hiriyamv asked the students to remove these pages about Prophet Mohamed, and put into the dustbin saying "goas vaahaka thakeh hureema". Mi filaavalhuge 3 vana page ga plain paper eh paste kuruvee eganduge aneh fushuga ehen filaavalheh ineema.a pic.twitter.com/HobLUPsxLN
— 𝐙. (@_zahu_a_r_) August 21, 2022
އެ މައްސަލައިގައި އެޑިއުކޭޝަން މިނިސްޓްރީގެ ސްޓޭޓް މިނިސްޓަރު ޑރ. އަބްދުﷲ ރަޝީދު، "މިިހާރު" އަށް ވިދާޅުވީ ރަސޫލާއާ ގުޅިގެން ލިޔުމެއް ލިޔެފައިވާތީ ގަނޑު ވީދާލައި އުކާލާފައި ނުވާ ކަމަށެވެ.
އެ ލިޔުމުގައި ތާރީހެއްގެ މައްސަލަ ހުރުމާ އެކު އެ ފޮތުގެ ފަހުގެ އެޑިޝަންގައި ހިމެނޭ ގަނޑު ޕްރިންޓްކޮށް، ހިއްޕުމަށް ސްކޫލުތަކަށް މިނިސްޓްރީން އަންގާފައިވާ ކަމަށް އޭނާ ވިދާޅުވި އެވެ.
"ޑޭޓެއްގެ މައްސަލަ ހުރީމާ ސްކޫލުތަކަށް އަންގާފައި ހުންނާނީ އެ ފޮތުގެ 28 އާއި 29 އަދި 30 ގައި ވެސް ފަހުގެ އެޑިޝަނާ އެއްގޮތަށް ގަނޑު ހިއްޕަން. ބައެއް ސްކޫލުތަކުގެ ދަރިވަރުންނަށް ވާނީ އެ ފޮތުގެ ކުރީގެ ފޮތްތައް ލިބިފައި،" ޑރ. އަބްދުﷲ ރަޝީދު ވިދާޅުވި އެވެ.
"އެހެންވެ އެ އެންގުމާ އެއްގޮތަށް ހިރިޔާ ސްކޫލުން މި ގަނޑު ހިއްޕީ. ގަނޑު މާ ބޯވާތީ އެއްބައި ކަނޑާލައިފައި އޭގެ ތިރީގަ އިންނަ ބަޔާ ގުޅުވާ ގޮތަށް ކަނޑު ހިއްޕީ."
މީގެ ކުރިން ވެސް އެކި ގްރޭޑްތަކުގެ ފޮތްތަކުގައި އެކި ދީންތަކުގެ ވާހަކަ ހިމެނޭ މައްސަލަ ބޮޑުވެ، އެކަން މިނިސްޓްރީން ހައްލުކޮށްފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ތޯތޯތޯ1
23 August 2022
ރަސޫލާއޭ ކިޔައިގެން ބުންޏޭ ބުންޏޭ ވާހަކަތަކުން "ޢިލްމުވެރިވެގެން އުޅުއްވާ "ޢިލްމުެވެރިން" ރަސޫލާއޭ ކިޔައިގެން ކިޔައިދޭ ވަރަށް ގިނަ ބުހުތާނު ވާހަކަތައް އެބަހުރި. އެވާހަކަތައް ބޭނުންކޮށްގެން އެތައްބަޔަކު ރަސޫލާއަށް ފުރައްސާރަކޮށް އިސްލާމްދީނަށް ޖޯކުޖަހާ ހަދާ. އެފަދަ ހަގީގަތެއް ނެތް ތޯތޯ ވާހަކަތައް ލިޔެފައި ހުންނަންޏާ މިހާރުގެ ޅަކުދީންގެ ހިތުގައިވެސް ދީނާމެދު ވަރަށް ސުވާލުތައް އުފެދޭނެ. ވީމާ އެފަދަ ވާހަކަތަކުން ދުރުވާންވީ ހަމަ.
ބޮޑުމީހާ
23 August 2022
މިމިނިސްޓަރު ހަދާފާނެ ކިތަންމެ ބޮޑު ދޮގެއްވެސް. ޔާމީނު އެޅީ 135 ކްލާސްރޫމޭ ތިމަންނަ 1280 ކްލާސްރޫމް އަޅާފީމޭ ކިޔާފަ އެތައް ބަޔަކަށް މީނަ އޮޅުވާލި. ހުރަވީ ސްކޫލާއި މިލަންދޫ ސްކޫލުގަ އެކަނިވެސް 100 އެތައް ކްލާސްރޫމެއް ހުންނާނެ. މީނައަށްކުރެވުނުހާވެސް ކަމަކީ ހިޔާ ފްލެޓްކައިރީ 53 މިލިއަން ހަރަދުކޮށްގެން ކުކުޅު ކޮއްޓެއް އެޅުން
ފިތުނާ1
23 August 2022
ތަންކޮޅެއް ބޮޑުވަރު ދޯ ދެން ފިތުނަ ފެތުރިޔަސް.
މީސްމީޑިޔާ
22 August 2022
މިދައްކަނީ އިގިރޭސި ބަހުން ލިޔެފަ އޮތް ފޮތެއްގެ ވާހަކައެއްނު! އެއްލާލުމަކީ ގޯސްކަމެއްތަ؟
ާފަރުތަ
22 August 2022
ލޮލަށް ފެނުނަސް ދޮގު އެކަމަކު މިދެން ބޮޑުވަރު ސިޔާސީ މިނިސްޓަރު އައިސާއަށް ތެދު ވާހަކައެއް ބުނުވިފައެއްނުވޭ
ޢަލީބެ
22 August 2022
އެހެންވީމާ ގަނޑު ކަނޑާ އެއްލާލި ވާހަކަ އަކީ ތެދެއްތާ
1206
22 August 2022
އެޑިކޭޝަން މިނިސްޓްރީއަކަށް އިތުބާރެއް ނުކުރެވޭ. ވަރަށް ގިނަ ކަންކަމުގައި ކަނޑައެޅިގެން ރޯމަރު ބުހުތާން ދޮގު ހަދާފައިވާ މިނިސްޓްރީއެއް.
ދުމްމ
22 August 2022
މުޅި ގައުމު މަސްތުގެ ހާލަތުގަ. ފޮތް ފާސްކޮށް ފޮތުގެ ޕްރޫފް ރީޑްކުރާ މީހުންވެސް މަސްތުގެ ހާލަތުގަ ތިބީމައެންނު ފޮތްތަކުން ބާގަނޑުތައް ފެންނާނީ.. ބޮއި ހަލާކު.
ބަރުމް
22 August 2022
އެޑިޔކޭޝަނުން ބުނީ ކައިގެނޭ ފުރާނީ ނުކައެއް ނުފުރާނަމޭ..