ލޮނުޒިޔާރަތް ޕާކުގެ ވިނަގަނޑު މައްޗަށް ދޮންވެލި އަޅައިފި

ލޮނުޒިޔާރަތް ޕާކުގައި ހަފުލާތައް ބޭއްވުމަށް ދޫކުރާ މާލަން: އެތަނުގައި ފެހިކަން ގަދަ ވިނަގަނޑުގެ މައްޗަށް މިހާރު ވަނީ ދޮންވެލި އަޅައިފައި -- ފޮޓޯ: ފަޔާޒް މޫސާ | މިހާރު

އިފްރާޒް އަލީ، މިހާރު

28 އޯގަސްޓް 2022 - 13:20

65 comments

މާލޭ ސިޓީ ކައުންސިލުގެ މިދިޔަ ދައުރުގައި، ހެންވޭރު ރާޅުގަނޑު ސަރަހައްދުގައި ހެދި ލޮނުޒިޔާރަތް ޕާކުގެ ފެހިކަން ގެއްލުވާލައި، އެތަން ބަލަހައްޓަން ވެސް ސިޓީ ކައުންސިލުން އެއްވެސް ކަމެއް ނުކުރާ ކަމަށް ބުނެ އެ ކައުންސިލަށް ފާޑުކިޔުން އަމާޒުވެއްޖެ އެވެ. އެކަމަކު އެ ތުހުމަތު ސިޓީ ކައުންސިލުން ދޮގުކުރެ އެވެ.

އެ ފާޑުކިޔުން ސިޓީ ކައުންސިލަށް އެންމެ ބޮޑަށް އަމާޒުވީ ލޮނުޒިޔާރަތް ޕާކުގައި ކައިވެނި ޕާޓީތަކާއި އެހެން ހަފުލާތައް ބޭއްވުމަށް ކުއްޔަށް ދޫކުރާ ސަރަހައްދުގައި ހައްދައިފައި އޮތް ރީތި، ފެހި ވިނަގަނޑުގެ މައްޗަށް ދޮންވެލި އެޅުމުންނެވެ. އެއީ މިހާރު މާލޭގައި އެންމެ ގިނައިން ކައިވެނި ޕާޓީތައް ބާއްވައި އަދި އެންމެ ޑިމާންޑް ވެސް ބޮޑު ތަނެވެ.

ލޮނުޒިޔާރަތް ޕާކުގައި ހަފުލާތައް ބާއްވާ މާލަން ކުރިން އޮތް ގޮތާއި މިހާރު އޮންނަ ގޮތް.

އެކަމާ ގުޅޭ ގޮތުން ސުވާލުކުރުމުން ސިޓީ ކައުންސިލްގެ އޮފިޝަލަކު "މިހާރު" އަށް ވިދާޅުވީ، ވިނަގަނޑުގެ މައްޗަށް ދޮންވެލި ލީ އެތަނުގައި ފެން ހެދޭތީ އެތަން ކުއްޔަށް ހިފާ މީހުންގެ ޝަކުވާ އާންމުކޮށް ލިބޭތީ ކަމަށެވެ.

"[އެތަނަށް ވެލި އަޅަން ޖެހުނީ] މި ދުވަސްކޮޅު ވިއްސާރަވުމުގެ ސަބަބުން ފަންކްޝަންސްތައް ބާއްވާ ބޭފުޅުން އެކަމަށް އެދޭތީވެ،" އޭނާ ވިދާޅުވި އެވެ.

Lonuziyaraiy Park mihaaru ehaa eh noon
— Salvine (@salvine) July 20, 2022

އެ ޕާކު ހުޅުވިއިރު އެތަނުގައި މަސައްކަތްކުރި ބައެއް މުވައްޒަފުން ވަޒީފާއިން ވަކިކޮށް، ސިޓީ ކައުންސިލްގެ މެޖޯރިޓީ އޮންނަ ޕީޕީއެމްގެ މީހުންނަށް އެތަނުން ވަޒީފާ ދޭ ކަމުގެ ޝަކުވާ ވެސް ވަނީ ބޮޑުވެފަ އެވެ. އެކަމަކު ސިޓީ ކައުންސިލުން ބުނީ އެއީ ހަގީގަތެއް ނޫން ކަމަށެވެ. އެއްވެސް މުވައްޒަފަކާ މެދުގައި ސިޔާސީ ތަފާތުކުރުން ނުގެންގުޅޭ ކަމަށް ކައުންސިލުން ބުންޏެވެ.

ލޮނުޒިޔާރަތް ޕާކުގެ ހަދާފައި ހުންނަ ފާލަން: އެތަނާ އެހެން ތަންތަނުގެ މެއިންޓަނަސްގެ މަސައްކަތް ނުކުރާ ކަމުގެ ޝަކުވާ ކުރޭ -- ފޮޓޯ: ފަޔާޒް މޫސާ | މިހާރު

"އެކަމަކު ޝިފްޓް ޑިއުޓީ އަށް ބަހާލީމަ ބައެއް ސްޓާފުން ޝަކުވާ އެބައޮތް،" މީޑިއާ އޮފިޝަލް ވިދާޅުވި އެވެ.

އެ މައްސަލައިގައި "މިހާރު"އާ ވާހަކަދެއްކި މީހަކު ބުނީ ޕާކުގެ ބެންޗުތަކާއި ހިޔާކޮށްފައިވާ ތަންތަން ހަލާކުވެ، މަރާމާތުކުރަން ޖެހިފައިވާއިރު ވެސް ސިޓީ ކައުންސިލުން އެ މަސައްކަތް ނުކުރާ ކަމަށެވެ. އެ ޕާކުގެ ދެކުނު ފަޅީގައި ހުރި ގަސްތައް ނަގައި އެތަނުގައި ފިހާރަ ބަރިއެއް ހަދަން އުޅޭ ކަމަށެވެ. އަދި ޕާކުގެ އުތުރުފަޅި މަގުމަތީ ފެންސާއި ރުށްތައް ނަގައި، ގަސްތައް ޕޮޓުގައި އިންދުމަށް ފަހު ވިއްކުމަށާއި ކުއްޔަށް ދޫކުރަން އުޅޭ ކަމަށެވެ.

PPM majority @MaleCitymv is up to ruining Lonuziyaaraiy Park, kureege hurihaa staff in beyrukohffa PPM meehun vazeefaa ah vahdhaigen Park halaaku kuranee. Evves varakah nubalahattaa. @governmentmv https://t.co/RblGSP4Use
— Aminath Shathfa Shafeeu (SHATHS) (@AmnaShath) July 20, 2022

އެކަމަކު ކައުންސިލުން އެ ވާހަކަތަށް ވެސް ދޮގުކުރި އެވެ.

ލޮނުޒިޔާރަތް ޕާކު: އެ ޕާކުގެ ފެހިކަން ގެއްލުވާލައި މެއިންޓަނަންސްގެ މަސައްކަތް ނުކުރާކަމުގެ ޝަކުވާ ބޮޑު -- ފޮޓޯ: ފަޔާޒް މޫސާ | މިހާރު

އޮފިޝަލް ވިދާޅުވި ގޮތުގައި މިފަހުން އެ ޕާކަށް ގެނައި އެންމެ ބޮޑު ބަދަލަކީ ނިއުޕޯޓްގެ ފަޅިން ޕާކުގެ ފެންސް އެތެރެ އަށް ޖައްސައި، އެތަނުގައި ދޮރެއް ލުމެވެ.

"ނިއުޕޯޓާ ދިމާލުން ދޮރެއް ލާފައި ވަނީ އެ ދިމާލުން ރޭގަނޑު ތޮށިގަނޑާ ދިމާލުގައި ތަފާތު ނޭއްގާނީ އަމަލުތައް ހިންގަމުން ދާތީ އެކަން ހުއްޓުވުމުގެ ގޮތުން،" އޭނާ ވިދާޅުވި އެވެ.

ތަފާތު ގިނަ ވައްތަރުތަކުގެ މާ ގަސްތަކާއި ބަގީޗާ ގަސްތައް އިންދައި، މާލޭގެ ކުރީގެ މޭޔަރު ޝިފާ މުހައްމަދުގެ ބެއްލެވުމުގެ ދަށުން ލޮނުޒިޔާރަތް ޕާކު ހެދީ ދައުލަތުގެ ބަޖެޓުން 16.8 މިލިއަން ރުފިޔާ ހަރަދުކޮށްގެންނެވެ. ނޮވެމްބަރު 11، 2020 ގައި ސަރުކާރުން އެ ޕާކު ހުޅުވީ މާލޭގައި ދިރިއުޅޭ ރައްޔިތުން ހިތްފަސޭހަކަމާއި ހިތްހަމަޖެހުން ލިބޭނެ ފެހި ސަރަހައްދެއް ހެދުމުގެ ގޮތުންނެވެ.

މާލެ ސިޓީ ކައުންސިލް ލޮނުޒިޔާރަތް ކޮޅު

65 ކޮމެންޓް, 40 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޙައްބޭ

30 August 2022

16 މިލިޔަން ރުފިޔާއިން ކަޓުޖައްސަން ކޮށްފައިއޮތް ކަމެއް ތިއީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަފާފް ސަޢީދު

29 August 2022

މޭޔަރް މުއިއްޒު ކުޑަ ދުވަސަކޮޅެއް ތެރޭގައި މި ސިޓީއަށް ކޮއްދިން މިކަހަލަ އިންގިލާބީ ކަންކަން މިސަރުކާރަށް އަދި ނުވޭ. އަމްރުމެން ޖީބު ބޮޑުކުރަން އަވެދިނެތި އުޅުނަސް މޭޔަރު އުޅެނީ ރައްޔިތުންގެ މައްސަލަތަކަށް ހައްލު ހޯދައިދިނުމުގައި 24/7 ގައި އަވަދިނެތި. ދެންވެސް ފެންނަން ހުރި ކަންކަން އޮޅުވާލަން ނޫޅޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުހައްމަދް

29 August 2022

މާލެ ސިޓީއަށް މޭޔަރ މުޢިއްޒު ގެނެސްދެމުން ދަނީ އިންގިލާބީ ތަރައްގީ. މޭޔަރ މުޢިއްޒަކީ މިސަރުކާރުހެން ރައްޔިތުންގެ ޓެކްސް ފައިސާ އިސްރާފުވާން ދޫކޮއްލާނެ މީހެއްނޫން. އެއީ މި ސިޓީ ރައްޔިތުންގެ އުންމީދު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަޖްވާ

29 August 2022

އެތަނުގަ ސައި ހޮޓަލެއް އަޅަންވެގެން ކުއްޔަށް ދޭންވެސް އެބަ ރާވާ ކަމަށް ވަނީ އިނގޭ! އެވެސް ކޮންމެވެސް ޕީޕީޔެމް މީހުންނާ ގުޅުން އޮންނަ މީހުންނަށް ކަމަށް ވާނީ އިނގޭ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަހާ

29 August 2022

ވެލި އަޅާނެއެއްނު. އޭރުންނެއްނު އަނެއްކާ 16 މިލިޔަން ހަރަދުކޮށްގެން ތިތާ ވިނަ އިންދޭނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަމާނީ

29 August 2022

ޑރ.މުޢިއްޒު މޭޔަރުކަމާ ޙަވާލުވިފަހުން ވަރަށްގިނަ ހެޔޮބަދަލް ފެނިގެންއެބަދޭ. މާލޭގެ ތަރައްޤީއަށްކުރެވޭ ހުރިހާ ކަމެއްގަ ސަރުކާރަށް އެއްބާރުލުންދެއްވާކަން ފާހަނގަކުރެވޭ. ކުރިންފަށާފަހުރި އެއްވެސްކަމެއް ހަލާކުކޮށްފަނުވޭ. މިހާރު ރައްޔިތުން އޮޅުވައެއްނުލެވޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝަތުފާ

29 August 2022

ލޮނުޒިޔާރަތް ޕާކް މަރާމާތަށް ބަންދު ކުރުމަކީ މައްސަލައެއްބާ؟ ވާހަކަ ޓުވިސްޓު ކޮއްގެން އޮޅުވާލަން އުޅުމަކީ އެހާ ރަނގަޅު ކަމެއްނޫން. ފިތުނަވެރި ވިޔަސް ހައްދެއް އޮންނަން ވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހައިރާންވޭ

29 August 2022

ތިއޮތީ ޤަސްތުގައި މުޢިއްޒު ކޮށްލައިފަ. ދެންފެންނާނީ ޗައިނާއިން ސިންތަޓިކު ވިނަގަނޑެއް ގަނެގެންގެނެސް އަޅާތަން. ކަޓުނުނެގޭގޮތަށް ކުރައްވާ އެއްކަމެއް ނުއޮންނާނެ. ކަދުރުރުއްތައް އިންދަންފެށިފެށުމާއި ނިމޭކޮޅު ބަލައިލުމުން ކަޓުނެގޭގޮތް ސާފުކޮށް ފެންނާނެ. ތިންބުރު ހޮޅިއާއި 2 ބިޑިން ފެށިއިންދުން ބުރިޖާދިމާލަށް ދިޔައިރު ވަނީ ވަށާފާރުބުރިއެއްލެވި ބޭރުގައި ސިމެންތި ޖެހިފަ. ބާކީބައިގަ ތަށިމުށި ޖެހެމުންގޮސް ނިމޭއިރު ޖެހޭނީ މާބުލްތޯއްޗެކެވެ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝިފާމުއިއްޒު

29 August 2022

ޝިފާ ބުރިޖު މަރާމަތަށް އިހުމާލުވީ މުއިއްޒުމެންގެ މަސައްކަތެއްވީމާ. މުއިއްޒު ޕާކު ބަލަހައްޓަން އިހުމާލު މިވަނީ ޝިފާމެންގެ މަސައްކަތެއްވީމާ. މި ސައިކަލް ނިމޭނީ ކޮން އިރަކުން. މިއީ ހަމަ ރައްޔިތުންނަށް ވެވޭ އިހާނާތެއް. ސްޓުޕިޑް ޕޮލިޓިކަލް އހސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލިފު ލައިލާ

28 August 2022

ތީ މާކުރިންވެސް ރޭވިފައި އޮތްކަމެއް ތިޕާކު ބެލެހެއްޓުން ކައުންސިލް އަތުން ނަގަންވީ ކައުންސިލައް ހަދަންވީ މިނިސްޓަރ ކަމުގަ ހުރެގެން މުއިޒުމެން ހެދިގޮތައް ސަހަރާގެ ވަޅުކޮނުމާ ވިހާ މަރުވާ މީހުންގެ ލިސްޓް ބެލެހެއްޓުން ނޫން ކަމެއް ކައުންސިލް އާހަވާލް ކުރާކައް ނުފެނޭ ދަގަނޑު ކެނޑޭނީ ދަގަނޑުން