ފޮރިން މިނިސްޓަރު ޝާހިދާއި އިންޑިއާގެ އެކްސްޓާނަލް އެފެއާޒް މިނިސްޓަރު ބައްދަލުކުރައްވައިފި

ފޮރިން މިނިސްޓަރު އަބްދުﷲ ޝާހިދު އާއި އިންޑިއާގެ ފޮރިން މިނިސްޓަރު އެސް ޖައިޝަންކަރު ބައްދަލުކުރެއްވުން..

މާއިދާ މުހައްމަދު ރަޝާދު، މިހާރު

29 އޯގަސްޓް 2022 - 18:39

އިންޑިއާގެ އެކްސްޓާނަލް އެފެއާޒް މިނިސްޓަރު ޑރ. އެސް ޖައިޝަންކަރާއި ރާއްޖޭގެ ފޮރިން މިނިސްޓަރު އަދި އދ. ގެ އާންމު މަޖިލީހުގެ ރައީސް އަބްދުﷲ ޝާހިދު މިއަދު ބައްދަލުކުރައްވައިފި އެވެ.

ޝާހިދު، ޖައިޝަންކަރާ ބައްދަލުކުރައްވާފައި ވަނީ އދ. ގެ އާންމު މަޖިލީހުގެ ރައީސްގެ ހައިސިއްޔަތުން އިންޑިއާއަށް މިވަގުތު ކުރައްވަމުން ގެންދަވާ ދަތުރުގަ އެވެ.

އެ ބައްދަލުކުރެއްވުމަށް ފަހު، އދ. ގެ އާންމު މަޖިލީހުގެ ރައީސްކަމުގައި ޝާހިދު ހޯއްދަވާފައިވާ ކާމިޔާބީއަށް މަރުހަބާ ދަންނަވައި، ޖައިޝަންކަރު ކުރެއްވި ޓްވީޓުގައި ވިދާޅުވީ ރާއްޖެ އާއި އިންޑިއާއާ ދެމެދު އޮތް ހާއްސަ ގުޅުން ކުރިއެރުވުމަށް އެކުގައި މަސައްކަތްކުރަމުން ގެންދަވާ ކަމަށެވެ.

އިންޑިއާ ނެއިބަހޫޑް ފަސްޓާއި ރާއްޖެ އިންޑިއާ ފަސްޓް ޕޮލިސީއާ އެކު ދެ ގައުމުގެ ގުޅުން ބަދަހިވާނެ ކަމަށް ވެސް ޖައިޝަންކަރު ވިދާޅުވި އެވެ.

ޝާހިދުގެ، އދ.ގެ ދައުރު އަންނަ މަހު ހަމަވާނެ އެވެ.

Glad to meet FM of Maldives and UNGA President @abdulla_shahid. Congratulated him on the achievements of his UNGA Presidency.

Working together to advance our special relationship. India’s Neighbourhood First and Maldives’ India First policies complement each other. pic.twitter.com/XY0XTyR6ts
— Dr. S. Jaishankar (@DrSJaishankar) August 29, 2022

ޝާހިދު ކުރެއްވި ޓްވީޓުގައި، އދ. ގެ އާންމު މަޖިލީހުގެ ރައީސްކަން ހޯދައިދެއްވުމަށް އިންޑިއާއިން ދިން އަދާކުރި ދައުރަށް ޝުކުރު އަދާކުރައްވާފައިވެ އެވެ.

ޝާހިދު ވިދާޅުވި ގޮތުގައި އެ ބައްދަލުކުރެއްވުމުގައި، އދ. ގެ 76 ވަނަ އާންމު މަޖިލީހުގައި ލިބިފައިވާ ކާމިޔާބީތަކާއި ގައުމުތައް ގުޅިގެން މަސައްކަތްކުރުމުގެ މުހިއްމުކަމާ ގުޅޭ ގޮތުން ވާހަކަ ދެކެވުނެވެ.

Always good to meet H.E. @DrSJaishankar, India’s Minister of External Affairs.

Our discussions touched on the achievements of the 76th session of the General Assembly as well as the importance of multilateralism.

Thanked India 🇮🇳 for its strong support for my #PresidencyOfHope. pic.twitter.com/X6dfwTRvrp
— Abdulla Shahid (@abdulla_shahid) August 29, 2022

އެންމެ ފަހުން ޖައިޝަންކަރާއި ޝާހިދު ބައްދަލުކުރެއްވީ ރާއްޖޭގައި އިންޑިއާގެ އެހީގައި ހަދާފައިވާ ޕޮލިސް އެކަޑަމީ ރަސްމީކޮށް ހުޅުވުމަށް އައްޑޫގައި ބޭއްވި ހަފްލާގަ އެވެ.

މިއަދުގެ ނިޔަލަށް އިންޑިއާއަށް ކުރެއްވި އެ ދަތުރުފުޅުގައި ޝާހިދު ވަނީ އދ.ގައި އިންޑިއާގެ ބައިވެރިވުން މިހާރަށް ވުރެ ބޮޑުކުރެވޭނެ ގޮތްތަކާ ބެހޭ ގޮތުން އިންޑިއާގެ އިސްވެރިންނާ އެކު މަޝްވަރާކުރައްވައިފަ އެެވެ.

އެ ދަތުރުފުޅުގައި އިންޑިއާގެ ނައިބް ރައީސް ޖަގްދީޕް ދަންޚަރް އަދި ފޮރިން ސެކްރެޓަރީ ވިނޭ ކްވަޓްރާއާ ވެސް ޝާހިދު ބައްދަލުކުރެއްވި އެވެ.

އިންޑިއާ ފޮރިން މިނިސްޓްރީ އަބްދުﷲ ޝާހިދު (ކުރީގެ ފޮރިން މިނިސްޓަރު) ރާއްޖެ-އިންޑިއާ

8 ކޮމެންޓް, 6 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކަނބިލި

30 August 2022

ކޮރަޕްޓް ޕަޕެޓުންނަށް ޖާގައެއް ނެތް. އަމިއްލަ އެދުމާ ހެދި ގައުމު ވިއްކާލަން ވެސް ތައްޔާރަށް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުސްމާނު

30 August 2022

ގައުމަށްވިރެ އަމިއްލައެދުންބޮޑުވެ ފައިސާގެ އަވައިގައިޖެހި އިންޑިއާއަށް އެހީވާތަން މި ފެންނަނީ . ޝާހިދު އަދި ރޯނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙަސަނުބެ

30 August 2022

ޝާހިދު ވިކިއްޖެ އިންޑިޢާއަށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަނބިލި

30 August 2022

ޝާހިދު ކިތައްމެ ޕަޕެޓު ހެދުނަސް ވޯޓު ދޭނެ ރައްޔިތެއް ނެތް. ޝާހިދަކީ ރައްޔިތުން ބަލައިގަންނަ މީހެއް ނޫން. ޝާހިދަކީ ބޭފުޅިޒަމް ކުރިއަރުވަން އުޅޭ ބޯދާ ވިސްނުމުގެ ކޮޮރަޕްޓް މީހެއް. ރައީސްކަމަށް އައުމުގެ ހުވަފެން ހަނދާންނައްތާލާ. އިންޑިއާވެސް ސިޔާސަތު ގެންގުޅެންވާނީ ރައްޔިތުންގެ ކެންޑިޑޭޓަކަށް ތާއިދުކުރާގޮތައް. ދިވެހި ރައްޔިތުންގެ މަސްލަހަތު އިސްކުރަންވާނީ. މިތަނަށް ވެރިވެ ގަނެ ހުރިހާ ކަމެއް ކޮންޓްރޯލްކޮށް އިސްތިއުމާރީ ވިސްނުން ގެންގުޅެގެންނުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަކުންބޭ

30 August 2022

ޝާހިދަކީ އިންޑިއާއިން ބޭނުންވާގޮތަށް ވެރިކަންކުރުމަށް ގްރޫމް ކުރަމުންއަންނަ މީހެއް. ޔޫއެނަށް ދެވުނީވެސް އިންޑިއާގެ ސްޓްރެޓީޖީގެ ތެރެއިން، އެމީހުނަށް އެނގޭ ނަޝީދަކީ ގާތް އެކުވެރިއެއްކަމަކު ޑިސިޝަން ނެގުމުގައި ބޯހަމަނުޖެހޭ ރުންކުރު މީހެއްކަން، އަދި ސާލިހަކީ ނައިވް ޑިޕްލޮމެޓިކަލީ ކަންކަން ކުރުމުގައި ޖެހިލުންވާ މީހެއްކަމާއި، އަދި ޝާހިދަކީ ޖެހިލުންކުޑަ ޑިޕްލޮމެޓިކް ލެންގްއޭޖް (ދޮގުހެދުމާއި އޮޅުވާލުމުގައި ކުޅަދާނަ މީހެއްކަން). ސޭ ނޯ ޓު ތްރީ އޮފް ދީޒް