މެކޭނިކަލް ޕާކިސް ސިސްޓަމް ބެހެއްޓުމުގެ މަސައްކަތް ކުރަނީ.---ފޮޓޯ: މުހައްމަދު ޝަރުހާން/މިހާރު
05 ޖެނުއަރީ 2017 - 12:41
27 comments
ކާރު ޕާކް ކުރުމަށް ހާއްސަކޮށްގެން ވެލާނާގޭ ސަރަހައްދުގައި ބެހެއްޓި މެކޭނިކަލް ޕާކިން ސިސްޓަމް އިއްޔެ ޓެސްޓުކޮށްފައިވާ ކަމަށް ހައުސިން މިނިސްޓަރު ޑރ. މުހައްމަދު މުއިއްޒު ރޭ ވިދާޅުވެއްޖެ އެވެ.
މިނިސްޓަރު ކުރެއްވި ޓްވީޓެއްގައި ވިދާޅުވީ މާލޭގައި ބެހެއްޓި ފުރަތަމަ އޮޓޮމޭޓަޑް ޕާކިން ސިސްޓަމް ޓެސްޓުކުރީ 10 ކާރާ އެކު ކަމަށެވެ. އެ ސިސްޓަމް ވަރަށް ކާމިޔާބު ކަމަށް ވެސް މިނިސްޓަރު ވިދާޅުވި އެވެ.
މި ސިސްޓަމް ބޭނުންކުރަން ފަށާނެ ދުވަހެއް އަދި ނޭނގެ އެވެ.
މިނިސްޓަރު މިދިޔަ ހަފުތާގައި ވިދާޅުވި ގޮތުގައި ޕާކިން ސިސްޓަމް ޓެސްޓުކުރުމަށް ފަހު، ފީ ދައްކާނެ ގޮތުގެ އިލެކްޓްރޯނިކް ނިޒާމް އޭގައި ގާއިމްކުރާނެ އެވެ. ޕާކިން ސިސްޓަމްތަކުން ފީ ނަގާނެ އުސޫލް ވަރަށް އަވަހަށް އާއްމުކުރާނެ ކަމަށާއި ހިލޭ ޕާކުކުރެވޭނެ ވަގުތުތަކެއް ވެސް ކަނޑައަޅާފައިވާ ކަމަށް މުއިއްޒު ވިދާޅުވި އެވެ.
Furathama automated parking system 10 car aa eku kaamiyaab kamaaeku miadhu vanee test koffai @sto_mkt @HousingGovMv pic.twitter.com/GufAi6UBUz
— Dr.Mohamed Muizzu (@MMuizzu) January 4, 2017
މެކޭނިކަލް ޕާކިން ސިސްޓަމް ޓެސްޓުކުރުމާ ގުޅޭގޮތުން މިނިސްޓަރު މުއިއްޒު ކުރެއްވި ޓުވީޓެއް.
ކާރު ޕާކުކުރާ ދެ ވަނަ ސިސްޓަމް ބަހައްޓަން ނިންމާފައި ވަނީ އައިޖީއެމްއެޗްގެ ސަރަހައްދުގަ އެވެ.
"ޕާކިން ސިސްޓަމްތައް ބަހައްޓާނީ ކާރުބާރުބޮޑު، ރައްޔިތުން ހިދުމަތް ހޯދަންދާ ދިމަދިމާތަކުގައި. އޭގެ ތެރޭގައި ބޭންކްތަކާއި ސްކޫލްތަކާއި ހޮސްޕިޓަލް ފަދަ ތަންތަނަށް ވިސްނައިގެން ބަހައްޓާނީ،" މިނިސްޓަރު ވިދާޅުވި އެވެ.
ކާރު ޕާކުކުރާނެ 10 ސިސްޓަމާއި ސައިކަލް ޕާކުކުރާނެ 10 ސިސްޓަމް ގެނައުމަށް އެސްޓީއޯއާ ވަނީ ހަވާލުކޮށްފަ އެވެ. ކޮންމެ ސިސްޓަމެއްގައި 10 ކާރު ޕާކުކުރެވޭއިރު ކޮންމެ ސައިކަލް ސިސްޓަމެއްގައި 100 ސައިކަލް ޕާކުކުރެވޭނެ އެވެ.
މިނިސްޓްރީން ކުރިން ބުނެފައި ވަނީ މެދުނުކެނޑި ކޮންމެ މަހަކު އެކަތި ނޫނީ ދެ ސިސްޓަމް ގެނެސް، އަންނަ އަހަރުގެ މާޗް މަސް ނިމެންވާ އިރަށް ހުރިހާ ސިސްޓަމްތަކެއް އިންސްޓޯލްކޮށް ނިމޭނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަސްލަމް
06 January 2017
މިގޮތަށް މުއިއްޒު ހަދާއެއްޗެހި އަބަދުވެސް މައްސަލަޖެހި އަލުން ހަދަންޖެހޭ, މިފަހަރު މިއުޅެނީ އެތައް ބައެއްގެ އަގުބޮޑު މުދާތަކެއް ބަރިޖަހާ ބަހައްޓާފަ ޗިސް ޗިސް ކޮށްލަން ހެން ވަރަށް ހީވޭ
ވަލަޒިނީ
06 January 2017
ތިޔަށް ކާރުގަނޑު އަރުވައިގެން މުޅިއެތި ސްޓަކް ވެއްޖެޔާ ހުންނާނެ ފޯރި. ދިވެހިންނަކީ ލައިނުގަނެގެން ތެޅޭ ބައެއް
ާަަަަައުނބް
06 January 2017
10 ކާރު ޕާކް ކުރަން ކިހާ ސައިކަލެއް ގެ ޖާގަ ތި ނަގާލީ.އަދި ކަޓް ކޮބާ
ސައްޕު
05 January 2017
މާލޭ މީހުން ބުނާނެ ރާއްޖެތެރޭ މީހުން 5 ކުޅަނދު މަދުވާނޭ، ސޭކުވާނޭ! އެކަމަކު އަހަރެން ދެކުނިން އިއްޔެ މެންދުރު ފަހު އޮފީސްތަކުން ނިކުތް މީހުންނާ އަދި އެހެންލާފައި އެވަގުތު ދިޔަ ކުޅަނދު ހަމަ، ހޭޖެހޭ މާލޭ މީހުން ސޮނިވެއްޓި އާގަމަ ވެފައި އޭތި ކާރުތަކާ އެކު އެބުނުމަންޒަރު ބަލަން އަގަ މައްޗަށް ޖަހައިގެން ތިއްބާ! އެހެން ވީމާ މިހާރު މާލޭ މީހުންގެ ކިތައް ކުޅަނދު މަދުވާނެބާ؟
ޑޭޝް
04 August 2017
މިހާރު މާލޭގަ ގިނައިން އުޅެނި ރަށްރަށުގެ މީހުން. އެހެންވީމަ ތިބޭނެ ދޯ
އަމައްޔާއި
05 January 2017
100 ކާރާއި 1000 ސައިކަލް ޕާރކް ކުރެވޭނެ ދެއްތޯ! މިވަރުގެ ކުރިއެރުމެއް މިއިންޒަމާނަކު ލިބުނުހެނެއް ހިއެއްނުވޭ ދެއްތޯ!
ބައްޓޭ ކަރަމް
05 January 2017
ހަހަހާ! މި އީ ނިއުކުލިއާރ ޓެސްޓެއްތޯ މުއިއްޒު ކުރައްވައިގެން ކާމިޔާބޭ ވިދާޅުވަނީ؟ އެންމެ ފަހުން ކުރި ޓެސްޓްތަކުން ޖޮގިންގް ޓުރެކާއި، އިސްލާމީ މަރުކަޒު އަދި ފްލެޓްތަށް މުއިއްޒުގެ ނާކާމިޔާބު؟ މިއީ ދުނިޔޭގެ ގައުމުތަކުގަ ބޭނުންކުރާތާ ކިތަންމެ ޒަމާނެއް ވެފަ އޮތް ކަމެއް. ވަރަށް ސަލާމް.
ހަސަންބެ.
05 January 2017
ހަސަދަވެރި ލޮލަކުން ރަގަޅު އެއްވެސް ކަމެއް ނުފެންނާނެ. މީތަރަށް ގީގެ މަގުގައި އެޅި ރަގަޅު ފިޔަވަޅެއް. ސިންގަޕޫރަކަށް ވެސް ތިޔަ ސިސްޓަމެއް ބޭނުމެއް ނުވޭ. އަދި ބިންބޮޑު އެމެރިކާ އަކަށްވެސް ތިޔަ ވައްތަރުގެ ސިސްޓަމެއް ބޭނުމެއް ނުވޭ. ދެންކީއްކުރަން ތަ އެތަންތާގައި ތި އެއްޗެހި ބޭނުން ކުރަނީ. ކަލޭމެން ދިހަހާސް ރުފިޔާ ލިބޭމީހުން ދިރާގު އިންސްޓޯލް މެންޓުން އަގު ބޮޑު އައިފޯނު ނަގައި ގެން އަބިދަރިން ނުކެޔަސް ވަރިހަމަ ކަމަށް ތިތިބެނީ އެއީ ކޮންބޭނުމަކު. ތިބެންވީ އެއްނޫން ބައްތި ފޯނު ހިފައިގެން.
ޝަހާމް އިބްރާހިމް
05 January 2017
މިއީ ވަރަށް ރަނގަޅުކަމެއް. މިކަމުގެ ސަބަބުން މާލޭގެ މަގުތަކުގެ ތޮއްޖެހުން ކުޑަވެގެންދާނެ. އަދި، ވައްދާނެ ގަރާޖެއް ނެތި ރަޖިސްޓްރީ ކޮށްފައި ހުރި ވެހިކަލްތައް ބަހައްޓާނެ ތަނެއްވެސް އޭރުން ލިބިގެން ދިޔައީ. އެކަމަކު ކުރަންވެއްޖެ ކަމެއް، އޮޅުވާލައިގެން ވައްދާނެ ގަރާޖެއް ނެތި ރަޖިސްޓްރީ ކޮށްފައި ހުރި ހުރިހާ އުޅަނދެއް ޑީޕޯޓް ކުރުން. އަދި މާލެއަށް އެތެރެކުރާ ވެހިކަލްތައް ކޮންޓްރޯލްކޮށް ރަޖިސްޓްރީ ކުރުން ވެސް އެބަޖެހޭ މަޑުޖައްސާލަން. ބައެއްގެ ވިޔަފާރިއަށް އެކަމުންގެއްލުން ވިއަސް އެކަން ނުކޮށެއް ދެންވާކަށެއް ނެތް.
ޢަބްދުﷲނާފިޒު
05 January 2017
ޝަހާމް ކަން ކިތަންމެ ރަނގަޅަސް، ސަރުކާރުގެ ވިސްނުން ހުރީ ކޮންޖެޝަން ފީ ރައްޔިތުން އަތުން ނުނަގާ ވާނެގޮތަކަށް ނޫންތާ، މިބުނީ 100 ކާރާ 1000 ސައިކަލަށް ޕާކިން ހައްލުގެނައިނަމަވެސް މީ އަދި ޓޯޓަލް ސޮލިއިުޝަނެއް ނޫނޭ.
އިހޫ
05 January 2017
ސަރުކާރުގެ ސިޔާސަތުތައް ރައްޔިތުންގެ ރުހުން ލިބިގެން ނޫނީ ތަންފީޒު ނުކުރެވޭ ގޮތަށް ހަދަން ޖެހިއްޖެ މިހާރު.. ތިޔަ ކަމެއް ކުރީމަ ހަމަ މާލޭ ސަރަޙައްދުގެ ތޮއްޖެހުމަށް ލިބޭނެ ލުޔެއް ނެތް.. ވާނެ މޮޅެއްވެސް ނެތް. ވިއްޔާ ވާނީ ހަމަ ދުއްތުރާ!!
އަންތަރީސް
05 January 2017
އެންމެންގެ ޓެކްސް ފައިސާއިން ކުރަންހެޔޮވާވަރުކަމެއްނޫންން. މުސްއަދިންނަށް ހުރިހާކަމެއް. ގައިމު ތިޕާކިންގެ ބަދަލުގައި މާލެ ގަސްއިންދާ ފެހިކުރިއްޔާ އެންމެނަށްވެސް އޭގެ މަންފާ ލިބޭނެ.