ބިދޭސީންގެ މިނިމަމް ވޭޖު މުއްދަތެއް ނެތި ފަސްކުރަން ގާނޫނަށް އިސްލާހެއް ހުށަހަޅައިފި

ބިދޭސީއެއް: މިނިމަމް ވޭޖް ލިބޭ މުއްދަތު އަނެއްކާވެސް ފަސް ކޮށްލައިފި--ފައިލް ފޮޓޯ: މިހާރު

މޫސާ ރަޝީދު، މިހާރު

07 ސެޕްޓެމްބަރ 2022 - 10:24

ރާއްޖޭގައި މަސައްކަތްކުރާ ބިދޭސީ މަސައްކަތްތެރިންނަށް މިނިމަމް ވޭޖުގެ ދަށުން މުސާރަ ދޭން ފެށުމަށް ވަޒީފާއާ ބެހޭ ގާނޫނުގައި ބުނާ މުއްދަތު ފަސްކުރަން އެ ގާނޫނަށް ސަރުކާރުން އިސްލާހެއް ހުށަހަޅައިފި އެވެ.

މިނިމަމް ވޭޖު ދިނުން މަޖުބޫރުކޮށް، ވަޒީފާއާ ބެހޭ ގާނޫނު އިސްލާހު ކުރީ 2020 ވަނަ އަހަރުގަ އެވެ. އެ ގާނޫނުގެ ދަށުން ސަރުކާރުން މިނިމަމް ވޭޖެއް ކަނޑައަޅައި އެ އަށް އަމަލު ކުރަން ފެށީ ޖެނުއަރީ 2021 ގަ އެވެ.

އެ ގާނޫނުގައި ބުނާ ގޮތުން، ކުންފުނީގައި މަސައްކަތްކުރާ މީހަކީ ބިދޭސީއެއް ނަމަ ސަރުކާރުން ކަނޑައަޅާ މިނިމަމް ވޭޖަށް އަމަލު ކުރަން ޖެހޭނީ އެ ގާނޫނަށް އަމަލު ކުރަން ފަށާތާ ދެ އަހަރު ފަހުންނެވެ.

އެކަމަކު ސަރުކާރުން މިހާރު ބޭނުންވަނީ ދުނިޔެ އަށް ދިމާވެފައިވާ އިގްތިސާދީ ހާލަތުގެ ސަބަބުން ރާއްޖެ އަށް ވެސް އޭގެ ނޭދެވޭ އަސަރު ކޮށްފައިވާތީ، ބިދޭސީ މުވައްޒަފުންނަށް މިނިމަމް ވޭޖުގައި މުސާރަ ދިނުމަށް އެ ގާނޫނުން ލާޒިމް ކޮށްފައިވާ މުއްދަތު ފަސް ކުރުމަށެވެ.

އެ އިސްލާހުގެ ބިލް ރައްޔިތުންގެ މަޖިލިހުގެ މިއަދުގެ ޖަލްސާ އަށް ހުށަހަޅައި ބިލުގެ ފުރަތަމަ ކިޔުން ވެސް މިއަދު ވަނީ އިއްވައިފަ އެވެ.

ބިލު ހުށަހެޅި ސަބަބެއް ކަމަށް ސަރުކާރުން ބުނީ، މިހާރު ގާނޫނު އޮތް ގޮތުން މި މަހުގެ 22 އިން ފެށިގެން ބިދޭސީންނަށް މިނިމަމް ވޭޖުގެ ދަށުން މުސާރަ ދޭން ޖެހޭތީ އެ މުއްދަތު ފަސްކުރުމަށެވެ.

ވަޒީފާ އާ ބެހޭ ގާނޫނުގެ 62 ވަނަ މާއްދާގެ (ކ) އަށް މިހާރު ހުށަހަޅާފައިވާ އިސްލާހުގައި ބުނާ ގޮތުން ބިދޭސީއެއް ނަމަ މިނިމަމް ވޭޖް ދޭން ޖެހޭނީ ރާއްޖޭގެ އިގްތިސާދީ ހާލަތަށާއި ގައުމުގެ ފުދުންތެރިކަމާއި އުފެއްދުންތެރިކަމަށް ރިއާޔަތްކޮށް، އެޑްވައިޒަރީ ބޯޑުން ދޭ ލަފާގެ މަތިން ސަރުކާރުން ކަނޑައަޅާ ތާރީހަކަށެވެ.

ކުރިން ވެސް ބިދޭސީންނަށް މިނިމަމް ވޭޖް ދިނުން ފަސްކުރުމުން ބައެއް ޖަމިއްޔާތަކުން ވަނީ އެކަމާ ކަންބޮޑުވުން ފާޅުކޮށްފަ އެވެ.

އެއީ ބިދޭސީ މަސައްކަތްތެރިންގެ ހައްގުތައް ގެއްލި، އިންސާނީ ވަގުފާރީގެ މައްސަލަ އިތުރަށް ގޯސްވެދާނެ ސަބަބެއް ކަމަށް އެ ޖަމިއްޔާތަކުން ބުންޏެވެ.

މިނިމަމް ވޭޖް ކަނޑައެޅި ދާއިރާތަކާއި މިނިމަމް ވޭޖް:

- ކުދި ވިޔަފާރިތަކަށް، މަހަކު 4،500ރ.

- މެދު ފަންތީގެ ވިޔަފާރިތަކަށް، މަހަކު 7،000ރ.

- ބޮޑެތި ވިޔަފާރިތަކަށް، މަހަކު 8،000ރ.

- ސިވިލް ސާވިސް، މަހަކު 7،000ރ.

ބިދޭސީން ރައްޔިތުންގެ މަޖިލިސް އެންމެ ކުޑަ އުޖޫރަ ދިވެހި ސަރުކާރު

11 ކޮމެންޓް, 3 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޖބބބގ

08 September 2022

ވ ރަނގަޅު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

07 September 2022

ރާއްޖޭގަ ގިނައީ ގަވާއިދާ ހިލާފައް ވިޔަފާރި ކޮށްގެން މިލިއަނަރުންނަށް ވެފަ ހުރި ބިދޭސީންނެވެ. ކުދި އަދި މެދު ފަންތީގެ ވިޔަފާރި ތައް ބިދޭސީންގެ ކޮންޓްރޯލްގެ ދަށައް ހިނގައްޖެ އެވެ. ހައްލު ކުރެވޭނީ ގަވާއިދާ ހިލާފައް ވިޔަފާރި ކުރާ ބިދޭސީން ޑިޕޯޓް ކޮށްގެންނެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެމްސް

07 September 2022

މިޤައުމުގަ ދިވެހިންނަށް ވަޒީފާގެ ފުރުސަތު ނެތިގެން އުޅޭ އިރު، ބިދޭސީންނަށް މިޤައުމުން ވަޒީފާ ލިބިނުދިނުމަަށް ޤާނޫނަކުންވެސް ބާރުއެޅެން ވެއްޖެ! މިސާލަކަށް ދިވެހިންނަށް މިނިމަމް ވޭޖެއް އޮންނަ އޮތުން، ބިދޭސީންނަށް އޮންނަންވީ މެކްސިމަމް ވޭޖެއް ކަނޑައެޅިފަ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަބްދުލްސް

07 September 2022

ބިދޭސީން ކުރާ ހުރިހާ މަސައްކަތެއް ރިލައެބްލްކޮށް ކުރާނެ ދިވެހިން ތަދު. މިއުޅެނީ ފިހާރައެއްގެ ކައުންޓަރުގައިވެސް 3 މަހަށް ހަރުނުލައިގެން. ހަޑި މަސައްކަތެކޯ. މާ ބުރަ ކަމެކޯ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލޯބި

08 September 2022

އެެއިރުން ހައްތާ ގިނައެއްނު ވާނީ. ދިވެހިން މުސާރަ ކުޑަވީމާ ބޭނުން ނުވާ ވަޒީފާތައް ބިދޭސީންނަށް ލިބޭނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަސާސީ

07 September 2022

ބ. އަތޮޅު ރަށެއްގައި ރިސޯޓު ހަދަން މަސައްކަތް ކުރަމުންދިޔަ ބިދޭސީންނަށް މަޖިލީހުގެ މެންބަރުގެ ކުންފުނިން ދޭން ޖެހޭ އުޖޫރަ މިހާރު ލިބިއްޖެތަ؟ މިނިމަމް ވޭޖާއި ހަމަޔަށް ދެވޭނީ ބިދޭސީންނަށް އަސާސީ މުސާރަ ދީގެންނު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަޅި

07 September 2022

އިންސާނިޔަތަކީ އޮންނަ އެއްޗެއްތޯ! މަޖިލީހުގެ މެމްބަރުނއނަށް ވަޒީފާއިން ވަކިވިޔަސް މުޅި އުމުރަށް މުސާރަ ލިބޭގޮތް ހަމަ ބަރާބަރު. މިބޭފުޅުން ގެނެސްގެން އުޅޭ ބިދޭސީންނަށް މުސާރަ ދޭންޖެހޭތި ވީމަ, އެކަމާ މި ދެކޮޅުހަދަނީ. ބޭރުމީހިން ގެނެސް އެއްމެ 2000 ރުފިޔާ ދީފަ , ހުރިހާ މަސަެްކަތެއް ކުރުވާފަ, ލަދު ގަންނަނ ޖެހޭނެ, މިޤައުމުގަ ހިއުމަން ރައިޓްސް ކިޔާ ކޮމިޝަނެއް އޮންނާތީ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

07 September 2022

މަޖިލީހުގެ މެންބަރުނާއި ބިދޭސިންގެ ގުޅުމަށްބަލާއިރު ދިވެހިރައްޔިތުންނަށާއި ޤައުމަށް އިސްކަން ދިނުމުގެ ބަދަލުގައި ތިއޮތީ "މެންބަރުންނަށް ފައިދާވާގޮތަށް" މަސްލަޙަތު ހުރި މެންބަރުން ވޯޓްގައި ބައިވެރިވެ އެމީހުންގެ މަސްލަހަތު މަޖިލީހުގެ ތެރޭގައި އިސްކޮށް އެގޮތަށް ވޯޓް ދީ ޤާނޫނު ބަދަލުކޮށްފަ. # މަޖިލީހުން ހަދާފައިވާ ޤާނޫނެއް އެތައް އަހަރެއްވަންދެން މިގޮތަށް ސަސްޕެންޑް ކުރުމަކީ ކޮށްގެންވާނެ ކަމެއްނޫން. އޭގެ ބަދަލުގައި މި ޤާނޫނު އުވާލުންވެސް ރަނގަޅު.