ދުންޔާ: އޭނާ އަލުން ސަރުކާރާ ގުޅިވަޑައިގަތުމަށް މައުމޫން ތާއީދެއް ނުކުރައްވާ.-- ފައިލް ފޮޓޯ: ނިޝާން އަލީ/ މިހާރު
05 ޖެނުއަރީ 2017 - 16:16
17 comments
ދިވެހި ރައްޔިތުންނަށް ހިދުމަތް ކުރަން ތައްޔާރަށް ހުންނެވި ކަމަށް ހެލްތުގެ ސްޓޭޓް މިނިސްޓަރަކަށް، ރައީސް އަބްދުﷲ ޔާމީން މިއަދު އައްޔަންކުރެއްވި ކުރީގެ ފޮރިން މިނިސްޓަރު ދުންޔާ މައުމޫން ވިދާޅުވެއްޖެ އެވެ.
ދުންޔާ ކުރެއްވި ޓްވީޓެއްގައި ވަނީ ސްޓޭޓް މިނިސްޓަރުކަމުގެ މަގާމު އޭނާ ގަބޫލު ކުރައްވާފައިވާ ކަމަށާއި ކުރި އަށް އޮތް ތަނުގައި ދިވެހި ރައްޔިތުންނަށް ހިދުމަތް ކުރަން ތައްޔާރަށް ހުންނެވި ކަމަށެވެ.
މި ސަރުކާރުގެ ފޮރިން މިިނިސްޓަރަކަށް ހުންނެވުމަށް ފަހު މިދިޔަ އަހަރުގެ ތެރޭގައި ދުންޔާ އެ މަގާމުން އިސްތިއުފާ ދެއްވީ ރާއްޖޭގައި މަރުގެ އަދަބު ތަންފީޒު ކުރުމާ މެދު ހިޔާލު ތަފާތުވެގެންނެވެ.
ސްޓޭޓް މިނިސްޓަރަކަށް ދުންޔާ މިއަދު އައްޔަން ކުރެއްވި އިރު، ދުންޔާގެ ބައްޕާފުޅު އަދި ކުރީގެ ރައީސް މައުމޫން އަބްދުލްގައްޔޫމާއި ރައީސް ޔާމީނާ ދެމެދު ހިޔާލު ތަފާތުވުން އުފެދި، ޕީޕީއެމް އޮތީ ދެ ބައި ވެފަ އެވެ. އަދި ދުންޔާ އަލުން ސަރުކާރާ ގުޅިވަޑައިގަތުމަށް ތާއީދު ނުކުރައްވާ ކަމަށް މައުމޫން ވަނީ މިއަދު ވިދާޅުވެފަ އެވެ.
ރައީސް ޔާމީނާއި މައުމޫނާ ދެމެދު އުފެދުނު ހިޔާލު ތަފާތުވުންތަކުގެ ތެރޭގައި މައުމޫން ވަނީ މި ސަރުކާރަށް އެ މަނިކުފާނު ކުރެއްވި ތާއީދު އަނބުރާ ގެންދަވައި، ސަރުކާރަށް ވަރަށް ބޮޑަށް ފާޑު ވިދާޅުވެފަ އެވެ.
ޕީޕީއެމްގެ ރައީސްކަން ވެސް ކުރައްވާ މައުމޫންގެ ހަތަރު ބޭފުޅުންގެ ތެރެއިން ގައްސާން މައުމޫން އަދިވެސް ހުންނަވަނީ ރައީސް އޮފީހުގެ ސްޓޭޓް މިނިސްޓަރަކަށެވެ. މައުމޫނާއި ރައީސް ޔާމީނާ ދެމެދު އެންމެ ހިޔާލު ތަފާތުވުން ބޮޑުވި އިރު ވެސް ގައްސާން ހުންނެވީ އެ މަގާމުގަ އެވެ. އެކަމަކު، ރައްޔިތުންގެ މަޖިލީހުގެ ދިއްގަރު ދާއިރާގެ މެމްބަރުކަން ކުރައްވާ ފާރިސް މައުމޫނާއި ޔުމްނާ މައުމޫން ގެންދަވަނީ އަދިވެސް ސަރުކާރަށް ފާޑު ވިދާޅުވަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ލައްޑޫ
07 January 2017
ހަހަހަހަ، ހަމަ ވަރަށް ރަގަޅު ނިންމެވުމެއް، އެކަމަނާ ކުރީން އިންނެވީ ބޭރު މީހުނަށް ޚިދްމަތް ކުރާ މަޤާމެއްގާވީމާ ދޫކޮށްލީ، މިފަހަރު މި ލިބުނީ ރައްޔިތުންނަށް ކަންކޮށްދެވޭކަހަލަ މަޤާމެއް،
ފުނޯސް
06 January 2017
އަމިއްލަ ބައްޕަ އަށް އިހުތިރާމް ނުކުރި މީހަކަު ކިހިނެއްތޯ ރަށްޔިތުން ނަށް އިހުތިރާމް ކޮށް ޚިދުމަތް ކުރާނީ. އެއްގޮތަކަށް ވެސް ތިޔަ ވިދާޅުވާ އެއްޗެއް ނޭގެނު. ރަށްޔިތުން އެހާ ގަމާރެއްނޫން.
އަޙްމަދު
06 January 2017
ރައްޔިތުން ބޭނުމެއްނޫން ތިޔަކަހަލަ އުބަށް ޖަހާ ޚިދުމަތްތެރިން.
އަބްދުއްލާ އަލީ
05 January 2017
ފޮރިން މިނިސްޓަރު ކަމުން އިސްތިއުފާ ދެއްވުން އެއީ ހެއްދެވި ގޯހެއް
މަރިޔަމް
05 January 2017
ކަމަނާ ރައްޔިތުންނަށް ޚިދުމަތްކުރާށޭ ވިދާޅުވެ ތިބުރަ އުފުއްލަވާނެކަމެއްނެތް. ބައްޕަ ލަދުގަންނަވާ މަގުމަތިކޮށް ޙާލުގައިނުޖައްސާ އެބައްޕަގެ ޙައްޤު ފުރަތަމަ އަދާކުރެވޭތޯބަލާ...
ހާމިދު
05 January 2017
ތިއީ ކުޅޭ ކުޅިގަނޑެއް ކަން ނޭންގެނީތަ. އެންމެފަހުން މައުމޫން ވެސް، އުމަރު ނަސީރު ވެސް އަންނާނެ.
އަމާނީ
05 January 2017
މަރުގެ އަދަބު ތަންފީޒުކުރަން ދެކޮޅުހަދާފަ ދެން މިޖެހުނީ މަރުގެ އަދަބުދޭ އިންޖަކްޝަން ހޯދަން
މުޙައްމަދު
05 January 2017
މަޤާމާ ޖާހާ މަންސަބު ގެ ފަހަތުން ދަނީ ތިމާގެ ޖީބަށްޓަކާނޫންނަމަ މަޤާމުން ލިބޭ މުސާރަ ރައްޔިތުންނަށް ބަހާލާ
ައޯ މައި ގޯޑް
05 January 2017
ނާ ހަމަތެދެއްތަ؟ އެކަމަކު ހާދަ ހީނުވެޔޭ
ޗިކުސް
05 January 2017
ކަމަނާ ނިކަން އައިޖީއެމް އެޗް އިން ދެމުން ގެންދާާ ޙިދުމަތް ރަގަޅު ކޮއްލަދީ 4 ގިއަރު ކުރިއަށް ގެންގޮސްލަ ދީ އެއިރުން ޢަޅުގަނޑުމެން ގަބޫލް ކުރާނަން ކަމަނާތީ ފިސާރި އަންހެނެކޭ. މަ މެން ރައްފުށު ދިރި އުޅޭ މީހުން ތި ހޮސްޕިޓަލް އިން ޑޮކްޓަރ ދައްކަން 3 މަސް ނަގާ.