އެމްޓީސީސީން ބުނަނީ ކޮރަޕްޝަންގެ ތުހުމަތު އަޅުވާފައި ވަނީ ގަސްތުގައި ކަމަށާއި އޭގެ ބަދަލު ހޯދާނެ ކަމަށް. އަދި އެ މައްސަލައިގައި ގާނޫނީ ފިޔަވަޅު އަޅަން ތައްޔާރު ވަމުން ދާ ކަމަށް.
އެމްޓީސީސީގެ މިނީ ބަހަކަށް ބަޔަކު އަރަނީ -- ފޮޓޯ: މިހާރު
11 ސެޕްޓެމްބަރ 2022 - 11:15
56 comments
މާލޭގައި ދުއްވަން ގެނައި މިނީ ބަހެއްގެ އަގަކީ 203،500 ޑޮލަރު ކަމަށް ނޫހަކުން ރިޕޯޓް ކޮށްފައި އޮތަސް، އެމްޓީސީސީން އެ ބަސްތައް ގަނެފައި ވަނީ 90،000-95،000 ޑޮލަރަށް ކަން، "މިހާރު" އަށް ލިބިފައިވާ ލިޔެކިޔުންތަކަކުން ދައްކައިފި އެވެ.
މާލޭގައި މިނީ ބަސް ފެށުމަށް 16 ބަސް ގެނަ އެވެ. އަދި އޭގެ އިތުރުން ރާއްޖޭގެ އެހެން ބައެއް ސަރަހައްދުތަކުގައި ވެސް އެ ހިދުމަތް ފެށުމަށް ބަސްތަކެއް ގެނަ އެވެ.
އެމްޓީސީސީގެ ސީއީއޯ އާދަމް އާޒިމް ވިދާޅުވީ މިނީ ބަހުގެ ހިދުމަތް ފަށަން ޑީސަލް ބަސްތަކެއް ބޭނުން ކުރަން ފެށީ ހިދުމަތް ފެށުން އަވަސްކުރުމުގެ ގޮތުން ކަމަށާއި އެ މަޝްރޫއު ކުރިއަށް ގެންދަން ރާވައިފައި އޮތީ އިލެކްޓްރިކް ބަސްތަކަކާ އެކު ކަމަށެވެ.
"އެކަމަކު އިލެކްޓްރިކް ބަސްތަކެއް ގެނެސްގެން އެކަން ފެށުމަކީ ވަރަށް ގިނަ ވަގުތު ނަގާ ކަމެއް. ވަރަށް ބޮޑު އިންފްރާސްޓްރަކްޗާއެއް ގާއިމްކުރަން ޖެހޭ ކަމެއް. ފުރަތަމަ ކަމަކީ އަޅުގަނޑުމެންގެ ނެތް ޗާޖިން ސްޓޭޝަންތަކެއް. އެއީ ހަދަން ޖެހޭ އެއްޗެއް. އެއިން އެއްޗެއް މައްސަލަ ޖެހިއްޖިއްޔާ އަޅުގަނޑުމެންގެ ނެތް ހަދާނެ ބައެއް. އެ މީހުން ތަމްރީނު ކުރަން އެބަ ޖެހޭ. އަނެއްކާ އަޅުގަނޑުމެންގެ ބަޖެޓް ތަނެއް ނުދޭ އެހާ ބައިވަރު ބަސް އެއްފަހަރާ ގަނެގެން މިކަން މިހާރު ކުރާކަށް،" އާޒިމް ވިދާޅުވި އެވެ.
"މާލޭގެ އެތެރޭގެ ދަތުރުފަތުރުގެ ނިޒާމް ވަރަށް އަވަހަށް ފަށަން ސަރުކާރުން ވެސް އެބަ ބޭނުންވޭ. އެހެންވެ އަޅުގަނޑުމެން ނިންމީ ޑީސަލް ބަސްތަކުގައި ފަށަން."
އެކަމަކު، އާޒިމް ވިދާޅުވީ އިލެކްޓްރިކް ބަސްތަކުގެ ފުރަތަމަ ހަ ބަސް އަންނަ މަހުގެ ތެރޭގައި ގެނެސް، ހިދުމަތާ ގުޅޭނެ ކަމަށެވެ. އޭގެ ބަހެއްގެ އަގަކީ 203،500 ޑޮލަރު ކަމަށް ވެސް އާޒިމް ވިދާޅުވި އެވެ.
"މި އުޅެނީ އިލެކްޓްރިކް ބަހެއްގެ އަގުގައި ޑީސަލް ބަސްތަކެއް ގެނެސްގެން މަކަރު ހަދައިގެނެއް ނޫން،" އާޒިމް ވިދާޅުވި އެވެ.
"އެމްޓީސީސީގައި އޮންނަ ގަވައިދަކީ މިކަހަލަ އެއްވެސް މަޝްރޫއެއްގައި އެއްވެސް އެއްޗެއް ނުގަނެވޭނެ އެކި ޑިޕާޓްމެންޓްތަކުގެ ހެޑުން ހިމެނޭ ގޮތަށް 10 މީހުންގެ ސޮއި ނެތިއެއް. ވަރަށް ޓްރާންސްޕޭރެންޓް ނިޒާމެއް އޮންނާނީ. މިނީ ބަސްތައް ގަނެފައި އެ ހުރީ ސީދާ މެނުފެކްޗަރާގެ އަތުން."
އާޒިމް ވިދާޅުވީ އެމްޓީސީސީ އަކީ 24،000 ހިއްސާދާރުން ހިމެނޭ ބިޔަ ކުންފުންޏެއް ކަމަށާއި ހަގީގަތް އޮޅޭ ގޮތަށް ފަތުރާ ހަބަރުތަކުގެ ސަބަބުން ގެއްލުން ލިބެނީ ހަމައެކަނި މިހާރު އެކަނި ނޫން ކަމަށެވެ.
"އެމްޓީސީސީ އަކީ މުސްތަގުބަލަށް ވެސް ވިސްނަން ޖެހޭ ކުންފުންޏެއް. އަޅުގަނޑުމެން މިއަދު މި އަޅާ ބިންގާ މާދަމާ އަށް ވެސް ދެމެހެއްޓެން އެބަ ޖެހޭ. އެގޮތަށް އަގު ވައްޓާލީމަ އެމްޓީސީސީ އަށް ވަރަށް ބޮޑު ގެއްލުމެއް ލިބޭނެ،" އޭނާ ވިދާޅުވި އެވެ.
"މިއީ އަޅުގަނޑު ގަބޫލުކުރާ ގޮތުގައި އެމްޓީސީސީގެ ކުރިއެރުމަށް ހަސަދަވެރިވާ ބަޔަކު ގަސްތުގައި ކޮށްފައިވާ ކަމެއް. މި ގެއްލުމުގެ ބަދަލު އަޅުގަނޑުމެން ހޯދަން ގާނޫނީ ގޮތުން ކުރެވެން ހުރި ކަންކަން ކުރާނަން. އަދި މީޑިއާ ކައުންސިލަށް ވެސް މި މައްސަލަ ލާނެ. މިއީ އަޅުގަނޑު ކުންފުނީގެ ހައްގުގައި ވެސް ކުރަން ޖެހޭ ކަމެއް."
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހަސަނު
13 September 2022
ދޫ ނުކުރާތި.. ކުރެވެން ހުރި ހުރިހާ ކަމެއް ކުރާތި.. މަވެސް މީ ޝެއާ ހޯލްޑަރެއް ކުންފުނީގެ އަގު ވައްޓާލީމާ މަށަށް ގެއްލުންވާނެ..
ރަފީއު
13 September 2022
ބަހުގެ އަގުތަށް 80 މިލިޔަނަށް ވުރެ ކުޑަކޮށް އުޅުނީ
މިލްސް
12 September 2022
މިނީ ބަހުގެ ހިދުމަތް އެއީ ޔާމީން ދަައުރުގަ ބަޖެޓް ކުރެވިފަވާ ކަމެއް
ހުދަންބަރު
13 September 2022
ނުނެޭ އެއި ސަމްސުއްދީން ރަދުންގެ ރަސްކަމުގައި ހަމަޖެއްސި ބަޖެޓެއް
ބަސްވެއްޓޭ
12 September 2022
ކޮން އަގެއް ވެއްޓޭ ވާހަކަތަ އެ ދައްކަނީ؟ ބަހަށް އަރާ އެކަކުވެސް ތިޔައިން ބަހެއް ގަތް އަގާ އެ އަގު މާ ބޮޑުތޯއެއް ނުބަލާނެ. ދެން މިހާރު ދުވާލަކު 9000 މީހުން ބަހަށް އަރާ ވާހަކަ އަބަދު ކިޔާއިރު މާދަމާ ދަތުރަކަށް 7ރ. ނަގަން ފެށީމަ އަސްލު ސޮނިވެއްޓޭނީ.
އަގު.
12 September 2022
އާއެއްޗިއްސަށް ބަލާއިރު އެއްގޮތަކަށްވެސް އަގުބޮޑެއް ނޫން އަސްލު. ރާއްޖޭގަ މުޅިންހެން ސެކަންޑްހޭންޑް ވެހިކަލް ހުންނާތީ މިވަރު ކުޑަކޮށް އަގުބޮޑުހެން ހީވިޔަސް. އެކަމަކު އެހެން ގެނެސްފިއްޔާ ފްލީޓުގަ ހުންނާނީ މުޅިން ތަފާތު ވައްތަރުގެ ތަފާތު ކޮލިޓީގެ ބަސްތައް.
ޕާޓޭކުންފުނި
11 September 2022
ތިޔަތަނުގައި އުޅޭ ޕާޓޭ ސްޓައިލް މީހުން ނެރެ ތިޔަ ތަން ތާހިރުކުރަންވެެއްޖެ. ބްރިޖުމަތިން ވެސް މާލޭ މަގުމަތިންވެސް އެމްޓސީސީ ޓީ ޝާޓު ލައިފައި ތިބޭ ޕާޓޭ އިން ހީވަނީ މި މީހުން އެކަނިހެން މަގުމަތީ އުޅެނީ. ނުދެވިގެން ލަސްވެގެން ބަރުގޮނުއަޅަމުން މީހުންނަށް ޖެއްސުން ކުރަމުން , ހީވަނީ ބޮއެގެން އުޅޭ ގިރިންތަކެއްހެން
ޕާޓީ
12 September 2022
ތެދު ވާހަކައެއް.
ޑިއުކް އޮފް ވީލްބަރޯ
11 September 2022
ޔާމީނު މާރުކުރިކަމަށް އެބުނާ ޑޮލަރުކޮޅުން އެކަނި ތީގެ ދިހަވަރަކަށް ބަސް ގަނެވޭނެދޯ އެހެންވިއްޔާ.
ކެކެކެކެކ
11 September 2022
މި މިހާރު ނޫހަކީ ތަހުގީގު ކުރަން އޮންނަ ނޫސްހެއްތަ. ކޮންމެ ތާކަށް ބޯވައްދާަން
ޗެކޭ
11 September 2022
ބަސްތައްބަލާލީމަބއެބަ ފެނޭ މޮޑެލް ނަމްބަރު ދިމާ ނުވާކަން.ފަހުގެ މޮޑެލް އަކަށް އަގުދައްކާފަ ތަންކޮޅެއް ކުރީގެ މޮޑެލް އެއް ތިއޮތީ ގެނެސްފަ. އެއީތަ މައްސަލައަކީ. ފަހުގެމޮޑެލް އަކީ ZK6729D
ފޮނިކުއްޖާ
12 September 2022
ކަލޭ ތިދައްކަނީ ކޮން ވާހަކައެއް؟ މި އާޓިކަލްގައި ޖަހާފައި ހުރި ބަހުގެ ފޮޓޯއިން ވެސް ފެނޭ ބަހުގެ މޮޑެލް ނަންބަރ. ހަމަ ރަސީދުގައި އިން ނަންބަރާ ދިމާވޭ.
ހަމްދޫނު
11 September 2022
މިހާރުގެ އިސްމާލު މިއޮތީއެއްކޮޅުގެ ބަހެއްގެނެސްފަ. ކީއްވެބާ މިނިސްޓްރީގެ ބަހެއް ނުގެނައީ. ވަރައްވެސް ދެރަވަރު