ގެއިން ނުކުމެވަޑައިގެން ކާރަށް އަރައިވަޑައިގަތުމަށް ނަޝީދު ވަޑައިގަންނަވަނީ. އެ ހިސާބުން ބޮން ގޮއްވާލައި އަނިޔާ ލިބިވަޑައިގަތުމުން އެމަނިކުފާނު ނެންގެވީ އަރިހުގައި ތިއްބެވި ބޮޑީގާޑުން.
14 ސެޕްޓެމްބަރ 2022 - 14:34
ރައްޔިތުންގެ މަޖިލީހުގެ ރައީސް އަދި ކުރީގެ ރައީސް މުހައްމަދު ނަޝީދު އަވަހާރަކޮށްލަން މިދިޔަ އަހަރު ހަމަލާދިން ވަގުތު އެ މަނިކުފާނުގެ ސެކިއުރިޓީ ބަލަހައްޓަމުން ދިޔަ ބޮޑީގާޑުންނަށް ހިތްވަރުގެ މެޑަލް ރޭ ދީފި އެވެ.
ސިފައިންގެ 133 ވަނަ އަހަރީ ދުވަސް ފާހަގަކުރަން ބޭއްވި ރަސްމިއްޔާތުގައި ތިން އޮފިސަރަކަށް މެޑަލް ހަވާލުކޮށްދެއްވީ ޗީފް އޮފް ޑިފެންސް ފޯސް، މޭޖަ ޖެނެރަލް އަބްދުﷲ ޝަމާލެވެ.
- ސްޓާފް ސާޖަންޓް އިލްހާމް އާދަމް، ފުރާނަ ސަލާމަތްކުރުމުގެ ރިހި މެޑަލް އަދި ހިތްވަރުގަދަ ކުލަ
- ކޯޕްރަލް މުހައްމަދު ނިޔާޒު
- ލާންސް ކޯޕްރަލް މުހައްމަދު ރިޝްވާން
އެ ތިން އޮފިސަރުންގެ އިތުރުން ފުވައްމުލަކުގެ ޓައިގާ ޝާކް ޑައިވިން ޕޮއިންޓަށް އޮގަސްޓް، 2019 ގައި ގެއްލުނު ޑައިވަރަކު ހޯދަން ހަފުތާއަކަށް ވުރެ ގިނަ ދުވަސްވަންދެން ކުރިއަށްގެންދިޔަ އޮޕަރޭޝަނާއި 10 މީހުންނާ އެކު ހދ. ނޮޅިވަރަންފަރުން ފުރައިގެން އެ އަތޮޅު ހަނިމާދޫ އިންޓަނޭޝަނަލް އެއާޕޯޓަށް ދަތުރުކުރަނިކޮށް ފަސް މީހަކު ނިޔާވި ހާދިސާގައި ހަރަކާތްތެރިވި މީހުންނަށް ވެސް ޝަރަފުގެ ނިޝާން ދީފައިވެ އެވެ.
މަޖީދީމަގުން، ގ. ކެނެރީގެ ހުންނަ ނީލޯފަރު ގޯޅި ކަންމަތީގައި މެއި 6، 2021 ވަނަ ދުވަހުގެ ރޭ ގޮއްވާލި ބޮމުގައި ނަޝީދުގެ އިތުރުން އެ މަނިކުފާނުގެ ދެ ބޮޑީގާޑަކަށް ވެސް އަނިޔާވި އެވެ. އޭގެ ތެރެއިން އެކެއްގެ ވާތަށް ހުރީ ބުރައިގެން ދިޔަ އެތިއެތިކޮޅުތައް ހެރިފަ އެވެ. އޭޑީކޭ ހޮސްޕިޓަލުން ހަމަ އެރޭ އެ އެއްޗެހިތައް ވަނީ ނަގައިފަ އެވެ. އެއީ ހަމަލާގެ ވަގުތު ނަޝީދު ކަވަރުކުރި ބޮޑީގާޑެވެ.
އެ އަނިޔާތަކާ ގުޅިގެން އިލްހާމް ވަނީ ކަނދުރާގެ އޮޕަރޭޝަނެއް ވެސް ކޮށްފަ އެވެ.
ހަމަލާ ދިން އިރު އެ ހިސާބުގައި ހުރި މީހަކު "މިހާރު"އާ ވާހަކަ ދައްކަމުން ބުނީ ބޮން ގޮއްވާލި ގަޑީގައި އިވުނު ބާރު އަޑާ އެކު ނަޝީދު ކުއްލިއަކަށް ތިރިވި ކަމަށެވެ. ބޮޑީގާޑުންނަށް އަނިޔާވެފައި ވަނީ ނަޝީދު ތިރިވެލި ވަގުތު، އެ މަނިކުފާނު ވަށައިލުމުން ކަމަށް އޭނާ ކުރިން ބުނެފައިވެ އެވެ.
Copyright © 2024 Mihaaru · Terms and Conditions · Privacy Policy
ކޮމެންޓްތައް
އަވަސްހިނި
14 September 2022
ހދ. ނޮޅިވަރަންފަރުން ހާދިސާގައި 5 މީހުން ސަލާމަތްވެސްކުރި، އެކަމަކު އެ ސިފައިންނަށް މެޑަލް ނުލިބުނީ ކީއްވެބާ؟ އެމީހުންނަށް ހަމައެކަނީ ޝަރަފުގެ ނިޝާން، މެޑަލ؛ް ނުލިބުނު..... ނަޝީދުގެ ފުރާނަ ސަލާމަތްކުރި އިރުގައި 5 މީހުންގެ ފުރާނަ ސަލާމަތްކުރީމަވެސް ނުލިބުނު.. އެހެންވީމަ ނަޝީދުގެ ފުރާނައާއި ނުބައްދަލޭ 5 މީހުންގެ ފުރާނަވެސް.
އޮނަރަބްލް އަފީފު ދީދީ
14 September 2022
ތިއީ އެވަގުތު ތިބި ބޮޑީގާޑުން ކުރެއްވެވި މަސައްކަތަށް ހައްޤު އެއްޗެއްކަމަށް ޤަބޫލު ކުރަން. # އެހެން ނަމަވެސް ދުރާލާ އެގިތިބެ މިކަން ޑިފެންސްފޯހުގެ އިންޓަލިޖަންސް އަދި އެންޓިޓެރަރިސްޓް ޑިޕާޓްމަންޓާއި ޙިއްސާ ނުކުރެއްވި މީހާއާއި އަދި މިޝަން ރާވާހިންގި ބޮޑުން (ކޮން ބައެއްކަން ދަނެގަނެވިފައިނެތް) ވެސް އެތިބީ ހަމ ތިފެންވަރުގެ މެޑަލްއެއް ޖަހައިގެން ނޫންތޯ؟! މިއީތޯ މިކަން ހިގާންވާ ގޮތަކީ؟
ލައިލަ
14 September 2022
ކޮބާ ނަޝީދުއަށް ލިބެންވީ މެޑެލް؟
އުދުހޭ
14 September 2022
ކެރީގޭ އަވައްޓެރިންނަށް ޖެހިފައިވާ މުސީބާތަށް ކެތްތެރިވާތީ އެމީހުންނަށް މެޑެއްޔެއް ނުދޭތަ؟
48343
14 September 2022
މެޑަލެއް ނުދިނަސް ނަޝީދު ސަލާމަތްވިކަމަށްޓަކާ އޭނާއަށްވެސް ކޮންމެވެސްބާވަތެއްގެ އިނާމެއް ދޭން ފެނޭ.
ސާބަސ
14 September 2022
މެޑަލް ދޭވަރުވޭ ރައީސް ނަޝީދު އާއި ބޮޑިގާޑާ ދެމެދު ގެސްޓްމީހަކުވެސް ހުރިކަން ފާހަގަވޭ
ޕަލްޕީ
14 September 2022
ލޮލް! ލޮލް! ލޮލް! މަ ހުވާ މި ނަޝީދު މީ ކޮހެއް!
ހަސަނު
14 September 2022
ވަރަށް އުފާވެރި ހަބަރެއް...
ތީތިބަރާބަރު
14 September 2022
ޙައްޤު މެދެއްޔެއް. އުއްމީދު ކުރަން ރައްޔިތުންނާ ޤައުމުގެ ދިފާޢުގައި ކެރިގެން ކުރިމަތިލުމުގައި ވަފާތެރިކަމާއެކު ދެމި ތިބޭނެކަމަށް. މަރުޙަބާ
މިސްޓަރ ޓިނޭ
15 September 2022
ކޮން ހައިސިއްޔަތަކުންބާ