ޓްރެފިކް ޕޮލިހުން ސައިކަލުތަކެއްގައި ސްޓިކާ ޖަހަނީ- ފައިލް ފޮޓޯ: މިހާރު
18 ސެޕްޓެމްބަރ 2022 - 15:02
25 comments
ގަވާއިދާ ހިލާފަށް ޕާކްކުރާ އުޅަނދުތަކުގައި ޖަހަން 25،000 ޕާކިން ސްޓިކާ ޗާޕުކޮށްދޭނެ ބަޔަކު ހޯދަން ޓްރާންސްޕޯޓު މިނިސްޓްރީން މިއަދު އިއުލާނުކޮށްފި އެވެ.
ޕާކިން ސްޓިކާ ޗާޕުކޮށްދޭން ޝައުގުވެރިވާ ފަރާތްތަކުން އަންނަ ހޯމަ ދުވަހުގެ ކުރިން އަންދާސީ ހިސާބު ހުށަހަޅަން ޓްރާންސްޕޯޓް މިނިސްޓްރީން އެދެ އެވެ.
އެކަމަށް ހުށަހަޅާ އަގު 250،000ރ. އަށް ވުރެ ބޮޑު ނަމަ ދައުލަތުގެ މާލިއްޔަތުގެ ގަވައިދުގެ 10.67 ގައިވާ ގޮތަށް އަމަލުކުރަން ވެސް ވެސް އެ މިނިސްޓްރީން އެދުނެވެ.
ގިނަ އަދަދެއްގެ ޕާކިން ސްޓިކާ ޗާޕުކޮށްދޭނެ ބަޔަކު ހޯދަން އިއުލާނުކުރީ މި މަހުގެ ފަސް ވަނަ ދުވަހު ސަރުކާރުން މާލޭގައި މިނީ ބަހުގެ ހިދުމަތް ފަށައި ބޮޑެތި މަގުތަކުގައި ބަހަށް ދަތިވާ ގޮތަށް ޕާކްކުރާ ވެހިކަލްތަކާ މެދު ފިޔަވަޅު އަޅަން ފަށާފައި ވަނިކޮށެވެ.
ފުލުހުން ވަނީ ބަސްތަކަށް ދަތިވާ ގޮތަށް ޕާކުކޮށްފައި ހުންނަ އުޅަނދުތަކުގައި ސްޓިކާ ޖަހައި އެ އުޅަނދެއް ޓޯ ކުރަން ޖެހޭ ހާލަތުގައި އެކަން ކުރާނެ ކަމަށް ވެސް ބުނެފަ އެވެ. މިދިޔަ ހަފުތާގައި އެކަނި ވެސް 500 އަށް ވުރެ ގިނަ އުޅަނދުގައި ސްޓިކާ ޖެހި އެވެ.
އުޅަނދުތަކުގައި ޖަހާ ޕާކިން ސްޓިކާ ފުލުހުންނަށް ފޯރުކޮށްދެނީ ޓްރާންސްޕޯޓު މިނިސްޓްރީންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވަރި
19 September 2022
އެއްވެސް މީހަކު ނުދާތި މި ބިޑައް. ސްޓިކާ ނެތިއްޔާ މާރަގަނޅެއްނު. ސަޕޯޓް ނު ކުރައްވާ!
ހަސަނު
19 September 2022
މަދު ނުވާ ވަރަށް ޗާޕު ކުރާތި.. މާލޭ މަގުތައް އަމާން ވާނީ ފުލުހުން ގިނައިން އިސްޓިކާ ޖަހައިގެން.
ޓްރެފިކްޕޮލިސް
18 September 2022
ސައިކަލު ޒޯނުން ނެރެފަ ޕިކަޕް/ކާރު/ލޮރީ އެބަވައްދަ. އެއެއްޗިހީގަ ސްޓިކާ ނުޖަހަނީ ކީއްވެ؟!
ދޮންކަބިލި
18 September 2022
ހުރިހާ އަދަބެއް ދިވެހިންނަށް. ޤަވާއިދާ ހިލާފަށް އުޅޭބިދޭސީންކޮންމެކަމެއް ކުރިޔަސް ކުއްވެރިނުވާ ޤައުމެއްމީނޫނީ ދުނިޔޭގަ އޮތްހެނެއް ހިޔެއްނުވޭ.
ހިތަޑު 2
18 September 2022
25000 ސްޓިކާ ޖަހައިގެން 18.75މިލިއަން ލިބެނެ، 25،000 ސްޓިކާ ޕްރިންޓް ކުރަން ދާނެ ކަމަށް މިބަލަނީ 20މިިލިއަން.
އާދަނު32
18 September 2022
އަހަރެންގެ ސައިކަލް ކޮންމެދުވަހަކު ހުންނަނީ އިންނަތަންނޫން އެހެން ތާކަށް ދަމާފަގެންގޮސްފަ. ޕިކަޕް/ލޮރީ ދުއްވާމީހުންގެ އުދަގޫ ވަރަށް ބޮޑުވެއްޖެ އެކަމާހުރެ.އަދި ސައިކަލްތަށް ދަމާ އެއްފަރާތްކޮށް ފަޕިކަޕް ވައްދާފަޮއޮނަނީވެސް ޒޯނުން ބޭރުގައި.އެކަމާ އަޅާލާނެ މިއައްސަސާއެއްނީވެ، ސްޓިކަޖަހަނީ ސައިކަލްގަ އެކަނި. ފުލުހުންވަނީ ފޭލްވެފަ
ދޮންޑު
18 September 2022
ބަންގާޅީން ވިސާނެތި އުޅުނަސް އޯކޭ، ކޮންމެ ރިސޯޓެއް އެބަ އުޅޭ 300 އެއްހާ ބަންގާޅީން ވިސާނެތި. ދިވެހިން ޖޫރިމަނާ ކޮއްފަބަހައްޓާ އިންގޭ
ކުޗީ
18 September 2022
ވ.ރަނގަޅު. ހަމައެއް ލަމައެއްނެތި އަދިވެސް އެބަ ޕާކްކުރޭ ...
ދޯބްރާލި
18 September 2022
ލޯކަލް މާކެޓަށް ވަންނަން ދިޔައިރު ދޮރުމަތީ ބައިސިކަލް ގާޑިޔާ ބާއްވައިގެން ބަންގާޅީޔަކު އެއްޗެހިތަކެއް އައްސަން ހުރީ. ތަންދައްކާނެކަމަށް ހީކޮށް ކުޑަކޮށް މަޑުކޮށްލުމުންވެސް ކަހާތަން ހިރުވާވެސް ނުލި. ދެން އެންމެ ފަހުން ތަންކޮޅެއް ދައްކާށޭ ބުނީމަ އަޑުއިވޭކަމަށްވެސް ނެހެދީ. އަނެކާ ކޮއްޕާލާފައި ތަން ހަދާނެހާ ހިތްވަރުނެތް. ދެން އެތާތިބި ބަންގާޅީން އަރުވާލާނެ ވަރު އެނގޭތީ މާރުލޭޓަށް ދެންވަދެވެން ހުންނަ ހިސާބަށް ދިޔައީ. އެއީ ސްޓިކާވެސް މަނާ ބަައެއް ދޯ
ބަބޫ
18 September 2022
25000 ގުނަ 750 ވީމަ ވާނީ 18،750،000 ސަޅި