ކޫއްޑޫ ބަނދަރުގައި ގިނަ މަސް ދޯނިތަކެއް--ފޮޓޯ:މިހާރު
20 ސެޕްޓެމްބަރ 2022 - 13:59
13 comments
ރާއްޖޭގެ ބައެއް ސަރަހައްދުތަކުގައި މަސްވެރިކަން ރަނގަޅުވެ، މަސް ނުކިރިގެން ގއ. ކޫއްޑޫގައި މަސްވެރިން ކިއޫގައި ތިބެން ޖެހިއްޖެ އެވެ.
ގއ. ގެމަނަފުށި އުދަރެސް ދޯނީގެ ކެޔޮޅު މުހައްމަދު ޝިނާޒު ބުނީ، ރޭ ކިޔޫ ނަންބަރު ނަގައިގެން އަދިވެސް މަސް ކިރޭ ގޮތް ނުވާ ކަމަށެވެ. އޭނާ ބުނީ ކިޔޫގައި އެއް ދުވަސް މިހާރު ތިބެން ޖެހޭ ކަމަށެވެ. އޭނާ ބުނީ ކޫއްޑޫގެ ކެޕޭސިޓީގައި 400 ޓަނު އުޅޭ އިރު އެތަނުން ކިރަނީ މަދުން ކަމަށެވެ. އެހެންވެ، ކެޕޭސިޓީ ވަރަށް އަވަހަށް ފުލްވެ، އަނެއް ދުވަހަށް މަޑުކުރަން ޖެހޭ ކަމަށް އޭނާ ބުންޏެވެ.
"މިހާރު ވެސް ފަންސާހަކަށް ދޯނި ކިޔޫގައި އެބައޮތް. މިއީ ހަމަ ކޮންމެ އަހަރު ވެސް ވެރިކަން ރަނގަޅުވާ ދުވަސްވަރަކު މަސްވެރިން އުޅޭ ހާލު،" އޭނާ ބުންޏެވެ.
މަސް އަވަހަށް ނުކިރޭ އިރު މަސް ރަނގަޅު ކޮލިޓީގައި ބަހައްޓަން އައިސް ނުލިބުމަކީ މިހާރު ދިމާވާ އެންމެ ބޮޑު މައްސަލަ ކަމަށް އޭނާ ބުންޏެވެ.
އެ އަތޮޅުގެ އައިސް ޕްލާންޓް ހުންނަ ގިނަ ރަށްރަށުން މިހާރު އައިސް ނުލިބޭ ކަމަށް އޭނާ ބުންޏެވެ. އެ އަތޮޅު ފިޔޯރީ، ފަރެސްމާތޮޑާ، ދާންދޫ، އަދި ކޮލަމާފުއްޓާއި ދެއްވަދޫން ވެސް މިހާރު އައިސް ނުލިބެ އެވެ. އެ ސަރަހައްދުން މިހާރު އައިސް ލިބެނީ ހަމައެކަނި ގެމަނަފުއްޓާއި ތިނަދޫންނެވެ. ޝިނާޒު ބުނީ، މަސްވެރިންނަށް ދުވާލެއްގެ މައްޗަށް 15 ވަރަކަށް ޓަނު އައިސް ބޭނުންވާ އިރު އެ ނުލިބޭތީ، މަސް ކިރުވަން އުނދަގޫ ކަމަށެވެ.
"އަޅުގަނޑުމެންނަށް އޯކޭ ކިތަންމެ ކުޑަ އަގެއްގައި ވެސް މަސް ކިރެނިކޮށް. އެކަމަކު އަބަދުވެސް އޮންނަނީ މަސް ނުކިރިފައި،" އޭނާ ބުންޏެވެ.
ގއ. ނިލަންދޫ މަސްވެރިޔާ އަލީ ރަޝީދު ބުނީ، އިއްޔެ ހެނދުނު ކިޔޫގައި ޖެހިގެން މަސް ކިރޭ ގޮތްވީ މިއަދު ހެނދުނު ކަމަށެވެ. އެހެން ނަމަވެސް، މަހުގެ ކޮލިޓީ ދަށް ކަމަށް ބުނެ، ކޫއްޑޫން މަސް ނުކިރުނު ކަމަށް އޭނާ ބުންޏެވެ.
"އައިސް ނުލިބޭ. ދެން ކިހިނެއް އެ ބޭނުންވާ ކޮލިޓީގައި މަސް ބަހައްޓާނީ. ނުވަ ޓަނު މަސް މިވީ ބޭކާރު،" އޭނާ ބުންޏެވެ.
މިފްކޯއިން މަސް ކިލޯއިން ވިއްކަނީ 17 ރުފިޔާއަށެވެ. އަދި މި ވަގުތު އެންސިސް އިން މަސް ކިލޯއެއް ވިއްކަނީ 18 ރުފިޔާ އަށެވެ.
މި ވަގުތު ކޫއްޑޫގެ މަސް ރައްކާކުރުމުގެ ކެޕޭސިޓީއަކީ 2،000 ޓަނެވެ. މަސްވެރިންގެ އެންމެ ބޮޑު އެއް ޝަކުވާ އަކީ މަސް ކިރުވަން އެހާ ދުވަސްވުމެވެ. ކޫއްޑޫން ދުވާލެއްގެ މައްޗަށް 540 އެއްހާ ޓަނު ކިރުވަ އެވެ. މިފްކޯއިން ބުނީ، މި ވަގުތު ގާތްގަނޑަކަށް 25 ދޯނި ކިޔޫގައި އެބައޮތް ކަމަށާއި 24 ގަޑިއިރު މަސް ކިރަމުން އަންނަ ކަމަށެވެ. އަދި އައިސް ހޯދުމުގައި ދަތިތައް އުޅެނީ އެ އަތޮޅު ދެއްވަދޫގައި ހުރި އައިސް ފެކްޓްރީ ހަލާކުވެފައި ހުރުމުން ކަމަށެވެ.
މިއަހަރު ކުރީކޮޅު ވެސް މަސްވެރިކަން ރަނގަޅުވި ދުވަސްވަރު ކިޔޫގަައި ގިނަ ދުވަސްތަކެއް ތިބެން ޖެހުމުން މަސްވެރިން ވަނީ ޝަކުވާ ކޮށްފަ އެވެ. އޭރު މަސްވެރިން ޝަކުވާ ކުރީ ކޮންމެ ދޯންޏަކުން ފަސް ޓަނުގެ މަސް ކިރުވާ ގޮތަށް މިފްކޯއިން ލިމިޓްކުރުމުންނެވެ. މަސްވެރިންގެ ހިތްހަމަ ނުޖެހުންތަކާ އެކު އެކަން ފަހުން ވަނީ ބަދަލުކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މުންޖިޗޭ
21 September 2022
މިމައްސަލައަކީ ޙައްލެއް ލިބެންޖެހޭ ބޮޑު މައްސަލައެއް، މިއަދު އިވެނީ މަސްނުކިރެނީ ކުރީ ސަރުކާރުތަކުން އެކަންކުރެވޭގޮތް ނަހަދައި އޮތުމުންކަމަށާއި، މިސަރުކާރުގެ މައްސަލައަކުން ނޫންކަމަށެވެ. ނަމަވެސް، ބުނެލަންޖެހޭ ވާހަކައަކީ، ކުރީސަރުކާރުތަކުން އެކަން ނުވެއޮތްކަން ފާހަނގަކޮށް އެކަމަށްޓަކައި ބޮޑެތި ވަޢުދުތަކެއްވެ ގޭދޮށުމަސްފެކްޓްރީއާއި މަސްވެރިންގެ ޖީބުތަކަށް ޑޮލަރު އޮހޭނެކަމުގެ ވަޢުދުވެެގެންތިބެ ދައުރުނިމެންކައިރިވާއިރު ނުވުމުން ވަޢުދު ބިލާހަށްވީއޭ.
ދިވެހި ރާއްޖެ
21 September 2022
ގޭދޮށު މަސްފެކަޓަރީ އަޅަންވީ އަމިއްލަ އަށް. ސަރުކާރުން އެކަމަށް ލޯނު ދޭން އެތިބީ. ރަށެއްގެ ބަޔަކު އެކުވެ އެއްބަސް ކިޔާ އަޅަންވީނު. އެވެސް ސަރުކާރުން އަޅަންވީ. ސަރުކާރުން މަސްގަންނަންވީ، ސަރުކާރުން ހުރިހާ ކަމެއް ކުރަންވީ. ސަރުކާރުން އިންނާނެ މީހެއް ހޯދަދީ، އިނދެގެން އުޅޭނެ ފުލެޓެއް ދީ، ދަރިން ވިއްސާ ދީ، ހިލޭ ކިޔަވާދީ، ހިލޭ ބޭސް ކޮށްދީ، ހިލޭ ޑިގްރީ ހަދާ ދީ، ދެން ނެތްތަ އެމީހުން ބޮލަށް ގަހާލާނެ ކަމެއް؟؟
މުންޖިޗޭ
21 September 2022
ވަޢުދާއި އަޙުދުވާއިރުވެސް އެނގެންވާނެނުން، ތިހުރިހާ ކަމެއްކޮށްނުދެވޭނެކަން، އެކަމަކު ކަންނުކުރެވުމުން ކުރިންބުނިއެތި ކެންސަލްވާ އުޞޫލުގެންގުޅުމަކީ ޒިންމާދާރުކަމެއްނެތި ހުސްވަޢުދުވުން، ވެރިކަމަށް އަންނަން ގެންގުޅޭ އުކުޅަކީ ދޮގުހެދުންކަމުގައި މިހާރު ޤަބޫލުކުރެވޭ ހިސާބަށް ހިގައްޖެ، ސާފުދިވެހިބަހުން ބުނެފަ ހުންނަ ވާހަކަތައް އެހެންގޮތަކަށް މާނަކުރުމުން ދެކޮޅެއްނުޖެހޭ، ދިވެހިބަހުން ލިޔަންކިޔަން ދަންނަމީހުން މިރާއްޖޭގައި ގިނައީ.
ދިވެހި ރާއްޖެ
20 September 2022
ކޮންމެހެން ނުޖެހޭނެ މަސްވެރިން ބާނާ ހުރިހާ މަހެއް ސަރުކާރުން ގަންނާކަށް. އެހެންނަމަ ދަނޑުވެރިން ހައްދާ ހުރިހާ އެއްޗެއްވެސް ގަންނަން ވާނެ. ގެސްޓް ހައުސް އަޅައިގެން އުޅޭ ހުރިހާ އެއްމެނަށް ގެސްޓުން ވެސް ގެނެސް ދޭން ވާނެ. ފިހާރަ ތަކުގަ ހުރި ހުރިހާ މުދަލެއް ވެސް ގަންނަން ވާނެ.
ހަންޕޮ
20 September 2022
ކޮންމެފަހަރަރަކު ކޮންމެ މީހަކުވެސް އެންމެ ބާރައް ހާޅޭލަވަނީ މަސްވެރިންނޭ މަސްވެރިން ނޭކީޔާފަ މަސްވެރިން ދެކެވާ ލޯބިން ކިހާ ތާހިރު
މާހިރު
20 September 2022
މަސްވެރިކަމަކީ ސީޒަނަލްކަމެއްކަމާއި ރަނގަޅުމަސްވެރިކަމެއްގައި މަސްނުކިރޭކަން އެންމެނަށްވެސްއެބަ އެނގެއެވެ. އެހެންކަމުން މަސްވެރިކަން ރަނގަޅުވާދުވަސްކޮޅު ބޭނޭމަސްކޮޅު ކިރޭނެ ކޮންމެވެސް ގޮތެއް ހަމަޖެއްސެން ވާނެކަމަށް ދެކެމެވެ. އެގޮތުން މަސްވެރިކަން ދަށްއިރު މަދު ވަސީލަތްތައް ބޭނުންކޮށް، މަސްވެރިކަން ރަނގަޅުވާ ވަގުތު އިތުރު މެޝިންތައް ހިންގާލެވޭފަދަ ނިޒާމެއް ގެނެސްގެން މަސްނުކިރުމުގެ މައްސަލައަށް ހައްލެއް ހޯދިދާނެކަމަށް ލަފާކުރެވެއެވެ.
ލާމަސީލު
20 September 2022
17 އަހަރުވީ ނުހެދުނު ހޯނޑެއްދޫ މަސްފެކްޓްރީ އަތުލާފަ އެހެން ބަޔަކަށް ދީގެން މިކަމުން ސަލާމަތްވާން އޮތީ.
ފިފިދ
20 September 2022
ކުޑަ އަގެއްގައިވެސް ނުވަތަ ހިލޭވެސް ކިރޭނީ އެ އަޅާނެ ތަނެއްހުރެގެންތާ! ޖެހިޖެހިގެން ދެތިންދުވަހު މަހެއް ބާނާއިރަށް ފެކްޓަރީ އޮންނަނީ ފުރިފައި. އަހަރު ތެރޭ މަސްބޭނޭ މި އަންނަނީ ދެތިން ސީޒަނެއް. އެދުވަސްކޮޅު މަސްވެރިން އުޅެންޖެހޭ ޙާލަކީ ތީ. ކީކޭބުނާނީ ދޯ! ޤައުމު ތަރައްޤީވޭ އެބަ އޮބިނޯންނަވަރަށް
އެމްސް
20 September 2022
ވިކެންއޮންނަ ވަރަށްވުރެ ގިނައިން ތަކެތި އެތެރެކުރެވުނީމަ އެތަކެތި ނުވިކި މުއްދަތުވެސް ހަމަވޭ! ކަންނެލިއޮޑި މަދުކުރަންވެސް ޖެހޭ، މިހާރު ފަޅުވެރިން އެހަމަ ކުރަނީވެސް ބޮންދުން ލައިގެން!
ދަންނަ
20 September 2022
ކޫއްޑޫ ގައި ދޯނިފަހަރު މަސްނުކިރި ތިބެން ޖެހުމަކީ އާކަމެއް ނޫން... ރައީސް ވަކިބަޔަކަށް ދީފަ އޮންނަ ކުންފުންޏެއް ވީމަ،ދައުރު ނިމެން ވާއިރަށް ކުންފުނި ހަވާލުކޮށްފައިވާ ފަރާތްތަކަށް ލިބެންވާނަފާ ލިބި ހަމަޖެހެންދެން.. ތިޔަ ކުއްޑޫ އޮނަނާނީ ކުރިއެރުމެއް ނެތި ތިގޮތުގައި... ކޮލަމާފުށީ ރައުފު އަށް ހަދިޔާކޮށްފައިވާ މިފްކޯ ގެ ކޫއްޑޫ އަށް ލިބޭނެ ތަރައްގީ އެއް މި ސަރުކާރުގައި ނުފެއްނާނެ.. ވ ވ
ކައުޒާ
20 September 2022
އެއްވެސް ސަރުކާރަކުން ނުފެނުނު.
ފޮނިފޮނިޓައްޕު ކުމާރު
20 September 2022
ކޮބާތަ ކަންމަތީ މަސްފެކްޓަރީތައް؟ ކޮބާ ބޮޑުވަޒީރު އަހަންމަދުބެ؟
އޮނަރަބްލް އަފީފު ދީދީ
20 September 2022
ޓްއަރިޒަމް ފަދައިން ފިނިކުރިމަސް އެކްސްޕޯޓް ކުރާ ބޮޑެތި ފަރާތް ތަކުގެ ނުފޫޒުން ސަރުކާރުން ހަދާފައިވާ މަސް އެކްސްޕޯޓް ކުރުމުގެ ޤަވާއިދު ލުއިކޮށްފިނަމަ ސްރީލަންކަން އެއަރލައިންސް މެދުވެރިކޮށް ލަންކާ، ގަލްފުގެ ޤައުމުތަކަށާއި، ރަޝިޔާ އަދި ޗައިނާއަށް މަސް ބޭރުކުރަން ތައްޔާރު އެތައްބަޔަކު ދެކުނުގައި އެބަތިބި. # މިދެންނެވި ޤައުމުތަކަށް މަސް އެތެރެކުރަން ކޮންމެހެން އީޔޫސެޓިފައިޑް ފެކްޓަރީގައި ބަންދުކޮށްފައި ހުންނާކަށް މަޖުބޫރެއްނޫން. މި ފުރުސަތު ދެއްވާ.