ސިވިލް ކޯޓު ހިނގާ ޖަސްޓިސް ބިލްޑިން: ކޯޓުތަކުގައި ނުނިމި ހުރި މައްސަލަތަކުގެ އަދަދު ވެސް މަދު
07 ޖެނުއަރީ 2017 - 11:06
9 comments
މިދިޔަ އަހަރު ކޯޓުތަކަށް ރެކޯޑް އަދަދަކަށް މައްސަލަ ހުށަހެޅި، އަދި އެ އަދަދަށް މައްސަލަތައް ނިންމައިފި އެވެ.
ޑިޕާޓްމަންޓް އޮފް ޖުޑީޝަލް އެޑްމިނިސްޓްރޭޝަން (ޑީޖޭއޭ) އިން އާންމުކުރި ތަފާސްހިސާބުތައް ދައްކާ ގޮތުން މިދިޔަ އަހަރު ކޯޓުތަކަށް 20،100 އަށް ވުރެ ގިނަ މައްސަލަ ހުށަހެޅި އެވެ. މިއީ 2015 ވަނަ އަހަރާ އަޅާބަލާއިރު 13 ޕަސެންޓް އިތުރު އަދަދެކެވެ.
އެ ހިސާބުތައް ދައްކާ ގޮތުން މިދިޔަ އަހަރު ކޯޓުތަކުން ނިންމި މައްސަލަތަކުގެ އަދަދު އުޅެނީ 20،600 ގަ އެވެ. މިއީ 2015 ވަނަ އަހަރު ނިންމި 19،300 މައްސަލައަށް ވުރެ 6.6 ޕަސެންޓް އިތުރު މިންވަރެކެވެ.
ހުށަހެޅި މައްސަލަތަކަށް ވުރެ ގިނަ މައްސަލަ ނިންމާފައިވާތީ މިދިޔަ އަހަރުގެ ކޭސް ކްލިއަރެންސް ރޭޓް ހުރީ 103 ޕަސެންޓްގައި ކަމަށް، ޑީޖޭއޭ އިން ބުނެ އެވެ.
އަހަރު ނިމުނުއިރު ކޯޓުތަކުގައި ނުނިމި ހުރި މައްސަލަތަކުގެ އަދަދު ވެސް 2015 ވަނަ އަހަރަށް ވުރެ މިދިޔަ އަހަރު ވަނީ ދަށްވެފަ އެވެ. އެގޮތުން 2015 ވަނަ އަހަރު ނިމުނުއިރު 7،100 އަށް ވުރެ ގިނަ މައްސަލަ ނުނިމި ހުއްޓަސް މިދިޔަ އަހަރު ނިމުނުއިރު ކޯޓުތަކުގައި ނުނިމި ހުރީ 6،600 މައްސަލަ އެވެ.
އެއް އަހަރަށް ވުރެ ގިނަ ދުވަސް ވެފައިވާ މައްސަލަތަކުގެ ނިސްބަތް މިދިޔަ އަހަރު ވަނީ 27 ޕަސެންޓުން 12 ޕަސެންޓަށް ދަށްވެފަ އެވެ.
އެއް އަހަރަށް ވުރެ ގިނަ ދުވަސް ވެފައިވާ 1،900 އަށް ވުރެ ގިނަ މައްސަލަ، 2015 ނިމުނުއިރު ކޯޓުތަކުގައި ހުއްޓަސް މިދިޔަ އަހަރު ނިމުނުއިރު ހުރީ އޭގެ 798 މައްސަލަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހަސަންފުޅު
08 January 2017
އެކަމަކު މީހުން ބަލައިގަންނަށް ގޮތަކަށް ނޫނެއްނޫން ކަންކަން ނިމި އިންސާފު ލިބެމުންދަނީ.... ހުރިހާ އެންމެންވެސް ކީރިތި ގްރުއާން އަސްލަކަށް ބަލައިގެން އިންސާފުކުރުމަށް ދަންނަވަން....
މީދޫ ކޮސް.
08 January 2017
މެންދުރު ވާންދެން އަވަހާރު ފުޅު ލައްޕަވާފައި މެންދުރު 1 ޖެހުމުން ދިދަ ޖެހި ކާރު ކޮޅުގައި އޮފީހަށް ވަޑާގެން ފައި އިންނަވާ ގޮތަށް ބޭކާރު ބައްދަލުވުން ތަކުގައި ފަތިހު 4.30 ވަންދެކަށް އޮފީހުގައި އިންނަވާފައި ފަތިސް ނަމާދަށް ބަންގި ގޮވުމުން އަރާ އޮށޯއްވެ އަވަހާރަ ފުޅު ލައްޕަވާ ބޭފުޅުން ނަށް ކުރެވޭނީ ކޮން ލަމެއްތޯއެވެ؟ މުޅި މުވައްސަސާ ވަނީ ފޭލިވެ ފަނިވެ،އަވަދި ވެފައެވެ.
ނާގަބާޑި
07 January 2017
ދެން މަށައްކީތަ
މީހާ
07 January 2017
އަދުގެ ރައީސް އެއްމެ އިސްކަން ދެއްވަނީ ދިވެހި ރަށްޔިތުންނަށް އިންސާފު ހޯއްދަވައި ދެއްވުމަށް. ދެވަނަ ދައުރެއް ދެއްވަން ޖެހޭ
ސާރާ އެޗްއާރު
07 January 2017
ދެން ނުވާނެ ޝަރުއީ ދާއިރާއިން އޯޓީ ކަނޑާލީ...ކްރިމިނަލް ކޯޓަށް ވެސް ނުލިބޭ
ޖުނައިދު
07 January 2017
މި ކިޔާލީމަ ހީވަނީ ބަޔަކަށް ކަމެއް ސާބިތު ކޮށްދޭން އުޅޭޙޭން. ނިކަން ސާބިތު ކޮށްދީބަލަ ތީ ޕްރޮފެޝަނަލް މީހުންން ތަކެއް ރިޝްވަތާ ވަކި ފަރާތަކަށް ޖެހުމެއް ނެތި ޕްރޮފެޝަނަލް ކޮށް މަސައްކަތް ކުރާ މީހުން ބަލައި ގަންނަ ޥަރު ތަނެއްކަން. ގްރާފް ތަކެއް ހަދާ މިދިޔަ ޢަހަރާ ބަލާ މިވެނި ޥަރަކަށް މައްސަލަ ނިންމިއޭ ބުންނަސް އަދި ތިފުރިހަމަ ޢެއްނުވޭ. މުސާޜާ ދީފަ ތިބީ ގޮނޑީ ހޫނު ކުރާކަށް ނޫން......
އިރުދަށު
07 January 2017
ބައެއް މައްސަލަ ހުށަހެޅުމާޢި ނިމުމާއި، އިސްތިއުނާފާ އެކު އެކީގައި. އަނެއް ބައި މައްސަލަ ފިނިހަކަ ދުވެލީގައި. އަނެއް ބައި މައްސަލަ ހުށަހެޅުމާއެކު ބާތިލު. އަނެއްކާ ހުށަހެޅުން. އަނެއްކާ ބާތިލު. ބައެއް މައްސަލަ ރޭގަނޑު ދަންވަރު. ބައެއް މައްސަލަތައް އަޑު އެހުމަކަމަށް ނުކިޔާތާ އަހަރެއްވަނީ. ބައެއް މައްސަލަތައް އެެއްގޮތަކަށްވެސް ގުޑާނުލާ. މައްސަލަތައް ނިންމަނީ އެއްވެސް ހަމައެއް ލަމަ އެއްނެތި. މިވެސް ރިކޯޑު ނޫންތަ؟
ފެނޭތޭ
07 January 2017
ރާއްޖޭގެ ތާރީޚް ގައިވެސް ޖުޑިޝަލް ސާރވިސެސް ގެ ޚިދްމަތް ހޯދުމަށް ޓަކައި ފުރަތަމަ ވެސް ރިކޯރޑް މިންގަނޑަށް މައްސަލަ ތައް ބަލާ އަދި ރިކޯރޑް މިންގަޑަށް މިގެންދިޔައީ އެއީ މަމެންގެ ބިއުޓިފުލް އެން އޯސަމް އެން ފްލޯލެސް ސަރުކާރުގައި އެކަނި އެވެ. އެމެންގެ ޑޮލަރު އަގު ބޮޑު ކުރި ތިން އަހަރު ދުވަހުގެ ވެރިކަމުގައި މިފަދަ އުފާވެރި ޚަބަރު ތައް އަޑު އިވިގެން ނުދޭ ދޯ.
ކޯޓު
07 January 2017
ނިމިފައި ތިހުރީ ވަކި ބައެއް ހުށަހެޅި މައްސަލަތައް ނޫންބާ؟