ޗައިނާގެ އިންވެސްޓްމަންޓާ ދެކޮޅަށް ހަމްބަންޓޯޓާގައި މުޒާހަރާ ކުރަނީ. --ފޮޓޯ:އޭޕީ
08 ޖެނުއަރީ 2017 - 07:41
7 comments
ކޮލަމްބޯ (ޖެނުއަރީ 8) - ލަންކާގައި ޗައިނާ އިން ބަނދަރެއް ހަދާ އިންޓަސްޓްރިއަލް ޒޯނެއް ހެދުމާ ދެކޮޅަށް ކުރި މުޒާހަރާތަކެއްގައި ވަރަށް ގިނަ މީހުންނަށް އަނިޔާ ލިބިއްޖެ އެވެ.
މުޒާހަރާކޮށްފައި ވަނީ ވެރިރަށް ކޮލަމްބޯގެ އިރު ދެކުނުން 150 މޭލު ދުރުގައި އޮންނަ ހަމްބަންޓޯޓާ ބަނދަރު ސަރަހައްދުގެ އަވަށްތަކުގެ މީހުން އެ ހިސާބުން ނެރެލެފާނެ ކަމަށެވެ. އަވަށްތަކުގެ މީހުން ބުނީ އެ ސަރަހައްދު މިހާރު ޗައިނާގެ ކޮލޮނީއަކަށް ވެއްޖެ ކަމަށެވެ.
ލަންކާ ސަރުކާރުން މިހާރު ނިންމާފައި ވަނީ ހަމްބަންޓޯޓާ ބަނދަރު ޗައިނާ ކުންފުންޏަކަށް 99 އަހަރަށް ދިނުމަށެވެ. އަދި އެ ސަރަހައްދުގައި އިންޑަސްޓްރިއަލް ޒޯނެއް ގާއިމްކޮށް ޗައިނާގެ ކުންފުނިތަކުން ފެކްޓަރީ ގާއިމްކުރަން ދައުވަތު ދޭން ވަނީ ނިންމައިފަ އެވެ. ސަރުކާރުން ބުނެފައި ވަނީ އެ ސަރަހައްދު ތަރައްގީ ކުރާއިރު އެ ތަނުން ބަދަލު ކުރާ މީހުންނަށް އަލުން ބިން ދޭނެ ކަމަށެވެ.
ހަމްބަންޓޯޓާ ބަނދަރުގެ މައްސަލާގައި ހަމަނުޖެހުންތައް ބޮޑުވުމުން ވަނީ ބޮޑު ވަޒީރު ރަނިލް ވިކްރަމަސިންހާ ބައިވެރިވެވަޑައިގަންނަވަން އޮތް ރަސްމިއްޔާތެއް ވެސް ފަސްކޮށްފަ އެވެ. ހަމަނުޖެހުން ހިންގި މީހުން ދުރުކުރަން ފުލުހުން ވަނީ ކަރުނަ ގޭސް ވެސް ބޭނުންކޮށްފަ އެވެ.
ހަމްބަންޓޯޓާ ބަނދަރުގެ އިތުރުން ޗައިނާ އިން ދަނީ ލަންކާގައި އިންފްރާސްޓްރަކްޗާ ބޮޑެތި އިންވެސްޓްމަންޓްތައް ކުރަމުންނެވެ. ލަންކާ ހަނގުރާމަ 2009 ވަނަ އަހަރު ނިމުނު ފަހުން އެ ގައުމުގެ ތަރައްގީ އަށް ޗައިނާ އިން ވަނީ މިލިއަން ޑޮލަރުން އިންވެސްޓްކޮށްފަ އެވެ.
ލަންކާގައި ކަނޑު ހިއްކައިގެން ޕޯޓް ސިޓީއެއް ގާއިމް ކުރުމަށް ވެސް ޗައިނާއާ ވަނީ ހަވާލުކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޞިރޭނޑިސް
08 January 2017
އިންޑިޔާ މީހުން އަތްގަދަކުރީމާ އަދި މާ ދެރަވާނެ!
އާމިނަތު އަލީ
08 January 2017
ބަލަ މި ރާއްޖެ މީހުންނަކަށް ނޭގޭނެ އެހާ ވަރުވެސް.. ޗައިނާ މީހުންނަކީ އަބަދުވެސް ދެކުނު އޭޝިޔާގެ ގައުމުތަކަށް އަތްގަދަ ކުރަން އުޅޭ މީހުން...
އަލީ
08 January 2017
ޗައިނާއިން ހަޤީގަތުގަވެސް ކުރަމުންދާ މަސައްކަތަކީ ފައިސާގެ ނުފޫޒު ބޭނުންކޮއްގެން ތަރައްގީގެނަމުގަ ކުދި ޤައުމުތައް އަޅުވެތިކޮއްލުމައް ކުރަމުންގެންދާ ހީލަތްތެރިމަސައްކަތް ތަކެއް.މީވަރައްނުރައްކާ ތެރި ކަމެއް.
ޝުންގް
08 January 2017
ތީގެ އަޑީގައިވެސް އިންޑިޔާގެ އަތެއް އޮންނާނެ.
ށަނަސަ
08 January 2017
ރާއްޖެއަށްވެސް ދިމާވާނީ ހަމަ މިގޮތަށް.
އަހުމަދު
08 January 2017
ނުވާނެ، ލޮލް
ދޮންދީނި
08 January 2017
ހަމަ ޔަޤީން...ދެރަކަމަކީ ފައިސާ އާއި އަވަލައިފައި ތިބި ބަޔަކަށް އެކަން ނުވިސްނޭކަން.....އެފަދަ ދުވަހަކުންވެސް މޮޅުގޮތް އޮތީ އެމީހުންނަށް ލާރިކޮޅު ހިފައިގެން ބޭރުގައުމެއްގައި ވެސް އުޅެވޭނެތާ!