ރާއްޖޭގައި މިވަގުތު ހިންގާ ހަމައެކަނި ވެޓް ހޮސްޕިޓަލް "އޮއޭސިސް": އެތަނުން ފަރުވާ ހޯދި ބުޅާތަކެއް މަރުވި މައްސަލަ އަންނަނީ ބަލަމުން -- ފޮޓޯ: ފަޔާޒް މޫސާ | މިހާރު
04 އޮކްޓޯބަރ 2022 - 14:07
35 comments
ނުވިހާ އޮޕަރޭޝަން ކުރަން ދާދިފަހުން ގެންދިޔަ ބައެއް ބުޅާތައް މަރުވުމަކީ ވަރަށް ދެރަކޮށް ދިމާވި ކަމެއް ކަމަށާއި، އެ ބުޅާތައް މަރުވާން މެދުވެރި ސަބަބު މިހާރު ބަލަމުން އަންނަ ކަމަށް އޮއޭސިސް ވެޓް ހޮސްޕިޓަލުން މިއަދު ބުނެފި އެވެ.
އެ ބުޅާތައް މަރުވުމުގައި އެ ހޮސްޕިޓަލުގެ އިހުމާލެއް އޮތް ކަމަށް މިހާތަނަށް ބެލި ބެލުމުން ފާހަގަކުރެވިފައި ނުވާ ކަމަށް ވެސް އެ ހޮސްޕިޓަލުން ބުންޏެވެ.
އޮއޭސިސް ވެޓް ހޮސްޕިޓަލުގެ އޮފިޝަލަކު "މިހާރު" އަށް ވިދާޅުވި ގޮތުގައި މީގެ އަހަރެއްހާ ދުވަސްކުރިން ހުޅުވި އެ ހޮސްޕިޓަލުން ނިއުޓަރިން/ސްޕޭއިން (ބުޅަލުގެ ނުވިހާ އޮޕަރޭޝަން)ގެ ހިދުމަތް ދެމުން އަންނަތާ މިހާރު ނުވަ މަސް ވެއްޖެ އެވެ.
"ނަމަވެސް މި ފާއިތުވި ދުވަސްތަކުގެ ތެރޭގައި މިފަހުން މި ހިނގި ކަންތައް ފިޔަވައި ނިއުޓަރިން ސާޖަރީއެއްކޮށްގެން އެ ކަހަލަ ފޭޓަލް އިންސިޑެންޓެއް ހިންގައިފައެއް ނެތް،" އޮފިޝަލް ވިދާޅުވި އެވެ.
"އަޅުގަނޑުމެން މިހާތަނަށް ބެލި ބެލުމުން މިކަމުގައި ހޮސްޕިޓަލުގެ އިހުމާލެއް އޮތް ކަމަކަށް ފާހަގައެއް ނުކުރެވޭ. އެކަމަކު ވެސް އެކަން އިތުރަށް ޔަގީންކުރުމުގެ ގޮތުން ސާމްޕަލްތަކެއް ރާއްޖެއިން ބޭރަށް ފޮނުވައިގެން އެ ބުޅާތައް މަރުވާން މެދުވެރިވި ސަބަބުން ދެނެގަތުމުގެ މަސައްކަތް ވެސް އަޅުގަނޑުމެން މިހާރު ވަނީ ފަށައިފައި."
އޭނާ ވިދާޅުވީ އެ ހޮސްޕިޓަލަށް އޮޕަރޭޝަން ކުރަން ގެންދިޔަ ބައެއް ބުޅާތަކުގެ މެދުގައި އިންފެކްޝަނެއް ފެތުރޭކަން ފާހަގަކުރެވިގެން، މިދިޔަ މަހު 27 އިން ފެށިގެން ސާޖަރީތައް ވެސް ހުއްޓާލާފައިވާ ކަމަށެވެ. އެ ހޮސްޕިޓަލުން މިފަހުން ފަރުވާ ހޯދި ބުޅާތަކުގެ ތެރެއިން ފަސް ބުޅަލެއް ހާލު ދެރަވެގެން މަރުވި ކަމަށް އެތަނުން ބުންޏެވެ.
އޮޅުކޮށްގެން ގެންގުޅޭ ޖަނަވާރުތަކަށް ފަރުވާދިނުމަށް ރާއްޖޭގައި ހިންގާ ހަމައެކަނި ވެޓް ހޮސްޕިޓަލުން އޮޕަރޭޝަން ކުރި ބައެއް ބުޅާތަކަށް ބައްޔެއް ޖެހި، މަރުވާ މައްސަލަ ބޮޑުވި ކަމަށް ބުނެ އެތަނުގެ ބައެއް ކަސްޓަމަރުން ސޯޝަލް މީޑިއާގައި ކާންބޮޑުވުން ފާޅުކުރި އެވެ.
ތަނުގެ މުވައްޒަފުންނާއި ވެރިންގެ އާއިލާތަކަށް އިންޒާރުދެނީ
ބުޅާތައް މަރުވުމުގެ ހާދިސާ ހިނގީ ވަރަށް ހިތާމަވެރިކޮށް ކަމަށާއި އެކަމުގެ ސަބަބުން އެ ހޮސްޕިޓަލުގައި މަސައްކަތްކުރާ ސްޓާފުންނާއި އެތަނުގެ ވެރިންގެ އާއިލާތަކަށް ގުޅައި، މެސެޖުކޮށް އަދި ސޯޝަލް މީޑިއާ ޕޯސްޓުތަކުގެ އިންޒާރުދެމުން ދާތީ ކަންބޮޑުވާ ކަމަށް އޮފިޝަލް ވިދާޅުވި އެވެ.
"އެއްވެސް ފަރާތަކުން ނެތް އަޅުގަނޑުމެންނަށް ރަސްމީކޮށް މައްސަލައެއް ހުށަހަޅައިފައެއް ވެސް. ސޯޝަލް މީޑިއާގައި ތަނުގެ ވެރިންނާއި ވެރިންގެ އާއިލާގެ މީހުންގެ ފޮޓޯ ޖަހައިގެން އިންޒާރުދީފައި އެބަހުރި. އެއީ ވަރަށް ދެރަކޮށް ހިނގާ ކަމެއް،" އޭނާ ވިދާޅުވި އެވެ.
ރާއްޖޭގައި ހިންގާ ހަމައެކަނި ވެޓް ހޮސްޕިޓަލުގެ ހައިސިއްޔަތުން އެތަން ހިންގަމުން އަންނަނީ ވަރަށް ބައިވަރު ލިމިޓޭޝަންތަކާ އެކުގައި ކަމަށް ވިޔަސް، ކަސްޓަމަރުންނަށް ފެންވަރު ރަނގަޅު ހިދުމަތެއް ދިނުމުގެ މަސައްކަތް އަބަދުވެސް ކުރަމުން އަންނަ ކަމަށް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އެލެކްސާ
05 October 2022
ކޮބާ ބުޅަލުގެ ހައްގު؟ ހަމަ އޭތި ގެންގުޅޭ މީހާ ބޭނުންވީމަ ނުވިހާ ގޮތަށް ހަދަންވީ؟ މިކަން ހުއްޓުވެން އެބަޖެހޭ. މިކަމަށް ގާނޫނެއް ބޭނުންވާ ނަމަ އަވަހަށް ފާސް ކުރަން މަސައްކަތް ކުރަން މަޖިލިސް ބޭބެ އަށް ގޮވާލަން އަދި މިފަދަ އޮޕަރޭޝަން ކޮށްދޭ ހޮސްޕިޓާތަކުގެ ހުއްދަ ބާތިލް ކުރަންވީ.
ހުސެން
05 October 2022
ބުޅާތައް މަރުވުމަކީ ވެޓް ހޮސްޕިޓަލުގެ އިހުމާލުއޮތް ކަމެއްކަން ސާފުކޮށް އެބަ ހާމަވޭ ދައްކާ ވާހަކައިން "އޮޕަރޭޝަންކުރި ބުޅާތަކުގެ މެދުގައި އިންފެކުޝަނެއް ފެތުރެނީކަމަށް އަމިއްލަޔަށް އެބަ އެއްބަސްވޭ" އޮޕަރޭޝަން ނުކުރާ ބުޅާތައްވެސް މާލޭގައި އެބައުޅޭ ކީއްވެ ތިޔަހެން ހާލުދެރަވެގެން މަރުނުވަނީ؟؟ މާނައަކީ އޮޕަރޭޝަން ކުރުމުގެ ތެރޭގައި ފެތުރުނު ބައްޔެކޭ ނުވަތަ އިންފެކުޝަނެކޭ، އަމިއްލަ އިހުމާލުން ހިނގާ މިފަދަންކަންކަން އަމިއްލަޔަށް ކޮން ތަހުގީގެއްކުރެވޭނީ؟
އަންގާރަ
05 October 2022
ބުޅާ އޮވެފައި ގޮވާލިޔޭ ތުޅާގިރިޔާ ހަމަވެއްޖޭ އުޅާލިގޯނި ހުސްވެއްޖޭ ބުޅަލާއި އިންސާނުން ހަމަހަމައެއް ނުވާނެ. މާތްﷲ ހެއްދެވި މަޚްލޫޤުންގެ ތެރެއިން އެންމެ ރިވެތި ސޫރާގައި ހެއްދެވި އެންމެ މާތް މަޚްލޫޤަކީ އިންސާނާ. ދުނިޔޭގައިވާ ހުރިހާ އެއްޗެއް އުފެއްދެވީ އިންސާނާއަށްޓަކައި. މިއީ ޤުރުއާނާއި ސުންނަތުން ސާބިތުވާކަމެއް. މާތްﷲ ފުރާނައެޅުއްވި އެއްވެސް އެއްޗަކަށް ގޯނާކުރުމެއްނެތް. އެއަށްވެސް އޯގާތެރިވެ އަޅާލައިފިނަމަ މާތްﷲ ހެޔޮ ދަރުމަ ދެއްވާނެ.
ސަންޕަދަރި
05 October 2022
ކުއްލިމައްސަލައެއްގެ ގޮތުގަ މަޖލިސްއަށް ވައްދަން ފެނޭ... އާޒިމު މިކަމާ ނޫޅެންތަ?
ޒުއިރު
05 October 2022
ބައެއް މީހުނަށް މިކަން މި ވަނީ ޖޯކަކަށް. އިސްލާމީ ޙަޟާރަތުގެ މައި ރަށްތަކުގައި ޖަނަވާރުންނަށް ވަރަށް ބޮޑު އަހައްމިއްޔަތެއް ދެވުނު.
ހުސެން
05 October 2022
އިސްލާމުންނޭ ކިޔަސް އިސްލާމުން އުޅޭގޮތައް އުޅޭބަޔަކު މިތަނުގައި އެބައުޅޭބާ، ސަރުކާރުގެ އެންމެ އިސްވެރިންނާ މަޖިލީހާ ކޯޓުތަކާ ނުވިތާކަށް ދީނީޢިލްމުވެރިންނޭ ،މިކިޔާމީހުނަށް ބެލިޔަސް ފެންނަނީ ކޮރަޕުޝަނާ ދޮގާއި މަކަރާ ފަސާދަ
ކްލޯޒް އޮއޭސިސް
05 October 2022
ކުރިން ކަމެއްވެފަ ނެތޭ؟ މަގޭ ބުޅަލެއް ސާޖަރީ ހަދާފަ މަރާލި ހަމަ ތި 9 މަސް ތެރޭ!!!!!!! އިހުމާލެއް ނެތޯ އެކަމު ސޮރީ ބުނި.
ބަރުބާދު
05 October 2022
އެވިދާޅުވީ ވަރައްބޮޑު ތެދުފުޅެއް އެކަމުގަ ބުޅަލުގެ އެއްވެސް އިހުމާލެއްނެތް.!!!!
ބުޅި
04 October 2022
އެއްގޮތަކަށްވެސް ބަލާނެކަމެއް. ބުޅަލުގެ އުދަގޫ މާބޮޑުވެއްޖެ. ބޮޑު ބަލިމަޑުކަމެއް ފެތުރުމުގެ ކުރިން ބުޅޭ ނަންތާލުމުގެ ގައުމީ ކެމްޕޭނެއް ހިންގަންޖެހެއެވެ.
ހަރީރާ
05 October 2022
އަނިޔާ ނުކޮށް ކުރާކަމެއް ކުރޭ. އަނިޔާ ކުރުމެއް ނުވޭ.
ސޭކުސްތާން
04 October 2022
އަހަރެން ވަރަށް ޝުކުރުވެރިވަން މިގޭގަ ގެންގުޅޭ ބުޅާ ވަރަށް ބަލިވެގެން އެސޮރުގެ ފުރާނަ ސަލާމަތްވީ އެފަހަރު ތިޔާ ހޮސްޕިޓަލުން ފަރުވާދީގެން. އެކަމަކުވެސް މީ ބަލަންޖެހޭ ކަމެއް.
ސިޔާނާ
04 October 2022
މަރުގެ މައްސަލައެއް ގޮތަށް މިބުޅާތަކުގެ މައްސަލަ ފުލުހުން ބަލަން ފެނޭ. މަރުވި ބުޅާތަކުގެ ޕޯސްޓް މޯޓަމްއެއް ވެސް ނަހަދާތަ ބުޅާތައް ވަޅުލީ؟ މިބުޅާތައް ތިޔަބުނާ ހޮސްޕިޓަލަކަށް ގެންގޮސް ނުވިހާ އޮޕަރޭޝަން ކުރުވި ބުޅަލުގެ ވެރީންގެ މައްސަލަވެސް ބަލަންޖެހޭ... ބުޅަލުގެ އިއުތިރާޒެއް ނެތި ކުރި އޮޕަރޭޝަނެއް ކަންް ބުޅަލުގެ ވެރީންނަށް ސާބިތުކޮށް ނުދެވޭނަމަ އެމީހުންގެ މައްޗައް ތަހުގީގު ހިންގާ ދައުވާ ކަުރަން ވާނެ ކަމަށް ފެނޭ..
ހުސެން
05 October 2022
ބުޅާ ގެންގުޅުނު މީހުނާއިމެދު މިކަމުިގައި ފިޔަވަޅެއް ނޭޅޭނެ، ބުޅަލަކީ ވާހަކަދައްކާ އެއްޗެއްނޫންކަން އެނގޭތޯ؟ ގެންގުޅެ ކާންބޯންދީ ނިދާނެތަންދީ ހަދާމީހަކަށް އޭތި ނުވިހާގޮތް ހެދުމުގެ އިޚުތިޔާރު ލިބިގެންވޭ، މިއީ ދުނިޔޭގެ ހުރިހާތާކު ހުރިހާޒަމާނަކުވެސް މިކަން ހިނގަމުން އަންނަގޮތް، ބުޅާގެންގުޅޭ މީހުން އޭތި ނުވިހާ އޮޕަރޭޝަންވެސް ކުރަނީ ލޯބިން، އެއީ ބުޅަލުގެ ދަރިންތައް އުކާނުލެވޭނެތީ އަދި ވިހާ ހުރިހާ ބުޅާ ނުގެންގުޅެވޭނެތީ، ކޮމަންސެންސުދޯ!