05 އޮކްޓޯބަރ 2022 - 08:59
14 comments
އީރާންގެ ސަރުކާރާ ދެކޮޅަށް މީގެ ވިއްސަކަށް ދުވަސް ކުރިން އެ ގައުމުގެ އެކި ކަންކޮޅުތަކުގައި ފަށައިގެން ކުރިއަށްދާ ސިލްސިލާ މުޒާހަރާތައް އިތުރަށް ވަރުގަދަވަމުން ދަނިކޮށް، ގައުމީ އެއްބައިވަންތަކަން ގާއިމުކުރުމުގައި އެ ގައުމުގެ ރައީސް އިބްރާހީމް ރައީސީ އިއްޔެ ގޮވާލައްވައިފި އެވެ.
އދ.ގެ 77 ވަނަ އާންމު މަޖިލީހުގައި ދެއްވި ތަގުރީރުގައި ރައީސީ ވިދާޅުވީ އޭނާގެ ގައުމުގައި "ބަލިފައިތަކާއި އުނި ކަންތައް" އެބަހުރި ކަމަށެވެ. ނަމަވެސް، މިހާރު އުފެދިފައިވާ ހަމަނުޖެހުންތަކުގެ އަސްލު ކަމަށްވާ މަހްސާ އަމީނީގެ މަރަކީ، އީރާނުގެ ދުޝްމަނުން ދުރާލައި ރާވައިގެން ހިންގި ކަމެއް ކަމަށް އޭނާ ތުހުމަތު ކުރެއްވި އެވެ.
އީރާންގެ އާންމުން މުޒާހަރާ ކުރަން ފެށީ، ސަރުކާރުގެ މިންގަނޑާ ޚިލާފަށް ބުރުގާ އަޅައިގެން އުޅެނިކޮށް މިދިޔަ ސެޕްޓެމްބަރު މަހުގެ 13 ވަނަ ދުވަހު ހައްޔަރުކުރި، މަހްސާ (ޒީނީ) އަމީނީ، 22، ފުލުހުންގެ ބެލުމުގެ ދަށަށް ގެންގޮސް ކުރި އަނިޔާތަކުގެ ސަބަބުން މަރުވުމާ ގުޅިގެންނެވެ. އޭނާ މަރުވީ، ފުލުހުންގެ އަނިޔާތަކުން އޭނާގެ ސިކުޑިއަށާއި އެތެރެ ހަށްޓަށް ލިބުނު ގެއްލުންތަކަށް ހޮސްޕިޓަލުގައި ފަރުވާ ދެމުން އަންނަނިކޮށް، ސެޕްޓެމްބަރު މަހުގެ 16 ވަނަ ދުވަހު އެވެ.
"މިއަދު ގައުމުގެ އަޒުމް އަމާޒު ހިފާފައިވަނީ ރައްޔިތުންގެ މައްސަލަތައް ކުޑަކުރުމުގައި އެންމެން އެއްބާރުލުމަށް. އެއްބައިވަންތަކަމާއި ގައުމީ ނަޒާހަތްތެރިކަމަކީ އަޅުގަނޑުމެންގެ ދުޝްމަނުން ކުރަމުންދާ އުއްމީދުތައް ވިއްސިވިހާލި ކޮށްލުމަށްޓަކައި ކޮންމެހެން ބޭނުންވާ ކަންތައްތަކެއް،" ރައީސީ ވިދާޅުވި އެވެ.
އީރާންގައި މިހާރު ހިނގަމުންދާ މުޒާހަރާތައް ހުއްޓުވުމަށް އީރާން ސަރުކާރުން އަޅަމުންދާ ހަރުކަށި ފިޔަވަޅުތަކާ ބެހޭ ގޮތުން، އެމެރިކާގެ ރައީސް ޖޯ ބައިޑެން މިފަހުން ދެއްވި އިންޒާރުތަކަށް ވެސް ރައީސީ އިއްޔެގެ ތަގުރީރުގައި ރައްދު ދެއްވި އެވެ. ބައިޑެން ދާދި ފަހުން ވިދާޅުވެފައިވަނީ، މުޒާހަރާތަކާ ދެކޮޅަށް އީރާން ސަރުކާރުން އަމަލުކުރަމުން ދާ ގޮތުގެ ސަބަބުން، އެ ގައުމާ ދެކޮޅަށް އިތުރު ފިޔަވަޅުތައް އެޅުމަށް ވިސްނަމުންދާ ކަމަށެވެ.
އެ ވާހަކަތަކަށް ރައްދު ދެއްވަމުން ރައީސީ ވިދާޅުވީ އިންސާނީ ހައްގުތަކާ ބެހޭ ގޮތުން އެމެރިކާ ގެންގުޅެނީ ވަރަށް މުނާފިގު ސިޔާސަތެއް ކަމަށެވެ.
"އެހެން ގައުމުތަކުގެ އިންސާނީ ހައްގުތަކާ ބެހޭ ގޮތުން ފާޑުފާޑުގެ ވާހަކަތައް ދެއްކުމުގެ ކުރިން، ތިމާގެ އަމިއްލަ ގައުމުގައި އިންސާނީ ހައްގުތަކުގެ ރެކޯޑް އޮތް ގޮތާ މެދު، ޖޯ ބައިޑެން ކުޑަކޮށް ވިސްނާލުން ރަނގަޅުވާނެ."
ރައީސް އިބްރާހީމް ރައީސީ މި މޭރުމުން ވާހަކަ ދެއްކެވި އިރު، އީރާންގެ ރޫހާނީ ލީޑަރު އާޔަތުﷲ އަލީ ޚާމަނާއީ، މިދިޔަ ހޯމަ ދުވަހު ވަނީ، އެމެރިކާ އާއި އިޒްރޭލަށް ވެސް ބަހުގެ ވަރުގަދަ ހަމަލާތަކެއް ދެއްވައިފަ އެވެ. އޭނާ ވިދާޅުވި ގޮތުގައި އީރާން ސަރުކާރާ ދެކޮޅަށް އެ ގައުމުގެ އެކި ސަރަހައްދުތަކުގައި މިހާރު ކުރަމުންދާ މުޒާހަރާތަކަކީ، އެމެރިކާ އާއި އިޒްރޭލު އަޑީގައި އޮވެގެން ބަޔަކު ލައްވައި ދުރާލައި ރާވައިގެން ހިންގާ ހަރަކާތްތަކެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސަލީމު އިދުރީސް
07 October 2022
ޖުހާ ނަމުގަ ކޮމެއްޓު ކުރި ފަރާތައް ދަންނަވަން އަބަދު ދޮންމީހުނޭ ކިއާއިރު، ތިބޭފުޅުން ގަބޫލުކުރޭ ދޮންމީހުން ރޮކެޓުހަދާ ސެޓުލައިޓު އަރުވާ ޓީވީއާ ފޯނާ ޜެޑިޢޯޢަ އޭޓިއެމުން ފައިސާ ނެގޭގޮތާ މިހުރިހާ އެއްޗެތި އުފެއްދީ އަރަމެންގެ ފޮތައް ވަގަނގައިގެން އެބަލައިގޭނޭ ބަޔަކު ބުނީމަވެސް! އެކަމަކު އެއީ ބަޔަކު ޖާހީލުކަމުގެ ލަދުން ކަމުން ސަލާމަތް ވާންހަދައިގެންއުޅޭ ބޮޑު ބުހުތާ ދޮގެއްކަން ބުއްދީގެ ހެކިތަކުނާ އިލުމީ ހެކިތަކުން ވަރައް ސާފުކޮއް ފެންނަން އެބައޮތް!
ބުއްރާސް ކުކުޅު
07 October 2022
ސަލީމުބޭ މުސްލިމު ޢިލްމުވެރިން ބުރަ މަސައްކަތް ކޮށްގެން ހޯދި ގިނަގުނަ ޢިލްމީ ތަޖުރިބާތަކެއް ލިޔުއްވާފަވާ އެތަށް ސަތޭކަ ފޮތްތަކެއް ޔޫރަޕް މީހުން ވަގަށް ނެގި ވާހަކައަކީ ހިނގިކަމެއް..އޭގެ ހެކި ޔޫރަޕްގެ ގައުމުތަކުގަ ހުރި އެކިއެކި ލައިބްރަރީތަކުން ފެންނާނެ..އަމިއްލައަށް ގޮސް ބަލާލަބަލަ..މީ އަހަރެމެން ހަދައިގެން ދައްކާ ވާހަކައެއް ނޫންކަން އެނގޭނެ..އަހަރެން އެދެނީ ކޮންމެވެސް ދުވަހަކުން ކޮންމެވެސް ގޮތަކަށް މިހަޤީޤަތް ސަލީމްބެއަށް ހާމަވުން..
ސަލީމު އިދުރީސް
08 October 2022
ދެއްތި ކޮންދާއިރާއެއްގެ ފޮތްތަކެއްތޯ ވަގަންނެގީ؟ ތި އިލުމުވެރިންގެ ނައްތަކާ އުޅުތާރީހެއްވެސް ނޭގޭތޯ!ހުޅަނގުން ކޮންމެވެސް ގޮތަކުން ހޯދައިގެން އެހެން ގަމުތަކުގެ ތަރިކަ ދާރުލް އާސާރުތަކުގަ ބަހައްޓާފަ ހުންނަކަން ދޮގުނުރަން!އެމަކު އެމިހުނަން ޒަމާނީ އިލުމުލިބޫނީ މުސްމުންގެ ފޮތްތައް ވަގަންގައިގެން ކަމައް ބުނެފިޔާ އެވާނީ ބުހުތާނެއްގެ އިތުރުން ބޮޑުޖޯކަކައް! ޔޫރަޕްގެ ގައުމުތަކުގަ ހުރި އެކިއެކި ލައިބްރަރީތައް ބެލުމަކީ ސަލީމުބެޔައް ދަތި ކަމެއްނޫން!
ސަލީމު އިދުރީސީގެ ކާފަ
11 October 2022
ސަލީމް އިދުރީސީއަކީގެ ޖާހިލުކަމާއިމެދު ލަދުގަންނަން. ތީކީ ތި ނޫންމީހަކު ބުނާއެއްޗެއްނޫން! އެއްވެސް އެއްޗރެއް ހަދާނެ ގޮތް ފޮތެއްގަ ނޯންނާނެ، ފޮތުގަ ހުންނަނީ، މިންގަނޑުތަކާއި، ދަރަޖަތަކާއި، އެބުނާމިންވަރަށް ހެދޭ އެކްސްޕެރިމެންޓަކުން ނިކުމެދާނެކަމަށް އަންދާޒާކުރާ ނަތީޖާތަކެއް! މަސައްކަތްކުރާމީހެއްގެ ކުޅަދާނަކަން އެއީ؟ ސުވާލަކީ، އޭނާއަށް އެ ކުޅަދާނަކަން ދިނީ ކާކުހޭ؟ އެއީ ﷲ ސުބުޙަނަހޫ ކަމަށްވީހިނދު އެކަން ތީނާ އެބަ ޤަބޫލުކުރަންތޯ؟
ސަލީމު އިދުރީސް
11 October 2022
ބަލަ ކާފާ ތިކަމާ ދެބަސް ނުވަމޭނޫންތޯ އަޅުގަނޑު ބުނީ ބަޔޮލޮޖީ ނުވަތަ ފިޒިކަކީވެސް އިލުމޭ އެގޮތުން ކޮންއިމެއް ހުރި ފޮތްތަކެއްހޭ ވަގަންގައިގެން އުޅެނީ! ހުޅަނގުމީހުން ކުރިޔައް ދިއައީ މުސްލިމުންގެ ފޮއްތަކެއް ވަގަން ނައިގަމައް ބަހުސް ކުރަންޏާ ލަދުގަނައް ޖެހޭނީ! ފުރަތަމަ ހޯދަބަލަ އަރަބިން މިހާ ދަށައް ސޮއްސާލި ސަބަބު އަޅުގަނޑައްއެގޭ! އަރަބިންނަކީވެސް ވަރައް ކުރީގަ މޮޅުބަޔެއް ކަމުގަ ބެލޭވޭ ކައިރި މިސުރުފަދަ ތަންނުގެ ތާރީހައް ބެލީމަ
ސަލީމު އިދުރީސް
06 October 2022
ތަރައްގީ ކުރެވޭނީ ތައްގީގެ ވިސްނުން ހުރިބަޔެއް! ވަރައް ކުރިން ތިހިސާބުގަނޑު އަންހެނުން ނަކީވެސް ވަރައް ހިއްވަރުގަދަ ހަނގުރާމަތަކުގަ ބައިވެރިވެ ދިދަ ހިފައްޓާ ވަރައް ޖޯސްހުރި ބަޔެއްކަން ތާރީހުން އެނގޭ! އެކަމަކު ތިހިސާބު އަންހެނުން އިގުތިސޯދީ އިޖުތިމާއީ ކަމެއް ނުކުރެވޭ ތައުލީމުވެސް ހާސިލު ނުކުރެވޭތާ އެކަނި ހިގާނޫޅެވޭވަރު ނިކަމެތި ބަޔަކައްވެ ހެދުން އެޅޭގޮތުން ފުރާނަޔައް ނުރައްވާ ވަރު ބަޔަކައް ވީކޮން އިރަކު ކަމެއްނޭގެ!
ރަންކޮޅާ
06 October 2022
އިދުރީސް ރަންކޮޅާ 1979ގެ ރިވޮލިއުޟަން އައުމުގެ ކުރިން މިނިވަންކަމޭ ބުނާއިރު ކުރުއެއްޗެހިލިޔުމާ ހުޅަނގުގެ ސަގާފަތްއޮތީ 1979ފަހު ރޫހުﷲޙުމައިނީ ބުރުގާއެޅުން ލާޒިމުކުރީ އެހެނޭކިޔާފައި އަންހެނުންގެ ހައްގުތަކަށް ނާރާ ފުރިހަމަ މިނިވަންކަން އެރައްޔިތުންނަށް ލިބިފައިވޭ ތާލިބާނުން ގޮތައް އަންހެނުން ކިޔެވުމުން މަހްރޫމްކޮށް ގޭގެބައިންދާ ވަޒީފާ ދިޔުން މަނާ ކޮށް ނަހަދާ އީރާނުގައި.ބަލާބަލަ ވަރުގަދަ ފިޔަވަޅުތަކުގެ މަތީގައިއޮވެ އީރާން ހޯދައިފައިވާ ކުރިއެރުންތައް
ޖުހާ.
06 October 2022
ވައްހާބިޒަމް އިސްލާމީ ދުނިޔެއަށް ފެތުރުމާ ގުޅިގެން އެމީހުން މުސްލިމުން ކާފަރުކޮށް އަންހެނުން އަޅުވެތިކޮށް ވަލީވެރިންގެ ހައްގުތަކަށް އަރައިގަތީ، އެކަން ކުރުވީ ސަލީމް އިދުރީސް ތިއަ ތާއީދުކުރާ ޔޫރަޕުގެ ދޮންމީހުން އަޑީގަ ތިބެގެން.
ބީރުބޮލު ވަޒީރު.
05 October 2022
އީރާނުގެ ރައްޔިތުންނަށް ހެއުވިސްނުން ދެއްވާށި. ޢިރާގަށް އެމެރިކާ ގެނެސްދިން އަދި ލީބިޔާއާއި އަފްގާނިސްތާނަށް އެމެރިކާ ގެނެސްދިން ތަރައްގީ މިހާރުވެސް އެއޮތީ ފެންނަށް. މިތާއުޅޭ ސަލީމު އިދުރީސާއި ލެއްގި ކޮމިސަނަރާއި ދެމީހުނަށް އެތަންތަން ނުފެނުނަސް ދެލޯ ސަލާމަތުންހުރި ކޮންމެ މީހަކަށް އެގައުމުތަކަށް އެމެރިކާ ގެނެސްދިން ތަރައްގީ ފެންނާނެ. އެކަންކަމުންއީރާނުގެ ރައްޔިތުން ޢިބުރަތް ލިބިގަންނާނެކަމަށް އުންމީދުކުރަން.
ހަސަނު
05 October 2022
ކަންދިމާކާ ގޮތުން އިރާނުގެ ދުޝްމަނު ގައުމު ތަކާ އިރާނު ރައްޔިތުންގެ ވެސް ހިޔާލު އެބަ އެއްގޮތްވޭ.. އެންމެން ބޭނުންވަނީ އިރާނުގާ އޮތް މުއްލާއިންގެ ވެރިކަންނިމެން.. އިރާނު މީހުންނަކީ ތަހުޒީބު ބައެއް.. މުއްލާއިން ނެތ ްނަމަ އެ ގައުމަކީ މިއަދު ވަރަށް ކުރިއަަރާފައިވާ ގައުމަކަށްވިސް..
ޖުހާ.
05 October 2022
ތިއަބުނީ ވަރަށްބޮޑު ތެދެއް. އެމެރިކާއާއި އިޒްރޭލާއި ގުޅިގެން އީރާނުގަވެސް ސަލަފީ ޢަޤީދާ ފަތުރާ އެމީހުން ބުނާގޮތަށް އިސްލާމްދީނުގެ ފިގުހީ ހުކުމްތައް ބަދަލުކުރީމަ އެމެރިކާގގެ ދަތިކުރުމުގެ ފިއަވަޅުތައް އުވާލާނެ. ޢަރަބި ޕުރިންސުންހެން އެމެރިކާއަށް ސަޖިދަކޮށްގެން އުޅެން ބޭނުންނުވަނީ. އާހިރުގާ ހައްގުގާތިބި މަދު މީހުނަށް ނަސްރު ލިބޭނީ. ޔޫރަޕުގެ ތިއަ ގިރިޓީ ތަރައްގީ ފުނޑުފުނޑުވެގެންދާނެ. ބަލަންތިބޭ.
ސަލީމު އިދުރީސް
05 October 2022
ޑިކުޓޭރުން ލަދުހަޔާއް ކުޑަވާނެ! ނޭވާލާން ޖެހޭނީވެސް އޭނަބުނާގޮތައް! ދެއްރައް ޔިތުންގެ ގައުމަކައް ވަނީ ކިހެނެންތޯ؟ ރައްޔިތުނަކީ ކަލެޔާ ކަލޭ ވަށައިގެން އުޅޭ މީހުން! ޖާހިލުކަން އެހެންބަޔެއްގެ ބޮލައް ކަނޑާލެވޭ ވަރައްވުރެ ރައްޔިތުން ހޭލުންތެރި ވެއުމުގެ ފުސަތުލިބޭ ގޮތައް ބަޔެއް ކަންތައް ދޫވެފަ ހުރި މޮޔައިތަން އަރާދޯ މިހާރު
ހަލާކުވެދާނެ
05 October 2022
މާތް ކަލާންކޯ މި އިދުރީސް ހާދަ ވަރަކަށް އީރާނާ ޖައްސާލައިގެންނޭ އުޅެނީ އިސްރާއީލު އެމަރިކާގެ ޖާސޫސުން އީރާނުގައި ވާކަން ހަދާންނެތުނީތަ؟ އިދުރީސް ރުޅިނާންނާތި ސުވާލެއްކޮށްލާނަން؟ އެމަރިކާއިން ކިހާވަރެއްގެ މުސާރައެއްތަ މަހަކުދެނީ އިދުރީސްއަށް ތިގޮތައް ކޮމެންޓް ކުރާތީ؟
ގުލްޒާރު
05 October 2022
ރައްޔިތުން ހަމަޖެހޭ. ތިހެން އުޅެގެން ކާމިޔާބެއް ނެތް.