މާލޭގެ މޭޔަރު މުއިއްޒު: ފުޓްސަލް ދަނޑު އަޅަން ބަޔަކާ ހަވާލުކުރަން ކުރާ މަސައްކަތް މަޑުޖައްސާލަން ކޯޓުން ވަނީ އަންގާފައި --- ފޮޓޯ/މިހާރު
06 އޮކްޓޯބަރ 2022 - 13:59
2 comments
މާލޭގެ ދެ ތަނެއްގައި ފުޓްސަލް ދަނޑު އަޅަން ކުރިން ހެދި އެއްބަސްވުން ބާތިލްކޮށް، އެ މަސައްކަތް އެހެން ބަޔަކާ ހަވާލުކުރަން މާލޭ ސިޓީ ކައުންސިލުން ކުރާ މަަސައްކަތް މަޑުޖައްސާލަން ސިވިލް ކޯޓުން އިއްޔެ އަމުރުކޮށްފި އެވެ.
ތައިސޭ ކޮށްޓާއި ސިނަމާލެ ފްލެޓްތަކާ އިންވެގެން އޮތް ހުސްބިމުގައި ފުޓްސަލް ދަނޑެއް އަޅަން ސިޓީ ކައުންސިލުން މިދިޔަ މަހުގެ ފަހުކޮޅު އިއުލާން ކޮށްފައި ވަނިކޮށް އެ މަސައްކަތް މަޑުޖައްސާލަން ކޯޓުން އިއްޔެ އެންގީ އެ މަޝްރޫއު ކުރިން ހަވާލު ކޮށްފައި އޮތް ކޯލައިން މޯލްޑިވްސް ކުންފުނިން ދައުވާ ކުރުމުންނެވެ.
އެ މަސައްކަތަށް އެހެން ބަޔަކު ހޯދަން ސިޓީ ކައުންސިލުން އިއުލާންކުރީ ކޯލައިންއާ އެކު މިދިޔަ އަހަރުގެ ފަހުކޮޅު ހަދާފައި އޮތް އެއްބަސްވުން އެ ކައުންސިލުން މިދިޔަ މަހު ބާތިލްކުރުމަށްފަހު އެވެ.
އެ މައްސަލަ ކޯލައިންއިން ކޯޓަށް ހުށަހެޅުމަށްފަހު، ކައުންސިލްގެ ނިންމުން އަމަލުކުރުން ފަސްކުރުމުގެ ވަގުތީ އަމުރަކަށް އެދުނެވެ.
ގާޒީ ހާފިޒާ އަބްދުއްސައްތާރު އިއްޔެ ނެރުއްވި އަމުރުގައިވަނީ ދަނޑު އެޅުމުގެ މަސައްކަތް ބަޔަކާ ހަވާލުކުރަން އެއްވެސް ކަމެއް ނުކުރުމަށާއި އަދި ކޯލައިންއާ އެކު ހަދާފައިވާ އެއްބަސްވުމާ ގުޅޭގޮތުން ތިން ވަނަ ފަރާތެއްގެ ހައްގު އުފަންވާފަދަ ކަމެއް ނުކުރުމަށް ސިޓީ ކައުންސިލަށް އަންގާ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަސްތާރު
09 October 2022
ލާރިގަނޑެއް ނެގެން އޮތް ހުރިހާ ކަމެއް މުއިއްޒު ރާވާނެ. ބާއްވާލާ އާދައިގެ އިވެންޓަކަށް ހަމައެކަނި ސަޔަށް އެބަ ޖައްސާ 8 ލައްކަ. ލައިޓިންގ އާއި ސައުންޑަށް 34900 ރުފިޔާގެ ރޭޓުން ބައިބަޔަށް ބަހާލައިގެން އެތައް ލައްކަ ރުފިޔާ އެބަ ބިލުކުރޭ. ސައުންޑް ސިސްޓަމް އުފުލާށޭ ކިޔާފަ އެބަ ނަގާ 60000 ރުފިޔާ ޕިކަޕް ޗާޖުގެ ގޮތުގަ. ރޯމާ ދުވާލު ހަމަ ކެވުނު ގޮތަކަށް ލޫޓުވަނީ. މުޅި ދައުލަތްވެސް އޮތީ މި ނިޔަތުގަ މި މިސްރާބުގައި. އަޅާލާނެ މީހެއް ނެތް. ވައްކަން މެކުހަށް.
ޖުޖު
06 October 2022
މިތަން ނިމުނީމަ ކޮން ގޭންްގަކަށް މިތަން ހަވާލު ކުރާނީ؟