ފްލައިދުބާއީގެ ފްލައިޓެއް: އެ އެއާލައިނުން ސީދާ އައްޑު އަށް ދަތުރުތައް ފަށަން އަންނަނީ ތައްޔާރުވަމުން -- ފޮޓޯ: ފްލައިދުބާއީ
12 އޮކްޓޯބަރ 2022 - 19:55
37 comments
ދުބާއީގެ ބަޖެޓް އެއާލައިން ފްލައިދުބާއީން ސ. ގަމަށް އަންނަ އަހަރު ސީދާ ދަތުރުތައް ފަށަން ނިންމައިފި އެވެ.
ދުބާއީ ސަރުކާރުގެ ކުންފުންޏަކުން ހިންގާ ފްލައިދުބާއީން މިއަދު ބުނި ގޮތުގައި ދުބާއީ އިންޓަނޭޝަނަލް އެއާޕޯޓާއި ގަން އިންޓަނޭޝަނަލް އެއާޕޯޓާ ދެމެދު ސީދާ ދަތުރުތައް ފަށާނީ އަންނަ ފެބްރުއަރީ މަހުގެ ހަތަރެއްގަ އެވެ. އެ އެއާލައިނުން ކޮންމެ ދުވަހަކު އެއް ދަތުރު އައްޑު އަށް ކުރާނެ ކަމަށެވެ.
ގަމަށް ފްލައިޓުތައް ފެށުމުން، ވެލާނާ އިންޓަނޭޝަނަލް އެއާޕޯޓް (ވީއައިއޭ) އަށް ކުރަމުން އަންނަ ދަތުރުތަކާ އެކު، އެ އެއާލައިނުން ރާއްޖެ އަށް ހަފުތާއަކު އޮޕަރޭޓުކުރާ ފްލައިޓުތަކުގެ އަދަދު 28 އަށް އިތުރުވާނެ ކަމަށް ވެސް ބުންޏެވެ.
ޓިކެޓްގެ އަގުތައް
- ބިޒްނަސް ކުލާސް ދެކޮޅު ޓިކެޓްގެ އަގަކީ 1،600 ޑޮލަރު (24،672ރ.)
- އިކޮނޮމީ ކުލާސް ދެކޮޅު ޓިކެޓްގެ އަގަކީ 550 ޑޮލަރު (8،481ރ.)
ފްލައިދުބާއީގެ ސީއީއޯ ގައިތު އަލް ގައިތު ވިދާޅުވީ އެ އެއާލައިނުން ގަމަށް ސީދާ ދަތުރުތައް ފެށުމުން، ރާއްޖޭގެ ދެކުނުގެ އަތޮޅުތަކުގައި ހިންގާ ރިސޯޓުތަކާއި ހޮޓާތަކުގައި ޗުއްޓީ ހޭދަކުރަން އަންނަ ޓޫރިސްޓުން އެ މީހުންގެ މަންޒިލުތަކަށް ދިއުމަށް ކުރަން ޖެހޭ ދަތުރު ވަރަށް ބޮޑުތަން ކުޑަވެ، ފަސޭހަވާނެ ކަމަށެވެ.
"ޔޫއޭއީގެ އިތުރުން ގަލްފުގެ އެހެން ގައުމުތަކުގެ ކަސްޓަމަރުންގެ މެދުގައި ޗުއްޓީ ހޭދަކުރަން އެންމެ މަގުބޫލު މަންޒިލަކީ ރާއްޖެ. އެހެންވެ، މި މާކެޓަށް ފްލައިޓްތައް އިތުރުކުރުމާ އެކު ރާއްޖެ އާއި ޔޫރަޕާ ގުޅުވާލުމަށް ވެސް ބޮޑު އެހީއަކަށް ވާނެ،" އޭނާ ވިދާޅުވި އެވެ.
ފްލައިދުބާއީން ގަމަށް ދަތުރުތައް ފެށުމާ އެކު އެ އެއާލައިން ވާނީ އައްޑު އަށް ޝެޑިއުލް ދަތުރުތައް ކުރާ ބައިނަލްއަގުވާމީ ދެވަނަ އެއާލައިނަށެވެ. ބައިނަލްއަގުވާމީ އެއާލައިނަކަށް، ގަމަށް ސީދާ ދަތުރުތައް މިހާރު ކުރަނީ ސްރީލަންކަން އެއާލައިންސުން އެކަންޏެވެ. އެ އެއާލައިނުން ވެސް ކޮންމެ ދުވަހު ދަތުރެއް ކުރެ އެވެ.
ޕްލައިދުބާއީން މާލެ އަށް ސީދާ ދަތުރުތައް ފެށީ 2013 ވަނަ އަހަރު އެވެ.
ގަން އެއާޕޯޓު ތަރައްގީކުރުމުގެ ބިޔަ މަޝްރޫއު ބީލަމަށް ހުޅުވާލައިފި https://t.co/9HrReKcpgV
— Mihaaru (@Mihaarunews) October 4, 2022
އަހަރަކު 1.5 މިލިއަން ފަސިންޖަރުންނަށް ހިދުމަތް ދެވޭ ފެންވަރަށް ގަން އިންޓަނޭޝަނަލް އެއާޕޯޓް ތަރައްގީ ކުރުމަށް ބަޔަކު ހޯދަން މި ސަރުކާރުން ބޮޑު މަޝްރޫއު ވެސް މި މަހުގެ ހަތަރެއްގައި އިއުލާންކޮށް، ބީލަން ހުށަހަޅަން ހުޅުވާލާފައިވެ އެވެ.
ރާއްޖޭގެ އެހެން ހިސާބުތަކާ އަޅާބަލާއިރު އައްޑޫގައި ޓޫރިޒަމްގެ މާކެޓް ވަރަށް ބޮޑަށް ދަށެވެ. އެ އަތޮޅުގައި ތިން ރިސޯޓް އޮންނައިރު، ކޮވިޑަށް ފަހު ހުޅުވީ ދެ ރިސޯޓެކެވެ. އައްޑޫގައި ޓޫރިޒަމް ދަށީ ރާއްޖެއިން ބޭރުން މާލެ އައުމަށް ފަހު އައްޑު އަށް ކުރަން ޖެހޭ ދަތުރު ދިގުވުމުގެ ސަބަބުން ކަމަށް ބައެއް ތަޖުރިބާކަރުން ބުނެފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސަޅު އޭ
15 October 2022
ސަޅި އޭ. ހެސްކިޔާފަ ޓޫރިސްޓުން ގެނޭ ދެން
މުސްތަގުބަލު
13 October 2022
މުސްތަޤުބަލެއް ނެތް އެއަރޕޯޓެއް ތަރައްޤީކުރުމަށްވުރެން ގައުމަށް ފައިދާވާނީ، މުސްތަގުބަލެއް އޮތް ތަނެއްގައި އެއަރޕޯޓް ތަރައްޤީކޮށްގެން ރައްޔިތުންނަށާއި ޓޫރިސްޓުންނަށް ފަސޭހަވާނެ ގޮތަކަށް ކުރިޔަށް ދިޔުން. ރިޒޯޓެއް ނެތް ތަނެއްގައި ބައިނަލްއަޤްވާމީ އެއަރޕޯޓެއް ބޭއްވުމުގެ ބޭނުމެއް ނެތް. ދެކުނުގައި ބައިނަލްއަޤްވާމީ އެއަރޕޯޓް އޮންނަންވީ ހުވަދުއަތޮޅުގައި. އިޤްތިޞާދީގޮތުން ކުރިއަރާނީ އިޤްތިޞާދީ ގޮތުން ކުރިއަރަން އޮންނަ ގޮތަކަށް ކަންކޮށްގެން.
އޮނަރަބްލް އަފީފު ދީދީ
13 October 2022
ދުނިޔޭގެ 4 ބައްރު ގުޅުވާލާމަންޒިލަކަށް ގޭންއެއަރޕޯޓްހަދާ މިތަނަކީ ސައުތުއޭޝިޔާގެ ޗަންގީކަމުގައި ހެދުމަށް 8000 އެނދެއް ބޭނުމެއްނުވޭ. # ފެންވަރުރަނގަޅު ޕެސެންޖަރ އަދި ޒަމާނީވަސީލަތް ޤާއިމްކޮށްފައިވާ ކާގޯޓާމިނަލް އަކާއި 80 މިލިޔަންގެލަން ޖެޓްފިއުލް ފާމެއްގެއިތުރުން 1000 ކޮޓަރީގެ (ބީޗްކޮޓަރި ހިމެނޭގޮތަށް) ޓްރާންސިޓް ހޮޓަލާއިއެކު ހިދުމަތްފައްޓައިފިނަމަ ގޭންއެއަރޕޯޓަކީ ދިވެހިދައުލަތަށް އެންމެގިނަ އާމްދަނީލިބޭތަން ކަމުގައިވެ އެތައްސަތޭކަ ވަޒީފާއުފެދޭނެ.
ބޭކާރުް
16 October 2022
ޚިޔާލީފޮލާ ކެއްކިދާނެ. ތީގައި ދެކޮޅުޖެހޭ އޮއްޓަރުހުރި ވާހަކައެއް ނެތް.
ސިރްޖިގް ވިންދެން ކްރަރާ
13 October 2022
ކާކުދާން؟ ލަންކާއަށްދާން 6 ހަފްތާއަކު 6 މީހުން ނުލިބޭ. ދެން ކޮން ޑުބާއީއެއް؟
ފައްކާ
13 October 2022
މިއީ ހަމަ ސީދާ އައްޑޫ އޮނަރަބްލް ރުއްސައިގެން އޭނަގެ ވޯޓް ލިބޭތޯ ކުރިކަމެއް ކަމަށް ލަފާކުރެވެނީ.
އޮނަރަބްލް އަފީފު ދީދީ
13 October 2022
މިއީ ސިޓީކައުންސިލުން އިންޑިޔާ ސަރުކާރުގައި އެހީތެރިކަމަށް އެދެންވީ ވަގުތު. ސްރީލަންކަން ގެ އިތުރުން ފްލައިޑްބާއީގެ ދަތުރުތައް ފެށޭއިރު ސަރަޙައްދުގެ އެންމެބޮޑު ފުލޫޓް އޮތް ލޯކޮސްޓް އެއަރލައިން IndiGo ގެ ދަތުރުތައް ބެންގަލޫރު އަދި ކޮޗިން އިން ގޭންއަށް ބޭއްވޭތޯ ބެލުން ވަރަށް މުހިންމު. # ސްރީލަންކަން، ފްލައިޑްބާއީ އަދި އިންޑިގޯގެ ދަތުރުތައް މިތަނަށް ފެށިއްޖެނަމަ މިޑްލްއީސްޓް، އޭޝިޔާ އަދި އެފްރިކާ ގުޅުވާދޭ މަންޒިލަކީ އައްޑޫކަމުގައި ވެގެން ހިގައިދާނެ.
އޮނަރަބްލް އަފީފު ދީދީ
13 October 2022
މިވަގުތަށް މިދަތުރުތަށް ފީޒްބަލް، ވައިބަލް، އަދި ޕްރޮފިޓަބަލް ދަތުރުތަކަކަށް ހެދުމަށްޓަކާ ސިޓީކައުންސިލް، ފްލައިޑުބާއީގެ ރާއްޖޭގެ ލޯކަލް އެޖެންޓް އަދި ފްލައިދުބާއީގެ ސީއީއޯ ގައިތު އަލް ގައިތު އާއިއެކު މަޝްވަރާކުރުން މުހިންމު. # މިގޮތުން ޑުބާއީ ގޭން ޑެސްޓިނޭޝަނަށްފަހު ގޭން މަޑަގަސްކަރަ ނުވަތަ ގޭން މޮރިޝެސް އަދި ގޭން ސައުތުއެފްރިކާ ފަދަމަންޒިލަކަށް ދަތުރުކުރެވޭގޮަށްހަދައިފިނަމަ ޑްބާއީ އިން އެފުރިކާބައްރަށް ގުޅާލަދޭމަންޒިލަކަށް ގޭން ކަޑައެޅިދާނެ.
އޮނަރަބްލް އަފީފު ދީދީ
13 October 2022
ހެރެތެރެ އާއި ޝަންގްރިލާޒް ހިންގާފަރާތަށް ގެއްލުންވާކަމުގައިވާނަމަ ސަރުކާރަށް 2 ރިސޯޓްނެގުމަށްފަހު ފައިދާވާހިސާބަކުން (ކ.އަތޮޅުމާލެއާއި ކައިރިން) އެމީހުނަށް ދެރަށްދީފައި އެކަށީގެންވާ މުައްދަތެއްލާފައި ޝަންގްރިލާޒް އަދި ހެރެތެރެ ރިސޯޓް 50 އަހަރަށް ވިއްކާލަން ބައިނަލްއަޤުވާމީ ބިޑަށްހުޅުވާލަައްވާ. އަދި 2 ރިސޯޓް ވިއްކާލާފައި ލިބޭފައިސާއިން އެނދު އިތުރުކުރަން ގޭންއެއަރޕޯޓްގައި 1 ހާސް ކޮޓަރީގެ (މޫދު ކޮޓަރިއާއިއެކު) ޓްރާންސިޓްހޮޓަލެއް އަޅުއްވާ.
ގުރޤ
13 October 2022
ދެން އިވޭނީ ގެއްލުންވާތީ ހުއްޓާލިވާހަކަ. ތީގެ އަޑީގަ ކޮންމެވެސް އެހެން ކަމެއްވާނެ!
އޮނަރަބްލް އަފީފު ދީދީ
13 October 2022
ގެއްލުމުގައި 12 ވަރަކަށް އަހަރު ޝަންގްރިލާޒް ރިސޯޓް ހިންގިކަމަށް އެތަނުގެ ފަރާތުންނާއި ސަރުކާރުންވެސް ބުނާ ބުނުމަކީ ކަޑައެޅިގެން ދޮގު. އެއީ ބަނޑޮސް އައިލަންޑް ދިވެހި ސަރުކާރުން ހިންގި ދުވަސްވަރު އެކުންފުނިން ގެއްލުންވާތީ ރިސޯޓް ހިންގަންހުރި މީހާ އެތަން ވިއްކާލަން ސަރުކާރަށް ދިން ލަފާ ފަދަ ކަމެއް. ޢާޙިރުގައި ބަނޑޮސް ވިއްކާލުމުން އެތަން ނެގީވެސް އެއްކަލަ ގެއްލުންވާތީ ވިއްކާލަން ލަފާދިން މީހާ. އަދި އަދަށްދާންދެންވެސް އެތަން ހިންގަނީވެސް އެމީހާ.