ފިނޭންސް މިނިސްޓަރު އަމީރު: އަންނަ އަހަރުގެ ބަޖެޓަކީ 41 ބިލިއަން ރުފިޔާ ކަމަށް އޭނާ ވިދާޅުވޭ --- ފޮޓޯ/މިހާރު
13 އޮކްޓޯބަރ 2022 - 19:31
26 comments
އަންނަ އަހަރަށް ލަފާކުރާ ދައުލަތުގެ ބަޖެޓެއްގެ ގޮތުގައި 41 ބިލިއަން ރުފިޔާގެ ބަޖެޓެއް ހުށަހަޅާނެ ކަމަށް ފިނޭންސް މިނިސްޓަރު އިބްރާހިމް އަމީރު މިއަދު ވިދާޅުވެއްޖެ އެވެ.
ރައީސް އޮފީހުގައި ބޭއްވި ނޫސްވެރިންގެ ބައްދަލުވުމެއްގައި އަމީރު ވިދާޅުވީ އަންނަ އަހަރު 41.5 ބިލިއަން ރުފިޔާގެ ބަޖެޓެއް ހުށަހަޅާނެ ކަމަށް މި ވަގުތު ފިސްކަލް ސްޓްރެޓަޖީތައް ހުރިގޮތުން ލަފާކުރެވޭ ކަމަށެވެ. އަދި ބަޖެޓް އެކުލަވާލުމުގެ މަސައްކަތް ކުރިއަށް ދާ ކަމަށް އޭނާ ވިދާޅުވި އެވެ.
"އަޅުގަނޑުމެންގެ އަމާޒަކީ ފިސްކަލް ސްޓްރެޓަޖީއާ އެއްގޮތަށް ބަޖެޓް ހުށަހެޅުން. އަޅުގަނޑުމެން މަސައްކަތް ކުރަމުން މިދަނީ 41.5 ބިލިއަން ރުފިޔާގެ ބަޖެޓަކަށް. ދެން ޕޮލިސީ ލެވަލްގެ ޑިސްކަޝަންސްތަކާ އެކީގައި އެ އަށް ވުރެ ކުޑަވުމަކީ ނުވަތަ އެއަށް ވުރެ މަތިވުމަކީ ވެސް އެކަށީގެންވާ ކަމެއް،" އަމީރު ވިދާޅުވި އެވެ.
އޭނާ ވިދާޅުވީ ދައުލަތަށް އާމްދަނީގެ ގޮތުގައި 30 ބިލިއަނަށް ވުރެ ގިނަ ރުފިޔާ ލިބޭނެ ކަމަށް ލަފާކުރާ ކަމަށާއި އަދި މިއަހަރު ނިމުމުގެ ކުރިން އާމްދަނީގެ ގޮތުގައި 24.9 ބިލިއަން ރުފިޔާ ލިބޭނެ ކަމަށް ލަފާ ކުރެވޭ ކަމަށް ވިދާޅުވި އެވެ.
އަމީރު ވިދާޅުވީ ލަފާކުރި ވަރަށް ވުރެ ރާއްޖޭގެ އިގްތިސާދީ ހާލަތު ރަނގަޅު ކަމަށާއި އެކަމަކު މަސައްކަތް ކުރަން ޖެހިފައި އޮތީ ބަދަލުވަމުންދާ ހާލަތެއްގައި ކަމަށެވެ. އަދި ޓޫރިސްޓުން ރާއްޖެ އަންނަ އަދަދު ވެސް ކޮވިޑް-19 ގެ ހާލަތު ކުރިއާ އެއްވަރަކަށް ކަމަށާއި މި އަހަރަށް ލަފާކުރާ 1.6 މިލިއަން ޓޫރިސްޓުން އަންނާނެ ކަމަށް ބެލެވޭ އޭނާ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފައިވާން
15 October 2022
އާއްތާ ވާސަރީ އަމީރުލް އައްވަލް ތިއޮތީ ދެންއޮތް 5 އަހަރު ޔަގީންވެފައި
އަސޫމް
15 October 2022
ރައްޔިތުން ދަރާ ވިއްކާފަ ސިޔާސީ ވެރިން ޤައުމު ދޮވެލުމަށް އެއްކުރާ ފައިސާ. ވެރިންގެ އެއްވެސް ރަހުމެއް އިޚުލާސްތެރިކަމެއް ނެތް. ރައްޔިތުން ފެލައިގެން ޔައްޔިތުންގެ ލޭބޯ ޑުރެކިއުލާތަކެއް. 2023 ގަ ތހިބަޖެޓުގެ ފޮނިކަމުގެ ބަދަލު ރައްޔިތުންދޭނެ.
ރޯޒަސް
15 October 2022
މިތަން ވަނީ ހަމަ ދެވަނަ ލަންކާއަށް. ޚަރަދު ކުރުމުގެ ކޮޅެއް ނެތް. ކޮންމެ ސަރުކާރަކުންވެސް ހީވަނީ ގައުމުގައި ކުރަން އޮތް ހުރިހާ ކަމެއް 5 އަހަރުން ނިންމަންޖެހެޔޭ. އެއްވެސް ވަރަކަށް މިވަރަށް ދަރަނި ބޮލުގައި އެޅީމައި ކަރުގައި އެޅޭ މަޅިއެއް ނުފެނޭ. ކިރިޔާވެސް ޓޫރިމަށް ލޮޅުމެއް އަތުވެއްޖިއްޔާ ލޯނު ދެއްކޭނެ ގޮތެއް ނެތް. މިއަށްވުރެ ދެން އެކަމަކު ވެރިން ރެސްޕޯންސިބަލް އެބަ ވާންޖެހޭ.
ސާމަރާ ދޫނި
15 October 2022
ބަޖެޓުގެ 1% ޕާޓިތަކަށް ބަހަން. ޢެއީ 410،000،000.00 ރުފިޔާ. ރާއްޖޭގެ އާބާދީ ނިސްބަތުން ބޮލަކަށް 800،00 ރުފިޔާ އަށްވުރެ ބޮޑު އަދަދެއް ޕާޓީ ތަކަށް ދައުލަތުން ދޭންޖެހޭނެ. މިފައިސާ ދައުލަތުގެ މާލިއްޔަތުން ދިނުން ހުއްޓާލަންޖެހޭ. 90000 ހާސް މެމްބަރުން ތިބިނަމަ 150 ލިމިޔަން އެޕާޓީއަކަށް ދައުލަތުގެ ބަޖެޓުން. މިއީ ރައްޔިތުންގެ ޙައްޤުގައި ބަޔަކުމީހުން ދައުލަތް ދަވާލުމެއް ނޫންތަ. ރައްޔިރުން އިޙްތިޖާޖަށް ނުކުންނާކަށް ނުވޭތަ މިވަރުވީމާ.
ދޢަހުމަދު
14 October 2022
2023 ގެ ކުރިން ރައްޔިތުންގެ ފައިސާތައް ކައިގެން ފިލަނީ. ދީނީ ރަނގަޅު މީހުން އެކަނި ވެރިކަމަށް ހޮވަންވީ
ޅޮސްފަޅޯ
14 October 2022
ބުރިޖު ހަދާފައި، ހުމާލޭ އެތައް ޓަވަރު ޖަހާފައި، ޖީ އެމް އާރު އަތުން އެއާޕޯޓު ދިވެހިންގެ މިލްކަކަށް ހަދާފައި .. ވެލަަނާ އިންޓަނޭޝަނަލް ބޮޑު އެއާޕޯޓު ހަދާފައި.. ދަރުމަވަންތަ 25 ބުރީގެ ހޮސްޕިޓާ އަޅާފައި ބަޖެޓު ހެދި އިރުވެސް މިވަރެއް ނުވޭ. އެކަމަކު ބަޔަކު ގޮވި ގައުމު ދަރުވައިފިޔީ. މިއަދު ކިހިނެއް މިވީ
ކުޗީ
14 October 2022
ޅޮސްފަޅަލާ މިއީ 2023 ގެ ބަޖެޓް. މީގެ 8 ކަ އަހަރު ކުރީގެ ވާހަކަ ތިދައްކަނީ. މިހާރު އާމްދަނީވެސް ވަނީ އިތުރުވެފަ. ދެންތިދެއްކި ޙަރަދު ތަކަކީ އެންމެ އަހަރަކުން ކުރިން ކަންކަމެއްވެސް ނޫން.
ކަބުލޮ
14 October 2022
ތިހުރިހާ އެއްޗަކަށް ދައްކަންޖެހޭ ފައިސާ އޭ މީގައި އޮތީ
ރޯޒަސް
15 October 2022
ޔާމީނު މިތަންތަނަށް ލާރިދެއްކީ ގަނޑުކޮށްތަ؟ ތި ހުރިހާ އެއްޗަކަށް ނެގި ދަރަނި ދައްކަންޖެހިގެންނު ބަޖެޓު ބޮޑުވެގެން މިއުޅޭނީ.. މިސަރުކާރުން ދެން އެއޮތީ އިންޑިއާއިން ނަގައި ދިވެހިންގެ ބޮލުގައި އެއައްވުރެބޮޑު ދަރަންޏެއް އަޅުވާފަ. ދެން އަންނަ ސަރުކާރަކުން އުޅެންވީ އެދަރަނި ފިލުވަން
ކުޗީ
14 October 2022
އަރަނި ބަޖެޓަކަށް ނުވެދާ ކޮންމެ އަހަރަކީ ރަށްޔިތުންގެ ބޮލުގައި ދަރަނި ތަކެއް އެޅިގެންދާ އަހަރެއް. މައްސަލަ އަކީ ރާއްޖޭގެ ސިޔަސީ ނިޒާމު ބަންޓަންކޮއްފަ އިންނަ ގޮތުން ސަރުކާރު ގެ ސިޔާސީ މަގާމުތަށް އިތުރުވެ ، އަދި އެވަރުން ނުވެގެން ބޭކާރު އެސް.އޯ.އީ ތަށް އުފައްދާ އެތަންތަނަށްވެސް ސިޔާސީ މީހުން ވައްދައިގެން ސިޔާސީ އަންބޮނޑި ބޮޑުކުރުން އިތުރު ވެފައިވާތީ. މީގެ މައްޗަށް މިއަންނަނީ ކޮރަޕްޝަނާއި ވައްކަންތަށް. މޑޕ ވުޖޫދަށްއައި މަޤްސަދު މިއޮތީ ގެއްލިފަ.
ހަސަންކާރި
15 October 2022
ސިޔާސީ ދާއިރާއަށް މީހުންވަންނަނީ ރައްޔިތުންނަށް ހެޔޮއެދިގެންނެއް ނޫން. ދައުލަތުގެ ބައިތުލްމާލުން ކެވެންއޮތް އެއްޗެއްކާން. އަތުންފައި ކަމެއް ނުކޮށް ކޮންމެވެސް ނަމެއްގައި ބޮޑުމުސާރަ ނަގަން. ނަހަމަ ގޮތުގައި ކޮންމެވެސް ބިމެއް، ރަށެއް، ނޫނީ ވިޔަފާރިއެއް ހޯދަން. ނޫނީ މުއަސަސާތަކަށް ނުފޫޒު ފޯރުވައިގެން ކަންކަން ކުރަން. މިއީ ބަޔަކު މަރުދަންޖެހޭ ޑިމޮކްރަސީއަކީ. އެއްބަޔަކު ޑިމޮކްރަސީހޯދަން މަގުމަތީ ހަނާވަނީ އަނެއްބަޔަކު ވަލުދޮރޯށިންވަދެ ކެވުނުއެއްޗެއްކަނީ.
ބަކަމޫނު
14 October 2022
ބަޖެޓް އަދަދިމު ބޮޑުވުމުން ޕާރޓީ އަށް ރަގަޅު އެއް ޗެއް ލިބޭނެދޯ އެއީ ބަޖެޓްގް ޕަސެން ޓުން ލިބޭ އެއްޗެއް
ކަރުބޮލާ
14 October 2022
41 ބިލިޔަން މަދު އަސްލު...2023ގައި ހޮވޭނެ ކަމެއް ޔަގީން ނުވަންޏާ ވާނެ އުމުރު ދުވަހު އުޅެވޭ ވަރުގެ އެއްޗެއް ފައިބައިގެން ދާއިރު އަތްދަށު ލާން...ރައްޔިތުން ދަރަނި ވެރި ވިއަކަސް އެކަމާ އަޅާލާނެ ކަމެއްނެތް...އެކަމާ ވިސްނާނީ ރައްޔިތުން...ކަލޭމެން ވާނެ 2023 އަށް ގައުމު ދޫކޮށް ކަޅުދަބަސް ތަށް ހިފައިގެން ގައުމުން ފައިބާން މިގައުމަށް ދެން ނާންނަގޮތަށް...އެހެން ނޫނީ ދެރަ ގޮތެއްވެސް މިއުޅޭ ރައްޔިތުން ހަދައިފާނެ ކަލޯމެނަށް....
ގަބުޅިކަތީބު
13 October 2022
މިކިޔާއަދަދު ބޮޑުކަމުން ކަލްކިއުލޭޓަރުގެ އަރިކަށިފަޅާލައިގެން ބައެއްބޭރަށް ނިކުމެ ވީނުވީއެއް ނޭގުނު. އެކަމަކު އިހަށް ގައުމުގެ ރައްޔިތުންގެ ބޮލަށް މަހާފަ ހުރިދަރަންޏާއި އިތުރަށް ނަގާނެދަރަންޏަށް ވާނެގޮތެއް ސާފުކުރެވޭތޯ ބަލަންވީ.