އިހަވަންދޫގައި މިރޭ ބޭއްވި އިދިކޮޅުގެ ޖަލްސާގައި ކުރީގެ ރައީސް ޔާމީން ބައިވެރިވެވަޑައިގަންނަވަނީ.---ފޮޓޯ: ޕީޕީއެމް
15 އޮކްޓޯބަރ 2022 - 23:55
27 comments
ކޯޓުތަކުން މީހުންނަށް ބަންދު މުއްދަތު ޖަހަމުންދާ އުސޫލަށް ފާޑު ވިދާޅުވެ، އަދި ޝަރީއަތް ނިމެންދެން ބަންދުކުރާ އެންމެން ޕީޕީއެމްގެ ވެރިކަމުގައި މިނިވަން ކުރާނެ ކަމަށް ކުރީގެ ރައީސް އަބްދުﷲ ޔާމީން މިރޭ ވިދާޅުވެއްޖެ އެވެ.
ހއ. އަތޮޅަށް ޔާމީން މިހާރު ކުރައްވަމުން ގެންދަވާ ދަތުރުފުޅުގައި އިހަވަންދޫގައި ބޭއްވި ޖަލްސާގައި އެ މަނިކުފާނު ވަނީ މީހުން ހައްޔަރު ކުރުމާއި ބަންދު ކުރުމުގައި ފުލުހުންނާއި ކޯޓުތަކުން އަމަލުކުރާ ގޮތަށް ވަރަށް ބޮޑަށް ފާޑު ވިދާޅުވެފަ އެވެ.
ޔާމީން ވިދާޅުވީ، ސުލްހަވެރިކަމާ އެކު އެއްވެ، ހިޔާލުފާޅުކުރާ މީހުން ހައްޔަރުކޮށް، ކޯޓުތަކުން ބަންދުގެ މުއްދަތު ޖެހުން ހުއްޓާލަންޖެހޭ ކަމަށާއި ހަމައެކަނި ބަންދުކުރަން ޖެހޭނީ މުޖުތަމައަށް ނުރައްކާތެރި މީހުން ކަމަށެވެ. އެ މަނިކުފާނުގެ ވެރިކަމެއްގައި ގާނޫނުތަކުން އެކަން ކަށަވަރު ކުރާނެ ކަމަށް ވެސް ވިދާޅުވި އެވެ.
އަޅުގަނޑުމެންގެ ސަރުކާރުގެ ފުރަތަމަ 10 ދުވަހުގެ ތެރޭގައި، ވާނުވާ ޖަހާފައި ތިބި ހުރިހާ އެންމެން އިރާދަކުރެއްވިއްޔާ މިނިވަން ވެގެން ދާނެ."--- ޔާމީން
"ފަނޑިޔާރުންނަށް ދަންނަވާލަން އޮތީ މިއީ ބޮޑެތި މުޖްރިމުން ހެއްޔޭ. ތަނަކަށް އެއްވެ މީހުން ހިޔާލުފާޅުކުރަނީ ސަރުކާރުން ކުރާ ކަންތައްތަކާ ދެކޮޅަށް. އެއީ ހައްގު ކަމެކޭ އެއީ ކުރެވޭނެ ކަމެކޭ،" ޔާމީން ވިދާޅުވި އެވެ.
މިހާރުގެ އިދިކޮޅު ލީޑަރު އަދި އަންނަ އަހަރުގެ ރިޔާސީ އިންތިހާބުގައި ނުކުންނަވާ ޕީޕީއެމްގެ ކެންޑިޑޭޓް ޔާމީން ވިދާޅުވި ގޮތުގައި އެ މަނިކުފާނުގެ ވެރިކަމުގައި ބަންދު މުއްދަތު ޖެހޭނީ ބޮޑެތި ކުށްވެރިންނަށް އެކަނި ކަމަށް ކަނޑައަޅާނެ އެވެ.
"ފަނޑިޔާރުން ތި ކުރައްވާ މަސައްކަތް އަޅުގަނޑުމެން ގާނޫނުން ރެގިއުލޭޓް ކުރާނީ. މުއްދަތު ޖައްސަވާ. އެކަމަކު މުއްދަތު ޖައްސަވަން ޖެހޭނީ ބޮޑެތި ބޮޑެތި މުޖްރިމުން ކަމަށް ތުހުމަތު ކުރެވޭ ކަންކަމުގައި،" ޔާމީން ވިދާޅުވި އެވެ.
އިހަވަންދޫގައި މިރޭ ބޭއްވި ޖަލްސާގައި ޔާމީން ވާހަކަފުޅު ދައްކަވަނީ.---ފޮޓޯ: ޕީޕީއެމް
ޔާމީން ވިދާޅުވީ ޝަރީއަތް ނިމެންދެން ބަންދު ކުރުމަށް ފަހު އެތައް އަހަރެއް ވަންދެން މީހުން ބަންދުގައި ތިބޭ ކަމަށާއި އަދި އެއީ ވަރަށް ބޮޑު ބޭ އިންސާފެއް ކަމަށް ވިދާޅުވި އެވެ. އަންނަ އަހަރުގެ ރިޔާސީ އިންތިހާބުގައި އަލުން ވެރިކަން ލިބިއްޖެ ނަމަ އެ މަނިކުފާނުގެ ވެރިކަމުގެ ފުރަތަމަ 10 ދުވަހު އެފަދަ އެންމެން މިނިވަން ކުރާނެ ކަމަށް ވިދާޅުވި އެވެ.
"ތިން ހަތަރު، ހަތް އަހަރުވެފައި ތިބި މީހުން ވެސް ތިބޭނެ. އަދިވެސް ނޫޅެޔޭ ޝަރީއަތްތައް ނިމޭކަށް،" ޔާމީން ވިދާޅުވި އެވެ.
"އަޅުގަނޑުމެންގެ ސަރުކާރުގެ ފުރަތަމަ 10 ދުވަހުގެ ތެރޭގައި ވާނުވާ ޖަހާފައި ތިބި ހުރިހާ އެންމެން އިރާދަކުރެއްވިއްޔާ މިނިވަން ވެގެން ދާނެ. އެއީ އެ މީހުން އެތަނުގައި ތިބޭކަށް ނުޖެހޭ،" އެ މަނިކުފާނު ވިދާޅުވި އެވެ.
ފަނޑިޔާރަކު ލައްވައި، ސަރުކާރުން ނުވަތަ އަޅުގަނޑު ވަކި ކަމެއް ވަކި ގޮތަކަށް ކުރަން ބުނިތޯ. ނޯންނާނެ ބުނެވޭކަށް،"--- ޔާމީން
ޔާމީން ވިދާޅުވި ގޮތުގައި އާދައިގެ ކުށްތަކުގައި އެއްފަހަރު ބަންދު ޖެހުމަށް ފަހު ދެވަނަ ފަހަރަށް ބަންދު ނުޖެހޭނެ އެވެ. އަދި އެ މުއްދަތުގެ ތެރޭގައި ދައުވާ ކުރަން ޖެހޭނެ ކަމަށް ވިދާޅުވި އެވެ.
"ދައުލަތުން އެދުނީމާ ދައުލަތުން އެދޭހާ ގޮތަކަށް ނުޖެހޭނެ ފަނޑިޔާރުން މުއްދަތު ޖަހާކަށް. އެއީ ގޯސް އެ ވަނީ."
ޕީޕީއެމުން އިހަވަންދޫގައި މިރޭ ބޭއްވި ޖަލްސާގައި އެ ޕާޓީ އަށް ސޮއިކުރި މީހެއްގެ ފޯމާ، ޔާމީން ހަވާލުވެވަޑައިގަންނަވަނީ.---ފޮޓޯ: ޕީޕީއެމް
ޔާމީން ވިދާޅުވީ، މިހާރު ދައުލަތުގެ މުއައްސަސާތަކުގެ ތެރެއިން އިތުބާރު ކުރެވެނީ ސުޕްރީމް ކޯޓަށް އެކަނި ކަމަށެވެ. ހައި ކޯޓާއި ދަށު ކޯޓުތަކުގެ އިތުބާރާ މެދު ސުވާލު އުފެދޭ ކަމަށާއި އެކަމަކު އެ މަނިކުފާނުގެ ވެރިކަމުގައި އެއްވެސް ފަނޑިޔާރަކަށް ނުފޫޒު ފޯރުވާފައި ނޯންނާނެ ކަމަށް ވިދާޅުވި އެވެ.
"ފަނޑިޔާރަކު ލައްވައި، ސަރުކާރުން ނުވަތަ އަޅުގަނޑު ވަކި ކަމެއް ވަކި ގޮތަކަށް ކުރަން ބުނިތޯ. ނޯންނާނެ ބުނެވޭކަށް،" އެ މަނިކުފާނުގެ ފަސް އަހަރުގެ ވެރިކަމުގައި ޝަރުއީ ދާއިރާ އަށް ނުފޫޒު ނުފޯރުވާ ކަން ޔަގީން ކޮށްދެއްވުމުގެ ގޮތުން ވިދާޅުވި އެވެ.
ޔާމީން ވިދާޅުވީ ފުލުހުން ހާލަތާ ނުބައްދަލު ބާރުގެ ބޭނުންކޮށް، މީހުން ހައްޔަރު ކުރުމުގެ ފުރުސަތު އެ މަނިކުފާނުގެ ވެރިކަމުގައި ނޯންނާނެ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނަންނި
16 October 2022
ގައުމު އަމާންވާނީ ކިހިނެއް؟ ކޮންމެ ވެރިކަމެއްގައިވެސް މި ބަލަނީ ކޮންމެވެސް ގޮތަކުން މިނިވަންކަމޭ ކިޔާފަ ފުލުހުންގެ ބާރުތައް ހަނިކުރަން. މުޒާހަރާ ކުރާ މީހުން ހައްޔަރު ކުރަނީއޭ ކިޔާފަ ބާރު ހަނިކުރީމަ އެކަމުގެ ފައިދާ ލިބެނީ ކުއްކުރާ މީހުންނަށް، މުޒާހަރާއަށް ބަޔަކު މި ނިކުންނަނީ މަދު ފަހަރަކު، އެކަމު މުޅި އުމުރު ކުއްކޮށްގެން ދިރިއުޅޭ މީހުން އެބަތިބި، ތިގޮތަށް އެކިފަހަރު ހޯދާދެމުންދާ މިނިވަންކަމުގެ ބޭނުން ހިފާގެން
ހަސަންކާރި
16 October 2022
އެމަނިކުފާނުގެ ވެރިކަމުގައި ކުށްވެރިންނަށް ސެއްލަވާނެ. ވަގުންތައް ދޫކުރައްވާނެ. ވައްކަން ކުރުމަކީ ގާނޫނުއަސާސީން ލިބިދޭ ހައްގަކަށް ހައްދަވާ ދެއްވާނެ. ދައުލަތުގެ ބައިތުލްމާލަށް ވަންނަ ލާރިން "1 ފޯ ރައްޔިތު މީހާ 10 ފޯރ ވެރި މީހާ"ގެ ފޯމިއުލާއަށް ވެރިކަން ކޮށްދެއްވާނެ. ޝުކުރިއްޔާ ރައީސް ޔާމީނު.
ހށނ
16 October 2022
އަހަރެމެންވެސް ވަރަށް ހިތްހަމަނުޖެހޭ ކަންކަން އެބަހުރި. މިހާރު ނުފޫޒު ފޯރުވާނަމަ ފޯރުވަނީ ސިއްރުން! ތިބޭފުޅާ ހަވާލުވެގެން ހުރިއިރު ޑިކްޓޭޓަރެކޭ ތަފާތެއްނެތް. ހަނދާން ނެތެނީކީވެސް ނޫން. ތިގޮތަށް ފާޅުގަ ދޮގުހަދާ އުޅޭނެކަމަށް ބުނަމުންއަންނަނީ ފަހުން އަންނާނެކަމަށް އެބުނާ ވަން އައިޑް ޓެރަރ ބޮޓް.
އައްޔަ
16 October 2022
ލަދުުހަޔާތުގެ ކަންފުޅެއްވެސް ހުރިމީހެއް ނޫންދޯމީ,ބަލަ އިއްޔެދެއްކިވާހަކާ އިއްޔެކަންކުރި ގޮތް މިއަދު މަނިކުފާނު ހަނދާން ނެތުނަސް ރައްޔިތުން ނަކީތިހާގަމާރު ބައެއްކަމައް ހީނުރާށެ,
އަފްރާސިޔާބު
16 October 2022
ބަލަ އައްޔާ! ގިނަ މީހުންނަކީ އިއްޔެ ކަންފަތަށް އިވުނު އަޑު މިއަދު ހަނދާން ނުހުންނަ މީހުންނޭ. ބަލަ އެބޭފުޅާގެ ވެރިކަމުގައިނޫންތޯ ކޮންމެ ދުވަހަކު ގިނަބަޔަކު ހައްޔަރުކޮށް ކޯޓަށް ނުފޮނުވައި ޖަލުގެ ގޮޅިތަކުގައި ބަންދުކޮށް އަދި ކޯޓަށް ފޮނުވައި އިންޓެލް ރިޕޯޓޭ ކިޔައި މުއްދަތު ޖަހައި މުއްދަތު ހަމަވުމުންވެސް ދޫނުކޮށް ޖަލުގައި ތިބެ ދުނިޔެ ދޫކޮށް ދިޔައީ. އަނެއްކާ ސްޕްރީމް ކޯޓުގެ ފުރާޅު ނަގައިގެން ވަދެ ފަނޑިޔާރުން ހައްޔަރުކުރުމަށްފަހުވެސް ބުނީ ފޯންނުނެގިޔޭ.
ބޫންބާ
16 October 2022
އަދިވެސް ރާއްޖެއަށް ބޭނުންވަނީ ރައީސް ޔާމީން ފަދަ ލީޑަރެއް. ގައުމު ނުވިއްކާ، ދީނަށް ހުރުމަތްތެރިކޮށްހިތާ، ނުބައި ފާސިދު އަމަލްތަށް ޕްރޮމޯޓު ނުކުރާ ، އިގްތިސާދީ ހިންގުންތެރި ބޭފުޅެއް. ޔާމީނަކީ އެފަދަ ބޭފުޅެއް.
އަފްރާސިޔާބު
16 October 2022
ވައްކަމާއި ފަސާދައާއި ބޭއިންސާފަކީ ދީނު ހުއްދަކުރާ ކަމެއްކަމުގައިވާނަމަ ދެން އެހެންމީހަކު ތިބާވަތުގެ ވިސްނުމަށް ބުނާނެ އެއްޗެއް ނެތްކަމަށް ބެލެވެނީ.
ހަސަނު
16 October 2022
ކުށްވެރިންގެ ހިމާޔަތގާ ޔާމީނު... ހަތަރެސްކަން ހަމަވީ..
ޖަރާސީމު
16 October 2022
ކޮންމެވެސް މީހަކު މި ރައީސަށް "ރީކޯލް" ކޮށްލަދޭންޖެހޭ އެއް ކަމަކީ "އިންޓެލް ރިޕޯޓަކަށް" ހައްޔަރުކޮށް ވާނުވާގައި ޖަލުބަންދު ކުރި ޒަމާން ވަނީ މާޒީވެފައޭ. އެދުވަސްވަރަކީ ދިވެހި ތާރީޚް ދުއް އެންމެ ބިރުވެރި ދުވަސްވަރޭ. އަދި އެދުވަސްވަރު (ގަދަބާރުން) ވެރިކަމުގައި ބަގުޑި ބައްދަވައިގެން އޮންނެވި ބޭފުޅަކީ ކުރީގެ ރައީސް ޔާމީނުއޭ!
ސައިޚް
16 October 2022
2013 އިން 2018 އަށް ވަރަށް ފުރިހަމަ އަށް ކޯރޓް ތަކުން މުއްދަތު ޖެއްސުވީމެންނު، އަނގަ އަރުވަން ލަދުގަނެބަލަ،
މަގޭޚިޔާލޭމީ
16 October 2022
ވާނުވާ ޖަހާފަތިބި އެންމެން ދޫކޮށްލާނަމޭ ބުނެފަ ދެންތި ބުނަނީ ކޯޓުތަކަށް ވަކިގޮތަކަށް ނާންގާނަމޭ. މިދެވާހަކަ އެބަ އަރާރުންވޭ. މަނިކުފާނަށް ނުވިސްނޭތޯ؟ ކޯޓުން ވާނުވާ ޖަހާފަ ތިބިބަަޔަކު މަނިކުފާނު ދޫކޮށްލައިފިނަމަ އެއީ ކޯޓަށް އަތްބޭނީކަމަށް ނުވާނެ ގޮތެއް އޮންނާނެތޯ؟ ވެރިކަން ހިންގުމުގެ ބާރާއި، ޢަދުލުއިންސާފުގެ ބާރު އެއީ ވަކިވެފައިވާ ދެބާރުކަން ނޭނގޭތޯ.
އަފްރާސިޔާބު
16 October 2022
އެވަރުގެ ވިސްނުމެއް ހުރިއްޔާތާ ބުނާ ބަހުގެ ދެކޮޅުނުޖެހޭކަންވެސް ވިސްނޭނީ. ގައިމުން ފަނޑިޔާރުން ދަމާ ބަނދެ ސިފައިން ޓީވީ އައަށް އަރުވައިގެން ނޫންތޯ ބުނީ ތިމަންނަމެން ފަނޑިޔާރުންނަށް އެންގީމޭ މިވެނިކަމެއް އެވެނިކަމެއް ނުކުރަން. ކޯޓުން ބަޔަކު ދޫކޮށްލީމާ ތިމަންނައަކީ ވެރިމީހާ ކަމަށްވާތީ އެގޮތަށް އެކަން ބަލައިނުގަންނަން ނިންމީ ތިމަންނައޭ ތިމަންނަ ފޯނުކުރީމާ ފޯނުވެސް ނުނެގިޔޭ. މިކަލޭގެއަށް ނޭނގުނޭ އެއީ ކޯޓަށް އަތްބޭނުން ކަމެއްވެސް.
ދެއުޅި
16 October 2022
ކަލޯ ބުނީމެއްނު ސުޕުރީމު ކޯޓުގައި އެއްޗެއް ބަލައިގަންނާން އެދުނު ވާހަކަ؟