ޖުލައި 15، 2022؛ އިންޑިއާ ކަނޑުގެ ސަރަހައްދުގައި އީރާނުން ބޭއްވި އަސްކަރީ ތަމްރީންތަކެއްގައި، އެ ގައުމުގެ މަނަވަރަކުން އުދުއްސައިލި ޑްރޯނެއް ވައިގެ ތެރޭގައި ދަތުރު ކުރަނީ. --އޭއެފްޕީ
19 އޮކްޓޯބަރ 2022 - 12:37
21 comments
އީރާނާ އެކުގައި ގާއިމުކޮށްފައި އޮތް ޑިޕްލޮމެޓިކް ގުޅުން ޔޫކްރޭނުން އިއްޔެ ކަނޑާލައި، އެކަން ރަސްމީކޮށް އެ ގައުމުން އިއުލާންކޮށްފި އެވެ.
ޔޫކްރޭނުން ބުނި ގޮތުގައި އީރާނާ އެކުގައި އޮތް ގުޅުން ކަނޑައިލަން ޖެހުނީ، ރަޝިޔާ އިން ޔޫކްރޭނާ ދެކޮޅަށް މިހާރު ކުރަމުންދާ ހަނގުރާމައިގައި ޔޫކްރޭންގެ އަމާޒުތަކަށް ހަމަލާ ދިނުމަށް، އީރާނުން ޑްރޯން މަތިންދާބޯޓު ފޯރުކޮށްދީފައިވާތީ އެވެ. ޔޫކްރޭނުން ބުނާ ގޮތުގައި އެ ގައުމުގެ ބޮޑެތި ސަހަރުތަކަށް ރަޝިޔާ ސިފައިން މިހާރު ދެމުން އަންނަ ހަމަލާތަކުގައި ގިނައިން ބޭނުންކުރަނީ، އީރާނުގައި އުފައްދާފައި ހުރި "ޝާހިދު 136" މަރުކާގެ ކަމިކާޒޭ ޑްރޯން އެވެ.
މިދިޔަ ދެ ހަފުތާގައި ޔޫކްރޭންގެ ބޮޑެތި ސަހަރުތަކުގެ އިންފްރާސްޓްރަކްޗާތަކަށް ރަޝިޔާ އިން ދިން ހަމަލާތަކުގައި މުޅިންހެން ބޭނުންކުރީ ޝާހިދު 136ގެ ޑްރޯން އެވެ. އެ ހަމަލާތަކުގައި ޔޫކްރޭންގެ ވަރަށް ގިނަ އިންޖީނުގެތަކާއި ސަރުކާރުގެ ބައެއް އިމާރާތްތަކަށް ބޮޑެތި ގެއްލުންތަކެއް ލިބި އާންމުންގެ އެތައް ބަޔަކު މަރުވެފައިވާ ކަމަށް ޔޫކްރޭނުން ބުނެ އެވެ.
"އީރާންގެ އެ އަމަލަކީ ވަރަށް ފިނޑި އަދި މަކަރުވެރި އަމަލެއް. އެހެން ވިޔަސް އަހަރެމެން އެމީހުންނަށް ގޯނާއެއް ނުކުރާނަން. އީރާނުން އެ ހުރިހާ ކަމެއް އެކުރީ، މި ހަނގުރާމަ އަށް ތާއީދު ނުކުރާނެ ކަމަށާއި، ހަނގުރާމައިގެ އެއްވެސް ބައިވެރިއަކަށް ހަތިޔާރު ފޯރުކޮށްނުދޭނެ ކަމަށް އީރާނުން ބުނެފައި ވަނިކޮށް،" ޔޫކްރޭންގެ ޚާރިޖީ ވަޒީރު ޑިމިޓްރީ ކުލޭބާ ވިދާޅުވި އެވެ.
ހުޅަނގުގެ ޖާސޫސީ އިދާރާތަކާ ހަވާލާދީ މީޑިއާތަކުން ބުނާ ގޮތުގައި އީރާނުން ރަޝިޔާ އަށް ހަތިޔާރު ފޯރުކޮށްދިނުމުގެ އެއްބަސްވުމެއް ގާއިމުކުރީ، އީރާންގެ އިންގިލާބީ ލަޝްކަރުގެ އިސް އޮފިސަރުންތަކެއް މި މަހުގެ ކުރީކޮޅު ރަޝިޔާއަށް ކުރި ޒިޔާރަތެއްގަ އެވެ. މި މަހުގެ 6 ވަނަ ދުވަހު ސޮއިކުރި އެއްބަސްވުމުގެ ދަށުން، ޝާހިދު 136 މަރުކާގެ ޑްރޯންގެ އިތުރުން، ބިމުން ބިމަށް ހަމަލާ ދިނުމަށް އީރާނުގައި އުފައްދާފައިވާ ފާތިހް މަރުކާގެ މިސައިލާއި ޒުލްފިގާރު މަރުކާގެ މިސައިލް ވެސް ރަޝިޔާ އަށް ފޯރުކޮށްދޭނެ އެވެ.
ރަޝިޔާ އިން މިހާރު ބޭނުންކުރަމުން އަންނަ އީރާންގެ ޑްރޯންތަކާ ދެކޮޅަށް ބޭނުންކުރުމަށް، ވައިގެ ދިފާއީ ނިޒާމުތައް ޔޫކްރޭނަށް ފޯރުކޮށްދިނުމަށް ނޭޓޯ އިން އިއްޔެ ވަނީ ވައުދުވެފަ އެވެ. ނޭޓޯގެ ސެކްރެޓަރީ ޖެނެރަލް ހެންސް ސްޓޯލެންބާގް އިއްޔެ ވިދާޅުވީ ޑްރޯންތަކާ ދެކޮޅަށް ހަމަލާ ދިނުމަށް ބޭނުންކުރެވޭނެ ވައިގެ ދިފާއީ ނިޒާމުތަކެއް ކުރިއަށް އޮތް ދުވަސްތަކުގައި ޔޫކްރޭނަށް ފޮނުވާނެ ކަމަށެވެ.
ޔޫކްރޭންގެ ރައީސް ވޮލޮޑިމީރް ޒެލެންސްކީ އިއްޔެ ވިދާޅުވި ގޮތުގައި މިދިޔަ ދެ ހަފުތާގެ ތެރޭގައި ރަޝިޔާ އިން ދިން ހަމަލާތަކުގެ ސަބަބުން، އެ ގައުމުގެ ކަރަންޓު ވިއުގައިގެ ތިން ބައިކުޅަ އެއް ބައި ވަނީ ހަލާކުވެފަ އެވެ. ވަރަށް ގިނަ އިންޖީނުގެތައް ހަލާކުވުމުގެ ސަބަބުން، ބޮޑު ސަރަހައްދަކުން ވަނީ ކަރަންޓުގެ ޚިދުމަތް މެދުކެނޑިފަ އެވެ.
"ކަމިކާޒޭ" އަކީ ދެ ވަނަ ބޮޑު ހަނގުރާމައިގެ ތެރޭގައި ދުޝްމަނުންގެ އަމާޒުތަކަށް ހަމަލާ ދިނުމުގައި ޖަޕާނުން ބޭނުންކުރި ވައިގެ ސިފައިންގެ ލަޝްކަރަކަށް ދީފައިވާ ނަމެކެވެ. އެ ލަޝްކަރުގެ ދައުރަކީ، ހަތިޔާރު ބަރުކޮށްފައި ހުންނަ މަތިންދާބޯޓުގައި ގޮސް، ދުޝްމަނުންގެ އަމާޒުތަކަށް ބޯޓާއެކު ޖެހިގަނެ ޖާނުން ފިދާވުމެވެ.
އީރާނުގައި އުފައްދާފައިވާ ޝާހިދު މަރުކާގެ ޑްރޯންތަކަކީ ވެސް އޭގައި ގިނަ އަދަދެއްގެ ގޮވާތަކެތި ހަރުކޮށް، ދުއްވާފައި ގޮސް ދުޝްމަނުންގެ އަމާޒަށް ޖެހިގަތުމާއެކު ގޮވާ ގޮތަށް، ޕައިލެޓަކާ ނުލައި ދުއްވުމަށް ތައްޔާރުކޮށްފައިވާ ކުދި މަތިންދާބޯޓުތަކެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޑޮކްޓާރ. ބަނާނާ
20 October 2022
ބީރުބޮލް އާއި އިދުރީސް ބްރޯ އަށް ވެދުން ސަލާމަށް ފަހު ދަންނަވަމެވެ. ތިޔާ ހަގުރާމަ ވަގުތުން ވަގުތަށް ހުއްޓާލައްވާ! އުދުހެނެ ބައްތެލި އާއި ދުން ބޯޓާއި މޮޓަރު ބޯޓް ބޭނުންކޮށްގެން ފޮނުއަރުވާ ކިތަންމެ ވަރަކަށް ހިރަފުސް ބުރުވާ ކަރާ ފެޅިޔަސް ތިޔާ ހަގުރާމައިން މީހުންމަރުވެ ތަންތަން ސުއްނާފަތި ވުން ނޫންކަމެއް ނެތް!. ބީރުބޮލް އާއި އިދުރީސް ބްރޯ ބައިވެރިވެގެން ރަމްޝާމް މަހަށް އިރާނުގެ "ޝަހާނީ" ކަދުރުކޮޅެއް ލިބޭގޮތެއް ހައްދާވާ ދެއްވާ!
ސަލީމު އިދުރީސް
20 October 2022
ބުނަން ބީރުބޮލުވަޒީރު އެމެރިކާ ލަދުގަނވަރު ހަތިޔާރެއް އިރާނައް އުފެއްދިގެން އުޅޭކަމައް ގަބޫލުކުރުކީ ހުފެނެން!ޔޫކުރޭނައް ހަމާލާދޭން ބޭންނުކުރި ޑުރޯތަކުގަސުމާޓު ޓެކުނޮލްލޮޖީ ބޭންނުކޫރޭ!އެމަކު އެޑުރޯނައް ދައުރުވާ އޮޖެޓުތައްވެސް ހަލާދެވިދާނެ! އެއީ ޖަފާނުގެ ކެމިކާޒަ ވައްތަރުގެ އެއްޗެއް 60 ކިލޯގެ ގޮވާއެޗެއް ސާއެކު އެތައް މިތަނައް ވައްޓާލީމަ ލިބޭ ގެލުން ކުއެޑާކޭނުބުނަން !އެދަޑުރޯނު ނުވަތަ އެޔައްވުރެ ފެންވަ ރަނގަޅު ޑުރޯނު އުފެއްދިދާނެ ދިވެހިންމިހާރުއުޅޭ
އެންޓި އިދުރީސް
20 October 2022
މީ ހަމަ ފައްކާ މޮޔައެކޭބުނާނެ މީހުން ސަލީމު އިދުރީސް ރަންކޮޅާ އީރާނުގެ ކަމިކޭޒް ޑްރޯން ފަދަ ނުރައްކާތެރި ޑްރޯނެއް ނޭޓޯ އެމަރިކާގެވެސް ނެތް އުފެއްދި ފައި.ދެންތިދައްކަނީ އެމަރިކާ ލަދުގަންނަވަރުގެ ހަނތިޔާރެއްނުހުންނާނޭ ކަލެއަށްތަ އިނގޭނީ؟ އެމަރިކާ ގެ އެންމެވަރުގަދަ ދިފާޢީ ނިޒާމަށް އީރާނުގެ މެދުފަންތީގެ މިސައިލްތައް ރެޑާރަކަށް ޑިޓެކްޓްކޮށް ނުލެވޭ..ކަމިކޭޒް ޑްރޯން އުފެއްދިދާނެޔޯ އެންމެ ފުރަތަމަ ނޭޓޯގެ މާހިރުންނަށް އުފެއްދިގެންތާ
ސަލީމު އިދުރީސް
20 October 2022
ބުނަންތޯ ތިރިން ދަރުކޫރާ އެއްޗެއް ދިފާއީނިޒާމައް ދެގަނައް އުދަގުވަނީ އެހެދިފަ ހުރިލެއް މޮޅު ކަމަކުންނޫން! އަދި އެއީ އެހެންބަޔަކައް ނޫފެއްދޭވަރު އެއްޗެއްނޫން! ކުރިން ކަނޑިއާ ދުނިދަޑިން ކުރިހާރާމަޔައް އިންގުލުބު ގެނައީ ޗައިނާމީހުން! އިރާނައް އެއުޅެނީ އެފަދަ ކަމެއް ކުރެވިނެއްނޫން! އަގުހެކޮއް އުދުހޭ އެތައް ހާސް އޮބުޖެއް ގޮވާތަކެތި ހަރުކޮއް ވާއްޓާލަނީ! ތަފަކީ ދެވަނަ ބޮހަނގުރާގަ ޖަފާނުގެ ބޯޓުތައް އުދުއްސަން ފައިލެޓުން ބޭނުކުރިކަން އޭގަނުރާކަން
އިސްލާހު ޖާޑި
20 October 2022
@ އެންޓި އިދުރީސް..ދެލޯފުޅާ ސަލީމުބެ ގަބޫލެއްނުކުރާނެ ހިރަފުސް އަރާފަ ތިބި ބަޔަކު ދައްކާ ވާހަކައެއް..އެވެސް ސަހަރާގެ ހިރަފުސް..
މުޙުއްމާ
19 October 2022
ހުޅަގުން ޔުކުރޭނަށް ހަތިޔާރު ދެންޏާ އިރާނަށްވެސް ރަޝިޔާއަށް ހަތިޔާރު ދިނުމުގެ ޙައްޤު އޮންނާނެ.
މޫސީ
19 October 2022
އޭ މަބުނީ ތި ކޮމެންޓުގެ އިނގިރޭސި ތަރުޖަމާއެއް ބައިޑަންއަށް ފޮނުވަންވީނު.؟!
ބޮޑާބެ
19 October 2022
ކަލޭގެ ތި އިންސާފަކީ ސިންގާގެ އިންސާފު. ރަސިޔާއިން ޔޫކްރެއިނަށް އަރައިގަނެ އެތައްބަޔަކުމަރާ ތަން ފުނޑުފުނޑުކޮއްލުން ވެސް އެއީ ކަލޭގެ ނަޒަރުގަ އިންސާފު.
މޮހައްބަތް
19 October 2022
ފާތިހް 110މަރުކާގެ މިސައިލަކީ އެންމެ ފަހުން އީރާނުން އެމަރިކާގެ ވައިގެ 2 ބޭހަކަށް ހަމަލާދިން މިސައިލް ޒުލްފަގާރެއް ނުދަންނަންމަށެއް ފާތިހް މިސައިލަކީ ޝޯޓް ރޭންޖު ބެލެސްޓިކް މިސައިލެއް އެމަރިކާގެ އެންމެ ޒަމާނީ އެޔަރ ޑިފެންސް ސިސްޓަމް ޕެޓްރިއޮޓްއަކަށް ފާތިހް އެންމެ މިސައިލެއް ވެސް ރެޑާރަކަށް ޑިޓެކްޓްކޮށް ނުލެވުނުކަން މުޅިދުނިޔެ ދަނޭ. އީރާނުގެ ބާރުގެ އަންދާޒާ ކުރެވިފައިވާ އެމަރިކާ ބިރުން ތިހާވަރަށް ތެޅެނީ ތިހެންވެގެން
ބޮޑާބެ
19 October 2022
އީރާނުގެ ބާރުގަދަކަމެއް، އެމެރިކާގެ ބާރުގަދަކަމުގެ ވާހަކަ ދައްކަންވީ ވަގުތެއްނޫން. އެއްވެސް ހަގުރާމަޔަކީ ފައިދާހުރި ކަމެއްނޫން. މި ހަގުރާމަ ފުޅާވެ 3 ވަނަ ބޮޑުހަގުރާމަޔަށް ވެއްޖެނަމަ އެއީ އިންސާނިއްޔަތަށް ބޮޑު މުސީބާތެއް. އަހަރެމެންނަށް ޖެހޭނެ ހާލާމެދު ވިސްނާ ހަގުރާމަ ުުއްޓޭތޯ ދުއާކުރުން ގިނަކޮއްބަލަ.
ތަހުލީލު
19 October 2022
ސަލީމު އިދުރީސް ކުރިން ކޮށްފައިވާ ކޮމެންޓަކަށް ރައްދު ޖަވާބެއް ދޭން ބޭނުން އޭނާ ބުނެފައިވަނީ 30ސިކުންތުނުވެ 60,000ފ މައްޗައް އީރާނުން މިސައިލް ފޮނުވާ ޔޫއެސް މޮންސްޓަރ ޑްރޯން އާރުކިއު4 ގްލޯބަލް ހޯކް ފުނޑުފުނޑު ކޮށްލިހާދިސާގުޅިގެން މީހުން އަރުވައިގެން ދަތުރުކުރާ ފްލައިޓް ތައް އެޔަށްވުރެ ބާރަށް ދެވެޔޯ މަގޭ ހީހީހަލާކު ވެދާނެ ސަހާދަތް މި ޓެކްނޮލޮޖީ ޒަމާނުގައި ވެސް އަދި ފްލައިޓަކަށް 60,000ފ މަތިން އުދުހުމުގެ ގާބިލުކަމެއްނެތް
ސަލީމު އިދުރީސް
19 October 2022
ތިކަމައް އޮންނާނެ ރައްދުދީފަ! ބުނިއެތި ފަހުނުވާ ސިކުންތަ 6 ކިލޯމީޓަރާ ފަސްދޮޅަސް ހާސްފޫޓުގެ ތަފާތުނޭގޭތި ތިހެންވަނީ! މައްޗެއް ތިޔެއްނުކިޔަން މަގޭބުނީ ތޭތީގެ ބާރުމިން ބޮބޮޑުއެއްޗެއް އެޙަބާރައް އުދުސްބަކައް ތިވަރުކުޑަ ރޮޓަކީ ހައިރާންވަރު ކަމެއްނޫނޭ މިޒަމާނުގަ! އެއީ 60 ގެ އަރުތަކުގަ އުފެއްދި މަތިންދާ ބޯޓެއް އަޑައްވުރެ ދެގުނަ ބާރައް ދަތުރު ކުރާ 2003 ހަމަޔައް ސެޑިއުދަރުކުރި
ބީރުބޮލު ވަޒީރު.
19 October 2022
ޢިއްޒަތްތެރި ސަލީމް އިދުރީސަށް ދަންނަވަން. އެމެރިކާ ކޮންމެ ކަމެއްގައި މޮޅެއް ނޫން. ކޮންމެ އެއްޗެއްވެސް އެރުމާއި ވެއްޓުން އޮންނާނެ. ސަހަރާގެ ހިރަފުހުން އަހަރުމެންގެ ސިކުނޑި ތަގައްޔަރުވެފައި ހުއްޓަސް ގަބޫލުކުރަންޖެހޭ ހަގީގަތަކީ ދުނިޔޭގެ ވެރިކަން މިދަނީ ފުރޮޅެމުން. ހަތިއާރުގެ ރޭހުގާ އީރާން އެއޮތީ އެމެރިކާ ލަދުގަންނަވާލާފަ. ސަލީމުވެސް ހަގީގަތް ގަބޫލުކުރޭ. އިރާނުގެ ސުއިސައިޑް ޑުރޯންތަކުން ރަސިއާއިންތަޅާ ޔޫކުރޭން އެއޮށް ފުނޑާލަނީ.
ބީރުބޮލު ވަޒީރު.
19 October 2022
އިރާނަށް ހީނުވާނެ ކެހެރިއެކޭވެސް. އެމެރިކާ ދަތިކޮށްގެން ނޭވާ ހާސްކޮށްގެން އުޅެނިކޮން ހުރިހާކަމެއްކޮށް ނިންމާލީ. އީރާނުގެ ޑުރޯންތަކާއި މިސައިލްތަކަށް ހުރަސްއެޅޭފަދަ ދިފާއީ ނިޒާމެއް ނޭޓޯގަ ކީއްކުރަންތޯ ދުނިޔޭގަވެސް އަދި އުފެއްދިފަ ނެތް. އެކަން އެންމެ ރަނގަޅަށް އެނގޭނީ އެމެރިކާއަށާއި ސައުދީއަށް. ދެން އިޒްރޭލަށް.
ސަލާހުއްދީން
19 October 2022
ޕާކިސްތާނުގެ ނިއުކުލިޔާރ އާއި އިރާންގެ ޑްރޯން އާއި މިސައިލާ ތުރުކީގެ މަނަވަރުތަކާ ޑްރޯންތަކާއި ޑިޕްލޮމެސީ އާއި ސައުދީގެ ތެލާ ގަތަރުގެ ގޭހާއި، އަރަބި އިސްލާމީ މުޖާހިދުންނަކީ މިއަދު ދުނިޔޭގަ އެންމެ ބާރު ގަދަ އެއްޗަކަށް ވެއްޖެ. ހުޅަގުން ޖެހިލުން ވެއްޖެ. ދެން ބޭނުންވަނީ އެންމެ ކަމެއް.. އަރަބި އަދި އިސްލާމީ ގައުމުތައް އެއްގަލަށް އަރާ އެއް އުއްމަތެއް ގޮތު ތެދުވުން.. އިރާދަ ކުރެއްވިއްޔާ ގިނަ ދުވަހެއް ނެއް… އިޒްރާއީލް ނިމިގެން ދާނެ..
މުގާބޭ ބެ
19 October 2022
ހިޔާލީ ހުވަފެނުގައި ތިޔަ ދަނީ ކާޝިދޫ ކަނޑުން ބޭރަށް
ޖުހާ.
19 October 2022
މުގާބޭ ދޭބަލަ ޔޫރަޕުގެ ދޮންމީހުނަށް ނަށައިދެން. ކިތަންމެ ރުޅިއަޔަސް މިއަދު ފެންނަ ހަގީގަތެއް މުސްލިމުން ބާރުވެރިވެ ކުރިއަރާކަން. ކުދިކުދި ކޮކާތަކެއްފަދަ ޑުރޯންތަކެއް ރަސިއާއަށް ދީގެން މުޅި ނޭޓޯއާއި އެމެރިކާ ލަދުގަންނަވާލީ. ހަރަދުކުޑަ ގެއްލުންބޮޑު ޒަމާނީ ހަތިއާރުގެ އާމަރުހަލާއަކަށް އިރާނުން ދުނިޔޭގެ ލޯ ހުޅުވައިދީފި. ދެން ދޭ މަހަށް.
ކަނޑުކޮހޭ
19 October 2022
ނަމަނަމަ މަށާ ގުޅުުން ނުކަނޑާތި..
48343
19 October 2022
ޒެލެންސްކީކުރީމާ އެއީ މައްސަލައެއްނޫން. ނަންވާނީ ޔާމީނު.
އިގްބާލް11
19 October 2022
ހަމަނުޖެހުމާއި ޓެރަރިޒަމްގެ މައި ޝައުތޯން އަކީ އެމެރިކާ..
ވާން
19 October 2022
ސައުދީ އާއި އިރާން