20 އޮކްޓޯބަރ 2022 - 11:50
15 comments
ރަޝިޔާ ސިފައިންގެ ބާރުގެ ދަށަށް ގެންގޮސް ރަޝިޔާއާ އެއްކޮށްލާފައިވާ، ޔޫކްރޭންގެ ބިންތަކުގައި ތިބި ރަޝިޔާ ސިފައިންނަށް ބޮޑެތި ގެއްލުންތަކެއް ލިބި ފަހަތަށް ޖެހެން މަޖުބޫރުވެފައި ވަނިކޮށް، އެ ބިންތަކުގަ އާއި ރަޝިޔާގެ ބައެއް ސަރަހައްދުތަކުގައި، ރަޝިޔާ އިން ސަލާމަތީ ފިޔަވަޅުތައް ވަރުގަދަކޮށްފި އެވެ.
ރަޝިޔާ އިން ހިފާފައިވާ ޔޫކްރޭންގެ ބިންތައް މިނިވަން ކުރުމަށް، ޔޫކްރޭންގެ ސިފައިން ދެމުންދާ ވަރުގަދަ ހަމަލާތަކުގެ ކުރީމަތީގައި ސާބިތުވެ ނުތިބެވުމުން، ރަޝިޔާގެ އެތައް ހާސް ސިފައިންނެއް މިހާރު ވަނީ އެ ބިންތަކުން ފައިބައިފަ އެވެ. އެއާއެކު، ޔޫކްރޭން ސިފައިން މިހާރު ގެންދަނީ، އެ ގައުމާ އިންވެގެން އޮތް ރަޝިޔާގެ ބައެއް އަވަށްތަކަށް ވެސް ބޮޑުބަޑިން ހަމަލާތައް ދެމުންނެވެ.
ހަނގުރާމައިގެ ކަންތައް ރަޝިޔާގެ ކޮންޓްރޯލުން ނެއްޓޭ ހިސާބަށް ގޮސްފައިވާ އިރު، ރަޝިޔާއާ އެއްކޮށްލި ޔޫކްރޭންގެ ހަތަރު ސަރަހައްދުގައި ރަޝިޔާ އިން އިއްޔެ ވަނީ ކުއްލި ނުރައްކަލުގެ ހާލަތު އިއުލާންކޮށް އާންމުން ބޭރަށް ނުކުމެ އުޅުން މަނާކޮށްފަ އެވެ. ރަޝިޔާއާ އެއްކޮށްލި ހަތަރު ސަރަހައްދަކީ، ލުހާންސްކް، ޑޮނެޓްސްކް، ޒަޕަރީޖިޔާ އަދި ޚެރްސޯން އެވެ.
ޔޫކްރޭންގެ ހަމަލާތައް ވަރުގަދަވުމާ އެކު، އެ ސަރަހައްދުތަކުގެ ވަރަށް ގިނަ އާންމު ރައްޔިތުން ވަނީ، އެ ސަރަހައްދުތައް ދޫކޮށް އެހެން ތަންތަނަށް ދަތުރުކުރަން ފަށައިފަ އެވެ. ނަމަވެސް ކުއްލި ނުރައްކަލުގެ ހާލަތު އިއުލާންކުރުމާ ގުޅިގެން، އެ ސަރަހައްދުން ނުކުމެވޭނެ ގޮތެއް މިހާރު ނެތެވެ.
މީގެ އިތުރުން، ޔޫކްރޭނާ ކައިރީގައި އޮންނަ ރަޝިޔާގެ ބައެއް ސަރަހައްދުތަކުގަޔާއި، 2014 ވަނަ އަހަރު ރަޝިޔާއާ އެއްކޮށްލި ކްރީމިއާ ސަރަހައްދުގައި އިއްޔެ އިން ފެށިގެން ވަނީ މެދުމިނުގެ ސަލާމަތީ ފިޔަވަޅުތަކެއް އަޅައިފަ އެވެ. އޭގެ ތެރޭގައި ހިމެނެނީ، މަގުތަކަށް އިތުރު ސިފައިންނާއި ފުލުހުން ނެރެ، ދުއްވާ އެއްޗެހި ޗެކް ކުރުމާއި، އެ ސަރަހައްދުތަކަށް ވަދެ ނުކުމެވާ އުޅަނދުތަކާއި މީހުން ވަކިވަކިން ބަލައި ފާސްކުރުމެވެ.
ރަޝިޔާގެ ވެރިރަށް މޮސްކޯ ވެސް ހިމެނޭ ގޮތަށް، އެ ގައުމުގެ މެދުތެރޭގެ ބައެއް ސަރަހައްދުތަކުގައި އިއްޔެ އިން ފެށިގެން ވަނީ މަތީ ފެންވަރުގެ ސަލާމަތީ ފިޔަވަޅުތަކެއް އަޅަން ފަށައިފަ އެވެ. އެ ގޮތުން އެއްގަމު އުޅަނދުތައް ބަލައި ފާސްކޮށް، މަގުތަކުގައި ގިނަ ވަގުތު އުޅޭ މީހުންނާ ސުވާލުކުރުމާއި، ރަށުތެރެ ބެލެހެއްޓުން އިތުރަށް ވަރުގަދަކުރުން ހިމެނެ އެވެ.
ގައުމުގެ ސަލާމަތީ ފިޔަވަޅުތައް ވަރުގަދަކުރުމަށް ރައީސް ޕުޓިން އިއްޔެ ނެރުއްވި ރިއާސީ ގަރާރުގައިވާ ގޮތުގެ މަތިން، ކޮންމެ ސަރަހައްދެއްގައި ސަލާމަތީ ފިޔަވަޅުތައް ތަންފީޒުކުރުމާ ބެހޭ މައި މަރުކަޒެއް ގާއިމުކުރުން، އެ ސަރަހައްދެއްގެ ގަވަރުނަރުގެ މައްޗަށް ލާޒިމުވާނެ އެވެ. އޭގެ އިތުރުން އެ ސަރަހައްދެއްގައި ތިބި ރަޝިޔާ ސިފައިންނަށް ބޭނުންވާ ކަންތައް ފުރިހަމަކޮށްދިނުމަށް ވެސް ގަވަރުނަރުންނަށް ވަނީ އަމުރު ކުރައްވައިފަ އެވެ.
ޔޫކްރޭން ހަނގުރާމައިގައި ރަޝިޔާ ސިފައިންނަށް ލިބޭ ގެއްލުންތައް ބޮޑުވުމާ ގުޅިގެން، ޔޫކްރޭންގައި ހުންނަ ރަޝިޔާ ސިފައިންގެ ކޮމާންޑަރު މަގާމުން ދުރުކޮށް އެ މަގާމަށް މި މަހުގެ 10 ވަނަ ދުވަހު ވަނީ އާ ޖެނެރަލެއް އައްޔަންކޮށްފަ އެވެ. ޖެނެރަލް ސަރްގޭ ސުރޮވިކިން އިއްޔެ ވިދާޅުވީ ޚެރްސޯން ސަރަހައްދުގެ ހާލަތު މިހާރު އޮތީ ވަރަށް ނުރައްކާތެރި ފައްތަރެއްގައި ކަމަށާއި، އެ ސަރަހައްދުގައި ތިބި ރަޝިޔާ ސިފައިންނަށާއި އާންމުންނަށް ވެސް ތިބީ ވަރަށް ބޮޑު ނުރައްކަލެއްގެ ތެރޭގައި ކަމަށެވެ.
ރަޝިޔާ ސިފައިން ހިފާފައިވާ، ޔޫކްރޭންގެ އިރުމަތީ ދެ ސަރަހައްދާއި ދެކުނުގެ ދެ ސަރަހައްދު މިނިވަންކުރުމަށް ޔޫކްރޭން ސިފައިން މިހާރު އަންނަނީ ވަރަށް ވަރުގަދަ ހަމަލާތަކެއް ދެމުންނެވެ. އެ ހަމަލާތަކާ ގުޅިގެން، އެ ސަރަހައްދުތަކުގައި ތިބި އާންމުން ރައްކާތެރި އެހެން ތަންތަނަށް ގެންދިއުމަށް ރަޝިޔާ އިން އަންނަނީ ތައްޔާރުވަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަފްރާސިޔާބު
22 October 2022
ޔޫރަޕުން ހުއްޓައިނުލައި އީރާނު ކުށްވެރިކުރަން ފެށީމާ ހަނގުރާމައިގާ ޔޫރަޕު/ނޭޓޯގެ 42 ގައުމު ރަޝިޔާ އަތުން ބަލިވާ ބަލިވުން އީރާނުގެ ބޮލުގައި އަޅުވަން މަސައްކަތްކުރަނީ ކަމަށް ބެލެވެނީ. ރޭގައި އދ.ގެ ސަލާމަތީ މަޖިލީހުގައި މުޅިންހެން ގޮތަކަށް ދެއްކިވާހަޔަކީ އީރާނުގެ ކަމިކަޒް ޑްރޯން އިން ހަމަލާދީ ޔުކްރޭނަށް ބޮޑެތި ގެއްލުންތައް ދިންވާހަކަ. އަސްލުގައި އީރާނުގެ ޑްރޯން އަށް ކިޔަނީ ޝާހެދު-136. ކަމިކަޒް އަކީ މިބުނި ޑްރޯންގެ ރަޝިޔާގެ އުފެއްދުން.
ރައްޒާގު
22 October 2022
އަފްރާސިޔާބު، ކަލޭ މޮޔަނުވެބަލަ. ޔޫރަޕް ނޫޅެ ހަގުރާމައެއްކުރާކަށް، ނޭޓޯ އެއީ ދިފާއީ ގައުމުތަކެއް. ނޭޓޯ އުފައްދަން ޖެހުނީވެސް ޕުޓިން ކަހަލަ ޚުދުމުޚުތާރު ވެރިން ދީފާނެ ހަމަލާޔަކުން ސަލާމަތްވުމަށް. އެކަމަކު ޕުޓިން އެއުޅެނީ ހަގުރާމަ ކުރާހިތުން. ކަމިކާޒޭ ޑްރޯނަކީ އީރާނުގެ އުފެއްދުމެއް. އެކަމަކު އެއަކުންވެސް ހަގުރާމަ ކާމިޔާބެއް ނުކުރެވޭނެ. ޕުޓިން ހަގުރާމަ ނުހުއްޓައިފިނަމަ މި ހަގުރާމަ 3 ވަނަ ބޮޑުހަގުރާމަޔަށްވާނެ. އެއީ އިންސާނިއްޔަތައް ހުރި ނުރައްކަލެއް.
ސަލީމު އިދުރީސް
23 October 2022
އަފުރާ ސިއާބު ކަލޭ ތިކިއަނީ ކީކޭ؟ ޔޫރަފު ރޫސީން އަތުން ބަލިވާނީ ފުރަތަމަ ހަނގުރާމަޔެއް ކޮއްގެން! ޔޫރަފުގަ ހުރި ހަތިޔާރުގެ 95% ހަތިޔާރު ބޭނުކޮއް ޔޫރަފު ބަލިވިއްޔޭ ބުނީމަ ގަބޫލު ކުރާނީ ސައްދާމުގެ ބޮޑުބަޑީ ގެވާހަކަ ގަބޫލު ކުރާތިކަލަ މީހުން! ޔޫރަފުގެ ބޮންއަޅާ ބޯޓެއް ޔޫރޭނު ބެނުކުރޭތޯ! ލިއޮފާޓު، މާޑާ ފަދަ އެއްވެސް ޓޭންކެ މިހަނުރާމާގަ ބޭނުކުރިތޯ! އަތުބޮން ކޮޅާކާ ދަޅުބަޑި ހިފައިން ނިކުމެ ރޫސީން ލަދުގަން ވާލިމަ އަމާޒެންނެތި ޔޫކުރޭނައް ގޮވާތަކެތި އޮއްސަނީ
އަފްރޯޕުޓިން
23 October 2022
އަފްރާސިޔާބު، ތިބޭފުޅާއަކީ މުޅި ދުނިޔެ ހަނގުރާމައިގެ ނުރައްކަލަށް ވައްޓާލުމަށް ތަރުޙީބުދީ، ހަނގުރާމައަށް ބެރުޖައްސަވާ ބޭފުޅެއް. ތިބޭފުޅާއާ، ޕުޓިން ކަހަލަ މީހުންނާހެދި ދުނިޔެ ހަލާކުވަނީ.
އާބެރު
20 October 2022
ރަޝިޔާ ހަނގުރާމަކުރަނީ ޢާންންމުން ފުރާނައަށް ބަލައިގެން ވަރަށް ރައްކާތެރިވެތިބެ. އެހެންވެ ހަނގުރާމަ ދިގުލަނީ. އެމެރިކާ ގައުމުތަކަށް އަރައިގަންނަ ގޮތަށް އަރައިގަންނަ ނަމަ 24 ގަޑިއިރު ތެރޭ ޔޫކްރޭން ބިމާ ހަމަކޮށްލާނެ. މިސަބަބަށްޓަކައި ދުނިޔޭގެ ބޮޑެތި ހުރިހާ ގައުމުތަކުން އެމެރިކާއާ ޔޫރަޕް މޫނުމަތީ ތަފާލެއްއަޅާފަ ރަޝިޔާކޮޅަށް އެރީ. ޔޫރަޕްގެ ވެރިން ރަޝިޔާއާ ދެކޮޅުނަމަވެސް ރައްޔިތުން ތިބީ އެމެރިކާ ބޭނުމަށް ޔޫރަޕްގުރުބާންމުރާތީ ރުޅިގަދަވެ މަގުތަށް މަތީ.
ޓަސްލާ
23 October 2022
އީލޯން މަސްކް ބުނެފައިވޭ ނިއުކްލިއަރ މިސައިލްތަކުން 30 މިނިޓްތެރޭ އެމެރިކާއާ ޔޫރަޕް ހަލާކުކޮށްލެވޭނެކަމުގެ ގާބިލްކަން ރަޝިޔާގެ އެބަހުރި ކަމަށް.
ބީރުބޮލު ވަޒީރު.
20 October 2022
ހަނގުރާމަ ހޫނުވަނީ. އިއްޔެގަ ރަސިއާގެ ނިއުކުލިއަރ ބޮންއަޅާ ބޮޑު ދެ ބޯޓު އެމެރިކާގެ ވައިގެ އެއާރ ޑިފެންސަ ސަރަހައްދުގަ ބާރަގަޑިއިރު ބުރުޖެހި. މިކަން އެމެރިކާއިންވެސް ކަށަވަރުކޮށްދީފި. އަނެއްކޮޅުން އެމެރިކާވެސް ރަސިއާވެސް މިހާރު ތައްޔާރުވަމުން އެދަނީ ނިއުކުލިއަރ ހަމަލާއެއް ދޭންޖެހިއްޖެނަމަ އެކަމަށް ތަމްރީނުތަކެއް ހަދަން ރެޑީވަމުން. ނިއުކުލިއަރ ވޯހެޑު އުފުލާ މިސައިލާއި ބޮންއަޅާ އެންމެ ބޮޑެތި ބޯޓުތައް ބޭނުންކުރާނެ. މިކަން ނިމޭތޯ އެންމެން ދުޢާކުރޭ.
ތަޖުރިބާކާރުން
20 October 2022
މިހާރު މުޅިން ކަށަވަރުވެއްޖެ ޔޫކްރެއިންގެ ދޮންބާސްގައި އާއި ކްރިމިއާގައި އީރާންގެ ރިވޮލިއުޟަނަރީ ގާޑުގެ އިންޖިނޭރުންނާއި ސިފައިންގެ ތަޖުރިބާކާރު ޔުނިޓެއް އޮތްކަން. ވަރަށް ވާހަކަ ދެކެވޭ އަނެއްކާ ކީވްގެ ޕަވަރ ޕްލާންޓު ތަކަށް ހަމަލާދީ ގައުމުން ކަރަންޓާއި އިންޓަނެޓް ނުލިބި އިނދަޖެހުމުގެ ފަހަތުގައި އަނެއްކާ އޮތީ އީރާން ނޫން ކަމެއް.މިބުނީ ކަމިކޭޒް ޑްރޯންތަކުން ހަމަލާދީ މުޅި ޔޫކްރެއިން ގުޑުވާލި ރަޝިއާ ސިފައިން ނަމަކު ހަމަލާއެރުވީ އީރާނުންކަން
ށަވިޔަނި
20 October 2022
އެމެރިކާ ގޮތަށް ހަނގުރާމަ ކުރާނަމަ 24 ގަޑިއިރުތެރޭ ޔުކުރޭން އެއްކޮށް ނައްތާލުމުގެ ބާރު ރަޝިޔާއަށް ލިބިފައިވޭ.
1234ގގ
20 October 2022
ރަސިޔާ މައިތިރިކުރުމަކީ ވާނެކަމެއްނޫން ..މިހާރުވެސް ބަހަމޫތު ސިޓީ ގާތްގަނޑަކަށް އެދަނީ ރަސިޔާ ސިފައިންގެ އަތްމައްޗަށް ފޯލްވަމުން...އަނެއްކާ ޚަރުސަންގާ ހަނގުރާމަ ކުރަނީ ޔުކްރޭން ސިފައިްނަށްވުރެ ބޮޑަށް ފޮރިން ލީޖަންސް އެމީހުންނަކީ އެހާ ތަޖުރިބާ ހުރިބައެއް ނޫން..
އިބުރޭ234
20 October 2022
ޚަބަރު ލިޔަމުންދާއިރު ހަނގުރާމައިގެ މައިދާންވެސް އަންނަނީ ބަދަލުވަމުން ޚަރުސަންގައި ޔުކްރެއިން ސިފައިން ދެ ތިން ވިލެޖެއް ހިފި އެކަމަކު ރަސިޔާގެ ރައްދު ހަމާލާތަށް ވަރުގަދަވަުމުން، ޔުކްރޭން ސިފައިންނަށް ކުރިއެއް ނޭރުނު...ޚަރުސަންގެ ފްރޮންޓްލައިންގައި ތިބި ޔުކްރޭން ސިފައިންނަށް ރަސިޔާއިން ދަނީ ވަރުގަދަ ހަމަލާތަކެއް ދެމުން ބޮޑެތި ގެއްލުންތަށް ވަމުންދާކަމަށްވަނީ
މިއީ ކޮންކަހަލަ
20 October 2022
މިއީ ރަނގަޅު ޚަބަރެއް ނޫން ޚަރުސަންގައި ޔުކްރެއިނުން ވަރުގަދަ ހަމަލަތަކެއް ދިން، އެއީ ފޮރިން ލީޖަންސާއި ގުޅިގެން، ރަސިޔާއިން މިފިޔަވަޅުތައް އަޅަނީ ވަރަށްވަރުގަދަ ހަމަލަތަކެއް ޚަރުސަންގައި ތިބި ޔުކްރޭން ސިފައިންނަށް ދިނުމަށްކަމަށް ހުޅަނގުގެ ތިންކް ޓޭންކްތަކުން ބުނޭ ރަސިޔާގެ ޖެނެރަލް ސަރގޭ ސްރޮވިކިންއަކީ ވަރަށް ރަހުމުކުޑަކޮށް ސީރިއާގެ އިދިލީބަށް ކާޕެޓް ބޮންއެޅި ޖެނެރަލް...އެހެންވީމާ ރަސިޔާ އެތައްޔާރުވަނީ މިކަމަށް..
ސަލީމު އިދުރީސް
20 October 2022
ޕުޓިން މިއޮން ހުރިހާދުވަހު ކުރީކީއްބާ؟ ޔޫކުރޭނު ސިފައިން ދަޅުބަޑިން ހަމަލަދީ ރޫސީންލަދު ގަންވާލައިފި! ކުރިން ރޫސީންނަކީ އެމެރިކާޔާ ވާދަ ކުރެވޭ ބާރުގަދަ ގައުމެއް މިހާރު އެއުޅެނީ ކުޑަ ޔޫކުރޭނު ކައިރީގަ ހިފަހައް ޓާނުލެވިގެން! އެތައް ގައުމެއްގެ މަދަދާ އެކުވެސް އަދި ނޭޓޯއިން ރަގަޅު ހަތިއާރު ދީފިނަމަ ތިމިހުން ކުޑަދުވަސް ކޮޅަކުން މޮސްކޯ ހިފާނެ
ޚާއްސަ
20 October 2022
ވަރުގަދަ އެމަރިކާ ވިއެޓްނާމް އަތުން އަތައް ގޮވައި ތާލިބާނުން އަތުން އަތައްގޮވައި އީރާނުގެ މިލިޓެންޓު ގުރޫޕު އަތުން އިރާގުގައި އަތައްގޮވައި މިވަނީ ކިހިނެއް ބާ؟ ބާރުގަދަ ވައިގެމަގުން ހަމަލާދޭ ޑިފެންސް ސިސްޓަމް ތާލިބާނުންނަށް އަތު ހުރިނަމަ އެމަރިކާގެ އެޔަރ ފޯސް ދުނިޔެއިން ފޮހެލީސް
ޖުހާ.
20 October 2022
ޕުޓިން މިއޮތް ހުރިހާދުވަހު ކުރިމަސައްކަތަކީ ސަލީމް އިދުރީސާއި ލެއްގި ކޮމިސަނަރު ފެނޭތޯ ބެލީ. ނުފެނުނީމަ މިހާރު ބޮޑަށްބެލެވެނީ ޔޫކުރޭނުގެ ދަނޑުބިނަތަކުގަ ފިލައިތިބީކަމަށް. އެހެންވެ ޕޫޓިންއަށް މަޖުބޫރުވީ ޔޫކުރޭނަށް އަރަން. މިފަހަރު އެ ދެމީހުން ހޯދާފަ ހުއްޓާލާނީ.