ޝަރަފުވެރިކަމުގެ ގައުމީ އިނާމު 10 ބޭފުޅަކަށް، ހިތްވަރު ދިނުމުގެ އިނާމު 22 ފަރާތަކަށް އަރުވައިފި

ޝަރަފްވެރިކަމުގެ އިނާމު ލިބިވަޑައިގަތް ބޭފުޅަކަށް ޝަރަފުގެ ހަނދާނީ ފިލާ އަރުވަނީ --- ފޮޓޯ/ރައީސް އޮފީސް

މުއިއްޒު އިބްރާހިމް، މިހާރު

20 އޮކްޓޯބަރ 2022 - 23:04

ޝަރަފުވެރިކަމުގެ މި އަހަރުގެ ގައުމީ އިނާމު 10 ބޭފުޅަކަށް އަދި ހިތްވަރު ދިނުމުގެ ގައުމީ އިނާމު 22 ފަރާތަކަށް ސަރުކާރުން މިރޭ އަރުވައިފި އެވެ.

ގައުމީ އިނާމު ދިނުމަށް ދަރުބާރުގޭގައި ބޭއްވި ޖަލްސާގައި ޝަރަފުވެރިކަމުގެ ގައުމީ އިނާމު ލިބިވަޑައިގަތް ބޭފުޅުންނަށް އިނާމު ހަވާލުކޮށް ދެއްވީ ރައީސް އިބްރާހިމް މުހައްމަދު ސޯލިހެވެ.

ޝަރަފުވެރިކަމުގެ ގައުމީ އިނާމު ދިނީ ދިވެހި ބަހާއި އަދަބިއްޔާތުގެ ދާއިރާއިންނާއި އިޖުތިމާއީ ދާއިރާއިންނާއި ދިވެހި ސަގާފަތާއި އާދަކާދައިގެ ދާއިރާއިންނާއި ތައުލީމީ ދާއިރާ އާއި ސިއްހީ ދާއިރާ އާއި ވިޔަފާރީގެ ދާއިރާ އާއި ތިމާވެށްޓާއި ހަކަތައިގެ ދާއިރާގެ އިތުރުން މަސައްކަތްތެރިކަމުގެ ދާއިރާއިންނެވެ.

ޝަރަފުވެރިކަމުގެ ގައުމީ އިނާމު ލިބިވަޑައިގަތް ބޭފުޅުން:

- ހަސަން ޝާކިރު މުހައްމަދު، ހ. ހުދުފިނިފެންމާގޭ (ދިވެހި ބަހާއި އަދަބިއްޔާތުގެ ދާއިރާ)

- މުހައްމަދު ޝާހިދު ހަލީމް، މ. ޑައިމަންޑްވެލީ (ދިވެހި ބަހާއި އަދަބިއްޔާތުގެ ދާއިރާ)

- ގދ. ތިނަދޫ، އަބްދުﷲ އާރޫޒު (ދިވެހި ސަގާފަތާއި އާދަކާދައިގެ ދާއިރާ)

ޝަރަފްވެރިކަމުގެ އިނާމު ލިބިވަޑައިގަތް ހަސަން ޝާކިރަށް ހަނދާނީ ފިލާ މިރޭ އަރުވަނީ --- ފޮޓޯ/ރައީސް އޮފީސް

- އަހުމަދު ނާޝިދު (އޭޑީކޭ ނާޝިދު) ހ. ރަންރިބުދޫ (ސިއްހީ ދާއިރާ)

- ޑރ. މުހައްމަދު އަންވަރު، ސ. މީދޫ ހަސަންކާރިގޭ (ތައުލީމީ ދާއިރާ)

- މުހައްމަދު ޒާހިރު (މީމުޒަވިޔަނި) މއ. ކިނާރާހައުސް (ތިމާވެށްޓާއި ހަކަތައިގެ ދާއިރާ)

- ޒަރީނާ އަހުމަދު ދީދީ، ސ. ފޭދޫ ކުމުންޒާނިގޭ ( އިޖުތިމާއީ ހިދުމަތުގެ ދާއިރާ)

- އަހުމަދު އަލިމަނިކު، ގ. ވިޔަވަތި (އިޖުތިމާއީ ޚިދުމަތުގެ ދާއިރާ)

- މުހައްމަދު ސޯލިހް (ޑިމްސް ސޯލިހު) މ، ޝުއާޒް (ވިޔަފާރި އާއި އިގްތިސާދުގެ ދާއިރާ)

- އާބިދާ އިސްމާއިލް އަލީ މ. ކަނޑޫކުރި (މަސައްކަތްތެރިކަމުގެ ދާއިރާ)

ހިތްވަރު ދިނުމުގެ ގައުމީ އިނާމު ދެއްވީ 19 ބޭފުޅަކާއި އޯޓިޒަމް އެސޯސިއޭޝަނާއި ކުންފުންޏަކަށާއި ޑީ ޓިއުން ބޭންޑަށެވެ.

ގައުމީ އިނާމު ދޭނެ ބޭފުޅުން ކަނޑައަޅަނީ ރައީސް އުފައްދަވާ ގައުމީ އިނާމާ ބެހޭ ކޮމިޓީންނެވެ.

ރައީސް އޮފީސް ގައުމީ އިނާމް ރައީސް އިބްރާހިމް މުހައްމަދު ސޯލިހް ރާއްޖޭގެ ގައުމީ ދުވަސް

18 ކޮމެންޓް, 16 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މަލާމާތްކުރަނީއޭ

21 October 2022

ގައުމީ އިނާމާއި ޝަރަފުވެރި ކަމުގެ އިނާމު ސަރުކާރުން ބޭނުންވާ މީހަކަށް ދޭ ގޮތަށް ގަވާއިދު ތަކެއް ރައީސަކަށް ހުންނަ މީހަކަށް ފެންނަ ގޮތަށް ހަދައިގެން ތިޔާދޭ ގައުމީ އިނާމާއި ޝަރަފުވެރި ކަމުގެ އިނާމަކީ އެއީ އެއްގޮތަކަށް ވެސް އޭގެ ހައްގުވެރިންނަށް ދޭ އެއްޗެއް ކަމަށް ރައްޔިތުންނަށް ގަބޫލުކުރަން ވަރަށް ދައްޗޭ ސަބަބަކީ ތިޔާގެ ތެރޭން ހަކަތައިގެ ދާއިރާ އިން ޝަރަފުވެރި ކަމުގެ އިނާމު ލިބުނު މީހާ އަކީ ހަކަތައިގެ އަލިފުބާ ވެސް ދަންނަ މީހެއް ނޫނޭ ދެން ދުނިޔެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފިނާ

21 October 2022

ޤައުމީ އިނާމު ދިނުމުގެ ޖަލްސާ ވަރަށް ފުރިހަމަ. އިނާމު ދެއްވާއިރު ސްޓޭޖަށް އެ އަރާ ކުދިންގެ ޓައިމިންގެ ފުރިހަމަ ކަމާއި ވަރަށް އޮމާންކޮށް އެކަން ގެންދިޔަކަން ފާހަގަކޮށްލަން. މިހާ ފުރިހަމަކޮށް އެހެން ތަންތަނުންވެސް މިކަން ކުރާނަމައޭ ހިތަށް އަރާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަޒުލާ

21 October 2022

ޤައުމީ އިނާމު ކޮމިޓީއަށް ސެލިޔުޓް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދަހުޝީން

21 October 2022

ޤައުމީ އިނާމެއް ދޭން ދެން ބެލޭނީ މިފެންވަރަށް. ރަށްރަށަށް ކޮމިޓީގެ މެންބަރުން ވަޑައިގެންވެސް ބައްލަވައިފި،. އެތައް ބަޔަކާ އިންޓަރވިޔު ކުރައްވައިފި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނޫރު

21 October 2022

ޤައުމީ އިނާމު ކޮމިޓީން އެކުރައްވާ މަސައްކަތަށް ސާބަސްދެން. ވަކި ކޮޅަކަށް ނުޖެހި އިންސާވުވެރިކަމާއެކު މީހުން ހޮވަނީ. ކުޑަ މިސާލެއް. ރައީސް ވަހިދުގެ އަނބިކަނބަލުން އި؛ލްހާމްގެ އެސޯސިޢޭޝަނަށް އިނާމު ދިނުން. ވަކި ފިކުރެއްގާ ކޮމިޓީން މަސައްކަތް ކުރިނަމަ ނުދިނީސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖިމް

21 October 2022

ވަރަށް އިންސާފުވެރި ނިންމުންތަކެއް. އިތުރަށް ބުނާނެ އެއްޗެއް ނެތް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަލައިގަންނާނީދޯ

21 October 2022

ގައުމީ އިނާމާއި ޝަރަފުވެރިކަމުގެ އިނާމު މީ ސީދާ ދިވެހިރައްޔިތުންގެ ނަމުގައި ދޭ އިނާމު ތަކޭ ދެން ވެރިކަމަށް ވޯޓް އިން ވައްކަން ކޮށްގެން އައިސް ތިބޭ ބަޔަކު އެމެންނަށް ފެންނަ ބަޔަކަށް ދޭ ގައުމީ އިނާމާއި ޝަރަފުވެރި ކަމުގެ އިނާމާއި މެދު ވަރަށް ބޮޑެތި ޝައްކާއި ވަހުމް ތަކެއް އެބަހުއްޓޭ މިކަން ކުރަންވާނީ ރައްޔިތުންގެ ވޯޓަކުން ވޯޓްލާ މީހުންގެ %85 ވޯޓް މިއިނާމުދޭ މީހަކަށް ލިބިގެންނޭ އެއިރުންނޭ އެފަދަ މީހަކީ އެއީ ރައްޔިތުން އެމީހަކަށް ލިބޭ އިނާމު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަމަކުނުދޭކަމަކުނުދޭ

21 October 2022

ގައުމީ އިނާމު ދޭ ގޮތާއި މެދު ޔަގީނުން ވެސް މާލެ ސަރަހައްދުގެ 10 ދިވެހިން ވެސް އެއްބަސްނުވާނެއޭ އެއީ އިންސާފުވެރިކަމާއި އެކު އެންމެ ހައްގު ވެރިފަރާތަށް ކަން އެ އިނާމު ދެނީ މިހާރު ގައުމީ އިނާމު ދޭ ގޮތާއި އަދި އެ އުސޫލު ތަކާއި މެދު ވަރަށް ބޮޑަށް އޭގެ ތެދު މައުލޫމާތު ހުންނަ ކަމާއި މެދު ޝައްކޭ އެކަން އެންމެ އިންސާފުވެރިވާނީ އެކަމަށް އެދޭ މީހުންނަކީ އޭގެ ހައްގުވެރިންތޯ ބަލަން ރައްޔިތުންގެ ފެންނަ ނުފެންނަ ވޯޓަކަށް ދިއުމޭ ލިބެންވާނެ %85 ވޯޓް މަދުވެގެން