ކަރެކްޝަނަލް ސާވިސްގެ ޓްރެއިނިންގައި އުޅެނިކޮށް ނިޔާވި އާމިނަތު ނަޝްވާ ނަސީމް --
30 އޮކްޓޯބަރ 2022 - 23:37
9 comments
މޯލްޑިވްސް ކަރެކްޝަނަލް ސާވިސްގެ ތަމްރީނެއްގައި އުޅެނިކޮށް މިއަދު ނިޔާވި ޒުވާނާގެ ހަށިގަނޑު އޭނާގެ އުފަން ރަށް އައްޑޫ ހިތަދު އަށް ޖަނާޒާގެ ކަންކަން ފުރިހަމަ ކުރަން ގެންދަން ނިންމައިފި އެވެ.
އެ ރަށު އަސުރުމާގޭ އާމިނަތު ނަޝްވާ ނަސީމް، 18 މިއަދު މެންދުރު ނިޔާވީ ޖަލުތައް ބަލަހައްޓާ އިދާރާއާ އަލަށް ގުޅި، އިންސްޓިޓިއުޓް ފޯ ކަރެކްޝަނަލް ސާވިސް އިން ކުރިއަށް ގެންދާ އަސާސީ ތަމްރީނު ކޯސް ހަދަމުން ދިމާވި ކަމަކަށް ފަރުވާ ދެނިކޮށް މެންދުރު 2:02 ގަ އެވެ.
ކަރެކްޝަނަލް ސާވިސް އިން ބުނީ، ފެތުމާ ބެހޭ ސެޝަންގައި މިއަދު ހެނދުނު 11:30 ހާއިރު ފަތަން އުޅުމުގެ ތެރޭގައި ނަޝްވާ އަށް އާދަޔާ ހިލާފު ގޮތްތަކެއް ވާކަން ފާހަގަކުރެވިގެން އޭނާ ވަގުތުން މޫދުން ނެގި ކަމަށެވެ.
ހަށިގަނޑުގެ ވިންދު އޭރު ނެތްކަން ފާހަގަކުރެވިގެން، އަވަސް ފަރުވާ ދޭން މާފުށީ ހެލްތު ސެންޓަރަށް ގެންދިއުމުން އެ ސެންޓަރުގެ ޑޮކްޓަރުގެ ލަފާގެ މަތިން އިމަޖެންސީގައި މާލެ ގެނެސް އައިޖީއެމްއެޗުގައި އަވަސް ފަރުވާ ދިން ކަމަށް ކަރެކްޝަނަލް ސާވިސް އިން ބުންޏެވެ. ނަމަވެސް ފަރުވާ ދެނިކޮށް އޭނާ ނިޔާވީ އެވެ.
ނަޝްވާގެ ހަށިގަނޑު މިހާރު އޮތީ ގަލޮޅު މޯޗަރީގަ އެވެ. ހިތަދު އަށް ގެންދާ ވަކި ވަގުތެއް އަދި ނޭނގެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޙިނި
31 October 2022
ތިޔަ މަރު ތަހުގީގު ކޮއް މުވައްޒަފުންނާ މުވައްސަސާ ޒިންމާދާރު ކުރުވާ އޭރުން މުސަތަގުބަލުގައި އަލައް ޖޮއިން ކުރާ ކުދިންގެ ފުރާނަ ސަލާމަތް ކުރަން އެޅޭ ރައްކާތެރި ކަމުގެ ފިޔަވަޅަކައް އެވާނީ. މައްޔިތާގެ ފުރާނަ އައް ﷲ ހެޔރަހުމަތް ލައްވާށި.
ސަބާޓޯ
31 October 2022
އަސްލު މާބޮޑު ވަރު ކޮށްލަނީ. ސިފައިންގެ ފުލުހުންގެ ޖަލު ބަލަހައްޓާ މީޙުންގެ ތަމްރީނުތަކުގައި މަރުވާ މީހުންގެ މައްސަލަބަލަނީކީ ނޫން. މިކަން ބަލާނެ ބަޔަކުވެސް ނެތް.
ޓާމްރީނު
31 October 2022
ތަމްރީނުތަށް ކުޑަކޮށް ލުއި ކޮއްލަން ފެނޭ. އެހެނީ ފަހުގެ ޖެނެރޭޝަނަކީ ވަރަށް ލޯބިން ބޮޑުވި ކުދިބައެއް. އަހަރުމެން ޒަމާނު ހެނެއް ނޫނެވެ. ދެންވެސް ވާނީ ހަމަ އެހެނެވެ
ބްލީ
31 October 2022
މީ ޖެނެރޭޝަނާ ގުޅުންހުރި ކަމެއްނޫން. މިހާރު ޒުވާނުން އަސްލު މާފިޓު ކުރީގެ މީހުންނަށްވުރެ. އެކަމަކު ޓްރޭނިންގ ތައް ހައްދު ފަހަނައެޅީމަ އެއްވެސް އިންސާނަކަށް ކެތެއްނުވާނެ.
ފިޓޭ
31 October 2022
ބްލީ.. ހަގީގަތަށް މީހަކު އެއްޗެކޭ ބުނެފަ އޮތީމަ ކޮންމެވެސް ރައްދެއް ދިނީ ދޯ.. ނިކަން ދުނިޔޭގެ ހުރިހާ ދިރާސާއެއްވެސް ބަލާލަބަލަ ކޮންތަނެއް މިހާރު ފިޓީ
ށަވިޔަނި
31 October 2022
اللهم اغفر لها وارحمها واسكنها في الجنة آمين
ގެދާނޯމޮސް
31 October 2022
ތަމްރީނު ކޯސް ހަދަމުން ދިމާވާ މަރުތަކުގަ މީގެކުރިން ފުލުހުންގެ ޒުވާންދަރި ވަރަކުވެސް ނިޔާވިއެވެ. މެޑިކަލް ޓެސްޓެއް ނަހަދާ ނެރެ ގައިގާ ނެތްވަރުން ހަމަނިދި ނުނިދޭ ޒުވާނުން މަރުވީމާ ޕޯސްޓްމޯޓަން ހަދަނީ ސަރުކާރުގެ ހައިބަތު ރައްޔިތުންނަށް ދައްކާލާށެވެ.
ކައްޓަފުޅިއަކުން މީހަކު މަރުވިމަކީ އާދަޔާ ހިލާފު.
31 October 2022
މޫދު ގަ އާދަޔާ ހިލާފު ވުމަކީ ކޮބާ؟ މޫދުގަ ފުރާނަ ގިނަ ފަހަރައް ދާނީ ވަރުބަލިވެގެން ގެނބުނީމަ.
ބަރުތީލަ ކިރަނީ މިކަން ބެލުމަށް
31 October 2022
އިހުމާލުވީ މީހުންގެ މައްސަލަބަލާ ޝަރީޢަތުން ނޮންމަން ޖެހޭނެ އަދި އިހުމާލުވާ މީހުން މަގާމުން ދުރުކުރުން ނުވަތަ އިސްތިއުފާ ދިނުން އޮންނަން ޖެހޭ މިއިން ކަމަކަށް އިބުރާހީމްގެ ބަހެއް ނުމެކިޔާ ދޫކޮށްލައިގެން ހިންނަނީ މީހެއްގެ ފުރާނަ ގެއްލުމަކީ އެއްވެސް ކަމެއް ނޫން