ކުޑަކުއްޖަކާ ބެހުނު މީހަކު 15 އަހަރަށް ޖަލަށް

ކްރިމިނަލް ކޯޓު: ކުޑަކުއްޖަކާ ބެހުނު މީހަކު 15 އަހަރަށް ޖަލަށް ލާން އެ ކޯޓުން އިއްޔެ ވަނީ ހުކުމްކޮށްފައި.

08 ނޮވެމްބަރ 2022 - 10:30

އިތުބާރުކުރެވޭ މަގާމެއްގައި ހުރެ ކުޑަކުއްޖަކާ އެކު ޖިންސީ އަމަލެއް ހިންގިކަން ސާބިތުވެ އުމުރުން 48 އަހަރުގެ މީހަކު 15 އަހަރަށް ޖަލަށް ލާން ކްރިމިނަލް ކޯޓުން އިއްޔެ ހުކުމްކޮށްފި އެވެ.

ކުޑަކުދިންގެ މަސްލަހަތު ހިމެނޭ މައްސަލަތަކުގެ ޝަރީއަތް ހިންގަނީ ސިއްރުން ކަމަށް ވާތީ މި މައްސަލާގައި މިހާތަނަށް ޝަރީއަތުގައި ކަން ހިނގާފައިވާ ގޮތެއް ސާފެއް ނޫނެވެ.

ކްރިމިނަލް ކޯޓުން ބުނީ 2019 ވަނަ އަހަރު އެ ކޯޓަށް ހުށަހެޅި މި ދައުވާ ޝައްކެއް ނެތް މިންވަރަށް ޝަރީޢަތަށް ސާބިތުވާތީ، ކުޑަކުދިންނަށް ޖިންސީ ގޯނާކުރާ މީހުންނާ މެދު ހާއްސަ އުސޫލުތަކަކަށް ޢަމަލުކުރުމުގެ ގާނޫނުގެ ދަށުން 15 އަހަރަށް ޖަލަށް ލާން ހުކުމް ކުރީ ކަމަށެވެ. މިއީ އެ ގާނޫނުގައި އޮންނަ އެންމެ ބޮޑު އަދަބެވެ.

މި އަދަބު އައީ އދ. ދިއްދޫ މީހެއް ކަމަށްވާ ޝާމިލް އާދަމްގެ މައްޗަށެވެ.

މި މައްސަލާގައި ޝާމިލް ހައްޔަރުކޮށް މިހާތަނަށް ތިން އަހަރާއި 13 ދުވަހު ބަންދުގައި ހޭދަކޮށްފައި ވާތީ ޖަލު ހުކުމުން އެ މުއްދަތު އުނިވާނެ އެވެ. އެހެންވެ ޖަލުގައި ހުންނަން ޖެހޭނެ މުއްދަތެއް ކަމަށް ހުކުމުގައި ބުނެފައި ވަނީ 11 އަހަރާއި 8 މަހާއި 17 ދުވަހެވެ.

އޭނާގެ މައްޗަށް ކުޑަކުއްޖެއްގެ ހަށިގަނޑުގައި ޖިންސީ ނިޔަތެއް އޮވެގެން ގަސްދުގައި އަތްލުމުގެ ދައުވާ ވެސް ކުރި އެވެ. އެކަމަކު މި ދައުވާ ސާބިތު ނުވާ ކަމަށް ވަނީ ހުކުމްކޮށްފަ އެވެ.

ކުދިންނަށް ޖިންސީ ގޯނާކުރުން ކްރިމިނަލް ކޯޓް ޖިންސީ އަނިޔާ

2 ކޮމެންޓް, 0 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ދަޤައުމު

08 November 2022

އަވަހޭ މިކަހަލަ މައްސަލަތައް ވެސް ނިންމާލާލެއް ދޯ… 2019ގައި ހުށަހެޅި ދައުވާ ޝައްކެއްނެތް މިންވަރަށް ސާބިތުވާތީ އަދި ކިރިޔާ ހުކުންކުރެވޭ ވަރުމިވީ … ކުޑަކުދިންގެ މަސްލަހަތު ހިމެނޭ މިކަހަލަ މައްސަލަތަކުގެ ޝަރީއަތް މިއަށްވުރެން އަވަހަށް ނިންމޭނެ ގޮތެއް ހޯދަށްޖެހޭ އެބަ …