ޚަބަރު / މ. ނިރުފެހިގޭގެ އަލިފާނުގެ ހާދިސާ

އަލިފާނުގެ ހާދިސާގައި 30 އަށް ވުރެ ގިނަ މީހުން ވަގުތީ ހިޔާތަކަށް

މާލޭގައި ހިނގި ނުރައްކާތެރި އަލިފާނުގެ ހާދިސާގައި ހާލުގައި ޖެހުނު މީހުން މާފަންނު ސްޓޭޑިއަމްގައި ހަދާފައިވާ ވަގުތީ ހިޔާވަހީގައި -- ފޮޓޯ: މިހާރު

ފާތިމަތު އަޖްފާން، މިހާރު

10 ނޮވެމްބަރ 2022 - 10:27

2 comments

ރޭ ހިނގި އަލިފާނުގެ ހާދިސާގައި 31 މީހަކަށް ވަގުތީ ހިޔާ ފޯރުކޮށްދީފައިވާ ކަމަށް ނޭޝަނަލް ޑިޒާސްޓާ މެނޭޖްމެންޓް (އެންޑީއެމްއޭ) އިން ބުނެފި އެވެ.

ގްރައުންޑް ފްލޯއާ އެކު ތިން ބުރިއަށް ހަދާފައި ހުރި މ. ސެންޑްރޯސް ހުޅަނގު ބައިގައި ރޭ 12:30 ހާއިރު އަލިފާނުގެ ހާދިސާއެއް ހިނގައި 10 މީހަކު މަރުވިކަން ކަށަވަރު ވެފައި ވާއިރު އަދިވެސް އަންނަނީ މީހުން ހޯދުމުގެ މަސައްކަތް ކުރަމުންނެވެ. މަރުވި މީހުންގެ އަދަދު އިތުރުވެދާނެ ކަމަށް ބެލެވެ އެވެ.

އެންޑީއެމްއޭ އިން އެންމެ ފަހުން އާންމުކޮށްފައިވާ މައުލޫމާތަށް ބަލާއިރު ވަގުތީ ހިޔާ ހަމަޖައްސައިދިން މީހުންގެ ތެރޭގައި 11 ދިވެހިންނާއި 12 ބިދޭސީން ހިމެނެ އެވެ.

އެންޑީއެމްއޭގެ މީޑިއާ އޮފިޝަލް "މިހާރު" އަށް ވިދާޅުވީ މި އަދަދަށްވުރެ މީހުން އިތުރުވުން އެކަށީގެންވާ ކަމަށެވެ. އަދި ވަގުތީ ހިޔާތަކަށް ބަދަލު ކުރުމަށް މިހާރު މަސައްކަތް ކުރަމުންދާތީ ސީދާ އަދަދު ނޭނގޭ ކަމަށް ވެސް އޭނާ ވިދާޅުވި އެވެ.

މިހާތަނަށް މާލޭގައި ހިނގި އެންމެ ބޮޑު އަލިފާނުގެ ހާދިސާއާ ގުޅޭގޮތުން އެ ސަރަހައްދުގައި ބޭއްވި ނޫސްވެރިންގެ ބައްދަލުވުމުގައި އެންޑީއެމްއޭގެ ޗީފް އެގްޒެކެޓިވް ހިސާން ހަސަން ވިދާޅުވީ ރޯވި އިމާރާތް ހިމެނޭހެން ހަތަރު ގެއަކުން މީހުން ހުސްކޮށްފައިވާ ކަމަށެވެ.

"ވަގުތީ ހިޔާއަށް ހަަތަރު ގެއިން ނެރުނު މީހުން ވަނީ މާފަންނު ދަނޑުގައި ގާއިމުކޮށްފައިވާ ވަގުތީ ހިޔާއަށް ބަދަލު ކޮށްފައި. އެއީ 30 ދިވެހިންނާއި 28 ބިދޭސީން. ބިދޭސީންގެ ތެރޭގައި ހިމެނެނީ ބަންގްލަދޭޝް، ސްރީ ލަންކާ، އަދި އިންޑިއާ މީހުން،" ހިސާން ވިދާޅުވި އެވެ.

އޭނާ ވިދާޅުވީ މި ވަގުތު އެ މީހުން ދަނޑުގައި ތިބި ނަމަވެސް ވަގުތީ ހިޔާއެެއްގެ ގޮތުގައި ޖަމާލުއްދީން ސްކޫލު ހެދުމަށް މަސައްކަތް ކުރަމުން އަންނަ ކަމަށެވެ.

ގިނަ ބަޔަކު މަރުވެ ހިނގި މި އަލުފާނުގެ ހާދިސާގައި ރޯވި އަލިފާންގަނޑު ނިއްވާލެވިފައި ވަނީ ރޯވިތާ ހަތަރު ވަރަކަށް ގަޑިއިރު ފަހުންނެވެ.

އަލިފާނުގެ ހާދިސާ އެމްއެންޑީއެފް އެންޑީއެމްއޭ ފަޔާ އެންޑް ރެސްކިއު މ. ނިރުފެހިގޭގެ އަލިފާނުގެ ހާދިސާ

2 ކޮމެންޓް, 0 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަޝޯކް

10 November 2022

މިއިން އެނގެނީ މާލޭގައި މީހުންދިރިއުޅޭ ހާލަތާ އުޅެންވާގޮތަށްވެސް ނޫންކަމާ އުޅެންވާވަރު ތަނެއްވެސް ނޫންކަމާ ބޮޑެތި އިހުމާލުަތަކާ ނާޖާއިޒުއެތައް ކަމެއްހުރިކަމެވެ. އެބަހީ މީހުން އެހެރަ އުޅެނީ ލަކުޑި ގޭސްޗެމްބަރު ތަކެއްގައެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުމީހާ

10 November 2022

ރައްޔިތުންގެ ޓެކްސް ފައިސާގަ ބޮޑެތި މުސާރަތައް ނަގައިގެން އިހުމާލުވާ ފަރާތްތަކާއި މެދު ހަރުކަށި ފިޔަވަޅު އެޅިގެން ތިކަންތައްތައް އިސްލާހުވާނީ. އެގޮތުން މާލޭގެ މޭޔަރާއި، ހައުސިންގ މިނިސްޓަރ އަދި އިމިގްރޭޝަން ކޮންޓްރޯލަރ ހައްޔަރުކޮށް ފިޔަވަޅު އަޅަންވީ