މާލޭގައި ރޭ ދަންވަރު ހިނގި އަލިފާނުގެ ހާދިސާގެ ކަންކަން ބައްލަވަން ރައީސް އިބްރާހިމް މުހައްމަދު ސޯލިހު މިއަދު ހަރަކާތެރިވެވަޑައިގަންނަވަނީ.---ފޮޓޯ: ފަޔާޒު މޫސާ| މިހާރު
10 ނޮވެމްބަރ 2022 - 12:48
19 comments
މާލޭގައި މީހުން ދިރިއުޅޭ އިމާރާތްތަކުގައި ހުންނަ ސިނާއީ މަސައްކަތް ކުރާ ތަންތަން ބަދަލު ކުރުމުގެ މަސައްކަތް ލަސްވެފައިވާ ކަމަށާއި އެ މައްސަލަ ހައްލު ކުރައްވާނެ ކަމަށް ރައީސް އިބްރާހިމް މުހައްމަދު ސޯލިހު މިއަދު ވިދާޅުވެއްޖެ އެވެ.
އެ މަނިކުފާނު އެހެން ވިދާޅުވީ، މ. ސެންޑްރޯސް ގޭގައި އަލިފާން ރޯވެ 10 މީހަކު މަރުވި ހާދިސާ އާ ގުޅިގެން މިއަދު އެ ސަރަހައްދަށް ވަޑައިގެން އެ ތަން ބައްލަވައިލެއްވުމަށް ފަހު ނޫސްވެރިންގެ ސުވާލުތަކަށް ޖަވާބު ދެއްވަމުންނެވެ.
ރައީސް ވިދާޅުވީ މާލޭގައި އެންމެ ފަހުން ހިނގި އަލިފާނުގެ ހާދިސާ އާ ގުޅިގެން ކެމިކަލް ގުދަންތައް ބަދަލު ކުރުމުގެ މަސައްކަތް ކޮށްފައިވާ ކަމަށެވެ. އެކަމަކު، އެ މަނިކުފާނު އެ ވިދާޅުވި ގޮތަށް އެކަން ނުކުރެވޭކަން އެޗްޑީސީން މިއަދު މީޑިއާ އަށް ދިން މައުލޫމާތު އެނގެ އެވެ.
އެ ކުންފުނިން ބުނިގޮތުގައި 18 ކެމިކަލް ގުދަނެއް ތިލަފުއްޓަށް ބަދަލުކުރުމުގެ މަސައްކަތް އަދިވެސް ދަނީ ކުރިއަށެވެ. މާލޭގައި ހިންގާ ކެމިކަލް ގުދަނެއްގައި ސެޕްޓެމްބަރު 2019 ގައި ރޯވެ ހިނގި ނުރައްކާތެރި ހާދިސާއާ ގުޅިގެން ކެމިކަލް ގުދަންތައް ތިލަފުއްޓަށް ބަދަލުކުރަން ފެށި މަސައްކަތުގައި މިހާތަނަށް ބަދަލުކުރެވުނީ އެޗްޑީސީން ބުނިގޮތުގައި 34 ގުދަނެވެ.
UPDATE
— Mihaaru (@Mihaarunews) November 10, 2022
އަލިފާނުގެ ހާދިސާ ހިނގި ތަނަށް ވަޑައިގެން ރައީސް އިބްރާހިމް މުހައްމަދު ސޯލިހް މީޑިއާއާ ވާހަކަ
ދެއްކެވުން pic.twitter.com/XrIgCT7zWM
ރައީސް މިއަދު ވިދާޅުވީ، ދެން އޮތީ ގަރާޖުތަކާއި ވޯކްޝޮޕްތައް ބަދަލުކުރުމުގެ މަސައްކަތް ކަމަށާއި ނަމަވެސް މުޅި މައްސަލަ ހައްލު ކުރެވޭނީ މާލޭގެ ތޮއްޖެހުމަށް ހައްލެއް ގެނެސްގެން ކަމަށެވެ.
"ހަގީގަތުގައި ވެސް އެބަހުރި ލަސްވެފައި. މިއީ މިހާރުން މިހާރަށް ހައްލު ގެންނަން ޖެހިފައި އޮތް ކަމެއް މާލޭގައި މި އޮތް މައްސަލަ،" ރައީސް ވިދާޅުވި އެވެ.
ގުޅިފަޅާއި ތިލަފުށީގައި މިހާރު ވެސް ގަރާޖާއި ވޯކްޝޮޕްތައް ބަދަލު ކުރާނެ ތަންތަން ހަދާފައިވާ ކަމަށް ރައީސް ވިދާޅުވި އެވެ.
ކަމާ ބެހޭ ފަރާތްތަކާ މިއަދު މަޝްވަރާ ކުރުމަށް ފަހު، ކުރިން ވެފައި ހުރި ކަންކަމަކީ ކޮބައިތޯ އާއި ކުރިޔަށް އަޅަން ހުރި ފިޔަވަޅުތަކާ ބެހޭ ގޮތުން މަޝްވަރާ ކޮށް، މިހާރުން މިހާރަށް މިފަދަ ހާދިސާތައް ހުއްޓުވުމަށްޓަކައި ކުރަން ހުރި ކަންކަން ބައްލަވާނެ ކަމަށް ވެސް ރައީސް ވިދާޅުވި އެވެ.
މިއީ މާލޭގައި ފަހުގެ ތާރީހެއްގައި އެންމެ ގިނަ މީހުން މަރުވި އަލިފާނުގެ ހާދިސާ އެވެ.
މިހާތަނަށް 10 މީހަކު މަރުވެފައިވާ އިރު އޭގެ ތެރޭގައި ހިމެނެނީ ބަންގަލަދޭޝް އާއި އިންޑިއާ މީހުންނެވެ. އެއް ބަންގްލަދޭޝްގެ މީހެއް އޮތީ އައިޖީއެމްއެޗްގައި ކްރިޓިކަލް ހާލުގަ އެވެ. އެ ތަނުގައި ސްރީ ލަންކާ މީހުން ވެސް ދިރިއުޅެމުން އައި ކަމަށް ރައީސް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދަވާ11
11 November 2022
މައުމޫނުގެ، ގައުމު ދަވާލައި މާލެއަށް ޚަރަދުކޮށް ތޮއްޖެއްސި ލެގަސީ އަކުން އަވަހަކަށް ސަލާމަތެއްނުވާނެ. އެ ލެގަސީއިން ސަލާމަތްވުމަކީ އުނދަގޫކަމެއް.
ނެތޭނެތޭ
11 November 2022
ކިއެއްވެތޭ މާލޭގައި ސިނާއީ މަސައްކަތް ކުރާ ފަރާތް ތައް ޙުޅުމާލޭގައި އޮތް ފަރުކޮޅުފުއްޓަށް ބަދަލު ނުކުރެވެންވީ އަދި ހުޅުމާލޭ އިރުން އޮތް ބޮޑު ފަޅު ހިއްކާ އެތަނުން އަހަރަކު 1 ހެކްޓަރުގެ 24 ހާސް ބިން އަކަމީޓަރަކަށް މަހަކު 1 ރުފިޔާ ކުއްޔެއް ދައްކާ ގޮތަށްދޭންވީ ހުރިހާ ވޯރކްޝޮޕްސް ތައް ހަދަން ކޮންމެ ވޯރކް ށޮޕް އަކަށް 1 ހެކްޓަރުގެ ބިން އެއްވެސް މުސްތަގްބަލެއް ނެތް ރާްއްޖެތެރެއަށް ފައިސާ ޑަމްޕް ކުރި ނަނަވެސް އެއިން ކުރާނެ އެއްވެސް ފައިދާ އެއް ނެތޭ
ލިޔާލާ
10 November 2022
އަނޯނާ ގޯޅި، ރަށްދެބައި މަގުގަ ވެސް ހުރޭ ތިކަހަލަ 2 ގަރާޖު.. ކެމިކަލް ހުރޭ ގަރާޖު ގަ. އެތަނުން އެއް ތަން ހިފައިގެން އެތަށް ބައިވަރު ބޭރު މީހުން ގަރާޖެއް ގަ ނިންދަވަނީ ކުރީގެ އެމްޕީ ރިޔާޒް ރަޝީދު.. ވަރަށް ހަނި ގޯޅި އެއް. ސައިކަލެއް ދިޔަޔަސް މަގު ބަންދު ވޭ... ޢެހާ ހަނި ގޯޅި އެއްގަ ކުރިން ފިހާރައެއް ހުރި ތަނެއްގަ އެހެރީ ވެލްޑިން ކުރާ ވޯކް ޝޮޕެއް... އަޅެ ކަމެއް ވުމުގެ ކުރިން އެތަން ބަންދު ކުރުވާ ބަލަ... ކޮން ވޯކް ޝޮޕެއް ހިންގާ ކަށް ހަނި ގޯޅި އެއްގަ؟
ރިއެކްޝަން
10 November 2022
ރިއެކްޝަން ރައީސް... ރިއެކްޝަން ޕްލޭނިންގ މިނިސްޓަރު....!
އިލާ
10 November 2022
ކުރާނަން..! ބަލާނަން..! އެތައްބައެއްގެ ފުރާނަ ގެއްލުނުއިރުވެސް މިވަރެއްގައި މުޅިންވެސް
ޒިންދަގި
10 November 2022
4 އަހަރު އެހެން
ސާބަސްދެން
10 November 2022
ގަރާޖްތައް ބަދަލުކޮށް ސިންގަލް ބަންކް ބެޑަކަށް 4 މީހުން، ކޮންމެ ބެޑަކަށް ގޭސްފުޅިއެއްގެ ރޭޓުން ތަންމަތި ބަހާލީމާ ތިޔަކަން ޙައްލުވީ؟ ކޮބައިތަ އިންސާނީ ކަރާމާތް؟ މީކީ ވަލުޖަނަވާރުން ނޫނިއްޔާ. ތޮއްޖެހިގެންގޮސް އެކަކު ގައިމަތީ އަނެކަކު ނިދަންޖެހުނަސް އޯކޭ. މާލޭ ބިމަށް ނުކަތާވަރަށް މާލޭގައި އިންސާނުން ގިނަވެއްޖެ. ޚާއްޞަކޮށް ބިދޭސީން.
ހަސަނު
10 November 2022
ގަރާޖުވެސް ބަދަލު ކުރާންޖެހޭ.. އެހެނެއްނޫން 10 ފޫޓު 10 ފޫޓު ތަނެއްގައި 28 މީހަކު ދިރިއުޅެ، ނިދާ ކައްކާ ކައި އުޅުމަކީ ވެސް ވަކި ކުޑަ ކަމެއްނޫން.. ބޭރު މަސައްކަތު މީހުން ނަމަވެސް އެއީ އިންސާނުން އުޅެން ހެޔޮވާ ވަރު ހާލަތެއްނޫން އެއީ.. ދުނިޔޭގެ އެންމެ އެންމެ މަގުބޫލު، އެންމެ އަގުބޮޑު ޓޫރިސްޓު ޑެސްޓިނޭޝަން ގައި މި ހާލަތަށް ކަންކަން ހުރުމަކީ ލަދުވެތިކަމެއް..
ފޫހި
10 November 2022
މާލޭގައި އިންޖީނުހަދާ ތަންތަނުގެ ބޭޜު ވެސް ކަޅުވެފައިވާއިރު އިންސާނުންނަށް ވާނެވަރު ވިސްނާލަބަލަ. މާލޭގައި އެތަށްބައިވަރު ރަނގަޅުކުރަންޖެހޭ ކަންކަން އެބަހުރި. ގޭގެ ވެރިމީހާވެސް ގަރާޖުހަދަން ތަން ކުއްޔަށް ދީފާ ބަޗަނީ އެހެންދިމާއަކަށް. އުނދަގޫވަނީ އެތަނާކައިރީގައި ދިރިއުޅޭ އެހެންމީހުންނަށް. ދެން އޮތީ ބާވެފައިވާ އިމާރާތްތަކުގެ ވާހަކަ. ބިދޭސީން އެތަންތަން ގެސްޓްހައުސްހަދައިގެން އުޅެނީ. ހ. ވައްތީނި ގެސްޓް ހައުސްވެސް އެއީ ވަރަށް ބާ އިމާރާތެއް.
ވޯކްޝޮޕް
10 November 2022
މުޅި މައްސަލަ ހައްލު ކުރެވޭނީ މާލޭގެ ތޮއްޖެހުމަށް ހައްލެއް ގެނެސްގެން، އެހެންވީމަ ދެންވެސް ހުސްބިމެއް އޮތިންޔާ ލަގްޒަރީ އެޕާރޓްމަންޓްސް ބިލްޑިނގް އަޅަން ފެންނަނީ.. ދެން ގުޅިފަޅާއި ތިލަފުއްޓަށް ގަރާޖާއި ވޯކްޝޮޕްތައް ބަދަލުކުރުން މީ މިވަގުތަށް އެންމެ ރަގަޅު ހައްލުބާ؟
ހުސައިން 803
10 November 2022
މިފަދަ ކޮންމެ ތިމާވެރި އަލިފާނުގެ ހާދިސާއެއް ހަމަހިގާތަނުން މާލޭގައިހުރި ގަރާޖްތަކާއި ވޯކްސޮޕްތަކާއި ކެމިކަލް ގުދަންތައް ބަދަލުކުރާ ވާހަކަ ވަރަށް އަޑުހަރުކޮށް ދައްކާނެ، މަޖިސްއަށްވެސް ކުއްލި މައްސަލައެއް ވައްދައިގެ ބަހުސްކޮށް ހަދާނެ ، ހަމަހީވާނީ ހުރިހާ ތަނެއް މިބަދަލު ކުރިއްއޭ. ހަމަ ހަފްތާއެއްވެސް ނުވާނެ ހަދާންހުރި އެކަކުވެސް ނުހުންނާނެ.